Mui Psalm 74
74
1Eue ena, God, O leledi asie oto toohu: saemu ko weru ko qeuqeu hunie haka ni Sheep ioe.
2Uri oke amasitoo alihoi ana mwala ioe, O hanuire kai nao, O holi alihoi ada mui komu ure ana hanue madu ioe: tolona i Sion ngeena, o io too kau ana.
3Uri okei suluie aaemu takoie mu nume oto hu ioe: tae tataalanga ie ana mu maeloonga e uri pulisie oto lehu maai ioe.
4Mwala kire apani mae hunio kire ko ngungunguru i matolana mwala ioe e ruru: kire haahanea tolima ikire i lengi.
5Lesilana uri taenanga inoni e sili heiliu: tae hau e io i aaena mu ei.
6Tae kire kosi eduedumie mu reidango kire alahitelii oto: ana mu heu eduedu na mu heu uiui.
7Kire toli dungana oto ioioha ioe e maai: kire dau teuteu ana leu ni sasaie Satamu iano.
8Kire ere uri, kolu ke ohe asire mango: kire uunu mangoa nume a God ana hanue kire loloko ana.
9Emi kaa lio mangine nga tolima; iteitana nga Prophet kaa io lou: e kaa ini oto oo amami hunie ke manatainie uri kei saro tewa ana nga dinge.
10Kei lai hule i ngenite, God, mu maeloonga kei ere ni hei leledi: ngaeta apani mae kei saai teuteu ana satamu oto hu?
11Eue ni oko lokuna nimemu, i qaloqalomu? Oke lalainie nimemu huni suheinire.
12Tae a God ineu inemauri oto i nao: kei qaoa haauringe i denumana walumalau.
13O opa asi ramonga ioe: Otapa hitelie qaune mui pusuesi ilaona ahe.
14O tali hitelie qaune huasa ngeena: O toliasie ana mwala e iose hanue ilaona mei meesu.
15O waa hitelie mu wei na mu maaihulehula mauri: o qaoa mu wei aheahe hunie kire ke mwaa oto.
16O tooana atowa; na o tooana lou rodo: O holaie sineli na sato.
17O haahola mautaa ana ahutana walumalau: O haahola halisi oku na aau.
18Uri oke amasitoo ana lehu ienini; uri a maeloonga ko haahaamwasi emu Lord: uri mwala e io ni puo ko haahaaero ana satamu.
19Mwane o toliase a mwane ioe ana mu po ngaungeu: na mwane o pulongose maurihaana ini e maitale.
20Uri oke amasitoo ana haalunge ioe: ana nga eta mui henue e rodohono ue e honu ana orahaa.
21Mwane o toliase ini ko siohaa hunie ke masa na ke due alihoi: ini e maitale na ini ko meimeileinie kererue ke palahea satamu.
22Taelai mone, God, oke ere hunio maraamu: amasitoo ana a qeuqeuaa ko haaero amu suli hei dinge:
23Mwane o haamolahie tolahana mu maeloonga hunio: ana kire ko saesae diana peie mawata paine taraurei.
Currently Selected:
Mui Psalm 74: apbPSA
Highlight
Share
Copy
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
