Kufuma 2
2
Kuvyalua kwakua Musa
1Pa ozo musita kwaali muntu umo wa mu mukowa wakua Lawi waile kuupa mukazyana wa mu ozo wenka mukowa. 2#Mii 7.20; Bae 11.23Ozo mwanakazi waimitile ni kuvyala mwana mwalalume. Lu-aamwene vyaali vyaweme ozo mwana, waamufiikile myezi itatu. 3Inzi lu-aamwene nangue takili na musango wa kumufiika musita waleepele, waamusukiile mpuuto ya masanza ni kusingako kabulimbu. Waabiikile mwana mukati ni kuya ku-ibiika mu matete mumbali Mwenzi wa Nile. 4Nkaziize kwa ozo mwana waali waimeene lwa kule wamweneneene kilikumukitikila mwana.
5Mukazyana mwina likolo waile pamo ni babombi bakue ku mwenzi kuti aye asambe. Babombi bakue lubaali baenda mumbali mwenzi, mukazyana mwina likolo waamwene mpuuto mu matete. Waatumine mubombi wakue kuti aye aitwame ni kumuleetela. 6Mukazyana mwina likolo lu-aatupukwile mpuuto ni kumonamo mwana mwalalume walimukulila, waamunvwiliile nkumbu. Mukazyana mwina likolo waalandile nangue, “Ozu mwana apalile kuba mwana mwina Baebrania.”
7Nkaziize kwa ozo mwana waamwipuziizie mwina Farao nangue, “Kuti naya kukukebela mwanakazi Muebrania wakuti aye wakonsiizia ozu mwana?”
8Mukazyana mwina likolo waamwasukile, “Endo umukebe.” Nkaziize kwa ozo mwana waile kumutwama nghina wa ozo mwana. 9Mwina likolo waamwanine nghina wa ozo mwana nangue, “Twama mwana ozu uye wanghonsiizia, nakaba kuya nakusazia nsazio yobe.” Kupwako, nghina wamutwama ozo mwana ni kubamba kumonsia. 10#Mii 7.21Mwana lu-aakulile, nghina wa ozo mwana waamubweziizie kuli mukazyana mwina Farao, ni ye waaamwalwile nga mwana wakue. Mukazyana mwina Farao waalandile evi, “Namufumia mu menda,” ni pakako ndikumwinika Musa.
Musa wabutukila ku Midiani
11 #
Bae 11.24;
Mii 7.23-28
Pa kyamba kya myaka, Musa wasyakulile, waile kupempula Baebrania nakue ni kumona vibaali babombiiwa kibombebombe. Mu kupempula kwakue, waamwene Muebrania nakue walimukuumua na Mumisri. 12Musa lu-aakentele koku ni koku kuti asininkizie nangue tamwenue na muntu, waamwipaile ozo Mumisri ni kumufiika mu musenga. 13Busiku bwaakonkelepo Musa lu-aile kupempula paakale Baebrania nakue, waamwene Baebrania babili balalume balimukulua. Musa waamwanine olia waali waluviizie nangue, “Ewe, ulimukuuminaki Muebrania nobe?”
14Olia waali waluviizie waalandile evi, “Nani wakikubiika kuba kateeka ni mupinguzi wetu? Ulimukukeba kungipaya nga viwakiipaya olia Mumisri lukeele?” Ni pakako Musa waatiinine walanda nangue, “Kisinka mulandu unkitile umanikile.” 15-16#Mii 7.29; Bae 11.27Farao lu-aunvwile nangue Musa wakiipaya Mumisri, waali wasyakambila kumwipaya Musa. Inzi Musa waamubutukile Farao ni kuya mu kyalo kya Midiani. Lu-aafikile ku kekio kyalo, waile kwikala mumbali kiina kya menda. Kwaali banakazi kilooba bena kitambua wa ku Midiani, babo baile ku kiina kya menda ku kutapa menda a kubiika mu mukondo kuti banwinsie mikooko yakua sibo. 17Kwaali basungi bamo ba mikooko baizile kubakumba, inzi Musa waabasakiile ni kubakwasia kunwinsia mikooko yabo. 18Lubaabweleele kuli sibo Yetoro,#2.18 Yetoro: Leli liina bange balibakuuta Reueli sibo waabepuziizie nangue, “Ale lelo kimusikokweleele ni kiki?”
19Ni bo baamwasukile evi, “Basungi lubaizanga kutukumba, Mumisri umo waizanga kutusakila. Kabili watutapilanga menda etu ni menda a kunwinsia mikooko yetu.”
20Sibo Yetoro waabeepuziizie baana bakue banakazi nangue, “Ale ozo muntu ali pi? Mwamusiilangaki? Endo mumukuute eze tulie nakue.”
21Musa waawamiinue kwikala koko pamo ni Yetoro. Yetoro waufiizie mwana wakue mwanakazi kuli Musa. Ozo mwanakazi waali wakuutua Sipora. 22Sipora lu-aavyele mwana mwalalume, Musa waamwinikile Gershomu#2.22 Gershomu: Leli liina lililyaunvwika nga lya mu Kiebrania. I kulanda nangue “mweni.” walimukulanda nangue, “Nakyaluka mweni mu kyalo kya bweni.”
23Pa kyamba kya nsiku ingi, likolo wa ku Misri waafwile. Baizraeli baatwaliliile kulila na bulanda bwa mu buzia ni kuya baitendooka mpaka ni Leza waunvua malilo abo. 24#Kut 15.13-14Leza lu-aunvwile malilo abo, waalangakeene kipingo kyakue ki-aapingheene na Abrahamu, ni Izaaki pamo ni Yakobo. 25Leza waamwene Baizraeli vibaali baema. Ni pakako, waabonvwiliile nkumbu.
Currently Selected:
Kufuma 2: KBTP
Highlight
Share
Compare
Copy
Want to have your highlights saved across all your devices? Sign up or sign in
Kitaabua New Testament @The Word For The World Southern Africa. 2023.
Kufuma 2
2
Kuvyalua kwakua Musa
1Pa ozo musita kwaali muntu umo wa mu mukowa wakua Lawi waile kuupa mukazyana wa mu ozo wenka mukowa. 2#Mii 7.20; Bae 11.23Ozo mwanakazi waimitile ni kuvyala mwana mwalalume. Lu-aamwene vyaali vyaweme ozo mwana, waamufiikile myezi itatu. 3Inzi lu-aamwene nangue takili na musango wa kumufiika musita waleepele, waamusukiile mpuuto ya masanza ni kusingako kabulimbu. Waabiikile mwana mukati ni kuya ku-ibiika mu matete mumbali Mwenzi wa Nile. 4Nkaziize kwa ozo mwana waali waimeene lwa kule wamweneneene kilikumukitikila mwana.
5Mukazyana mwina likolo waile pamo ni babombi bakue ku mwenzi kuti aye asambe. Babombi bakue lubaali baenda mumbali mwenzi, mukazyana mwina likolo waamwene mpuuto mu matete. Waatumine mubombi wakue kuti aye aitwame ni kumuleetela. 6Mukazyana mwina likolo lu-aatupukwile mpuuto ni kumonamo mwana mwalalume walimukulila, waamunvwiliile nkumbu. Mukazyana mwina likolo waalandile nangue, “Ozu mwana apalile kuba mwana mwina Baebrania.”
7Nkaziize kwa ozo mwana waamwipuziizie mwina Farao nangue, “Kuti naya kukukebela mwanakazi Muebrania wakuti aye wakonsiizia ozu mwana?”
8Mukazyana mwina likolo waamwasukile, “Endo umukebe.” Nkaziize kwa ozo mwana waile kumutwama nghina wa ozo mwana. 9Mwina likolo waamwanine nghina wa ozo mwana nangue, “Twama mwana ozu uye wanghonsiizia, nakaba kuya nakusazia nsazio yobe.” Kupwako, nghina wamutwama ozo mwana ni kubamba kumonsia. 10#Mii 7.21Mwana lu-aakulile, nghina wa ozo mwana waamubweziizie kuli mukazyana mwina Farao, ni ye waaamwalwile nga mwana wakue. Mukazyana mwina Farao waalandile evi, “Namufumia mu menda,” ni pakako ndikumwinika Musa.
Musa wabutukila ku Midiani
11 #
Bae 11.24;
Mii 7.23-28
Pa kyamba kya myaka, Musa wasyakulile, waile kupempula Baebrania nakue ni kumona vibaali babombiiwa kibombebombe. Mu kupempula kwakue, waamwene Muebrania nakue walimukuumua na Mumisri. 12Musa lu-aakentele koku ni koku kuti asininkizie nangue tamwenue na muntu, waamwipaile ozo Mumisri ni kumufiika mu musenga. 13Busiku bwaakonkelepo Musa lu-aile kupempula paakale Baebrania nakue, waamwene Baebrania babili balalume balimukulua. Musa waamwanine olia waali waluviizie nangue, “Ewe, ulimukuuminaki Muebrania nobe?”
14Olia waali waluviizie waalandile evi, “Nani wakikubiika kuba kateeka ni mupinguzi wetu? Ulimukukeba kungipaya nga viwakiipaya olia Mumisri lukeele?” Ni pakako Musa waatiinine walanda nangue, “Kisinka mulandu unkitile umanikile.” 15-16#Mii 7.29; Bae 11.27Farao lu-aunvwile nangue Musa wakiipaya Mumisri, waali wasyakambila kumwipaya Musa. Inzi Musa waamubutukile Farao ni kuya mu kyalo kya Midiani. Lu-aafikile ku kekio kyalo, waile kwikala mumbali kiina kya menda. Kwaali banakazi kilooba bena kitambua wa ku Midiani, babo baile ku kiina kya menda ku kutapa menda a kubiika mu mukondo kuti banwinsie mikooko yakua sibo. 17Kwaali basungi bamo ba mikooko baizile kubakumba, inzi Musa waabasakiile ni kubakwasia kunwinsia mikooko yabo. 18Lubaabweleele kuli sibo Yetoro,#2.18 Yetoro: Leli liina bange balibakuuta Reueli sibo waabepuziizie nangue, “Ale lelo kimusikokweleele ni kiki?”
19Ni bo baamwasukile evi, “Basungi lubaizanga kutukumba, Mumisri umo waizanga kutusakila. Kabili watutapilanga menda etu ni menda a kunwinsia mikooko yetu.”
20Sibo Yetoro waabeepuziizie baana bakue banakazi nangue, “Ale ozo muntu ali pi? Mwamusiilangaki? Endo mumukuute eze tulie nakue.”
21Musa waawamiinue kwikala koko pamo ni Yetoro. Yetoro waufiizie mwana wakue mwanakazi kuli Musa. Ozo mwanakazi waali wakuutua Sipora. 22Sipora lu-aavyele mwana mwalalume, Musa waamwinikile Gershomu#2.22 Gershomu: Leli liina lililyaunvwika nga lya mu Kiebrania. I kulanda nangue “mweni.” walimukulanda nangue, “Nakyaluka mweni mu kyalo kya bweni.”
23Pa kyamba kya nsiku ingi, likolo wa ku Misri waafwile. Baizraeli baatwaliliile kulila na bulanda bwa mu buzia ni kuya baitendooka mpaka ni Leza waunvua malilo abo. 24#Kut 15.13-14Leza lu-aunvwile malilo abo, waalangakeene kipingo kyakue ki-aapingheene na Abrahamu, ni Izaaki pamo ni Yakobo. 25Leza waamwene Baizraeli vibaali baema. Ni pakako, waabonvwiliile nkumbu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Kitaabua New Testament @The Word For The World Southern Africa. 2023.