1 तीमुथियुस 2
2
सगळौ रै खातर पराथना
1अबै म्हैं सगळा ऊं पैला ओ उपदेस देवूं हूं, की विनती, अर पराथना, अर निवेदन अर धन्यवाद सगळै मांनखै रै खातर कीं जावै। 2राजाओ अर सैंग ऊंचै पदवाळौ रै लियै पराथना करौ की म्हौ नरमाई अर सानति रै साथै सगळी भगती अर मांन ऊं जीवन बीता सकौ। 3अर आ पराथना म्हौरै उद्धारकर्ता परमेसर नै चौखी लागै अर उचित भी है, 4जिकौ ओ चावै है की सगळै मांनखै रौ उद्धार हो, अर वे सत्य नै भली भांति पिछांण ले। 5क्यूंकै परमेसर एक इज है, अर परमेसर अर मांनखै रै बीच में भी एक इज बिचवई है, अरथावूं यीसु मसीह जिकौ मिनख है। 6वो अपणै आप नै सगळौ रै छुटकारै रै दाम में दे दियौ, अर उणरी गवाई ठीक वगत माथै दीनी। 7#2 तीमु 1:11म्हैं साची कैवूं हूं, झूठ कोनीं बोलूं, की म्हैं इणी मकसद ऊं परचारक अर प्रेरित अर गैर यहूदी रै खातर विसवास अर सत्य रौ उपदेसक ठैरायौ गियौ।
8इण वास्तै म्हैं चावूं हूं की हरैक जगा मिनख, बिना रीस अर विवाद रै साचै मन ऊं हाथो नै उठायनै पराथना किया करै। 9#1 पत 3:3व्यौंही लुगाईयां भी मांन अर समझदारी रै साथै सुहावनै कपड़ो ऊं अपणै आप नै संवारे, न की बाल गूंथनै अर सोने अर मोतियो अर बहुमोल कपड़ो ऊं, 10पण भलै कांमां ऊं। क्यूंकै परमेसर री भगती करणैवाळी लुगाईयां नै ओहीज उचित है।
11लुगाई नै चुपचाप पूरी अधीनता ऊं परमेसर रौ वचन सीखणौ चाहीजै। 12म्हैं कैवूं हूं की लुगाई न उपदेस करै अर न मिनख माथै आग्या चलावै, पण चुपचाप रैवै। 13क्यूंकै आदम पैला, उणरै पछै हव्वा नै बणाई। 14अर आदम बहकायो नीं गियौ, पण लुगाई बहकावै में आयनै अपराधीनी होई। 15जे वो संयम सहित विसवास, परैम, अर पवितरता में मजबुत रैवै, तो मां रौ फरज निभाने रै जरियै उद्धार पावैला।
Currently Selected:
1 तीमुथियुस 2: RWR
Highlight
Share
Copy
Want to have your highlights saved across all your devices? Sign up or sign in
© NLCI CC BY-NC-ND 4.0
1 तीमुथियुस 2
2
सगळौ रै खातर पराथना
1अबै म्हैं सगळा ऊं पैला ओ उपदेस देवूं हूं, की विनती, अर पराथना, अर निवेदन अर धन्यवाद सगळै मांनखै रै खातर कीं जावै। 2राजाओ अर सैंग ऊंचै पदवाळौ रै लियै पराथना करौ की म्हौ नरमाई अर सानति रै साथै सगळी भगती अर मांन ऊं जीवन बीता सकौ। 3अर आ पराथना म्हौरै उद्धारकर्ता परमेसर नै चौखी लागै अर उचित भी है, 4जिकौ ओ चावै है की सगळै मांनखै रौ उद्धार हो, अर वे सत्य नै भली भांति पिछांण ले। 5क्यूंकै परमेसर एक इज है, अर परमेसर अर मांनखै रै बीच में भी एक इज बिचवई है, अरथावूं यीसु मसीह जिकौ मिनख है। 6वो अपणै आप नै सगळौ रै छुटकारै रै दाम में दे दियौ, अर उणरी गवाई ठीक वगत माथै दीनी। 7#2 तीमु 1:11म्हैं साची कैवूं हूं, झूठ कोनीं बोलूं, की म्हैं इणी मकसद ऊं परचारक अर प्रेरित अर गैर यहूदी रै खातर विसवास अर सत्य रौ उपदेसक ठैरायौ गियौ।
8इण वास्तै म्हैं चावूं हूं की हरैक जगा मिनख, बिना रीस अर विवाद रै साचै मन ऊं हाथो नै उठायनै पराथना किया करै। 9#1 पत 3:3व्यौंही लुगाईयां भी मांन अर समझदारी रै साथै सुहावनै कपड़ो ऊं अपणै आप नै संवारे, न की बाल गूंथनै अर सोने अर मोतियो अर बहुमोल कपड़ो ऊं, 10पण भलै कांमां ऊं। क्यूंकै परमेसर री भगती करणैवाळी लुगाईयां नै ओहीज उचित है।
11लुगाई नै चुपचाप पूरी अधीनता ऊं परमेसर रौ वचन सीखणौ चाहीजै। 12म्हैं कैवूं हूं की लुगाई न उपदेस करै अर न मिनख माथै आग्या चलावै, पण चुपचाप रैवै। 13क्यूंकै आदम पैला, उणरै पछै हव्वा नै बणाई। 14अर आदम बहकायो नीं गियौ, पण लुगाई बहकावै में आयनै अपराधीनी होई। 15जे वो संयम सहित विसवास, परैम, अर पवितरता में मजबुत रैवै, तो मां रौ फरज निभाने रै जरियै उद्धार पावैला।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© NLCI CC BY-NC-ND 4.0