1 तीमुथियुस 4
4
झूठी सिकसा देवणवाळा
1पण आतमा साफ कैवै है की आवण वाळै वगत में कीं लोग भरमाणे वाळी आतमाओ अर दुस्टआतमाओ री सिकसाओ माथै मन लगायनै, विसवास ऊं भटक जावैला। 2ओ उण झूठै मिनखौ रै कपट रै कारण होवैला, जिणरौ अंतो मर गियौ है। 3वो लोग ब्याव करणै ऊं रोकेला, अर खाणै री कईक चीजों ऊं आगौ रैणै री आग्या दैला, जिणै परमेसर नै इण खातर बणाया की, विसवासी अर सत्य नै पिछांण नै वाळा उण नै धन्यवाद रै साथै खावै। 4क्यूंकै परमेसर री बणायोड़ी हरैक चीज बड़िया है, अर कोई चीज मना करणै रै लायक कोनीं, पण ओ की धन्यवाद रै साथै खावै। 5क्यूंकै परमेसर रै वचन अर पराथना रै द्वारा वो सुद्ध हो जावै है।
यीसु मसीह रौ बड़िया सेवक
6जे थूं भाइयो नै ऐ बातां समझातौ रैला, तो यीसु मसीह रौ बड़िया सेवक ठैरैला। अर विसवास अर उण चौखै उपदेस री बातां ऊं, जिकौ थूं मानतो आयौ है, थारौ पाळ-पोसण होतो रैला। 7पण असुद्ध अर बुढ़ियों री फालतू कहाणियो ऊं आगौ रै। अर भगती री साधना कर। 8क्यूंकै सरीर री कसरत ऊं कम फायदो होवै है, पण भगती सगळी बातां रै वास्तै फायदेमंद है, क्यूंकै इण वगत रै अर आवण वाळै जीवन रौ भी वायदो इणी रै खातर है। 9आ बात साची अर हरैक तरैह ऊं मानणै लायक है। 10क्यूंकै म्हौ मेनत अर यत्न इण खातर करौ हो, की म्हौरी आसा उण जीवते परमेसर माथै है, जिकौ सगळै मिनखौ रौ अर खास करनै विसवासियो रौ उद्धारकर्ता है।
11इण बातां री आग्या दे अर सिखातौ रै। 12कोई थारी जवानी नै तुच्छ नीं समझ पावै। पण वचन, अर चाल-चलण, अर परैम, अर विसवास, अर पवितरता में विसवासियो रै खातर नमूनो बण जा। 13जैड़ी तांई म्हैं नीं आऊं, तद तांई पवितर सास्तर पढ़णै अर उपदेस दैणै अर सिखाणै में ध्यांन दे। 14उण वरदान नै जिकौ थारै में है उणरौ उपयोग करौ, जिकौ भविसयवांणी रै द्वारा कलीसिया रै अगुवो रै हाथ राखतै वेळा थनै मिळियौ हो।
15इण बातां नै सोचतो रै अर इणी मे अपणौ ध्यांन लगातौ रै, ताकी थारी उनति सगळां लोगां माथै परगट होवै। 16थारी अर थारै उपदेस री चौकसी राख। इण बातां माथै स्थिर रै, क्यूंकै जे यूं करतौ रैला तो थूं थारै अर थारै सुणणैवाळौ रै खातर उद्धार रौ कारण होवैला।
Currently Selected:
1 तीमुथियुस 4: RWR
Highlight
Share
Copy
Want to have your highlights saved across all your devices? Sign up or sign in
© NLCI CC BY-NC-ND 4.0
1 तीमुथियुस 4
4
झूठी सिकसा देवणवाळा
1पण आतमा साफ कैवै है की आवण वाळै वगत में कीं लोग भरमाणे वाळी आतमाओ अर दुस्टआतमाओ री सिकसाओ माथै मन लगायनै, विसवास ऊं भटक जावैला। 2ओ उण झूठै मिनखौ रै कपट रै कारण होवैला, जिणरौ अंतो मर गियौ है। 3वो लोग ब्याव करणै ऊं रोकेला, अर खाणै री कईक चीजों ऊं आगौ रैणै री आग्या दैला, जिणै परमेसर नै इण खातर बणाया की, विसवासी अर सत्य नै पिछांण नै वाळा उण नै धन्यवाद रै साथै खावै। 4क्यूंकै परमेसर री बणायोड़ी हरैक चीज बड़िया है, अर कोई चीज मना करणै रै लायक कोनीं, पण ओ की धन्यवाद रै साथै खावै। 5क्यूंकै परमेसर रै वचन अर पराथना रै द्वारा वो सुद्ध हो जावै है।
यीसु मसीह रौ बड़िया सेवक
6जे थूं भाइयो नै ऐ बातां समझातौ रैला, तो यीसु मसीह रौ बड़िया सेवक ठैरैला। अर विसवास अर उण चौखै उपदेस री बातां ऊं, जिकौ थूं मानतो आयौ है, थारौ पाळ-पोसण होतो रैला। 7पण असुद्ध अर बुढ़ियों री फालतू कहाणियो ऊं आगौ रै। अर भगती री साधना कर। 8क्यूंकै सरीर री कसरत ऊं कम फायदो होवै है, पण भगती सगळी बातां रै वास्तै फायदेमंद है, क्यूंकै इण वगत रै अर आवण वाळै जीवन रौ भी वायदो इणी रै खातर है। 9आ बात साची अर हरैक तरैह ऊं मानणै लायक है। 10क्यूंकै म्हौ मेनत अर यत्न इण खातर करौ हो, की म्हौरी आसा उण जीवते परमेसर माथै है, जिकौ सगळै मिनखौ रौ अर खास करनै विसवासियो रौ उद्धारकर्ता है।
11इण बातां री आग्या दे अर सिखातौ रै। 12कोई थारी जवानी नै तुच्छ नीं समझ पावै। पण वचन, अर चाल-चलण, अर परैम, अर विसवास, अर पवितरता में विसवासियो रै खातर नमूनो बण जा। 13जैड़ी तांई म्हैं नीं आऊं, तद तांई पवितर सास्तर पढ़णै अर उपदेस दैणै अर सिखाणै में ध्यांन दे। 14उण वरदान नै जिकौ थारै में है उणरौ उपयोग करौ, जिकौ भविसयवांणी रै द्वारा कलीसिया रै अगुवो रै हाथ राखतै वेळा थनै मिळियौ हो।
15इण बातां नै सोचतो रै अर इणी मे अपणौ ध्यांन लगातौ रै, ताकी थारी उनति सगळां लोगां माथै परगट होवै। 16थारी अर थारै उपदेस री चौकसी राख। इण बातां माथै स्थिर रै, क्यूंकै जे यूं करतौ रैला तो थूं थारै अर थारै सुणणैवाळौ रै खातर उद्धार रौ कारण होवैला।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© NLCI CC BY-NC-ND 4.0