1 Коринфичилерге 3

Улус-биле эвес, чүгле Бурган-биле мактаныңар

1Ынчаарга, ха-дуңма, мен силерге, Сүлдеге башкарткан улуска дег, чугаалап шыдавас турдум, а биеэги кижи бүдүжүнүң күзээшкиннеринге алыскан улуска дег, Христос-биле харылзаалыг чаш төлдерге дег, чугаалап турдум. 2# 1 Пет. 2:2; Евр. 5:13Мен силерни кадыг чем-биле эвес, а сүт-биле чемгерип турдум, чүге дээрге кадыг чем чиир харыыңар чок турду, ам безин ындыг хевээр-дир силер. 3# 1 Кор. 1:10-11 || Гал. 5:19-20Бачыттыг бүдүжүңерге чагыртыр хевээр-дир силер. Араңарга адааргал, алгыш-кырыш ам-даа бар турда, биеэги бүдүжүңерниң күзээшкиннеринге алыскан улус боор эвес силер бе, бодуңарны бүгү бо делегейниң улузу дег ап чоруур эвес силер бе? 4Бирээңер: «Павелдиң талалакчызы мен», а өскеңер: «Аполлостуң талалакчызы мен» – деп турар болза, өске бүгү улус дег болбаан силер бе?

5 # Аж.-ч. 18:24; 19:1; 1 Кор. 1:12; 4:6; 16:12 || Эф. 3:7; Кол. 1:25Ынчаарга Аполлос деп кымыл? А Павел деп кымыл? Олар чүгле бараан болган улус-тур. Оларның ачызында Христоска бүзүрээн силер, Дээрги-Чаяакчы оларның кайызынга-даа тускай ажыл-херекти дааскан. 6# Аж.-ч. 18:4-11, 27-28 || Ин. 4:36-38Мен үрезин тарыдым, Аполлос ону суггарып турган, а Бурган өстүрүп каан. 7# Гал. 6:3Тараан болгаш суггарган кижиде онза чүү-даа чок, чүгле өстүрүп каан Бурганда чугула ужур-утка бар-дыр. 8# Мф. 16:27; 2 Ин. 1:8Тарып турар кижи биле суггарып турар кижи чаңгыс сорулгалыг, оларның кайызы-даа кылган ажыл-херээнге дүүштүр шаңнал алыр. 9# 2 Кор. 6:1 || Эф. 2:20-22Бис Бурган-биле кады чаңгыс ажыл-херек кылып турар бис, а силер – Ооң шөлү, Ооң тудуу силер.

10 # Рим. 15:20Мен, мерген угаанныг тудугжу дег, Бурганның меңээ хайырлаан авыралы-биле үндезинни салып кагдым, а ооң кырынга аңгы кижи тудуп үндүрер. Ындыг-даа болза, кижи бүрүзү канчаар тудуп үндүреринче кичээнгей салзын. 11# Иса. 28:16; Эф. 2:20; Кол. 2:7; Ажыд. 21:14Кым-даа салып каан үндезинден аңгы чаа үндезин салып шыдавас, а ол үндезинивис – Иисус Христос-тур. 12Кандыг-бир кижи шак ол үндезинге тудуп үндүрүп тура, алдын, мөңгүн, үнелиг эртине даштар азы ыяш, сиген, саваң ажыглап боор. 13# 1 Кор. 1:7 || 1 Кор. 4:5 || 1 Пет. 1:7Кымның-даа ажыл-херээ илдең апаар, Христостуң ээп кээр хүнү бүгү чүүлдү көскү кылыптар, чүге дээрге Бурганның оду-биле шылгай бээр. Кижи бүрүзүнүң кандыг ажыл-херек бүдүргенин ол от шылгаар. 14Кандыг-бир кижиниң бүдүрген ажыл-херээ – туткан тудуу шылгалданы эрте берзе, ол кижи шаңнал алыр. 15# Ам. 4:11; Зах. 3:2А бүдүрген ажыл-херээ өрттенип калза, ол когарап үнер. Ындыг-даа болза, ол кижи камгалал алыр, чүгле оозу, оттан ушта тырткан дег, арга чадаарда камгалал болур.

16 # Рим. 8:9; 1 Кор. 6:19; 2 Кор. 6:16Бурганның өргээзи бооп турарыңарны база Бурганның Сүлдези иштиңерде амыдырай бергенин билбезиңер ол бе? 17# Эф. 2:21Бурганның өргээзин узуткап турар кижи бар болза, Бурган ол кижини узуткаар, чүге дээрге Бурганның өргээзи ыдыктыг, а силер дээрге ол өргээ-дир силер.

18Бодуңарга бодуңар дуурайлатпаңар. Кайы-бирээңер бо делегейниң улузунуң билиишкини-биле мерген угаанныг мен деп бодап турар болза, херек кырында мерген угаанныг боор дээш, ол кижи «мелегей» апарзын. 19# У. ч. 21:30; Иса. 44:25; 1 Кор. 1:20 || Иов 5:13Бо делегейниң улузунуң мерген угааны – Бурганның мурнунга мелегей чүүл-ле болгай. Бижилгеде мынча деп бижээн-дир:

«Ол мерген угаанныг дирткеннерни оларның-на кажары-биле тудар».

20 # Ыд. ыр. 93:10-11А оон ыңай:

«Дээрги-Чаяакчы мерген угаанныгларның бодалдары чүгле хей-бус дээрзин билир».

21Ынчангаш кым-даа улус-биле мактанмазын, чүге дээрге бүгү чүве силернии-дир: 22Павел, Аполлос, Кифа Пётр азы бо делегей-даа, амыдырал азы өлүм-даа, амгы азы келир үе-даа – ол бүгү силернии-дир, 23# 2 Кор. 10:7; Гал. 3:29ынчаарга боттарыңар Христоска хамааржыр силер, а Христос – Бурганга.

Currently Selected:

1 Коринфичилерге 3: Ы.Б.2025

Highlight

Copy