1 Коринфичилерге 11

1 # 1 Кор. 4:16; 1 Фес. 1:6; 2 Фес. 3:7Христостуң үлегер-чижээн эдерип чоруурум дег, мени өттүнүп көрүңер.

Бурганны алдаржыдып тура, кижиниң бажын шывар-шыппазы

2Мени сактып артканыңар дээш база силерге дамчытканым өөредигни олчаан эдерип чорууруңар дээш силерни мактап каайн. 3# Эф. 1:22; 4:15 || Э. д. 3:16; Эф. 5:23 || Ин. 14:28; 1 Кор. 15:24Ынчалза-даа мону билип аарыңарны күзеп тур мен: эр кижи бүрүзүнге Христос «баш» боор, херээжен кижиге – эр кижи «баш» боор, а Христоска – Бурган «баш» боор. 4Ынчангаш бажын шып алгаш, мөргүүр азы өттүр билип медеглээр эр кижи бүрүзү «бажын» бак атка киирер. 5# 4 Хаан. 22:14; Лк. 2:36; Аж.-ч. 21:9А бажын шып албайн, мөргүүр азы өттүр билип медеглээр херээжен кижи бүрүзү бодунуң «бажын» бак атка киирер. Ол бажын тазарты чүлүп алган херээженге дөмей. 6# Ы. х. к. 21:12Херээжен кижи бажын шывар хөңнү чок болза, шуут дөңгүр баштыг-даа боору аңаа хамаанчок. А херээжен кижиге бажын таартыры азы дөңгүрертирери бужар чорук боор төлээде, ол бажын шып алзын.#11:6 Ол үеде херээжен улус чүгле кажыыдалда бажын таартыр турган.

7 # Э. д. 1:26Эр кижи бажын шыппас ужурлуг, чүге дээрге ол – Бурганның овур-хевири болгаш, Ону алдаржыдып турар-дыр. А херээжен кижи – эр кижини алдаржыдып турар. 8# Э. д. 2:21-23Херээжен кижиден эр кижи эвес, а эр кижиден херээжен кижи тывылган. 9# Э. д. 2:18Эр кижи херээжен кижиге ачы-дузалыг кылдыр чаяаттынмаан, харын херээжен кижини эр кижиге ачы-дузалыг кылдыр чаяап каан. 10Ындыг болганы дээш база дээрниң төлээлери дээш херээжен кижи бажын шып алган чоруур ужурлуг#11:10 Бо домактың утказы эки билдинмес. Ооң сөс сүрүп очулдурган утказы мындыг: «Ол дээш база дээрниң төлээлери дээш херээжен кижи бодунуң бажының кырынга эрге-чагыргалыг турар ужурлуг».. 11# Гал. 3:28Ындыг-даа болза, Дээрги-Чаяакчыга башкарты бергенде, эр кижиге хамаарышпас херээжен-даа, херээжен кижиге хамаарышпас эр-даа турбас. 12Харын херээжен кижиниң эр кижиден тывылганы дег, эр кижи база херээжен кижиден төрүттүнер, а бүгү улус Бургандан чаяаттынган.

13Боттарыңар бодап-даа көрүңер даан, бажын шып албаан херээжен кижи Бурганга мөргүүр болза, ужурга тааржыр бе? 14Эр кижи узун баш дүгү өстүрер болза, ооң ат-алдары баксыраарын ёзу-чурум силерге өөретпейн турар бе? 15# Сан. 5:18А херээжен кижиге бажының дүгү узун боору – ат-алдар-дыр, чүге дээрге узун баш дүгүн чайгаар бүткен шывыг кылдыр аңаа берген-дир. 16Чамдык улус бо айтырыг талазы-биле маргыжыксай бээри чадапчок, ындыг-даа болза, бисте-даа, Бурганга бүзүрээннер ниитилелдеринде-даа ындыг чаңчылдан өске чаңчыл чок.

Дээрги-Чаяакчының кежээки чемин шын эвес ажыглаары

17Оон ыңай чугаалаар бодаан чүүлүмге силерни мактапкы дег чүм-даа чогул, чүге дээрге силерниң чыыштарыңарга ажыктыг эвес, а хоралыг тала чая база бээр-дир. 18# 1 Кор. 1:10-12Хамыктың мурнунда, христиан ниитилел бооп, чыглып кээриңерге, араңарга аңгылажыышкын турар дээр-дир, ол чугааларның кезик-чамдыызынга бүзүрээр-дир мен. 19# 1 Ин. 2:19Чугаажок, силерниң араңарга аңгыланчыр чорук турбайн канчаар. Бурганга шылгаттырган улус ынчан силерниң араңарга илдең апаар. 20Ынчаарга шупту кады чыглып-даа турзуңарза, ол чыыжыңарны «Дээрги-Чаяакчының кежээки чеми» деп черле болбас-тыр. 21Чүге дээрге кижи бүрүзү бодунуң эккелген кежээки чемин чип кириптер, #11:21 Рим империязынга калбаа-биле нептерээн, аалчыларны ийи бөлүкке чарар практиканы ынча деп турар боор: бай-шыдалдыг, ат-алдарлыг улус бажың ээзи-биле кады чемненир, а арай ядыы аалчыларга бажың даштында шөлге аңгы чем салыр. Аъш-чем болгаш суксун база аңгы-аңгы болур. түңнелинде чамдыыңар аштап артар, а өскелериңер эзиртир ижип алган боор-дур. 22# У. ч. 17:5Ижип-чиир дээр болзуңарза, бажыңнарыңар чок чүве бе? Азы Бурганга бүзүрээннер ниитилелин херекке албайн, ядыы-түреңги улусту куду көрүп тур силер бе? Ол дээш силерге чүү дээйн? Мактаар мен бе? Чок, мактавас мен!

23 # Гал. 1:12Силерге дамчыдып бергеним өөредигни мен бодум Дээрги-Чаяакчыдан алган болгай мен: Дээрги Иисус Ону садыпкан дүне хлебти тудуп алгаш, 24# Лк. 22:19Бурганга өөрүп четтирген соонда, ону үзе тырткаш, мынча дээн болгай: «Бо дээрге силер дээш берип турарым Мээң мага-бодум-дур. Ону Меңээ тураскаал кылдыр ынчаар кылып чоруңар». 25# Лк. 22:20А кежээки чем соонда дашканы база көдүргеш, мынча дээн болгай: «Бо дашка дээрге Мээң ханым-биле чардынар чаа чагыг-керээ-дир. Ону ижип турар саныңарда-ла, Меңээ тураскаал кылдыр ынчаар кылып чоруңар». 26Бо хлебти чип база бо дашканы чооглап турар саныңарда-ла, Дээрги Иисус ээп келбээн шаанда, Ооң өлүмүн медеглеп турарыңар ол-дур.

27 # Ин. 6:53-56Ынчангаш бодун төлептии-биле алдынмайн, ол хлебти чип турар азы Дээргиниң дашказындан чооглап турар кижи Дээргиниң мага-боду болгаш ханынга удур бачыт үүлгеткен дээш буруулуг боор. 28Кижи бүрүзү бодун баштай шүгдүнүп алзын, ол ынчан хлебти чип, дашканы чооглап боор. 29# 1 Кор. 12:27Бир эвес силерниң кайы-бирээңер Дээргиниң мага-боду деп чүл ол дээрзин билбейн турар болза, ол ижип-чип тура, бодун шииткелге онаар. 30Ол чылдагаан-биле силерниң араңарда шыдал-шинек чок, аарыг улус хөй бооп турар база эвээш эвес улус өлү бергилээн. 31А бир эвес боттарывысты шүгдүнгеш, шииткей көрүп турган болзувусса, ол шииткелге онаашпас ийик бис. 32# У. ч. 3:12Дээрги-Чаяакчы бисти ам шиидип, кезедип тура, бүгү бо делегей-биле кады бисти кезээ-мөңгеде шиитпес дээш, кижизидип турары ол.

33Ынчангаш, ха-дуңма, кады чемненири-биле чыылганыңарда, бот-боттарыңарны хүндүлелдиг манап алыңар. 34Кайы-бирээңер аш болза, ол кижи бажыңынга чемненип алзын, оон башка Дээрги-Чаяакчының шииткели чыыжыңарга дүжер. Арткан херектерни силерге чеде бергеш, сайгарып, чурумчудар мен.

Currently Selected:

1 Коринфичилерге 11: Ы.Б.2025

Highlight

Copy