Luke 7
7
Jesus e faka maroro te seka a te taki faka Roman
(Mat 8.5–13)
1Ia tua o Jesus ku faka oti ma te araara faki koa nea kaatoa ki te kano fenua ke fakarongo kiei, poi rei ki Capernaum. 2Te taki faka Roman, tana seka koia e fakarongo neaisu ma ku fai ke mate, tera koia e maatea rei na too manava kiei. 3Vasia o te taki ne rongo kia Jesus, koia ne kau ko nga matapure o nga Jew ke oro o muna atu kiei ke au o faka maroro ko tana seka. 4Tera koratou ne oomai kia Jesus o mmuna faka ngore ngore atu kiei, “Te tangata nei e tau fangatasi rei ko kee ke sosoa kiei. 5Koia e nai fakaperea ko tatou kano fenua ma ne nai pena ria tatou paito taanaki.”
6Taa poi rei ko Jesus oro koratou. Koia si see mmao ki te paito, i vasia o te taki ne kau ko ana soavaka ke oomai o faka ari kiei, “Maurunga ee, kau see faka ngaua maso kee. Kuou si see fetau fangatasi ke kau kaavea ko kee ki toku paito. 7Kuou see ma tau fangatasi ke kau au kia ko kee. Kae sori mai fuarei tau taranga, tera taku seka ka maroro laoi. 8Kuou fokia, kuou te tangata lasi e nofo ia fono nga taangata maurunga, ma oku taangata tau e fakarongo kia kuou. Kuou ka muna ki take tangata ke poi, ma koia ka poi arei, kuou ka muna ki take tangata ke au, koia ka au arei; kuou ka muna ki taku seka ke fai faka peinei, ma koia ka fai arei.”
9Ia tua Jesus ne fakarongo kia taranga a tangata nei, ku rere ko ana mauri, kae tafuri ake, muna atu rei ki te kano fenua e tautari mai kia koia, “Kuou e faka ari atu kia kotou, kuou si se ne kau maua se tangata fakatonu faka peinei, moa rei i Israel fokia siei!”
10Tera nga kave rongo o te taki ne foki ki na paito, maataki atu ea ratou tana seka ku maroro laoi.
Jesus e faka ora te tama a te tangi soa
11See roa ia tua, ko Jesus ne poi ki te taoni e ati ko Nain. Na kau fanonga ma te kano fenua ne oro koratou. 12Mo vasia koia ku oko ki te urufanga o te taoni, te faka saonga e fe urufi mai ki tua ma te tangata mate. Te tangata mate te fua tasi a te tangi soa. Ma te kano fenua mai te taoni ne oomai ma koia. 13Vasia te Ariki ne ono kiei, na fatu manava ku motu rei i na arofa kiei, tera koia ne muna atu kiei, “Kau see tangi.” 14Tera koia fenatu arei o poo atu ki te meeranga e sausau mai te tangata mate iei, tera nga taangata e amo iei turaki arei. Muna atu rei ko Jesus, “Tama tangata ee! Kuou e muna atu kia kee, Tokai ki runga!” 15Tera tupotu ake arei ki runga ko te tangata mate, tafito arei o araara, tera sau e Jesus sori rei ki na nana.
16Tera koratou kaatoa ne marukia maatea rei ma e faka puu ki Tupua, o muna, “Te ʻprophetʼ sapa ku faka saa ria kia tatou, ma Tupua ku au ke nai faka saofia ko na kano fenua!”
17Te rongo o Jesus nei ku kavea saere ki noforanga katoa i Judea ma ia potu fenua.
A kave rongo mai a John te Faka uku
(Mat 11.2–19)
18Te kau fanonga o John ne oomai o faka ari kiei koa nea kaatoa nei. Koia ne karanga kia foi taangata o na kau fanonga e toka rua ke oomai kiei, 19tera fakkau rei ea koia ke oro ki te Ariki, o feesiri kiei, “Ko kee te tangata e araara fakina e John e fai ke au, pe matou ka fetari ki take nea?”
20Ta rau vasia ne oomai kia Jesus, koraua ne mmuna, “Ko John te Faka uku ne nai fakkauna mai komaua ke oomai, o feesiri atu kia kee, ‘Ko kee te tangata ne nai araara fakina e fai ke au, pe komatou ka fetari ki take nea?’ ”
21I te vasiaa, Jesus ne nai faka maroro ria ko te kano fenua ngae ngae e tokkapi rei i nga fai ngae ngae kaatoa, ma ne sau kese ko nga atua pariki, ma ne faka pula ko te kano fenua mata sengi. 22Tongoi atu rei koia kia raua, “Fofoki o faka ari atu kia John pe nia mo rua ne ono ma ne fakarongo kiei: Te mata sengi ku ono, te sape ku ma saere, nga tino para ku furuna ku maa, te taringa turi ku fakarongo, faoa mmate ku faka masike ria ki te ora, ma te Rongo Laoi ku tuufakina ki te faka arofa. 23Fakatapu ria te faoa si see faka tuka tuka kia kuou!”
24Ia tua oa kave rongo a John ne foki iei, Jesus ne fakatafito tana araara fanga o fai kia John ki te kano fenua, “Vasia kotou ne oro ke ono kia John i te ngangea tulaavaki, a nia motou e maanatu ke ono kiei? A mauku e afea ria e te matangi? 25A nia motou e maanatu ke oro ke ono kiei? Te tangata e uru ki ana suru laoi? Siei! Faoa e fe urufi kia suru faka peenaa pe faoa taufenua, e fare ia paito o nga taufenua! 26Faka ari mai kia kuou, a nia motou ne oro ke ono kiei? Te ʻprophetʼ? E tonu rei, kuou ka faka ari atu kia kotou, kae te nea ne kotou ravea ina e sapa maatea rei ma te ʻprophetʼ. 27Natafito ko John, koia te tangata e araara fakina e te Pepa Tapu:
‘Kuou ka fakkau taku kave rongo ke mua ia kee,
o poi o pena pena mai tou riu ara.’
28“Kuou e faka ari atu kia kotou te maori, ko John e sapa tomao rei ma faoa kaatoa ne fare ake, kae koai ma e sapa na mau raro i te Kainanga o Tupua e sapa na maurunga ma John.”
29 #
Mat 21.32; Luk 3.12. Te kano fenua kaatoa ma faoa tari takisi, koratou ne fakarongo kia taranga a Jesus; koratou ko faoa ku tautari arei kia taranga tonu a Tupua, natafito ne faka uku tapu e John. 30Kae ko nga Pharisee ma nga fakaako oa Fono si se ne fifia ke fakarongo kia taranga a Tupua, natafito si se ne fifia ke faka uku tapu e John.
31Tera ko Jesus ne muna fokia, “Kuou ka faka tautau ko te tupuranga oa aso nei ki sea? Koratou e fai faka fefea? 32Koratou e fai pe nga tamariki e fare i te ngangea makete. Take kau noforanga e karanga atu ki rake faoa, ‘Komatou noko fai atu a pese o te avanga, kae ko kotou se ne mako! Komatou noko usu fuatanga atu, kae ko kotou se ne ttangi!’ 33Natafito ko John te Faka uku ne au, ma koia ne faka naa mangumangu ma se ne nai inu mia koa waeni. Kae ko kotou ne mmuna, ‘Koia e nofo riaina e te atua pariki!’ 34Te Tama a Tangata ne au, koia e kai ma e inu, mmuna rei ko kotou, ‘Pula ki te tangata naa! Koia e kai mate ma e inu kia waeni, te soavaka o faoa tari takisi, ma faoa titisara!’ 35Kae te mata purotu o Tupua e faka tonu sia maori rei e koratou e tautari kiei.”
Jesus i te rota paito o Simon te Pharisee
36Te Pharisee ne nai kafia riaina ko Jesus ke rau kau kai i na paito. Jesus ne poi ki na paito o nofo ki raro ke kai. 37#Mat 26.7; Mak 14.3; Jon 12.3.Te maatua fafine e nofo i te taoni, te maatua fafine na ora e pariki. Koia ne nai iroa ina ko Jesus e kai i te paito o te Pharisee, tera koia ne sau ko te faangongo ʻalapastaʼ e pii ia sua sinu manongi. 38Tera ne tuu ia tua o Jesus i ana vae, e tangi ma ana roimata e faka sisiu arei kia vae o Jesus. Tera koia ne faka paku paku koa vae o Jesus ki ana rau uru, songi kiei, ma ne faka sinu ea koia. 39Vasia te Pharisee, koia ne nai faka afea ko Jesus, ne ono kiei, muna rei maso koia, “Kae pe te tangata nei te ʻprophetʼ maori rei, koia ka nai iroa ina ko te fai ora o te maatua fafine e poo atu kiei naa, na ora e pariki!”
40Jesus ne karanga ake ma ne muna atu kiei, “Simon ee, kuou e fai aku mo ngangea ke faka ari atu kia ko kee.”
Muna atu rei koia kia Jesus, “Ea toku Ariki ee, faka ari mai kia kuou.”
41Jesus tafito rei o muna atu, “A taangata e toka rua ne kaaisi mane ki te tangata sori mane; take tangata ne kaisi mane e rima ko ana fua te rau oa mane, ma take tangata e fua rima oa mane fuarei. 42Siei pe koai ia raua ne ma fai ke siaki ko ana mane. Tera te tangata ne nai faka ngaromia koa kaisi nga mane nei. Tera koai rei ia raua nei, ka nai fakaperea sapa?”
43Tongoi atu rei ko Simon, “Kuou e maanatu rei, koia ne nai soria e rava.”
Muna atu rei ko Jesus, “Tau tongoi e tonu.” 44Tera koia ne tafuri ake ki te maatua fafine, ma e muna atu kia Simon, “Ko kee ku ono ki te maatua fafine nei? Kuou ne au ki tou paito nei, ko kee si se ne kee furuna ria oku vae, kae koia ne nai furuna ria oku vae ki ana roimata, ma ne faka paku paku oku vae ki ana rau uru. 45Ko kee si se ne kee songia ria kuou, kae koia si see faka motu rei ma tana songi ki oku vae, i toku vasia rei ne au iei. 46Ko kee si se ne kee faka malea toku uru kia sua sinu ʻoliviʼ, kae koia ku nai faka malea oku vae ki ana sua sinu manongi. 47Tera, kuou ka faka ari atu kia ko kee, tana fakapere lasi ku faka saa nei, ku faka atetea riaina ki tua ana sara kaatoa ku faka ngaromia ina. Pe koai ana sara ku faka ngaromia faka molakea, e faka saa fokia tana fakapere e vikilake.”
48Tera ko Jesus ne muna atu ki te maatua fafine, “Au sara ku faka ngaromia ina.”
49Rake faoa e farenaki koratou ku fakatafito o muna muna maso koratou, “Se fai tangata koai nei, e nai faka ngaromia koa sara?”
50Kae ko Jesus ne muna atu ki te maatua fafine, “Poi i tou roto mafora, tau fakatonu ku nai faka saofia ko kee.”
Currently Selected:
Luke 7: TKP
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.
Luke 7
7
Jesus e faka maroro te seka a te taki faka Roman
(Mat 8.5–13)
1Ia tua o Jesus ku faka oti ma te araara faki koa nea kaatoa ki te kano fenua ke fakarongo kiei, poi rei ki Capernaum. 2Te taki faka Roman, tana seka koia e fakarongo neaisu ma ku fai ke mate, tera koia e maatea rei na too manava kiei. 3Vasia o te taki ne rongo kia Jesus, koia ne kau ko nga matapure o nga Jew ke oro o muna atu kiei ke au o faka maroro ko tana seka. 4Tera koratou ne oomai kia Jesus o mmuna faka ngore ngore atu kiei, “Te tangata nei e tau fangatasi rei ko kee ke sosoa kiei. 5Koia e nai fakaperea ko tatou kano fenua ma ne nai pena ria tatou paito taanaki.”
6Taa poi rei ko Jesus oro koratou. Koia si see mmao ki te paito, i vasia o te taki ne kau ko ana soavaka ke oomai o faka ari kiei, “Maurunga ee, kau see faka ngaua maso kee. Kuou si see fetau fangatasi ke kau kaavea ko kee ki toku paito. 7Kuou see ma tau fangatasi ke kau au kia ko kee. Kae sori mai fuarei tau taranga, tera taku seka ka maroro laoi. 8Kuou fokia, kuou te tangata lasi e nofo ia fono nga taangata maurunga, ma oku taangata tau e fakarongo kia kuou. Kuou ka muna ki take tangata ke poi, ma koia ka poi arei, kuou ka muna ki take tangata ke au, koia ka au arei; kuou ka muna ki taku seka ke fai faka peinei, ma koia ka fai arei.”
9Ia tua Jesus ne fakarongo kia taranga a tangata nei, ku rere ko ana mauri, kae tafuri ake, muna atu rei ki te kano fenua e tautari mai kia koia, “Kuou e faka ari atu kia kotou, kuou si se ne kau maua se tangata fakatonu faka peinei, moa rei i Israel fokia siei!”
10Tera nga kave rongo o te taki ne foki ki na paito, maataki atu ea ratou tana seka ku maroro laoi.
Jesus e faka ora te tama a te tangi soa
11See roa ia tua, ko Jesus ne poi ki te taoni e ati ko Nain. Na kau fanonga ma te kano fenua ne oro koratou. 12Mo vasia koia ku oko ki te urufanga o te taoni, te faka saonga e fe urufi mai ki tua ma te tangata mate. Te tangata mate te fua tasi a te tangi soa. Ma te kano fenua mai te taoni ne oomai ma koia. 13Vasia te Ariki ne ono kiei, na fatu manava ku motu rei i na arofa kiei, tera koia ne muna atu kiei, “Kau see tangi.” 14Tera koia fenatu arei o poo atu ki te meeranga e sausau mai te tangata mate iei, tera nga taangata e amo iei turaki arei. Muna atu rei ko Jesus, “Tama tangata ee! Kuou e muna atu kia kee, Tokai ki runga!” 15Tera tupotu ake arei ki runga ko te tangata mate, tafito arei o araara, tera sau e Jesus sori rei ki na nana.
16Tera koratou kaatoa ne marukia maatea rei ma e faka puu ki Tupua, o muna, “Te ʻprophetʼ sapa ku faka saa ria kia tatou, ma Tupua ku au ke nai faka saofia ko na kano fenua!”
17Te rongo o Jesus nei ku kavea saere ki noforanga katoa i Judea ma ia potu fenua.
A kave rongo mai a John te Faka uku
(Mat 11.2–19)
18Te kau fanonga o John ne oomai o faka ari kiei koa nea kaatoa nei. Koia ne karanga kia foi taangata o na kau fanonga e toka rua ke oomai kiei, 19tera fakkau rei ea koia ke oro ki te Ariki, o feesiri kiei, “Ko kee te tangata e araara fakina e John e fai ke au, pe matou ka fetari ki take nea?”
20Ta rau vasia ne oomai kia Jesus, koraua ne mmuna, “Ko John te Faka uku ne nai fakkauna mai komaua ke oomai, o feesiri atu kia kee, ‘Ko kee te tangata ne nai araara fakina e fai ke au, pe komatou ka fetari ki take nea?’ ”
21I te vasiaa, Jesus ne nai faka maroro ria ko te kano fenua ngae ngae e tokkapi rei i nga fai ngae ngae kaatoa, ma ne sau kese ko nga atua pariki, ma ne faka pula ko te kano fenua mata sengi. 22Tongoi atu rei koia kia raua, “Fofoki o faka ari atu kia John pe nia mo rua ne ono ma ne fakarongo kiei: Te mata sengi ku ono, te sape ku ma saere, nga tino para ku furuna ku maa, te taringa turi ku fakarongo, faoa mmate ku faka masike ria ki te ora, ma te Rongo Laoi ku tuufakina ki te faka arofa. 23Fakatapu ria te faoa si see faka tuka tuka kia kuou!”
24Ia tua oa kave rongo a John ne foki iei, Jesus ne fakatafito tana araara fanga o fai kia John ki te kano fenua, “Vasia kotou ne oro ke ono kia John i te ngangea tulaavaki, a nia motou e maanatu ke ono kiei? A mauku e afea ria e te matangi? 25A nia motou e maanatu ke oro ke ono kiei? Te tangata e uru ki ana suru laoi? Siei! Faoa e fe urufi kia suru faka peenaa pe faoa taufenua, e fare ia paito o nga taufenua! 26Faka ari mai kia kuou, a nia motou ne oro ke ono kiei? Te ʻprophetʼ? E tonu rei, kuou ka faka ari atu kia kotou, kae te nea ne kotou ravea ina e sapa maatea rei ma te ʻprophetʼ. 27Natafito ko John, koia te tangata e araara fakina e te Pepa Tapu:
‘Kuou ka fakkau taku kave rongo ke mua ia kee,
o poi o pena pena mai tou riu ara.’
28“Kuou e faka ari atu kia kotou te maori, ko John e sapa tomao rei ma faoa kaatoa ne fare ake, kae koai ma e sapa na mau raro i te Kainanga o Tupua e sapa na maurunga ma John.”
29 #
Mat 21.32; Luk 3.12. Te kano fenua kaatoa ma faoa tari takisi, koratou ne fakarongo kia taranga a Jesus; koratou ko faoa ku tautari arei kia taranga tonu a Tupua, natafito ne faka uku tapu e John. 30Kae ko nga Pharisee ma nga fakaako oa Fono si se ne fifia ke fakarongo kia taranga a Tupua, natafito si se ne fifia ke faka uku tapu e John.
31Tera ko Jesus ne muna fokia, “Kuou ka faka tautau ko te tupuranga oa aso nei ki sea? Koratou e fai faka fefea? 32Koratou e fai pe nga tamariki e fare i te ngangea makete. Take kau noforanga e karanga atu ki rake faoa, ‘Komatou noko fai atu a pese o te avanga, kae ko kotou se ne mako! Komatou noko usu fuatanga atu, kae ko kotou se ne ttangi!’ 33Natafito ko John te Faka uku ne au, ma koia ne faka naa mangumangu ma se ne nai inu mia koa waeni. Kae ko kotou ne mmuna, ‘Koia e nofo riaina e te atua pariki!’ 34Te Tama a Tangata ne au, koia e kai ma e inu, mmuna rei ko kotou, ‘Pula ki te tangata naa! Koia e kai mate ma e inu kia waeni, te soavaka o faoa tari takisi, ma faoa titisara!’ 35Kae te mata purotu o Tupua e faka tonu sia maori rei e koratou e tautari kiei.”
Jesus i te rota paito o Simon te Pharisee
36Te Pharisee ne nai kafia riaina ko Jesus ke rau kau kai i na paito. Jesus ne poi ki na paito o nofo ki raro ke kai. 37#Mat 26.7; Mak 14.3; Jon 12.3.Te maatua fafine e nofo i te taoni, te maatua fafine na ora e pariki. Koia ne nai iroa ina ko Jesus e kai i te paito o te Pharisee, tera koia ne sau ko te faangongo ʻalapastaʼ e pii ia sua sinu manongi. 38Tera ne tuu ia tua o Jesus i ana vae, e tangi ma ana roimata e faka sisiu arei kia vae o Jesus. Tera koia ne faka paku paku koa vae o Jesus ki ana rau uru, songi kiei, ma ne faka sinu ea koia. 39Vasia te Pharisee, koia ne nai faka afea ko Jesus, ne ono kiei, muna rei maso koia, “Kae pe te tangata nei te ʻprophetʼ maori rei, koia ka nai iroa ina ko te fai ora o te maatua fafine e poo atu kiei naa, na ora e pariki!”
40Jesus ne karanga ake ma ne muna atu kiei, “Simon ee, kuou e fai aku mo ngangea ke faka ari atu kia ko kee.”
Muna atu rei koia kia Jesus, “Ea toku Ariki ee, faka ari mai kia kuou.”
41Jesus tafito rei o muna atu, “A taangata e toka rua ne kaaisi mane ki te tangata sori mane; take tangata ne kaisi mane e rima ko ana fua te rau oa mane, ma take tangata e fua rima oa mane fuarei. 42Siei pe koai ia raua ne ma fai ke siaki ko ana mane. Tera te tangata ne nai faka ngaromia koa kaisi nga mane nei. Tera koai rei ia raua nei, ka nai fakaperea sapa?”
43Tongoi atu rei ko Simon, “Kuou e maanatu rei, koia ne nai soria e rava.”
Muna atu rei ko Jesus, “Tau tongoi e tonu.” 44Tera koia ne tafuri ake ki te maatua fafine, ma e muna atu kia Simon, “Ko kee ku ono ki te maatua fafine nei? Kuou ne au ki tou paito nei, ko kee si se ne kee furuna ria oku vae, kae koia ne nai furuna ria oku vae ki ana roimata, ma ne faka paku paku oku vae ki ana rau uru. 45Ko kee si se ne kee songia ria kuou, kae koia si see faka motu rei ma tana songi ki oku vae, i toku vasia rei ne au iei. 46Ko kee si se ne kee faka malea toku uru kia sua sinu ʻoliviʼ, kae koia ku nai faka malea oku vae ki ana sua sinu manongi. 47Tera, kuou ka faka ari atu kia ko kee, tana fakapere lasi ku faka saa nei, ku faka atetea riaina ki tua ana sara kaatoa ku faka ngaromia ina. Pe koai ana sara ku faka ngaromia faka molakea, e faka saa fokia tana fakapere e vikilake.”
48Tera ko Jesus ne muna atu ki te maatua fafine, “Au sara ku faka ngaromia ina.”
49Rake faoa e farenaki koratou ku fakatafito o muna muna maso koratou, “Se fai tangata koai nei, e nai faka ngaromia koa sara?”
50Kae ko Jesus ne muna atu ki te maatua fafine, “Poi i tou roto mafora, tau fakatonu ku nai faka saofia ko kee.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.