Mui Psalm 86
86
1Oke hahurei elinge kau mei, mone Lord, na oke alamieu: ana ineu ie ko meitale na ko meimeileinieu.
2Oke kinetainie maurihaaku; ana noko haamau emu: Ioe ni oto God ineu, oke haaurie inoni ioe e norutoo amu.
3Oke amasieu keu mone, Lord: ana noko ngarasio susue ahutana mu dinge.
4Oke haa inonie sapena inoni ioe hunie ke ilenimwae: ana nou suluie, maurihaaku takoio Lord.
5Ana ioe, Lord, O diana, Oko leuleuae huni sae asi roroanga: oko amamase mwala ko soisoi ohio.
6Oke rongo kau Lord, aitanainge ineu: Oke rongo haamala tolahai eitanainge ineu.
7Ana nga haidinge nekei io ni siohaanga nekei soisoio: ana okei hahuei alamieu.
8E kaa ini oto oo ke sada amu imatolana mu God, Lord: kaa ini ke sada ana mu palonga Ioe.
9Taena nga komu e haaholara kau kei takoio mola mai, kei poruru honosio, ena Lord: nge kire kesi sasaie satamu e manikulue.
10Ana ioe o alaha, oko dada mui anoa: Ioe oto maraamu God.
11Oke haausulieu Lord, ana tala ioe; neke laelae ana walaimolinge ioe: Oke pulu honosie saeku hunie neke haahaamau ana satamu.
12Nekei palaheo Lord God ineu, oto ana ahutana saeku: nekesi sasai menikulue ana satamu oto di oto di.
13Ana amasinge ioe, e paine hunieu: ana o haaurie maurihaaku mwaanie kalinge e kokoro haatau.
14Kau, God, mwala ko aailaa kire polahieu: na pulita horohoro ko heitalea maurihaaku, tae kire kaa neio imatolada.
15Tae ioe oto, Lord, God e honu ana sae ni amasinge na sae diananga: ko haahiru ani saewasu, na e honu ana amasinge na walaimolinge.
16Aia? Uri oke huitei mei takoieu, na saemu ke malumu hunieu: Oke toliasie mai ramonga hunie inoni ioe na oke haaurie konikonihe ioe.
17Oke unue mai nga tolima ana dianahaana muola; hunie mwala ko ngingidu upu hunieu kire ke lio, kire kesi maso itehulaana: ana ioe Lord, peieu o haasusueu oto.
Currently Selected:
Mui Psalm 86: apbPSA
Highlight
Share
Copy
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
