Rom 11
11
God hemi lavem Israel yet
1Nao#Filipae 3:5. mi askem moa. ?Waswe, God hemi les long olketa pipol blong hem nao? !Hemi had ya! Mi seleva tu mi man blong Israel, wea mi bon kam long laen blong Ebraham long traeb blong Benjamin. 2God hemi no save les long olketa pipol blong hem wea hemi siusim olketa longtaem kam finis. Yufala save finis abaotem stori blong Elaeja long Buktambu, wea hemi prea long God an tokstrong agensim pipol blong Israel olsem, 3“Masta,#1 Kings 19:10, 14. olketa kilim dae olketa profet blong yu, an olketa bin brekemdaon olketa olta blong yu. Mi nomoa mi stap an olketa traehad fo kilim mi dae tu.” 4An#1 Kings 19:18. ansa blong God nao hemi olsem, “Mi garem yet 7,000 man wea i nating baodaon long disfala laea god Baal.” 5Long sem wei tu, distaem, samfala pipol stap hu God hemi siusim olketa finis long kaenfala lav blong hem. 6Hemi no siusim olketa from gudfala waka blong olketa, bat from kaenfala lav blong hem seleva nomoa. Bikos sapos hemi siusim olketa from gudfala waka blong olketa, bae kaenfala lav blong God hemi no truwan ya.
7Diswan hemi minim olketa pipol blong Israel nating faendem nomoa wanem olketa lukaotem tumas. Samfala pipol nomoa hu God hemi siusim, olketa nao i faendem. Bat olketa nara pipol i no wiling fo lisin, 8olsem#Diutronomi 29:4; Aesaea 29:10. Buktambu hemi talem,
“God hemi mekem maen blong olketa fo no save tingting gud.
Kam kasem distaem,
ae blong olketa i no save lukluk,
an ia blong olketa i no save herehere.”
9An#Sams 69:22-23. Deved tu hemi tok olsem,
“Letem bikfala fist blong olketa, hemi olsem trap long olketa.
Letem bikde blong olketa i mekem olketa foldaon nogud,
an letem God panisim olketa.
10Letem ae blong olketa i blaen, mekem olketa no lukluk.
An letem olketa safa nogud long enikaen trabol nomoa.”
11So mi sei moa, ?Waswe, bikos olketa foldaon nogud, hemi minim olketa nogud olowe nao? !Nomoa ya! Bat bikos olketa pipol blong Jiu i duim rong samting, God hemi gohed fo sevem olketa pipol hu i no Jiu, mekem olketa Jiu i joles long olketa. 12Bikos olketa Jiu i duim rong samting, God hemi givim olketa gudfala samting long pipol long wol. An from olketa Jiu i lusim wei blong God, God hemi givim olketa gudfala blesing long olketa hu i no Jiu. !So taem barava namba blong olketa pipol blong Israel i kambaek long God, plande gudfala samting tumas moa bae hemi kasem yumi!
Tokpiksa abaotem oliv tri
13Nao mi tok go long yufala olketa pipol hu i no Jiu. Mi tinghae long waka blong mi, wea mi aposol fo yufala pipol hu i no Jiu. 14Mi laek mekem olketa wantok blong mi fo joles long yufala, mekem samfala long olketa save kam long God fo hemi sevem olketa. 15Bikos taem God hemi les long olketa Jiu, hemi mekem olketa nara pipol long wol fo save kamap fren blong God moa. ?Olsem wanem nao bae hemi hapen taem God hemi hapi wetem olketa Jiu moa? !Bae hemi olsem olketa laefbaek moa from dae!
16Taem yumi givim fas pat long bred olsem sakrifaes#11:16 “givim fas pat long bred olsem sakrifaes” Lukim Nambas 15:19-20. long God, hemi olsem ful bred ya hemi blong God. An sapos rut blong wanfala tri hemi blong God, olketa brans blong tri ya i blong God tu. 17Samfala brans blong barava oliv tri#11:17 “barava oliv tri” Oliv tri ya hemi piksa blong olketa pipol blong God, an olketa brans wea olketa brekemaot finis, olketa nao olketa Jiu hu i no laek fo biliv long God (Lukim Jeremaea 11:16). Nao olketa brans blong wael oliv tri ya hemi minim olketa nara pipol hu i no Jiu wea olketa kamap Kristin finis. God hemi brekemaot finis. An yufala, nomata yufala olsem olketa brans blong wael oliv tri, God hemi joenem yufala go long disfala barava oliv tri ya. An distaem yufala tu i save garem olketa gudfala samting wea hemi kamaot long olketa Jiu ya. 18Dastawe yufala mas no lukdaon long olketa nara brans ya. Bikos yufala no save givim laef long rut blong oliv tri ya. Bat rut ya nao hemi save givim laef long yufala.
19Yufala maet talem, “God hemi brekemaot olketa brans blong barava oliv tri ya, mekem hemi save joenem mifala go long ples blong olketa.” 20Hemi tru, bat God hemi brekemaot olketa bikos olketa no biliv, an yufala moa stap long oliv tri ya bikos yufala biliv. So yufala mas no praod long diswan, bat yufala mas lukaot. 21Bikos nomata olketa barava brans blong oliv tri ya, God hemi no letem olketa fo stap taem olketa no biliv. ?Waswe, yufala tingse bae God hemi letem yufala fo stap nomoa sapos yufala no biliv? 22Yufala mas tingim gud dat God hemi save sore an kaen tumas, bat hemi save jajem yumi tu. Hemi jajem olketa hu i lusim wei blong hem, bat hemi sore an kaen long yufala sapos yufala gohed fo falom gudfala wei blong hem. Bat sapos yufala no duim diswan, bae hemi katemaot yufala tu. 23An sapos olketa Jiu olketa stat fo biliv moa, bae God hemi joenem olketa moa insaet long oliv tri ya. Bikos God hemi garem paoa fo joenem olketa baek moa. 24God hemi bin joenem yufala go long disfala barava oliv tri ya, nomata yufala kamaot long wanfala wael oliv tri. So bae hemi isi nomoa fo God joenem baek olketa Jiu wea olketa olsem tru brans blong disfala barava oliv tri ya.
God filsore long evriwan
25Olketa Kristin fren, mi laekem yufala fo save long disfala bikfala samting wea hemi staphaed, mekem yufala no tingim yufala barava save tumas. Hemi olsem ya, disfala wei blong pipol blong Israel fo no lisin, bae hemi stap nomoa go kasem taem evriwan hu i no Jiu wea God hemi siusim, i kam finis long hem. 26An#Aesaea 59:20. long datfala taem, bae God hemi sevem evriwan blong Israel, olsem God hemi talem finis insaet long Buktambu,
“Man fo sevem olketa pipol ya bae hemi kamaot long Saeon,
an disfala ravis tingting fo no biliv, bae hemi tekemaot from olketa pipol long laen blong Jekob.
27Long#Jeremaea 31:33-34. taem ya, bae mi mekem wanfala spesol agrimen#11:27 “spesol agrimen” Lukim long diksonari. wetem olketa,
wea bae mi finisim sin blong olketa.”
28Bikos olketa Jiu i agensim disfala Gudnius, olketa i enemi blong God nao, an diswan hemi fo gud blong yufala pipol hu i no Jiu. Bat bikos God hemi siusim olketa, hemi lavem olketa yet falom promis blong hem long olketa olo blong olketa. 29Bikos taem God hemi siusim eniwan an hemi givim gudfala samting long hem finis, bae hemi no save sensim tingting blong hem. 30Long bifoa, yufala no obeim God, bat distaem olketa pipol blong Israel nao olketa no obeim hem, dastawe nao God hemi sore an kaen long yufala. 31Long sem wei tu, olketa Jiu hu i no obeim God distaem, bae God hemi sore an kaen long olketa moa long sem wei wea hemi sore an kaen long yufala. 32Wei fo no obei, hemi olsem wanfala prisin wea God hemi mekem evriwan stap long hem, mekem hemi save sore an kaen long olketa evriwan.
Toktok fo preisim God
33!God#Aesaea 55:8. hemi gud tumas long evriwan,
an save blong hem hemi bikfala tumas
an tingting blong hem hemi waes tumas!
!Yumi no luksave long tingting blong hem,
yumi no save minimgud olketa wei blong hem!
34Olsem#Aesaea 40:13. Buktambu hemi talem,
“?Hu nao i save long tingting blong Masta?
?Hu nao i save tisim hem long enisamting?”
35“?Hu#Job 41:11. nao i bin givim enisamting long God,
mekem God hemi mas givimbaek samting long hem?”
36God#1 Korin 8:6. nao hemi mekem evrisamting,
an evrisamting stanap long paoa blong hem,
an evrisamting i blong hem nomoa.
!Yumi mas mekhae long God olowe nao! Amen.
Currently Selected:
Rom 11: SIPB
Highlight
Share
Copy
Want to have your highlights saved across all your devices? Sign up or sign in
Solomon Islands Pijin Bible © Bible Society of the South Pacific, 2008.
Rom 11
11
God hemi lavem Israel yet
1Nao#Filipae 3:5. mi askem moa. ?Waswe, God hemi les long olketa pipol blong hem nao? !Hemi had ya! Mi seleva tu mi man blong Israel, wea mi bon kam long laen blong Ebraham long traeb blong Benjamin. 2God hemi no save les long olketa pipol blong hem wea hemi siusim olketa longtaem kam finis. Yufala save finis abaotem stori blong Elaeja long Buktambu, wea hemi prea long God an tokstrong agensim pipol blong Israel olsem, 3“Masta,#1 Kings 19:10, 14. olketa kilim dae olketa profet blong yu, an olketa bin brekemdaon olketa olta blong yu. Mi nomoa mi stap an olketa traehad fo kilim mi dae tu.” 4An#1 Kings 19:18. ansa blong God nao hemi olsem, “Mi garem yet 7,000 man wea i nating baodaon long disfala laea god Baal.” 5Long sem wei tu, distaem, samfala pipol stap hu God hemi siusim olketa finis long kaenfala lav blong hem. 6Hemi no siusim olketa from gudfala waka blong olketa, bat from kaenfala lav blong hem seleva nomoa. Bikos sapos hemi siusim olketa from gudfala waka blong olketa, bae kaenfala lav blong God hemi no truwan ya.
7Diswan hemi minim olketa pipol blong Israel nating faendem nomoa wanem olketa lukaotem tumas. Samfala pipol nomoa hu God hemi siusim, olketa nao i faendem. Bat olketa nara pipol i no wiling fo lisin, 8olsem#Diutronomi 29:4; Aesaea 29:10. Buktambu hemi talem,
“God hemi mekem maen blong olketa fo no save tingting gud.
Kam kasem distaem,
ae blong olketa i no save lukluk,
an ia blong olketa i no save herehere.”
9An#Sams 69:22-23. Deved tu hemi tok olsem,
“Letem bikfala fist blong olketa, hemi olsem trap long olketa.
Letem bikde blong olketa i mekem olketa foldaon nogud,
an letem God panisim olketa.
10Letem ae blong olketa i blaen, mekem olketa no lukluk.
An letem olketa safa nogud long enikaen trabol nomoa.”
11So mi sei moa, ?Waswe, bikos olketa foldaon nogud, hemi minim olketa nogud olowe nao? !Nomoa ya! Bat bikos olketa pipol blong Jiu i duim rong samting, God hemi gohed fo sevem olketa pipol hu i no Jiu, mekem olketa Jiu i joles long olketa. 12Bikos olketa Jiu i duim rong samting, God hemi givim olketa gudfala samting long pipol long wol. An from olketa Jiu i lusim wei blong God, God hemi givim olketa gudfala blesing long olketa hu i no Jiu. !So taem barava namba blong olketa pipol blong Israel i kambaek long God, plande gudfala samting tumas moa bae hemi kasem yumi!
Tokpiksa abaotem oliv tri
13Nao mi tok go long yufala olketa pipol hu i no Jiu. Mi tinghae long waka blong mi, wea mi aposol fo yufala pipol hu i no Jiu. 14Mi laek mekem olketa wantok blong mi fo joles long yufala, mekem samfala long olketa save kam long God fo hemi sevem olketa. 15Bikos taem God hemi les long olketa Jiu, hemi mekem olketa nara pipol long wol fo save kamap fren blong God moa. ?Olsem wanem nao bae hemi hapen taem God hemi hapi wetem olketa Jiu moa? !Bae hemi olsem olketa laefbaek moa from dae!
16Taem yumi givim fas pat long bred olsem sakrifaes#11:16 “givim fas pat long bred olsem sakrifaes” Lukim Nambas 15:19-20. long God, hemi olsem ful bred ya hemi blong God. An sapos rut blong wanfala tri hemi blong God, olketa brans blong tri ya i blong God tu. 17Samfala brans blong barava oliv tri#11:17 “barava oliv tri” Oliv tri ya hemi piksa blong olketa pipol blong God, an olketa brans wea olketa brekemaot finis, olketa nao olketa Jiu hu i no laek fo biliv long God (Lukim Jeremaea 11:16). Nao olketa brans blong wael oliv tri ya hemi minim olketa nara pipol hu i no Jiu wea olketa kamap Kristin finis. God hemi brekemaot finis. An yufala, nomata yufala olsem olketa brans blong wael oliv tri, God hemi joenem yufala go long disfala barava oliv tri ya. An distaem yufala tu i save garem olketa gudfala samting wea hemi kamaot long olketa Jiu ya. 18Dastawe yufala mas no lukdaon long olketa nara brans ya. Bikos yufala no save givim laef long rut blong oliv tri ya. Bat rut ya nao hemi save givim laef long yufala.
19Yufala maet talem, “God hemi brekemaot olketa brans blong barava oliv tri ya, mekem hemi save joenem mifala go long ples blong olketa.” 20Hemi tru, bat God hemi brekemaot olketa bikos olketa no biliv, an yufala moa stap long oliv tri ya bikos yufala biliv. So yufala mas no praod long diswan, bat yufala mas lukaot. 21Bikos nomata olketa barava brans blong oliv tri ya, God hemi no letem olketa fo stap taem olketa no biliv. ?Waswe, yufala tingse bae God hemi letem yufala fo stap nomoa sapos yufala no biliv? 22Yufala mas tingim gud dat God hemi save sore an kaen tumas, bat hemi save jajem yumi tu. Hemi jajem olketa hu i lusim wei blong hem, bat hemi sore an kaen long yufala sapos yufala gohed fo falom gudfala wei blong hem. Bat sapos yufala no duim diswan, bae hemi katemaot yufala tu. 23An sapos olketa Jiu olketa stat fo biliv moa, bae God hemi joenem olketa moa insaet long oliv tri ya. Bikos God hemi garem paoa fo joenem olketa baek moa. 24God hemi bin joenem yufala go long disfala barava oliv tri ya, nomata yufala kamaot long wanfala wael oliv tri. So bae hemi isi nomoa fo God joenem baek olketa Jiu wea olketa olsem tru brans blong disfala barava oliv tri ya.
God filsore long evriwan
25Olketa Kristin fren, mi laekem yufala fo save long disfala bikfala samting wea hemi staphaed, mekem yufala no tingim yufala barava save tumas. Hemi olsem ya, disfala wei blong pipol blong Israel fo no lisin, bae hemi stap nomoa go kasem taem evriwan hu i no Jiu wea God hemi siusim, i kam finis long hem. 26An#Aesaea 59:20. long datfala taem, bae God hemi sevem evriwan blong Israel, olsem God hemi talem finis insaet long Buktambu,
“Man fo sevem olketa pipol ya bae hemi kamaot long Saeon,
an disfala ravis tingting fo no biliv, bae hemi tekemaot from olketa pipol long laen blong Jekob.
27Long#Jeremaea 31:33-34. taem ya, bae mi mekem wanfala spesol agrimen#11:27 “spesol agrimen” Lukim long diksonari. wetem olketa,
wea bae mi finisim sin blong olketa.”
28Bikos olketa Jiu i agensim disfala Gudnius, olketa i enemi blong God nao, an diswan hemi fo gud blong yufala pipol hu i no Jiu. Bat bikos God hemi siusim olketa, hemi lavem olketa yet falom promis blong hem long olketa olo blong olketa. 29Bikos taem God hemi siusim eniwan an hemi givim gudfala samting long hem finis, bae hemi no save sensim tingting blong hem. 30Long bifoa, yufala no obeim God, bat distaem olketa pipol blong Israel nao olketa no obeim hem, dastawe nao God hemi sore an kaen long yufala. 31Long sem wei tu, olketa Jiu hu i no obeim God distaem, bae God hemi sore an kaen long olketa moa long sem wei wea hemi sore an kaen long yufala. 32Wei fo no obei, hemi olsem wanfala prisin wea God hemi mekem evriwan stap long hem, mekem hemi save sore an kaen long olketa evriwan.
Toktok fo preisim God
33!God#Aesaea 55:8. hemi gud tumas long evriwan,
an save blong hem hemi bikfala tumas
an tingting blong hem hemi waes tumas!
!Yumi no luksave long tingting blong hem,
yumi no save minimgud olketa wei blong hem!
34Olsem#Aesaea 40:13. Buktambu hemi talem,
“?Hu nao i save long tingting blong Masta?
?Hu nao i save tisim hem long enisamting?”
35“?Hu#Job 41:11. nao i bin givim enisamting long God,
mekem God hemi mas givimbaek samting long hem?”
36God#1 Korin 8:6. nao hemi mekem evrisamting,
an evrisamting stanap long paoa blong hem,
an evrisamting i blong hem nomoa.
!Yumi mas mekhae long God olowe nao! Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Solomon Islands Pijin Bible © Bible Society of the South Pacific, 2008.