Nambas 13
13
Tuelfala man i go fo lukluk long Kenan an faendemaot abaotem ples
(Diutronomi 1:19-33)
1-3Long taem wea olketa stap yet long drae eria long Paran, Yawe hemi tok olsem long Mosis, “Yu mas siusim tuelfala lida, wan from evri traeb blong yufala. Yu mas sendem tuelfala go long Kenan fo lukluk an faendemaot abaotem lan wea mi promisim finis fo givim long yufala.” So hemi duim olsem wea Yawe hemi bin talem, hemi siusim tuelfala lida an hemi sendem olketa go fo lukluk an faendemaot abaotem datfala lan.
4Olketa lida wea hemi sendemaot, nem blong olketa nao hemi olsem:
Long traeb blong Ruben, hemi siusim Samua, san blong Sakua.
5An long traeb blong Simion, hemi siusim Safat, san blong Hori.
6An long traeb blong Jiuda, hemi siusim Kelab, san blong Jefune.
7An long traeb blong Isaka, hemi siusim Igal, san blong Josef.
8An long traeb blong Efrem, hemi siusim Hosea, san blong Nun.
9An long traeb blong Benjamin, hemi siusim Palti, san blong Rafu.
10An long traeb blong Sebulun, hemi siusim Gadiel, san blong Sodi.
11An long traeb blong Josef wea olketa kolem traeb blong Manase, hemi siusim Gadi, san blong Susi.
12An long traeb blong Dan, hemi siusim Amiel, san blong Gemali.
13An long traeb blong Asa, hemi siusim Setua, san blong Mikael.
14An long traeb blong Naftali, hemi siusim Nabi, san blong Vofsi.
15An long traeb blong Gad, hemi siusim Guel, san blong Maki.
16Hem nao tuelfala man wea Mosis sendem fo lukluk long lan long Kenan. An long datfala taem, hemi sensim nem blong Hosea san blong Nun, hemi kolem hem Josua.#13:16 “Josua” Mosis hemi adem go tambu nem blong God long nem blong Hosea. Hem nao hemi sens an kamap olsem Josua. An mining blong Josua nao hemi “Yawe hemi sevem man”.
17Taem hemi sendem olketa, hemi tok olsem, “Yufala mas gotru long drae eria long saot long Kenan an yufala mas wakabaot go olowe go long not, go kasem olketa maonten. 18Yufala mas faendemaot abaotem datfala ples. ?Haomas pipol nao i stap long hem? ?Waswe, olketa pipol i strong o nomoa? 19?Waswe, ples ya hemi gud o hemi nogud? ?Waswe, olketa taon i garem wolston raonem o nomoa? 20Bae yufala mas faendemaot tu abaotem graon. ?Waswe, hemi gud fo plantem kaikai o hemi nogud? ?Waswe, hemi garem plande tri o nomoa? An taem yufala kambaek, bae yufala mas karim kam samfala frut from datfala ples.” Hemi tok olsem, bikos long datfala taem, olketa frut blong grep i stat fo raep.
21So tuelfala ya i go nao fo lukluk long datfala lan. Olketa stat long drae eria long Sini long saot, an wakabaot go kasem ples long Rehob, kolsap long eria long Lebo-Hamat wea hemi not long Kenan. 22Fastaem olketa go fo lukluk long haf blong lan long saot, an kasem taon long Hebron. Hebron hemi ples blong olketa long laen blong Ahiman, an laen blong Sesae, an laen blong Talmae. Olketa pipol blong Hebron ya i long laen blong Anak.#13:22 “Anak” Samfala tingse olketa man long laen blong Anak i jaean. Lukim Diutronomi 2:10-11, 20-21. Taon long Hebron hemi barava olfala fogud. Taon long Soan long Ijip hemi wanfala olfala ples, bat Hebron hemi sevenfala yia olfala moa winim Soan. 23Olketa lida ya i kasem Eskol Vali. Long dea olketa katem wanfala bans frut blong grep wea hemi garem plande grep long hem. Bans grep ya hemi hevi tumas, an tufala man nao i karim long wanfala stik. An olketa tekem samfala frut blong pomegranet#13:23 “pomegranet” Hemi wanfala kaen frut wea hemi luk olsem pasenfrut bat hemi red. wetem samfala frut blong fig tu. 24Olketa kolem vali ya, Eskol Vali, wea hemi minim olsem “Bans”, from bikfala bans grep wea olketa katemaot long dea.
25Long datfala taem, olketa stap fotifala de long Kenan. Olketa wakabaot fo lukluk mekem olketa savegud long olketa ples, an bihaen olketa kambaek. 26Olketa kam long ples long Kades long drae eria long Paran wea Mosis an Eron an olketa pipol blong Israel i stap long hem. Olketa talemaot evrisamting wea olketa lukim, an som tu olketa frut wea olketa karim kam. 27An olketa sei, “!Lukim disfala frut ya! Mifala faendemaot wea graon blong lan hemi gudfala tumas, an oltaem hemi garem kaikai long hem. 28Bat olketa pipol blong datfala ples i strong tumas, an taon blong olketa bikfala tumas, an i garem bikfala wolston raonem. An mifala lukim olketa long laen blong Anak.#13:28 “Anak” Lukim futnot long 13:22. 29An mifala lukim dat olketa long laen blong Amalek i stap long saet long saot, an olketa long laen blong Het, wetem laen blong Jebus an laen blong Amoa olketa stap long ples blong maonten, an olketa long laen blong Kenan i stap long saet blong si an long saet blong Jodan Riva.”
30Bat Kelab hemi mekem olketa hu i hipap wetem Mosis fo kuaet, an hemi tok olsem, “Hemi moabeta fo yumi go kilim olketa distaem, an tekova long lan ya. !Yumi strong ya! !Yumi fit nomoa fo winim olketa!”
31Bat olketa narafala man hu i bin go wetem hem i tok olsem, “!Nomoa! !Yumi no fit fo go kilim olketa! !Olketa pipol ya i strong winim yumi!” 32-33Den olketa mekem ravis ripot olsem, “!Long datfala lan trabol bae kasem evriwan wea i stap long hem. An olketa pipol wea mifala lukim, olketa evriwan i barava tolfala fogud. An mifala lukim olketa jaean tu long laen blong Anak. Taem mifala lukim olketa, mifala smol tumas olsem anis nomoa, an olketa tu i lukim mifala olsem.” An toktok ya hemi goraon, go kasem olketa pipol.#Jenesis 6:4.
Currently Selected:
Nambas 13: SIPB
Highlight
Share
Copy
Want to have your highlights saved across all your devices? Sign up or sign in
Solomon Islands Pijin Bible © Bible Society of the South Pacific, 2008.
Nambas 13
13
Tuelfala man i go fo lukluk long Kenan an faendemaot abaotem ples
(Diutronomi 1:19-33)
1-3Long taem wea olketa stap yet long drae eria long Paran, Yawe hemi tok olsem long Mosis, “Yu mas siusim tuelfala lida, wan from evri traeb blong yufala. Yu mas sendem tuelfala go long Kenan fo lukluk an faendemaot abaotem lan wea mi promisim finis fo givim long yufala.” So hemi duim olsem wea Yawe hemi bin talem, hemi siusim tuelfala lida an hemi sendem olketa go fo lukluk an faendemaot abaotem datfala lan.
4Olketa lida wea hemi sendemaot, nem blong olketa nao hemi olsem:
Long traeb blong Ruben, hemi siusim Samua, san blong Sakua.
5An long traeb blong Simion, hemi siusim Safat, san blong Hori.
6An long traeb blong Jiuda, hemi siusim Kelab, san blong Jefune.
7An long traeb blong Isaka, hemi siusim Igal, san blong Josef.
8An long traeb blong Efrem, hemi siusim Hosea, san blong Nun.
9An long traeb blong Benjamin, hemi siusim Palti, san blong Rafu.
10An long traeb blong Sebulun, hemi siusim Gadiel, san blong Sodi.
11An long traeb blong Josef wea olketa kolem traeb blong Manase, hemi siusim Gadi, san blong Susi.
12An long traeb blong Dan, hemi siusim Amiel, san blong Gemali.
13An long traeb blong Asa, hemi siusim Setua, san blong Mikael.
14An long traeb blong Naftali, hemi siusim Nabi, san blong Vofsi.
15An long traeb blong Gad, hemi siusim Guel, san blong Maki.
16Hem nao tuelfala man wea Mosis sendem fo lukluk long lan long Kenan. An long datfala taem, hemi sensim nem blong Hosea san blong Nun, hemi kolem hem Josua.#13:16 “Josua” Mosis hemi adem go tambu nem blong God long nem blong Hosea. Hem nao hemi sens an kamap olsem Josua. An mining blong Josua nao hemi “Yawe hemi sevem man”.
17Taem hemi sendem olketa, hemi tok olsem, “Yufala mas gotru long drae eria long saot long Kenan an yufala mas wakabaot go olowe go long not, go kasem olketa maonten. 18Yufala mas faendemaot abaotem datfala ples. ?Haomas pipol nao i stap long hem? ?Waswe, olketa pipol i strong o nomoa? 19?Waswe, ples ya hemi gud o hemi nogud? ?Waswe, olketa taon i garem wolston raonem o nomoa? 20Bae yufala mas faendemaot tu abaotem graon. ?Waswe, hemi gud fo plantem kaikai o hemi nogud? ?Waswe, hemi garem plande tri o nomoa? An taem yufala kambaek, bae yufala mas karim kam samfala frut from datfala ples.” Hemi tok olsem, bikos long datfala taem, olketa frut blong grep i stat fo raep.
21So tuelfala ya i go nao fo lukluk long datfala lan. Olketa stat long drae eria long Sini long saot, an wakabaot go kasem ples long Rehob, kolsap long eria long Lebo-Hamat wea hemi not long Kenan. 22Fastaem olketa go fo lukluk long haf blong lan long saot, an kasem taon long Hebron. Hebron hemi ples blong olketa long laen blong Ahiman, an laen blong Sesae, an laen blong Talmae. Olketa pipol blong Hebron ya i long laen blong Anak.#13:22 “Anak” Samfala tingse olketa man long laen blong Anak i jaean. Lukim Diutronomi 2:10-11, 20-21. Taon long Hebron hemi barava olfala fogud. Taon long Soan long Ijip hemi wanfala olfala ples, bat Hebron hemi sevenfala yia olfala moa winim Soan. 23Olketa lida ya i kasem Eskol Vali. Long dea olketa katem wanfala bans frut blong grep wea hemi garem plande grep long hem. Bans grep ya hemi hevi tumas, an tufala man nao i karim long wanfala stik. An olketa tekem samfala frut blong pomegranet#13:23 “pomegranet” Hemi wanfala kaen frut wea hemi luk olsem pasenfrut bat hemi red. wetem samfala frut blong fig tu. 24Olketa kolem vali ya, Eskol Vali, wea hemi minim olsem “Bans”, from bikfala bans grep wea olketa katemaot long dea.
25Long datfala taem, olketa stap fotifala de long Kenan. Olketa wakabaot fo lukluk mekem olketa savegud long olketa ples, an bihaen olketa kambaek. 26Olketa kam long ples long Kades long drae eria long Paran wea Mosis an Eron an olketa pipol blong Israel i stap long hem. Olketa talemaot evrisamting wea olketa lukim, an som tu olketa frut wea olketa karim kam. 27An olketa sei, “!Lukim disfala frut ya! Mifala faendemaot wea graon blong lan hemi gudfala tumas, an oltaem hemi garem kaikai long hem. 28Bat olketa pipol blong datfala ples i strong tumas, an taon blong olketa bikfala tumas, an i garem bikfala wolston raonem. An mifala lukim olketa long laen blong Anak.#13:28 “Anak” Lukim futnot long 13:22. 29An mifala lukim dat olketa long laen blong Amalek i stap long saet long saot, an olketa long laen blong Het, wetem laen blong Jebus an laen blong Amoa olketa stap long ples blong maonten, an olketa long laen blong Kenan i stap long saet blong si an long saet blong Jodan Riva.”
30Bat Kelab hemi mekem olketa hu i hipap wetem Mosis fo kuaet, an hemi tok olsem, “Hemi moabeta fo yumi go kilim olketa distaem, an tekova long lan ya. !Yumi strong ya! !Yumi fit nomoa fo winim olketa!”
31Bat olketa narafala man hu i bin go wetem hem i tok olsem, “!Nomoa! !Yumi no fit fo go kilim olketa! !Olketa pipol ya i strong winim yumi!” 32-33Den olketa mekem ravis ripot olsem, “!Long datfala lan trabol bae kasem evriwan wea i stap long hem. An olketa pipol wea mifala lukim, olketa evriwan i barava tolfala fogud. An mifala lukim olketa jaean tu long laen blong Anak. Taem mifala lukim olketa, mifala smol tumas olsem anis nomoa, an olketa tu i lukim mifala olsem.” An toktok ya hemi goraon, go kasem olketa pipol.#Jenesis 6:4.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Solomon Islands Pijin Bible © Bible Society of the South Pacific, 2008.