2 कुरिन्थियो 12
12
पौलुस रौ दिव्य दरसण
1जद की घंमड करणौ तो म्हारै लियै ठीक कोनीं, तो भी करणौ पड़ै है। पण म्हैं परभु रै दियोड़े दरसणौ अर परकासनो री चरचा करूंला। 2म्हैं मसीह में एक मिनख नै जांणूं हूं, चौदह साल पैला ओ मिनख तीजै सरग तांई उठा लियौ गियौ। वो सरीर रै साथै या बिना सरीर रै म्हनै खबर कोनीं, ओ परमेसर ही जांणै है। 3म्हैं ऐड़ै मिनख नै जांणूं हूं, न जांणै सरीर रै साथै या बिना सरीर रै, परमेसर ही जांणै है। 4वो सरगलोक ऊपर उठा लियौ गियौ, अर ऐड़ी बातां सुणी जिकौ कैवण री कोनीं, अर जिणरौ वरणन करणौ किणी भी मिनख रै लिए संभव नीं है। 5ऐड़ै मिनख माथै तो म्हैं घंमड करूंला, पण खुद री कमजोरियो नै छोड़नै, अपणै बारै में घंमड नीं करूंला। 6जे म्हैं घंमड करणौ चाहूंं भी तो मूरख नीं होवूंला, क्यूंकै सच बोलूं ला, तो भी रूक जावूं हूं, ऐड़ौ नीं हो, की ज्यौ कोई म्हनै देखे है, या म्हनै सुणै है, म्हनै उण ऊं बढ़नै समझै।
7अर इण वास्तै की म्हैं परकासनो रौ घणौ होणै ऊं फूल नीं जाऊं, म्हारै सरीर में एक कांटो लगायो गियौ मतलब सैतान रौ एक दूत की म्हनै मुक्का ठोके ताकी म्हैं फूल नीं जाऊं। 8इण कांटे रै बारै में म्हैं परभु ऊं तीन बार विनती की, की म्हारै ऊं ओ आगौ हो जावै। 9पण परभु कयौ, “म्हारी करपा थारै लियै घणी है। क्यूंकै म्हारी सामरथ कमजोरी में सिद्ध होवै है।” इण वास्तै म्हैं घणै आंणंद ऊं अपणी कमजोरियो माथै घंमड करूंला, की मसीह री सामरथ म्हारै माथै छाया करती रैवै। 10इण खातर म्हैं मसीह रै लियै कमजोरियो, अर निंदाओं में, अर दुखौ में, अर सताव में, अर कठिनाइयो में, राजी हूं। क्यूंकै जद म्हैं कमजोर होवूं हूं, तभी म्हैं ताकतवर होवूं हूं।
कुरिन्थियो रै लियै पौलुस री चिंता
11म्हैं गेलो तो बण्यौ, पण थै इज म्हनै ओ करणै रै लियै मजबुत कियो। थांनै तो म्हारी सौभा करणी चाहीजै ही, क्यूंकै जे म्हैं कीं भी कोनीं, तौभी जिणनै थै मोटा प्रेरित मांनौ हो उण ऊं म्हैं किणी बात में कम कोनीं हूं। 12साचै प्रेरित रा गुण भी म्हैं थौरे बीच में सगळै परकार रै चिन्ह अर अचूम्बे रा कांम, अर सामरथ रा कांम धीरज रै साथै दिखाया। 13थांनै कीण बात में दूजी कलीसियाओ ऊं कम समझया, सिवाय इणरै की म्हैं कदैई भी थौरे लिए बोझ नीं बण्यौ? म्हारौ ओ अन्याव माफ करौ।
14अबै, म्हैं तीजी बार थौरे खनै आवण नै तैयार हूं, म्हैं थौरे लियै बोझ नीं बणूंला। क्यूंकै म्हैं थौरी जायदाद कोनीं, बल्कि थांनै ही चावूं हूं। क्यूंकै टाबरौ नै मा-बाप रै लियै धन भेळौ नीं करणौ, पण मां-बाप नै टाबरौ रै लियै करणौ है। 15म्हैं थौरे लियै घणै आंणंद ऊं खरच करूंला, बल्कि खुद ही खरच हो जावूंला। कांई जितौ बढ़नै म्हैं थौरे ऊं परैम राखूं हूं, उतरौ ही घटनै थै म्हारै ऊं परैम राखोला? 16कीं भी हो, म्हैं थौरे माथै बोझ नीं बण्यौ। तौभी कोई न कोई म्हारै ऊपर दोस लगावै है, की चालाकी ऊं थांनै धोखो देयनै फंसा लिया। 17भला, जिणौनै म्हैं थौरे खनै भेज्या, कांई उणमे ऊं किणी रै जरियै म्हैं चाल करनै थौरे ऊं कीं ले लियौ? 18म्हैं तीतुस नै समझायनै उणरै साथै उण भाई नै थौरे खनै भेज्यौ। तो कांई तीतुस चाल करनै थौरे खनै ऊं कीं लियौ? कांई म्हौ एक ही आतमा रै चलायोड़ा नीं चालौ? कांई एक ही लीक माथै नीं चालया?
19थै अजी तांई समझ रिया होवोला की म्हौ थौरे सांमै जबाब दे रिया हो, म्हौ तो परमेसर नै हाजर जांणनै मसीह में बोलो हो। अर हे प्यारौ, सगळी बातां थौरी भलाई रै लियै कैवौ हो। 20क्यूंकै म्हनै डर है, कठैई ऐड़ौ नीं हो, की म्हैं आयनै जैड़ौ चावूं हूं, वैड़ा थांनै नीं पाऊं। अर म्हनै भी जैड़ौ थै नीं चावौ वैड़ौ नीं पाओ, की थौरे में झगड़ौ, जळण, क्रोध, विरोध, ईस्या, चुगली, घंमड अर बखेड़े हो। 21अर कही ऐड़ौ नीं हो की जद म्हैं पाछौ आऊंला, म्हारौ परमेसर म्हारी बेजती करै अर म्हनै घणौ रै लियै सौग करणौ पड़ै, जिणौनै पैला पाप कियो हो, अर उण भूंडै कांम, अर व्यभिचार, अर लुचपन ऊं, जिकौ उणौ किया, मन नीं फिरायो।
Currently Selected:
2 कुरिन्थियो 12: RWR
Highlight
Share
Copy
Want to have your highlights saved across all your devices? Sign up or sign in
© NLCI CC BY-NC-ND 4.0
2 कुरिन्थियो 12
12
पौलुस रौ दिव्य दरसण
1जद की घंमड करणौ तो म्हारै लियै ठीक कोनीं, तो भी करणौ पड़ै है। पण म्हैं परभु रै दियोड़े दरसणौ अर परकासनो री चरचा करूंला। 2म्हैं मसीह में एक मिनख नै जांणूं हूं, चौदह साल पैला ओ मिनख तीजै सरग तांई उठा लियौ गियौ। वो सरीर रै साथै या बिना सरीर रै म्हनै खबर कोनीं, ओ परमेसर ही जांणै है। 3म्हैं ऐड़ै मिनख नै जांणूं हूं, न जांणै सरीर रै साथै या बिना सरीर रै, परमेसर ही जांणै है। 4वो सरगलोक ऊपर उठा लियौ गियौ, अर ऐड़ी बातां सुणी जिकौ कैवण री कोनीं, अर जिणरौ वरणन करणौ किणी भी मिनख रै लिए संभव नीं है। 5ऐड़ै मिनख माथै तो म्हैं घंमड करूंला, पण खुद री कमजोरियो नै छोड़नै, अपणै बारै में घंमड नीं करूंला। 6जे म्हैं घंमड करणौ चाहूंं भी तो मूरख नीं होवूंला, क्यूंकै सच बोलूं ला, तो भी रूक जावूं हूं, ऐड़ौ नीं हो, की ज्यौ कोई म्हनै देखे है, या म्हनै सुणै है, म्हनै उण ऊं बढ़नै समझै।
7अर इण वास्तै की म्हैं परकासनो रौ घणौ होणै ऊं फूल नीं जाऊं, म्हारै सरीर में एक कांटो लगायो गियौ मतलब सैतान रौ एक दूत की म्हनै मुक्का ठोके ताकी म्हैं फूल नीं जाऊं। 8इण कांटे रै बारै में म्हैं परभु ऊं तीन बार विनती की, की म्हारै ऊं ओ आगौ हो जावै। 9पण परभु कयौ, “म्हारी करपा थारै लियै घणी है। क्यूंकै म्हारी सामरथ कमजोरी में सिद्ध होवै है।” इण वास्तै म्हैं घणै आंणंद ऊं अपणी कमजोरियो माथै घंमड करूंला, की मसीह री सामरथ म्हारै माथै छाया करती रैवै। 10इण खातर म्हैं मसीह रै लियै कमजोरियो, अर निंदाओं में, अर दुखौ में, अर सताव में, अर कठिनाइयो में, राजी हूं। क्यूंकै जद म्हैं कमजोर होवूं हूं, तभी म्हैं ताकतवर होवूं हूं।
कुरिन्थियो रै लियै पौलुस री चिंता
11म्हैं गेलो तो बण्यौ, पण थै इज म्हनै ओ करणै रै लियै मजबुत कियो। थांनै तो म्हारी सौभा करणी चाहीजै ही, क्यूंकै जे म्हैं कीं भी कोनीं, तौभी जिणनै थै मोटा प्रेरित मांनौ हो उण ऊं म्हैं किणी बात में कम कोनीं हूं। 12साचै प्रेरित रा गुण भी म्हैं थौरे बीच में सगळै परकार रै चिन्ह अर अचूम्बे रा कांम, अर सामरथ रा कांम धीरज रै साथै दिखाया। 13थांनै कीण बात में दूजी कलीसियाओ ऊं कम समझया, सिवाय इणरै की म्हैं कदैई भी थौरे लिए बोझ नीं बण्यौ? म्हारौ ओ अन्याव माफ करौ।
14अबै, म्हैं तीजी बार थौरे खनै आवण नै तैयार हूं, म्हैं थौरे लियै बोझ नीं बणूंला। क्यूंकै म्हैं थौरी जायदाद कोनीं, बल्कि थांनै ही चावूं हूं। क्यूंकै टाबरौ नै मा-बाप रै लियै धन भेळौ नीं करणौ, पण मां-बाप नै टाबरौ रै लियै करणौ है। 15म्हैं थौरे लियै घणै आंणंद ऊं खरच करूंला, बल्कि खुद ही खरच हो जावूंला। कांई जितौ बढ़नै म्हैं थौरे ऊं परैम राखूं हूं, उतरौ ही घटनै थै म्हारै ऊं परैम राखोला? 16कीं भी हो, म्हैं थौरे माथै बोझ नीं बण्यौ। तौभी कोई न कोई म्हारै ऊपर दोस लगावै है, की चालाकी ऊं थांनै धोखो देयनै फंसा लिया। 17भला, जिणौनै म्हैं थौरे खनै भेज्या, कांई उणमे ऊं किणी रै जरियै म्हैं चाल करनै थौरे ऊं कीं ले लियौ? 18म्हैं तीतुस नै समझायनै उणरै साथै उण भाई नै थौरे खनै भेज्यौ। तो कांई तीतुस चाल करनै थौरे खनै ऊं कीं लियौ? कांई म्हौ एक ही आतमा रै चलायोड़ा नीं चालौ? कांई एक ही लीक माथै नीं चालया?
19थै अजी तांई समझ रिया होवोला की म्हौ थौरे सांमै जबाब दे रिया हो, म्हौ तो परमेसर नै हाजर जांणनै मसीह में बोलो हो। अर हे प्यारौ, सगळी बातां थौरी भलाई रै लियै कैवौ हो। 20क्यूंकै म्हनै डर है, कठैई ऐड़ौ नीं हो, की म्हैं आयनै जैड़ौ चावूं हूं, वैड़ा थांनै नीं पाऊं। अर म्हनै भी जैड़ौ थै नीं चावौ वैड़ौ नीं पाओ, की थौरे में झगड़ौ, जळण, क्रोध, विरोध, ईस्या, चुगली, घंमड अर बखेड़े हो। 21अर कही ऐड़ौ नीं हो की जद म्हैं पाछौ आऊंला, म्हारौ परमेसर म्हारी बेजती करै अर म्हनै घणौ रै लियै सौग करणौ पड़ै, जिणौनै पैला पाप कियो हो, अर उण भूंडै कांम, अर व्यभिचार, अर लुचपन ऊं, जिकौ उणौ किया, मन नीं फिरायो।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© NLCI CC BY-NC-ND 4.0