2 Коринфичилерге 2

1Силерни муңгагдатпас дээш, силерге база катап барбазын быжыы-биле шиитпирлеп алдым. 2# 2 Кор. 7:8Силерни муңгагдадып турар болзумза, бодумнуң-на муңгагдадып кааным силерден өске, мени өөртүп, хөңнүм чазап турар кым-даа чок. 3Чеде бээримге, силер мени өөртүр туржук, харын муңгагдалче киирип кагбазы-биле, дем бир чагааны бижээн ужурум ол.#2:3 Павел элчин коринфичилерге дем бир чагааны Коринфиде христиан ниитилелден бир-ле кижи ону базымчалапкан соонда бижээн; дем бир чагаа биске четпээн, ындыг-даа болза, чамдык шинчилекчилер ол болза бо чагааның 10–13 эгелери-дир деп санап турар. А мээң өөрүшкүм шуптуңарның өөрүшкүңер боор деп, силер бүгүдеге бүзүрээр мен. 4# 2 Кор. 7:12Мен ол чагааны аажок кударап, караамның суун төп, хөрек-чүрээм дакпыжап оргаш, бижээн мен, ынчалза-даа силерни муңгагдадыр дээш эвес, а силерге ынакшылымның кайы хире күштүүн билип алзыннар дээш.

Улусту муңгагдадып каан кижини өршээри

5Араңарда хөңнүм карарткан бир кижи бар деп бодаар болзуңарза, ол мээң эвес, а бети дизе (хөөретпес дээш, ынчаар чугааладым) шуптуңарның хөңнүн карартып каан болгай. 6# 1 Кор. 5:4-5Силерниң хөй кезииңерниң кеземчези-ле ол кижиге четчир боор. 7А ам ону өршээп, деткээниңер дээре, оон башка ооң сеткил-хөңнү муңгарап, ийлей бээр. 8Ынчангаш силерден дилеп тур мен: аңаа ынааңарны шынзыдып көрүңер! 9Шенелделерни шыдажып эрткениңерни, бүгү чүүлдерге дыңнангыр бооп турарыңарны билип аар дээш, ол чагааны бижээн болгай мен. 10А кымны өршээр-дир силер, мен база ол кижини өршээр мен. А мээң өршээлим дээрге (ол кижини өршээп боор чүүл менде ылап-ла бар болза) ону Христостуң мурнунга силер дээш, 11# 1 Пет. 5:8эрлик бисти кажарлап кааптазын дээш өршээгеним ол-дур. Бис эрликтиң кара сагыштыг бодалдарын эки билир болгай бис.

Буянныг Медээни ак сеткилдии-биле нептередири

12 # Аж.-ч. 16:8; 20:6Ынчаарга Христос дугайында Буянныг Медээни медеглээр дээш, Троада хоорайга чедип кээримге, Дээрги-Чаяакчы ажык орукту меңээ белеткеп каан болду. 13# 2 Кор. 7:6; 8:6; 12:18Ындыг болза-даа, сеткил-сагыжым оожургап шыдавады, чүге дээрге бүзүрээн дуңмам Титти оон тыппайн бардым. Ынчангаш ында чурттап турарлар-биле байырлашкаш, Македонияже чорупкан мен.

14 # Кол. 2:15Бурганга өөрүп четтирдим – Ол бистиң Христоска башкарты бергенивис дамчыштыр Бурганның тиилелгезин көргүзүп турар база Христос дугайында билигни, чаагай чыт дег, чер болганга тарадып чоруур.#2:14 Мында Павел Римге тиилелге демдеглеп, чыскаалып кылашташкан улус-биле деңнелге кылып турар. Эрте-бурунгу Римге тиилелге чедип алган полководчулар чамдыкта триумф азы чыскаал кылыр эрге алыр турган, ынчан чыскаалдың бажынга дайынчы тергеге тиилекчи чоруур, а ооң соондан туттурганнарны шууштурар. Павел элчин Дамаск баар орукка Христоска «тиилеттирген» (Аж.-ч. 9 эгени көр), ынчангаш ам Ооң «туттурган кижизи» апарган. Тиилелге чыскаалдарының үезинде кудумчуларга кыпсыр чаагай чыттыг чүүлдерни ажыглап турган. Павел ол ышкаш бодун чаагай чыттыг чүүлдерни кыпсыры дээш харыысалгалыг кылдыр көргүскен: ол чер болганга Христос дугайында билигни тарадып турар. 15# 1 Кор. 1:18 || Э. д. 8:21; Хост. 29:18; Эф. 5:2; Флп. 4:18Чүге дээрге бис камгалалдың оруу-биле-даа бар чыдар база өлүм-чидимниң оруу-биле-даа бар чыдар улустуң аразында Христостуң Бурганга кывыскан чаагай чыттыг өргүлү бис. 16Чамдык улуска бис – чүгле өлүмнүң бак чыды бис, а өске улуска – мөңге амыдыралдың тынгарыкчы чаагай чыды бис. Кым ол үүлени эдилеп шыдаарыл? 17Хөй-ле улус дег, олча-ажык харааш, Бурганның Медээзин хажытпайн турар-дыр бис. Харын Бурганның чоруткан улузу дег, Христос-биле сырый харылзаалыг бооп, Бурганның мурнунга ак сеткилдиг суртаалдап турар бис.

Currently Selected:

2 Коринфичилерге 2: Ы.Б.2025

Highlight

Copy