1 Пётр 1

Киирилде сөстер

1 # Мф. 4:18-21; Ин. 1:40-42 || Иак. 1:1Иисус Христостуң элчини Пётрдан байыр. Төрээн чериңерден ыракта#1:1 Христианнарның ёзулуг төрээн чурту – дээрде деп бодап турар (Флп. 3:20; Евр. 11:9-10)., Понт, Галатия, Каппадокия, Асия болгаш Вифиния девискээрлеринде тоо быдаргай чурттап чоруур силерге – Бурганның шилип алган улузунга бижидим. 2# Евр. 12:24 || Дан. 3:31; 2 Пет. 1:2; Иуда 1:2Силерни Бурган Ада Бодунуң баш бурунгаар көрген сорулгазын ёзугаар Сүлдезин дамчыштыр ыдыктап, Иисус Христоска чагыртсыннар база Ооң ханы-биле бызай чаштынып арыгланзыннар дээш, аңгылап үскен болгай.

Авырал болгаш амыр-тайбың силерге эң-не элбээ-биле доктаазын!

Дириг идегел

3 # 2 Кор. 1:3; Эф. 1:3 || 1 Пет. 3:21 || Ин. 3:3; Тит. 3:5Дээргивис Иисус Христостуң Бурганы болгаш Адазынга алдар! Ооң өндүр улуг өршээли-биле, Иисус Христостуң өлүглер аразындан катап дирилгениниң ачызында, бис катап төрүттүнгеш, дириг идегелди алган бис. 4# Мф. 6:20; 19:21; Кол. 1:5Бурганның Бодунуң чонунга дээрде шыгжап кааны иривес, арыг, оңмас өнчүнү алзыннар дээш, Ол чаа амыдыралды биске хайырлады. 5# Эф. 2:8Силер, бүзүрелиңер ачызында Бурганның күжү-биле кадагалаттынган улус, сөөлгү үе кээрге ажыттынар камгалалды алыр силер.

6 # Мф. 5:11-12; Иак. 1:2-3Ол бүгү дээш өөрүңер. Элээн үе дургузунда янзы-бүрү шенелделерни болгаш хинчекти көрүп эртер-даа болзуңарза, өөрүңер. 7# Иов 23:10; Ыд. ыр. 65:10; 1 Кор. 3:13 || Рим. 2:10Шенелделер эргежок чугула, чүге дээрге оларны ажып эрткен бүзүрелиңер алдындан үнелиг (а ол дээрге мөңге эвес-даа болза, отка хынаттына бээр бүдүмел болгай), а Иисус Христос ээп кээрге, ол бүзүрелиңер силерни хүндүлел, алдар болгаш мактал-хүндүже чедире бээр. 8# Ин. 20:29Христосту көрбээн-даа болзуңарза, дөмей-ле Аңаа ынак апарган силер. Ону ам көрбейн-даа турзуңарза, дөмей-ле Аңаа бүзүрей берген силер, ынчангаш сөс-биле чуруп болбас чайынналчак өөрүшкүге бүргеткен силер. 9Чүге дээрге Аңаа бүзүрээниңер ачызында камгалалыңар чедип ап турар-дыр силер.

10 # 2 Пет. 1:19Бурганның силерге бээр кылдыр көрүп кааны авырал дугайында өттүр билип медеглеп тура, Ооң медээчилери боттары ук камгалалга хамаарышкан бүгү чүүлдү хынамчалыг шинчилеп турганнар. 11# Рим. 8:9 || Лк. 24:26Христостуң хилинчээниң база ооң соонда алдаржыырының дугайында баш бурунгаар чугаалап тура, Христостуң Сүлдезиниң оларны дамчыштыр медеглеп айытканы үениң кажан база кандыг байдалдарда чедип кээрин билип аар дээш, медээчилерниң айтыртынып турганы ол. 12# Аж.-ч. 2:2-4Бурган медээчилерге оларның боттарынга эвес, а силерге бараан бооп турарын көргүскен. Дээрден айбылап бадырган Ыдыктыг Сүлдеге башкарткаш, Буянныг Медээни медеглээн улустан силер ол бүгүнү ам кээп дыңнаан болгай силер. Дээрниң төлээлери-даа ол бүгүнү аажок билип алыксап, дөстүнмейн турарлар.

Бурганга шынчы амыдыралче кыйгырыг

13 # Мк. 13:33-34; Эф. 6:18; 1 Фес. 5:6Ынчангаш угаан-чүрээңерни белеткеп, серемчилелдиг бооп көрүңер. Иисус Христос ээп кээрге, Бурганның силерже чорудуп бээри авыралга бүрүнү-биле идегеңер. 14# Аж.-ч. 17:30; Эф. 4:18-19 || Рим. 12:2; Тит. 3:3Бурганның мурнунга дыңнангыр ажы-төл дег болуңар, бүдүүлүк дүмбей чораан шааңарда, силерге бар турган бузуттуг күзээшкиннериңер амгы амыдыралыңарны аайлап-башкарбазын. 15# 1 Ин. 3:3; 2 Пет. 3:11Ооң орнунга силерни кыйгырган Бурганның ыдыктыы дег, бодуңарны бүгү-ле чүүлдерге ыдыктыы-биле ап чоруңар. 16# Лев. 11:44; 19:2Бурган Бижилгеде: «Ыдыктыы-биле чурттаңар, чүге дээрге Мен ыдыктыг мен» – дээн болгай.

17 # Ы. х. к. 10:17 || Хост. 4:22; Иер. 31:9; 2 Кор. 6:18Шупту улусту оларның кылган ажыл-херээниң аайы-биле, кымны-даа ылгай көрбейн, шын шиидип турар Бурганга мөргүп тура, Ону Адавыс деп адаар-дыр силер. Ынчангаш чер кырынга түр амыдыраар үеңерде, Бургандан коргуп, Ону хүндүлеп чурттаңар. 18-19# Хост. 12:3; Лев. 1:10; Иса. 53:7; Ин. 1:29 || Аж.-ч. 20:28; Евр. 9:14Чүге дээрге Бурган силерни ада-өгбеңерден салгап алганыңар хей-хоозун амыдыралдан адырар дээш, алдын азы мөңгүн ышкаш үнезин чидириптер чүүлдер-биле эвес, а арыг болгаш кем чок Хураган – Христостуң үнелиг ханы-биле төлээн дээрзин билир-дир силер! 20# Евр. 1:2Бурган Ону өртемчейни чаяар бетинде-ле шилип алган, ынчалза-даа Ол чүгле сөөлгү үеде силерни камгалаары-биле чедип келген. 21Христосту өлүглер аразындан катап диргискен база алдаржыткан Бурганга Ону дамчыштыр бүзүрээн силер. Ынчангаш Бурганга бүзүрээр-даа, идегээр-даа силер.

22 # Ин. 13:34; Рим. 12:9; Евр. 13:1Алыс шынга#1:22 Өске бурунгу сөзүглелдерде бо сөстерге «Сүлде дамчыштыр» деп сөстерни немээн. дыңнангырыңар-биле сагыш-сеткилиңерни ам арыглап алгаш, бүзүрээн ха-дуңмаңарга ам шынчы ынакшып боор силер. Ынакшып эгелээш, бот-боттарыңарга арыг чүрээңер ханызындан ынак болуңар! 23# Ин. 1:13; Евр. 4:12Чүге дээрге өлүп төнер үрезинден эвес, а дириг база мөңге амыдыраар Бурганның сөзүнден катап төрүттүнген силер.

24 «Бүгү улус оът-сигенге дөмей, а оларның чараш-каазы шөлде оът-сигенниң чечээ дег. Оът-сиген кадып каарга, чечээ тоглай бээр, 25# Иса. 40:6-8; Иак. 1:10-11а Дээрги-Чаяакчының сөзү мөңгези-биле артар» деп Бижилгеде чугаалаан. Силерге медээлээн камгалалдың сөзү ол-дур.

Currently Selected:

1 Пётр 1: Ы.Б.2025

Highlight

Copy