Mapinda 17
17
1Kyawama kulia bilio byume wali ni mutende,
kukila nghanda ilimo maliila engi mwali ni mazibo.
2Mubombi wa maano aliwateeka bwino mwana aliwakita bintu bya busoni,
ni ye waakabamo ni nsempu ya bupyani nga wa mu lupua.
3Mupika, i wakusungulwilamo mutofue, ni kikuka kya mulilo, i kya kwapikamo oro,
inzi Yawe aliwatoosia mitima.
4Nkitatubi aliwatwilizia milomo ya bubi,
ni wa bufi aliwatwilizia lulimi lubi.
5Olia aliwakyuzia mupabi, aliwatuka Kabumba wabo,
ni olia aliwasekelela busanzo, takabula kukandua.
6Ngala ya bakote, benzikulu,
ni bulumba bwa baana, ba sibo.
7Bulanzi buweme tebwawama mu kanua ka kipuba,
paliibufi milomo yakua kateeka iliyabeepa.
8Kituulilo kili nga lyese ku menso akua olia aliwapaana.
Konse kualikukibombia kilikumuleetela kibwezia.
9Olia aliwavimba pa kilubo, aliwakeba ntono,
inzi olia aliwabweluluka pa keebo kamonke, aliwasalanghania babibuza.
10Kusasililua kulikwapokelelua mu mutima wa olia ali ni maano,
kukila nfimbo 100 ku kipuba.
11Muntu mubi aliwakeba sie kwisangula kuli Leza,
ni pakako, aliwatuminua mukenzi asasile.
12Kyawama kusaakaana ni kimbui mukota kipokelue baana,
kukila kusaakaana ni kipuba mu bupuba bwakue.
13Olia aliwabwezia bubi pa biweme,
bubi tebukapua mu nghanda yakue.
14Ntendeko ya mazibo ili nga kulekelela menda apanguke.
Kansi lekele bikanza lubisinamifikie ku mazibo.
15Olia aliwapeela mubi nsambu ni kumutana mulunghami nsambu,
bonse babili, kilubo kuli Yawe.
16Ale nfolanga ibeeleeleki mu minue ya kipuba kuti asite mulangue,
ni ye tekuba wali na maano?
17Kibuza aweme, ni kibuza wa kubalua busiku,
inzi wa mu lupua aliwavyalua kuti akwasie musita wa lyemo.
18Muntu asili na maano aliwalaya
ni kwipeela kulipa mizia ya mwinakue.
19Olia atonene mazibo, atonene bibalo,
ni olia aliwaitantamuna, aliwakeba lwinoono.
20Olia akosele mutima, tezi kumona buwame,
ni olia ali ni lulimi lwa kiitoni, aliwaponena mu bwavia.
21Olia avyele kipuba, bulanda bwakue mwine,
se kwa kipuba, tali na nsansa.
22Mutima wa nsansa, miti iweme,
inzi mutima uliwatooboka, uliwaumia bikuza.
23Muntu mubi aliwapokelela kituulilo mu kafiso
pakuti avulunghanie bupinguzi.
24Maano ali ku ntanzi ya muntu ali ni mulangue,
inzi menso a kipuba afikile kupelele kyalo.
25Mwana kipuba, bulanda kuli se,
kabili ni kikonko kuli nghina waamuvyele.
26Kukanda mulunghami tekuweme,
ao kuuma babiloolo tekuweme.
27Olia aliwasunga twebo twakue, akengeele,
ni olia ateekameene mutima, ali ni maano.
28Mupuba ni ye kine waikala tondolo, alikumonua kuba ni mulangue,
lu-aliwamuma kanua kakue, aliwamonua kuba ni maano.
Currently Selected:
Mapinda 17: KBTP
Highlight
Copy
Compare
Share
Want to have your highlights saved across all your devices? Sign up or sign in
Kitaabua New Testament @The Word For The World Southern Africa. 2023.