1 Коринфичилерге 1

Киирилде сөстер

1Христос Иисустуң элчини боору-биле Бурганның күзел-соруун ёзугаар кыйгырткан Павелден база бүзүрээн дуңмам Сосфенден байыр.#1:1 Сосфен – Аж.-ч. 18:17-де айыткан кижи ол бооп чадавас. 2# Аж.-ч. 18:1-17 || Рим. 1:7Коринф хоорайда Бурганга бүзүрээннер ниитилелинге, Христос Иисусту дамчыштыр ыдыктаткаш, Бурганның чону боору-биле кыйгырткан бүгү улуска, а ол ышкаш янзы-бүрү черлерде чурттап турар, оларның база бистиң ниити Дээргивис Иисус Христостуң адын адап, кыйгырган бүгү улуска бижидим. 3Бурган Адавыс болгаш Дээрги Иисус Христостан келген авырал база амыр-тайбың силерге доктаазын!

Павелдиң Бурганга өөрүп четтиргени

4Христос Иисуска башкарты бээриңерге, Бурганымның силерге хайырлаан авыралы дээш Аңаа үргүлчү өөрүп четтирер-дир мен. 5# 2 Кор. 8:7; 9:11Ону дамчыштыр бүгү чүүл-биле: сөс-биле-даа, билиг-биле-даа баяан болгай силер. 6Ол ышкаш бистиң Христос дугайында херечилеливис силерниң араңарга бадыткаттынган болгай. 7# Лк. 17:30; 1 Фес. 3:13; 4:16-18; Флп. 3:20Ынчангаш Дээргивис Иисус Христостуң чедип кээрин манап турар үеңерде, Ооң кандыг-даа ачы-буянныг белектери силерде четчири-биле бар. 8# Флп. 1:6Дээргивис Иисус Христостуң чедип кээр хүнүнде шуут кем-буруу чок улус болзун дээш, Ол силерни эчизинге чедир деткип, быжыктырар. 9# Ин. 17:21; 1 Ин. 1:3 || 1 Фес. 5:24; 2 Фес. 3:3; Евр. 10:23Дээргивис, Бурганның Оглу Иисус Христос-биле харылзаалыг болзуннар дээш, силерни кый деп алган Бурган аазаан аксы-сөзүнге шынчы болгай.

Коринфиде христианнарда аңгылажыр чорук

10 # 1 Кор. 11:18Дээргивис Иисус Христостуң ады-биле силерден аажок дилеп тур мен, ха-дуңма: чаңгыс эп-сеткилдиг амыдыраңар, араңарда аңгылажып, алгышпаңар, угаап билиишкиниңерге база бодалдарыңарга чаңгыс аай бооп көрүңер. 11# 1 Кор. 3:3Ха-дуңма, араңарда чөрүлдээлер барын Хлояның өг-бүлезиниң улузундан билип алдым. 12# Аж.-ч. 18:24; 19:1; 1 Кор. 3:4-5; 4:6; 6:12; Тит. 3:13 || Ин. 1:42Мен мону чугаалаар бодадым: силерниң кижи бүрүзү тус-тузунда «Павелдиң талалакчызы мен», «Аполлостуң талалакчызы мен», «Кифа Пётрнуң талалакчызы мен», «Христостуу мен» деп туруп бээр-дир. 13# Эф. 4:4-5Таанда-ла Христос кезектерге чарлы берген бе? Таанда-ла Павел силер дээш хере шаптырткан бе? Азы силер Павелдиң ады-биле сугже суктурганыңар ол бе? 14# Аж.-ч. 18:8; Рим. 16:23Крисп биле Гаийден өске, силерниң кайыңарны-даа сугже сукпааным дээш Бурганга өөрүп четтирдим. 15Ындыг болганда, «Павелдиң ады-биле сугже суктуруп алдым» деп, кайыңар-даа чугаалап шыдавас. 16# 1 Кор. 16:15(Ийет, Стефанның өг-бүлезиниң улузун сугже сукканым шын. А өске кандыг-бир кижини сугже суп турганымны сагынмас-тыр мен.) 17# 2 Кор. 10:10Христос мени улусту сугже суксун дээш эвес, а Буянныг Медээни суртаалдазын дээш чоруткан болгай. Ындыг-даа болза, суртаалым чечен, мерген сөстерге үндезилеттинмээн, оон башка Христостуң белдир-ыяшка өлүмү ужур-утказын чидириптер ийик.

Христос – Бурганның күчү-күжү, мерген угааны

18 # 1 Кор. 2:1; 2 Кор. 2:15 || Рим. 1:16Ол белдир-ыяшка чүү болганының дугайында медээ өлүм-чидимниң оруу-биле бар чыдар улуска мелегей чүүл боор, а камгалалдың оруу-биле бар чыдар биске – Бурганның күчү-күжү боор. 19# Иса. 29:14Бурган Бижилгеде чугаалаан-на болгай:

«Мерген угаанныгларның мерген угаанын чок кылыр мен, сарыылдыгларның сарыылын күш чок болдурар мен».

20 # У. ч. 21:30; Иса. 44:25; Рим. 1:22; 1 Кор. 3:19Ынчаарга ам мерген угаанныг кижиниң дээредээн чүвези чүл? Эртемденниң дээредээн чүвези чүл? Бо үениң бодалчыларының дээредээн чүвези чүл? Бурган бо делегей улузунуң мерген угаанын бүдүүлүк кылдыр көргүспээн ийикпе? 21Бурганның мерген угаанының бодап каанын ёзугаар, бо делегей бодунуң мерген угаанын дамчыштыр Бурганны билип шыдавас боорга, Ол бүзүрээн улусту Буянныг Медээниң «мелегейи-биле» камгалаарын чүүлдүг деп көрген.

22 # Мф. 12:38; Мк. 8:11; Ин. 2:18; 4:48; 6:30Иудейлер кайгамчык демдектер негеп турарлар, а гректер мерген угаан дилеп турарлар. 23# Гал. 5:11А бис Христостуң белдир-ыяшка өлүмүн суртаалдап турар бис. Ол медээ иудейлерге – ажып эрттинмес моондак боор, а өске чоннар улузунга – мелегей чүүл боор.#1:23 Иудейлерге хере шаптырган Мессияга бүзүрээри берге турган, чүге дээрге ынчалдыр шаажылаттырган кижини Бурган каргап каан деп санаар чүве-дир (Ы. х. к. 21:23 көр). А гректер чараш-каасты болгаш күчү-күштү сиңирген бурганнарга мөгеер болгаш, оларга «кошкак» Бурганны даап бодаары болдунмас болган. 24# 1 Кор. 2:7; Кол. 2:3А Бурганның кый деп алган улузунга (иудейлерге-даа, гректерге-даа) суртаалдап турарывыс Христос – Бурганның күчү-күжү болгаш мерген угааны боор. 25Чүге дээрге Бурганның «мелегейи» безин кижиниң мерген угаанындан оранчок мерген, а Бурганның «кошкаа» кижиниң күжүнден оранчок күштүг.

26Ха-дуңма, Бурганга кыйгырткан үеңерде кандыг туржук силер, сактып келиңерем. Улустуң көрүжү-биле үнелээр болза, эвээш кезииңер мерген угаанныг турду; эвээш кезииңер күштүг турду; эвээш кезииңер ызыгуурлуг өг-бүлелерге хамааржыр турду. 27Ындыг-даа болза, мерген угаанныгларны ыяттырар дээш, Бурган бо делегейге сарыыл чок дирткен чүүлдү шилип алган, а күштүг чүүлдү ыяттырар дээш, бо делегейге кошкак дирткен чүүлдү шилип алган. 28# Иак. 2:5«Үнелиг» деп санаттырар чүүлдү күш чок болдурар дээш, Ол бо делегейге дорамчылаткан, бак көрдүрген база «үнези чок» дирткен чүүлдү шилип алган.

29 # Рим. 3:27; Эф. 2:9Ооң түңнелинде Бурганның мурнунга кым-даа мактанып шыдавас. 30# Эф. 1:7; Флп. 3:9Бурганның ачызында силер ам Христос Иисуска башкарты берген силер. Бурганның мерген угааны биске Ону дамчыштыр боттанган. А ол мерген угаан бисти актыг болгаш ыдыктыг кылып кааш, бачыттардан хостаан. 31# Иер. 9:24; 2 Кор. 10:17Бижилгеде: «Мактаныр бодаан кижи чүгле Дээрги-Чаяакчы дээш мактанзын!» – деп бижээни дег кылдыр боттанганы ол-дур.

Currently Selected:

1 Коринфичилерге 1: Ы.Б.2025

Highlight

Copy