1 Коринфичилерге 6

Бүзүревээннерге шииткел херектери сайгартпаңар

1 # Мф. 18:17Ха-дуңмазы-биле чөрүлдээ үнүп кээрге, силерниң кайы-бирээңер Бурганның улузунуң эвес, а бүзүрели чок улустуң шииткел кылыр черинге чаргызын үзе шииттирерин канчап диттирил? 2# Мф. 19:28Кай, Бурганның улузу бо делегейни шиидер дээрзин билбес силер бе? Алызы барып бо делегейни шиидер ужурлуг улус, таанда-ла ындыг чугула эвес херектерни боттарыңар шиитпирлеп шыдавазыңар ол бе? 3Дээрниң төлээлерин шиидеривисти билбес улус силер бе? Таанда-ла амыдыралчы айтырыгларывысты боттарывыс шиитпирлеп шыдавас бис бе? 4Хүн бүрүнүң маргылдаалыг херектерин шиитпирлээрде, христиан ниитилелге кандыг-даа хамаарылга чок улусту канчап шииткекчилер кылдыр томуйлап аар силер? 5# 1 Кор. 15:34Ыяткаш, арныңар кыссын! Таанда-ла Бурганга бүзүрээн ха-дуңма улузуңарда чаргы чарып шыдаар чаңгыс-даа угаанныг кижи чок болганы ол бе? 6А дөмей-ле, ха-дуңмашкы улус эртип, удур-дедир шииткел черинге билдиржир, ам артында бүзүревээн улус мурнунга чаргылдажыр-дыр силер.

7 # Мф. 5:39-40Шынап-даа болза, араңарда чаргылдажып турарыңар-ла силерни бакка суга бээр-дир. Хомудап артарыңар оон дээре турбаан бе? Когарап артарыңар оон дээре эвес бе? 8А силер боттарыңар артында-ла ха-дуңмаңар боор улусту безин хомудадыр, оларга когарал чедирер-дир силер.

9 # Гал. 5:21; Эф. 5:5 || Хост. 20:14; Евр. 13:4Чөптүг-шынныг эвес улус Бурганның Чагыргазын салгап албазын билбезиңер ол бе? Бодуңарны мегелевеңер. Самыыраар, дүрзү-бурганга мөгеер, ашак-кадайынга өскерлир улус, а ол ышкаш самыын-садар эрлер, эр улус-биле холбажыр эрлер; 10# Мк. 7:21-23; Гал. 5:19-21ооржу, чазый-чилби, арагачы, нүгүлчү азы акша бузурар улус – олар шупту Бурганның Чагыргазын салгап албас. 11# Эф. 2:2 || Ин. 13:8; Эф. 5:26; Тит. 3:5; Евр. 10:22Силерниң чамдыыңар шак-ла ынчаар амыдырап чораан болгай. Ынчалза-даа Дээрги Иисус Христостуң ады-биле бистиң Бурганывыстың Сүлдезинге арыдыр чугдурган, ыдыктаттырган база агартырган силер.

Самыын-садар херээженнер-биле христианнар холбашпазын

12 # 1 Кор. 10:23«Меңээ бүгү чүвени чөпшээрээн» – деп болур силер#6:12 Ол сөстер Павелдиң коринфичилерден алганы чагаадан цитата эвес, а Павелдиң бодунуң бадыткалы деп бодал база бар., ынчалзажок ооң шуптузу меңээ ажыктыг болбас. «Меңээ бүгү чүвени чөпшээрээн», ынчалзажок чүү-даа чүве мени чагырып албас ужурлуг. 13«Чем – хырынга, а хырын – чемге херек», ынчалза-даа Бурган оозун-даа, өскезин-даа бир дөмей узуткап каар. Мага-ботту самыыраарынга эвес, а Дээрги-Чаяакчыга бараалгаткан болзун; а Дээрги-Чаяакчы мага-ботту чагырзын. 14Бурган Дээрги Иисусту өлүглер аразындан катап диргизип каан; Ол бисти база Бодунуң күчү-күжү-биле катап диргизиптер. 15# Эф. 5:30Кай, силерниң мага-бодуңар Христостуң мага-бодунуң кезектери боорун билбезиңер ол бе? Ындыг болганда, канчап-ла мен, Христос-биле харылзаалыг кезектерни ап алгаш, самыын-садар херээжен-биле харылзаалыг кылып каар мен? Ындыг боор ужур чок! 16# Э. д. 2:24; Мк. 10:7-8; Эф. 5:31Кай, самыын-садар херээжен-биле холбажып турар кижи ооң-биле кады чаңгыс мага-боттуг апаарын билбезиңер ол бе? Бижилгеде мынчаар бижээн-не болгай: «Ийи кижи чаңгыс мага-ботка катчыр». 17# Эф. 4:4А Дээрги-Чаяакчы-биле харылзаалыг апарган кижи Ооң-биле кады чаңгыс Сүлдеге каттышкан.

18 # Гал. 5:19; Эф. 5:3; 1 Фес. 4:3Самыыраар чоруктан чайлап чоруңар. «Кижиниң үүлгеткени кандыг-даа бачыт ооң мага-бодунга хамаарылга чок» деп болур силер, ынчалзажок самыырап турар кижи бодунуң мага-бодунга удур бачыт үүлгедир. 19# Рим. 14:7Кай, силерниң мага-бодуңар Бургандан хүлээп алганыңар, силерниң араңарда амыдырай берген Ыдыктыг Сүлдениң өргээзи боорун билбезиңер ол бе? Силер ам бодуңарны баш билбес силер! 20# 2 Пет. 2:1; 1 Кор. 7:23Чүге дээрге Бурган силерни улуг өртек-биле садып хостаан. Ынчангаш мага-бодуңар-биле#6:20 Өске бурунгу сөзүглелдерде «Мага-бодуңар-биле» деп сөстерге «База Бурганга хамааржыр сеткил-сагыжыңар-биле» деп сөстерни немээн. Бурганны алдаржыдыңар!

Currently Selected:

1 Коринфичилерге 6: Ы.Б.2025

Highlight

Copy