प्रेरितों रा कांम 9
9
साऊल रौ मन फिराव
(प्रेरितों रा कांम 22:6–16; 26:12–18)
1साऊल जिकौ अजी तांई परभु रै चेलौ नै धमकानै अर घात करनै री धुन में हो, वो महायाजक रै खनै ग्यौ। 2अर उणौ ऊं दमिसक नगरी रै यहूदी पराथना घरो रै नाम माथै इण तरीकै री चिठ्ठियो मांगी, की कांई मिनख, कांई लुगाईयां, जिणनै वो इण पंथ में पावै उणौनै बांधनै यरुसलेम में ले आवै। 3पण चालते-चालते जद वो दमिसक नगरी रै नजीक पूगो, तो एकाएक आभै ऊं उणरै च्यांरूमेर जोत चमकी, 4अर वो जमीन माथै नीचे पड़ियौ, अर ओ सबद सुण्यौ, “हे साऊल, हे साऊल, थूं म्हनै क्यूं सतावै है?”
5साऊल पूछयौ, “हे परभु, थूं कुण है?”
उणै कयौ, “म्हैं यीसु हूं, जिणनै थूं सतावै है। 6पण अबै उठनै नगरी में जा, अर जिकौ थनै करणौ है वो थनै कयौ जावैला।”
7जिकौ मिनख उणरै साथै हा, वे विचार में पड़ग्या। क्यूंकै सबद तो सुणता हा, पण किणी नै देखता कोनीं हा। 8तद साऊल जमीन माथै ऊं उठयौ, पण जद आंख्यां खोली तो उणनै कीं देठाळौ नीं दियौ, अर वे उणरौ हाथ पकड़नै दमिसक में लैयग्या। 9वो तीन दिन तांई नीं देख सकयौ, अर नीं खायौ अर नीं पीयो।
10दमिसक में हनन्याह नाम रौ एक चेलौ हो, उण ऊं परभु दरसण में कयौ, “हे हनन्याह!”
उणै कयौ, “हां परभु।”
11तद परभु उणनै कयौ, “उठनै उण गळी में जा जिकौ ‘सीधी’ कहीजै है, अर यहूदा रै घर में साऊल नाम रौ एक तरसुसवासी नै पूछ, क्यूंकै देख, वो पराथना कर रियौ है, 12अर उणै दरसण में देख्यौ की हनन्याह नाम रौ एक मिनख नै मांय आवतै अर अपणै ऊपर हाथ राखतै देख्यौ है, ताकी पाछौ देखण लागै।”
13पण हनन्याह जबाब दियौ, “हे परभु, म्हैं इण मिनख रै बारै मे घणौ ऊं सुण्यौ है की इणनै यरुसलेम में थारै पवितर लोगां रै साथै बोहत बुराइयां की है। 14अर एठै भी इणनै परधान याजकौ री तरफ ऊं अधिकार मिळियौ है की जिकौ लोग थारौ नाम लेवे है, उण सगळौ नै बांध नै ले जावै।”
15पण परभु उणनै कयौ, “थूं चालयौ जा। क्यूंकै वो तो दूजी जातियो अर उणरै राजाओ अर इजरालियो रै सांमै म्हारौ नाम परगट करणै रै वास्तै चुणयोड़ौ आदमी है। 16अर म्हैं उणनै बताऊंला की म्हारै नाम रै वास्तै उणनै कैड़ा कैड़ा दुख उठाणा पड़ैला।”
17तद हनन्याह उठनै उण घर में ग्यौ, अर उण माथै आपरौ हाथ राखनै कयौ, “हे भाई साऊल, परभु, मतलब यीसु, जिकौ उण मारग में, जिण ऊं थूं आयौ थनै देठाळौ दियौ हो, उणीज म्हनै भेज्यौ है की थूं पाछौ देखण लागै अर पवितर आतमा ऊं भरपूर हो जावै।” 18अर तुरत उणरी आंख्यां ऊं छिलके ज्यूं निकळयौ अर वो देखण लागौ, अर उठनै बतिस्मो लियौ। 19पछै खाणौ खायनै ताकत पाई।
दमिसक में साऊल रौ परचार
वो कई दिनां उण चेलौ रै साथै रियौ जिकौ दमिसक में है। 20अर वो तुरत यहूदी पराथना घरो में यीसु रौ परचार करनै लागौ की “यीसु मसीह परमेसर रौ बेटौ है।”
21सगळा सुणणवाळा अचूम्बो करनै कैवण लागा, “कांई ओ वोहीज मिनख कोनीं है जिकौ यरुसलेम में उणौनै जिकौ इण नाम नै लेता हा, उणौनै नास करतौ हो, अर एठै भी इण वास्तै आयौ हो की उणौनै बांधनै परधान याजकौ रै खनै ले जावै?”
22पण साऊल वळै भी सामरथी होता गियौ, अर इण बात रौ परमाण देन की यीसु ही मसीह है, दमिसक रै रैवणवाळा यहूदियो रौ मूंडौ बंद करतौ रियौ।
23 #
2 कुरि 11:32,33 जद घणा दिन बीत गिया, तो यहूदियो नै मिळनै उणनै मारणै री योजना बणाई। 24पण उणौरी योजना साऊल नै मालूम पड़ गी। वे तो उणनै मारण वास्तै रात दिन फाटको माथै घात मे लागोड़ा रैवता हा। 25पण रात रौ उणरै चेलौ नै उणनै छाबड़िया मांय बिठायौ, अर नगरकोट ऊपर ऊं लटकायनै उतार दियौ।
यरुसलेम में साऊल
26यरुसलेम में पूगेन उणै चेलौ रै साथै मिळ जांणै री कोसीस करी, पण सगळा उण ऊं डरता हा, क्यूंकै उणनै विसवास कोनीं होवतो हो, की वो भी चेलौ है। 27पण बरनबास उणनै आपरै साथै प्रेरितों रै खनै लेय जायनै उणौनै बतायौ की उणै कीण रीत ऊं मारग में परभु नै देख्यौ, अर उणै इण ऊं बातां करी, पछै दमिसक में इणै कीकर हीमत ऊं यीसु रै नाम रौ परचार कियो। 28साऊल उणौरै साथै यरुसलेम में आतो-जातो रियौ अर निधड़क होयनै परभु यीसु रै नाम ऊं परचार करतौ हो। 29अर यूनानी भासा बोलणवाळा यहूदियो रै साथै बातचीत अर वाद-विवाद करतौ हो। पण वे उणनै मारणै री कोसीस करण लागा। 30ओ जांणनै विसवासी भाई उणनै कैसरिया लेय आया, अर तरसुस भेज दियौ।
31इण परकार सगळै यहूदिया, अर गलील, अर सामरिया में कलीसिया नै चैन मिळियौ, अर उणरी बढ़ोतरी होती गी, अर वो परभु रै भय अर पवितर आतमा री सानति में चालता अर बढ़ता गिया।
लुद्दा अर याफा में पतरस
32पछै ऐड़ौ होयौ की पतरस हरैक जगा फिरतौ होयौ, परभु रा पवितर लोगां रै खनै भी पूगो, जिकौ लुद्दा में रैवै हो। 33उठै उणनै एनियास नाम रौ लकवे रौ रोगी एक मिनख मिळियौ, जिकौ आठ साल ऊं खाट में पड़ियौ हो।
34पतरस उणनै कयौ, “हे एनियास! यीसु मसीह थनै सावळ करै है। उठ, थारौ बिछौणौ उठा।” तद वो तुरत उठनै ऊभौ होयौ। 35तद लुद्दा अर सारोन रै सगळा रैवणवाळा उणनै देखनै परभु री तरफ फिरया।
36याफा में तबीता नाम री एक विसवासनी रैवती ही। जिणरौ नाम यूनानी में दोरकास हो मतलब हिरणी। वो बोहत भलाई रा कांम अर दांन किया करती ही। 37उणीज दिनां में वो बीमार होयनै मर गी। अर उणौनै उणनै नहलायनै अटारी माथै राख दी। 38इण वास्तै की लुद्दा याफा रै नजीक हो, चेलौ ओ सुणनै की पतरस उठै है, दो मिनख भेजनै उण ऊं विनती की, “म्हौरै खनै आवण ऊं जेज मत कर।” 39तद पतरस उठनै उणरै साथै हो गियौ, अर जद वो पूगो तो वे उणनै उण अटारी ऊपर लेय ग्या। सगळी विधवाओं रोती व्ही उणरै खनै आन ऊभी होई, अर जिकौ कुड़ता अर कपड़ा दोरकास नै उणरै साथै रैवते वैळा बणाया हा, दिखाण लागी।
40तद पतरस सगळौ नै बारै कर दिया, अर गोडा टेकनै पराथना की अर लास री तरफ देखनै कयौ, “हे तबीता, उठ।” तद उणै आपरी आंख्यां खोल दी, अर पतरस नै देखनै उठनै बैठी। 41उणै हाथ देयनै उणनै उठाई, अर परमेसर रा लोगां अर विधवाओं नै बुलायनै उणनै जीवती दिखा दी। 42आ बात सगळै याफा में फैल गी, अर घणौ नै परभु माथै विसवास कियो। 43अर पतरस याफा में समौन नाम रै किणी चमड़े रौ धंधौ करणैवाळै रै उठै घणा दिन तांई रियौ।
Currently Selected:
प्रेरितों रा कांम 9: RWR
Highlight
Share
Copy
Want to have your highlights saved across all your devices? Sign up or sign in
© NLCI CC BY-NC-ND 4.0
प्रेरितों रा कांम 9
9
साऊल रौ मन फिराव
(प्रेरितों रा कांम 22:6–16; 26:12–18)
1साऊल जिकौ अजी तांई परभु रै चेलौ नै धमकानै अर घात करनै री धुन में हो, वो महायाजक रै खनै ग्यौ। 2अर उणौ ऊं दमिसक नगरी रै यहूदी पराथना घरो रै नाम माथै इण तरीकै री चिठ्ठियो मांगी, की कांई मिनख, कांई लुगाईयां, जिणनै वो इण पंथ में पावै उणौनै बांधनै यरुसलेम में ले आवै। 3पण चालते-चालते जद वो दमिसक नगरी रै नजीक पूगो, तो एकाएक आभै ऊं उणरै च्यांरूमेर जोत चमकी, 4अर वो जमीन माथै नीचे पड़ियौ, अर ओ सबद सुण्यौ, “हे साऊल, हे साऊल, थूं म्हनै क्यूं सतावै है?”
5साऊल पूछयौ, “हे परभु, थूं कुण है?”
उणै कयौ, “म्हैं यीसु हूं, जिणनै थूं सतावै है। 6पण अबै उठनै नगरी में जा, अर जिकौ थनै करणौ है वो थनै कयौ जावैला।”
7जिकौ मिनख उणरै साथै हा, वे विचार में पड़ग्या। क्यूंकै सबद तो सुणता हा, पण किणी नै देखता कोनीं हा। 8तद साऊल जमीन माथै ऊं उठयौ, पण जद आंख्यां खोली तो उणनै कीं देठाळौ नीं दियौ, अर वे उणरौ हाथ पकड़नै दमिसक में लैयग्या। 9वो तीन दिन तांई नीं देख सकयौ, अर नीं खायौ अर नीं पीयो।
10दमिसक में हनन्याह नाम रौ एक चेलौ हो, उण ऊं परभु दरसण में कयौ, “हे हनन्याह!”
उणै कयौ, “हां परभु।”
11तद परभु उणनै कयौ, “उठनै उण गळी में जा जिकौ ‘सीधी’ कहीजै है, अर यहूदा रै घर में साऊल नाम रौ एक तरसुसवासी नै पूछ, क्यूंकै देख, वो पराथना कर रियौ है, 12अर उणै दरसण में देख्यौ की हनन्याह नाम रौ एक मिनख नै मांय आवतै अर अपणै ऊपर हाथ राखतै देख्यौ है, ताकी पाछौ देखण लागै।”
13पण हनन्याह जबाब दियौ, “हे परभु, म्हैं इण मिनख रै बारै मे घणौ ऊं सुण्यौ है की इणनै यरुसलेम में थारै पवितर लोगां रै साथै बोहत बुराइयां की है। 14अर एठै भी इणनै परधान याजकौ री तरफ ऊं अधिकार मिळियौ है की जिकौ लोग थारौ नाम लेवे है, उण सगळौ नै बांध नै ले जावै।”
15पण परभु उणनै कयौ, “थूं चालयौ जा। क्यूंकै वो तो दूजी जातियो अर उणरै राजाओ अर इजरालियो रै सांमै म्हारौ नाम परगट करणै रै वास्तै चुणयोड़ौ आदमी है। 16अर म्हैं उणनै बताऊंला की म्हारै नाम रै वास्तै उणनै कैड़ा कैड़ा दुख उठाणा पड़ैला।”
17तद हनन्याह उठनै उण घर में ग्यौ, अर उण माथै आपरौ हाथ राखनै कयौ, “हे भाई साऊल, परभु, मतलब यीसु, जिकौ उण मारग में, जिण ऊं थूं आयौ थनै देठाळौ दियौ हो, उणीज म्हनै भेज्यौ है की थूं पाछौ देखण लागै अर पवितर आतमा ऊं भरपूर हो जावै।” 18अर तुरत उणरी आंख्यां ऊं छिलके ज्यूं निकळयौ अर वो देखण लागौ, अर उठनै बतिस्मो लियौ। 19पछै खाणौ खायनै ताकत पाई।
दमिसक में साऊल रौ परचार
वो कई दिनां उण चेलौ रै साथै रियौ जिकौ दमिसक में है। 20अर वो तुरत यहूदी पराथना घरो में यीसु रौ परचार करनै लागौ की “यीसु मसीह परमेसर रौ बेटौ है।”
21सगळा सुणणवाळा अचूम्बो करनै कैवण लागा, “कांई ओ वोहीज मिनख कोनीं है जिकौ यरुसलेम में उणौनै जिकौ इण नाम नै लेता हा, उणौनै नास करतौ हो, अर एठै भी इण वास्तै आयौ हो की उणौनै बांधनै परधान याजकौ रै खनै ले जावै?”
22पण साऊल वळै भी सामरथी होता गियौ, अर इण बात रौ परमाण देन की यीसु ही मसीह है, दमिसक रै रैवणवाळा यहूदियो रौ मूंडौ बंद करतौ रियौ।
23 #
2 कुरि 11:32,33 जद घणा दिन बीत गिया, तो यहूदियो नै मिळनै उणनै मारणै री योजना बणाई। 24पण उणौरी योजना साऊल नै मालूम पड़ गी। वे तो उणनै मारण वास्तै रात दिन फाटको माथै घात मे लागोड़ा रैवता हा। 25पण रात रौ उणरै चेलौ नै उणनै छाबड़िया मांय बिठायौ, अर नगरकोट ऊपर ऊं लटकायनै उतार दियौ।
यरुसलेम में साऊल
26यरुसलेम में पूगेन उणै चेलौ रै साथै मिळ जांणै री कोसीस करी, पण सगळा उण ऊं डरता हा, क्यूंकै उणनै विसवास कोनीं होवतो हो, की वो भी चेलौ है। 27पण बरनबास उणनै आपरै साथै प्रेरितों रै खनै लेय जायनै उणौनै बतायौ की उणै कीण रीत ऊं मारग में परभु नै देख्यौ, अर उणै इण ऊं बातां करी, पछै दमिसक में इणै कीकर हीमत ऊं यीसु रै नाम रौ परचार कियो। 28साऊल उणौरै साथै यरुसलेम में आतो-जातो रियौ अर निधड़क होयनै परभु यीसु रै नाम ऊं परचार करतौ हो। 29अर यूनानी भासा बोलणवाळा यहूदियो रै साथै बातचीत अर वाद-विवाद करतौ हो। पण वे उणनै मारणै री कोसीस करण लागा। 30ओ जांणनै विसवासी भाई उणनै कैसरिया लेय आया, अर तरसुस भेज दियौ।
31इण परकार सगळै यहूदिया, अर गलील, अर सामरिया में कलीसिया नै चैन मिळियौ, अर उणरी बढ़ोतरी होती गी, अर वो परभु रै भय अर पवितर आतमा री सानति में चालता अर बढ़ता गिया।
लुद्दा अर याफा में पतरस
32पछै ऐड़ौ होयौ की पतरस हरैक जगा फिरतौ होयौ, परभु रा पवितर लोगां रै खनै भी पूगो, जिकौ लुद्दा में रैवै हो। 33उठै उणनै एनियास नाम रौ लकवे रौ रोगी एक मिनख मिळियौ, जिकौ आठ साल ऊं खाट में पड़ियौ हो।
34पतरस उणनै कयौ, “हे एनियास! यीसु मसीह थनै सावळ करै है। उठ, थारौ बिछौणौ उठा।” तद वो तुरत उठनै ऊभौ होयौ। 35तद लुद्दा अर सारोन रै सगळा रैवणवाळा उणनै देखनै परभु री तरफ फिरया।
36याफा में तबीता नाम री एक विसवासनी रैवती ही। जिणरौ नाम यूनानी में दोरकास हो मतलब हिरणी। वो बोहत भलाई रा कांम अर दांन किया करती ही। 37उणीज दिनां में वो बीमार होयनै मर गी। अर उणौनै उणनै नहलायनै अटारी माथै राख दी। 38इण वास्तै की लुद्दा याफा रै नजीक हो, चेलौ ओ सुणनै की पतरस उठै है, दो मिनख भेजनै उण ऊं विनती की, “म्हौरै खनै आवण ऊं जेज मत कर।” 39तद पतरस उठनै उणरै साथै हो गियौ, अर जद वो पूगो तो वे उणनै उण अटारी ऊपर लेय ग्या। सगळी विधवाओं रोती व्ही उणरै खनै आन ऊभी होई, अर जिकौ कुड़ता अर कपड़ा दोरकास नै उणरै साथै रैवते वैळा बणाया हा, दिखाण लागी।
40तद पतरस सगळौ नै बारै कर दिया, अर गोडा टेकनै पराथना की अर लास री तरफ देखनै कयौ, “हे तबीता, उठ।” तद उणै आपरी आंख्यां खोल दी, अर पतरस नै देखनै उठनै बैठी। 41उणै हाथ देयनै उणनै उठाई, अर परमेसर रा लोगां अर विधवाओं नै बुलायनै उणनै जीवती दिखा दी। 42आ बात सगळै याफा में फैल गी, अर घणौ नै परभु माथै विसवास कियो। 43अर पतरस याफा में समौन नाम रै किणी चमड़े रौ धंधौ करणैवाळै रै उठै घणा दिन तांई रियौ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© NLCI CC BY-NC-ND 4.0