Mui Psalm 62
62
1Maurihaaku ko mamaohio God tai ioe haliite: peie haauringe ineu.
2Ingeie hahaiteli hau ni haauringe ineu na saohai nume ineu: e saa haaasu olooloau.
3Lai hule ingenite omu ko polahie taataa inoni, uri e saa mae, ahutemiu mano oto: mala para hau e hasi peule, wa mala para kei aoho?
4Nge kire ko uriurire hahaiteli hunie kire ke dau tekelainie mwaanie naohai ioioha: kire kosi ileilenimwae ani eronga; kire ko palaheo mola ani wawa, tae ani hoasinge i saeda.
5Maurihaaku, ko mamaohia God hahaiteli: ani herihuninge ineu peie.
6Ana ingeie hahaiteli hau ineu na haauringe ineu: na hoi susuma; ineu e saa haaasu olooloau.
7Ana God haauringe ineu na rarangaku: na hau ni ramonga ineu, na suu ineu ana God oto.
8Hoe ahutemiu mu komu, omu ke tohungei norutoo ilengine suli heidinge: omu ke tohungei meitale ni sae i saemiu inaona God; ana God tohungei suu ikie ni otona.
9Toohu inoni mangoi ola oto mola hahaiteli; na nga muini eroero: tae kire ko torora takoie qanu; kire lai mwamwate mwaanie mangoi ola.
10Mwane omu talei raramo oto manola ani tohainilemiu ani pelinge: uri hunie tohainilemiu talei hungahungaa oto mola, na saemiu kaa norutoo ilengine.
11God e ere hautaai, na ruana nou rongoa oto mei wala e ure mwaania God e nanama.
12Na lou, toolamu oto, Lord, amasinge: ana o tooni hahie taenanga inoni ana palongana oto.
Currently Selected:
Mui Psalm 62: apbPSA
Highlight
Share
Copy
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
