Psalms 18
18
PSALM XVIII.
The Lord kens whan, wi’ a bleeze frae the lift, till set his ain folk free frae a’ that wad steer them.
Till the sang-maister, till ser’ the Lord: ane o’ David’s; whan he spak till the Lord ilk word o’ this sang, i’ the day the Lord redd him out frae the han’ o’ his ill-willers a’, an’ eke frae the han’ o’ Saul:#18:0 2 Sam 22 an’ quo’ he —
1O Lord, my strenth, but I lo’e ye weel!
2The Lord my rock, my hainin-towir, an’ my to-fa’, my God, my craig; I maun lippen till himlane: my schild, the horn o’ my heal-makin, an’ my heigh-ha’.
3I lilted fu’ loud#18:3 Heb. wi’ liltin, I skreigh’d, & c. till the Lord; an’ frae ill-willers a’ I was setten free.
4The dules#Ps 116:3 o’ dead dush’d me; an’ spates o’ mischieff fley’d me sair:
5Dules#18:5 Heb. dules, thets, or bands. o’ the lang-hame fankit me about; girns o’ dead war unco nar.
6I’ my strett o’ stretts I scraigh’t till the Lord; till God, my ain God, I sighet fu’ sair. He hearken’d my scraigh, frae his halie howff, my bidden wan ben afore him, it wan till his vera lugs.
7The yirth syne dinnl’t, an’ sheuk;#Acts 4:31 the laighest neuks o’ the hills trimml’t an’ steer’d, for He was angrie.
8Reek raise in his angir,#18:8 or, naistril an’ lowe licket afore him; coals kennl’d at his on-come:
9An’ he#Ps 144:5 loutit the lift an’ wan down; an mirk was aneth his feet:
10An’ he canter’d on a cherub#Ps 99:1, an’ he flew; an’ he raiket on the wings o’ the win’:#Ps 104:3
11 An’ mirk he made a’ for his howff about him; mirk o’ spates,#Ps 97:2 an’ cluds o’ the carrie.
12Frae the light#Ps 97:3 was afore him, his cluds wan awa; wi’ hailstanes, an’ wi’ flaughts o’ fire.
13An’ the Lord reel’d alang the lift; the Heighest lat his skreigh win but:#Ps 29:3 hailstanes an’ flaughts o’ fire.
14An’ he lowsit his flanes, an’ he sperfl’t them; bleeze#18:14 Heb. syne bleezes thick. on bleeze, an’ he dang them.#Josh 10:10; Ps 144:6; Isaiah 30:30
15Syne war the wames o’ the watirs seen, an’ the growf o’ the warld unhappit was; at sic wytan o’ yer ain, O Lord; at the gluff o’ the win’ o’ thine angir.#18:15 or, naistrils.
16He rax’t frae abune, he claught me;#Ps 144:7 he harl’d me atowre frae a warld o’ watirs:#18:16 Heb. unco spates.
17He redd me frae my strang ill-willer, an’ frae a’ that wiss’d me ill; wha#18:17 Heb. for they war starker, & c. starker war nor me.
18Me they o’er-gaed i’ the day o’ my down-gaen; bot the Lord was an out-gate till me.
19An’ he brought me atowre intil room;#Ps 31:8; 118:5 he redd me fu’ right, for he liket me weel.
20The Lord quat me even wi’ my ain even-doen, an’ contentit me weel for the cleanness o’ my han’s.#1 Sam 24:20
21For I tentit ay sikker the gates o’ the Lord; an’ was nae ill-ganger frae my God:
22For his right-rechtins a’ war afore me; an’ his biddens frae me I ne’er pat awa:
23I was aefauld ay wi’ himsel; an’ wairded me weel frae my ain wrang-doen:
24An’ the Lord quat me right for my rightousness; for the cleanness o’ my han’s in his een.#18:24 Heb. afore his een.
25Wi’ the nieborlie man ye can be nieborlie, Lord; wi’ the aefauld man, aefauld:#1 Kings 8:32
26Wi’ the weel-wushen man ye can sine yer han’s;#18:26 Heb. wash yersel. wi’ the thrawart carl ye can haud yer ain:#Lev 26:23, 24, 27, 28; Prov 3:34
27For down-dang folk yersel can saif; bot een#18:27 Heb. leuks. owre heigh, ye can baise them a’. #Ps 101:5; Prov 6:17
28For that light o’ mine yerlane gar’d kennle; the Lord my God gar’d my mirkness lowe:#18:28 What mair could he hae nor light frae the lift? Job 18:6; 29:3
29For, wi’ yerlane, I raiket thro’ a byke; an’ wi’ my God, I o’erlap a wa’.
30 For God, his gate ’s aefauld;#Deut 32:4; Dan 4:37; Rev 15:3 the word o’ the Lord, it ’s pruif;#Ps 12:6; 119:140; Prov 30:5 a schild is he ay, till a’ that lippen till himlane.#Ps 17:7
31For wha can be Gude, an it be-na the Lord? or wha a stieve craig, an it be-na our ain God?#Deut 32:31; 1 Sam 2:2; Ps 91:2
32 It’s God himlane wha graiths me wi’ might,#Ver. 39; Isaiah 45:5 an’ straughts me fu’ sikker the gate till gang:
33Evenin my feet like the cloots o’ the rae,#2 Sam 2:18; Hab 3:19 an’ stanan me stieve on my heighest roddins:#Deut 32:13; 33:29
34Ettlin my han’s for facht, till ane airn-bow is flinder’d i’ my arms.#Ps 144:1
35An’ the schild o’ yer heal-ha’din ye hae gien till me; an’ yer right han’ has uphauden me; an’ yer tholin made me unco great.
36My gate ye hae braided aneth me, that my fitsteds#18:36 Heb. my kuits suld ne’er be thrawn. Prov 4:12 suld ne’er gae by.
37I sal o’ertak my ill-willers; I sal fang them firm; I sal ne’er seek hame, till it ’s by wi’ them.
38I sal thring them thro’, an’ they sal ne’er man till rise; they sal gae down aneth my feet, whar I stan’.
39For ye graith’d me wi’ might for the stour; my gain-stan’ers a’ ye hae whaml’t aneth me.
40An’ my faes ye ’gien me by the hals; my ill-willers eke, I hae sned them aff.
41They sought,#18:41 Heb. schraigh’t. bot nae frien’ was thar; till the Lord they sought, bot he mindet them nane.#Job 27:9; 35:12; Prov 1:28; Isaiah 1:15; Jer 11:11; 14:12; Ezek 8:18; Micah 3:4; Zech 7:13
42Syne I dang them like stoure afore the win’; like glaur#Zech 10:5 ontil the heighroad, flang I them by.
43Ye hae redd me frae the chauner o’ the folk;#2 Sam 2:9, 10; 3:1 ye hae setten me atowre the hethen;#2 Sam 8 folk that I kent-na sal be loons o’ mine.#Isaiah 52:15; 55:5
44Wi’ loutit lugs sal they hearken till me; the sons o’ the fremit sal kiss my caup.#Deut 33:29; Ps 66:3; 81:15
45The gangrel gang hae thowet awa; an’ shukken wi’ dread frae their benmaist ha’dins.#Micah 7:17
46The Lord lives! an’ blythe be my ha’din-height; heigh be the God o’ my heal-makin:
47The God wha wracks a’ right for me, an’ thirls the folk aneth my bidden:#Ps 47:3
48Wha redds me atowre frae my ill-willers a’: na, ye#Ps 59:1 hae liftit me heigh abune my gain-stan’ers; frae the ill-deedie carl, ye hae claught me awa.
49Wharthro’, amang the folk, I maun laud yerlane;#Rom 15:9 an’ lilt until thy name, O Lord:
50 Wha ettles sic health for his King;#Ps 144:10 an’ sic nieborlie gree for his Chrystit: for David, an’ for his outcome, for evir an’ ay.#2 Sam 7:13
Currently Selected:
Psalms 18: SCOWAD
Highlight
Share
Copy
Want to have your highlights saved across all your devices? Sign up or sign in
Published as The Psalms: frae Hebrew intil Scottis in 1871.
Psalms 18
18
PSALM XVIII.
The Lord kens whan, wi’ a bleeze frae the lift, till set his ain folk free frae a’ that wad steer them.
Till the sang-maister, till ser’ the Lord: ane o’ David’s; whan he spak till the Lord ilk word o’ this sang, i’ the day the Lord redd him out frae the han’ o’ his ill-willers a’, an’ eke frae the han’ o’ Saul:#18:0 2 Sam 22 an’ quo’ he —
1O Lord, my strenth, but I lo’e ye weel!
2The Lord my rock, my hainin-towir, an’ my to-fa’, my God, my craig; I maun lippen till himlane: my schild, the horn o’ my heal-makin, an’ my heigh-ha’.
3I lilted fu’ loud#18:3 Heb. wi’ liltin, I skreigh’d, & c. till the Lord; an’ frae ill-willers a’ I was setten free.
4The dules#Ps 116:3 o’ dead dush’d me; an’ spates o’ mischieff fley’d me sair:
5Dules#18:5 Heb. dules, thets, or bands. o’ the lang-hame fankit me about; girns o’ dead war unco nar.
6I’ my strett o’ stretts I scraigh’t till the Lord; till God, my ain God, I sighet fu’ sair. He hearken’d my scraigh, frae his halie howff, my bidden wan ben afore him, it wan till his vera lugs.
7The yirth syne dinnl’t, an’ sheuk;#Acts 4:31 the laighest neuks o’ the hills trimml’t an’ steer’d, for He was angrie.
8Reek raise in his angir,#18:8 or, naistril an’ lowe licket afore him; coals kennl’d at his on-come:
9An’ he#Ps 144:5 loutit the lift an’ wan down; an mirk was aneth his feet:
10An’ he canter’d on a cherub#Ps 99:1, an’ he flew; an’ he raiket on the wings o’ the win’:#Ps 104:3
11 An’ mirk he made a’ for his howff about him; mirk o’ spates,#Ps 97:2 an’ cluds o’ the carrie.
12Frae the light#Ps 97:3 was afore him, his cluds wan awa; wi’ hailstanes, an’ wi’ flaughts o’ fire.
13An’ the Lord reel’d alang the lift; the Heighest lat his skreigh win but:#Ps 29:3 hailstanes an’ flaughts o’ fire.
14An’ he lowsit his flanes, an’ he sperfl’t them; bleeze#18:14 Heb. syne bleezes thick. on bleeze, an’ he dang them.#Josh 10:10; Ps 144:6; Isaiah 30:30
15Syne war the wames o’ the watirs seen, an’ the growf o’ the warld unhappit was; at sic wytan o’ yer ain, O Lord; at the gluff o’ the win’ o’ thine angir.#18:15 or, naistrils.
16He rax’t frae abune, he claught me;#Ps 144:7 he harl’d me atowre frae a warld o’ watirs:#18:16 Heb. unco spates.
17He redd me frae my strang ill-willer, an’ frae a’ that wiss’d me ill; wha#18:17 Heb. for they war starker, & c. starker war nor me.
18Me they o’er-gaed i’ the day o’ my down-gaen; bot the Lord was an out-gate till me.
19An’ he brought me atowre intil room;#Ps 31:8; 118:5 he redd me fu’ right, for he liket me weel.
20The Lord quat me even wi’ my ain even-doen, an’ contentit me weel for the cleanness o’ my han’s.#1 Sam 24:20
21For I tentit ay sikker the gates o’ the Lord; an’ was nae ill-ganger frae my God:
22For his right-rechtins a’ war afore me; an’ his biddens frae me I ne’er pat awa:
23I was aefauld ay wi’ himsel; an’ wairded me weel frae my ain wrang-doen:
24An’ the Lord quat me right for my rightousness; for the cleanness o’ my han’s in his een.#18:24 Heb. afore his een.
25Wi’ the nieborlie man ye can be nieborlie, Lord; wi’ the aefauld man, aefauld:#1 Kings 8:32
26Wi’ the weel-wushen man ye can sine yer han’s;#18:26 Heb. wash yersel. wi’ the thrawart carl ye can haud yer ain:#Lev 26:23, 24, 27, 28; Prov 3:34
27For down-dang folk yersel can saif; bot een#18:27 Heb. leuks. owre heigh, ye can baise them a’. #Ps 101:5; Prov 6:17
28For that light o’ mine yerlane gar’d kennle; the Lord my God gar’d my mirkness lowe:#18:28 What mair could he hae nor light frae the lift? Job 18:6; 29:3
29For, wi’ yerlane, I raiket thro’ a byke; an’ wi’ my God, I o’erlap a wa’.
30 For God, his gate ’s aefauld;#Deut 32:4; Dan 4:37; Rev 15:3 the word o’ the Lord, it ’s pruif;#Ps 12:6; 119:140; Prov 30:5 a schild is he ay, till a’ that lippen till himlane.#Ps 17:7
31For wha can be Gude, an it be-na the Lord? or wha a stieve craig, an it be-na our ain God?#Deut 32:31; 1 Sam 2:2; Ps 91:2
32 It’s God himlane wha graiths me wi’ might,#Ver. 39; Isaiah 45:5 an’ straughts me fu’ sikker the gate till gang:
33Evenin my feet like the cloots o’ the rae,#2 Sam 2:18; Hab 3:19 an’ stanan me stieve on my heighest roddins:#Deut 32:13; 33:29
34Ettlin my han’s for facht, till ane airn-bow is flinder’d i’ my arms.#Ps 144:1
35An’ the schild o’ yer heal-ha’din ye hae gien till me; an’ yer right han’ has uphauden me; an’ yer tholin made me unco great.
36My gate ye hae braided aneth me, that my fitsteds#18:36 Heb. my kuits suld ne’er be thrawn. Prov 4:12 suld ne’er gae by.
37I sal o’ertak my ill-willers; I sal fang them firm; I sal ne’er seek hame, till it ’s by wi’ them.
38I sal thring them thro’, an’ they sal ne’er man till rise; they sal gae down aneth my feet, whar I stan’.
39For ye graith’d me wi’ might for the stour; my gain-stan’ers a’ ye hae whaml’t aneth me.
40An’ my faes ye ’gien me by the hals; my ill-willers eke, I hae sned them aff.
41They sought,#18:41 Heb. schraigh’t. bot nae frien’ was thar; till the Lord they sought, bot he mindet them nane.#Job 27:9; 35:12; Prov 1:28; Isaiah 1:15; Jer 11:11; 14:12; Ezek 8:18; Micah 3:4; Zech 7:13
42Syne I dang them like stoure afore the win’; like glaur#Zech 10:5 ontil the heighroad, flang I them by.
43Ye hae redd me frae the chauner o’ the folk;#2 Sam 2:9, 10; 3:1 ye hae setten me atowre the hethen;#2 Sam 8 folk that I kent-na sal be loons o’ mine.#Isaiah 52:15; 55:5
44Wi’ loutit lugs sal they hearken till me; the sons o’ the fremit sal kiss my caup.#Deut 33:29; Ps 66:3; 81:15
45The gangrel gang hae thowet awa; an’ shukken wi’ dread frae their benmaist ha’dins.#Micah 7:17
46The Lord lives! an’ blythe be my ha’din-height; heigh be the God o’ my heal-makin:
47The God wha wracks a’ right for me, an’ thirls the folk aneth my bidden:#Ps 47:3
48Wha redds me atowre frae my ill-willers a’: na, ye#Ps 59:1 hae liftit me heigh abune my gain-stan’ers; frae the ill-deedie carl, ye hae claught me awa.
49Wharthro’, amang the folk, I maun laud yerlane;#Rom 15:9 an’ lilt until thy name, O Lord:
50 Wha ettles sic health for his King;#Ps 144:10 an’ sic nieborlie gree for his Chrystit: for David, an’ for his outcome, for evir an’ ay.#2 Sam 7:13
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published as The Psalms: frae Hebrew intil Scottis in 1871.