Mui Psalm 83
83
1God oke suuri tolirohu, ena: suuri io mwamwanoto, na mwane o dau toli ena God.
2Ana lio kau mu maeloonga ioe ko alealea: na mwala ko ngiduupu hunio kire ko uwa qaude.
3Kire oalai loonainge hunie mwala ioe: kire dau lilikeli honose mu leu mwala ioe ko mumuni eni.
4Ana kire unue uri, lae mai, kolu ke hele suuheinire mwane kire neie lou nga pulita ana nga dinge: uri amasitoonga ana satai Israel ke suuri lou ana nga dinge.
5Ana kire lokoa walada taingelute: kire haaurese haiholotainge honosio.
6Nume mu Edom nume susulu, na ikire mui Ishmael: kire mu Maab noone, na mu kalei Hagar.
7Gebal, na Ammon, kiraelu a Amalek: a Peleset, peire mu euhenue ni Tyre:
8Mui Assyria noone e hata peire: kire sapeie mu kalena Lot.
9Nge uri oke taungeinire mala qaolana e lae oto hunia Midiam: na mala Sisra, kererue Jabin, i reune wai Kishon;
10Kiraelu ngeena kire mae tekelai i Endor; kire urihana mwakano i elitehu.
11Oke qaoa mwala e alaha hikada mala Oreb na Zeb: siue, ahutana mu alaha hikada na Zeba na Salmana.
12E ro mwaena ni oto kererue teuri, kolu ke haahehea oto nakaelu: mui ioioha talana God.
13Aia! God ineu oke dau ada mala ngangaai mwakana ko akakora: mala mui hahalisi ana oru.
14Mala dunge ke aani too ana mausu e rara: na mala esoesohai dunge kire erehainie mui toloi henue.
15Oke ohea mwala mala mawasidengi ko tola: Oke haamausire ana dangi ioe ko seu.
16Oke haahonue saeda ana ulalonga: uri hunie kire ke haiheitalea satamu mone, Lord.
17Hunie kire ke saie masanga na ani ninikoa ke oni hu oto ada: siue kire ke konitoo oto mola, kire ke aia;
18Hunie kire si manatainio maraamu, uri satamu Jehovah: uri e lengilengie liuta tae hahie ahutana walumalau.
Currently Selected:
Mui Psalm 83: apbPSA
Highlight
Share
Copy
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
