Mui Psalm 36
36
1Nge talilinge a orahaa e ere ni sae uri: Haamaunge ana Lord haike oto oo honose maana.
2Ana ko haatohainie oto honose maana: uri e saa roroa lio sai ola na e saa ngiduupu hunie mu tataalanga ingeie.
3Mu wala ure i wawana mu tataalanga na eronga: saenanaunge ingeie e moutei ani sulu diana.
4Ko lodosae hunie tataalanga ilengine hulitana, e ure isulie tala kaa diana: e kaa maleledi orahaa.
5Sae ni amasinge ioe, Lord, e io tai lengi: saemu e walaimoli hule oto tai Salo.
6Odotainge ioe e urihana toloi henue a God: tolahai leinge Ioe e urihana asi e kokoro: Lord oko haahaaurie mu inoni na mu poo noone lou.
7Nge dianahaana kau uri sae ni amasinge Ioe, God: mu mei inoni kei tehi ni mumuni i hahana mamalutana nimemu.
8Kire ko poepote ani ngeula qieqiala urei nume Ioe: nge oke da kire ke inu ana wai peine e ure ana pirupiru Ioe.
9Ana hulaa ni meurihe nge amu: nge ana rara Ioe emi kei leesie dangi.
10Sae ni amasinge Ioe hunie mwala e manatainio: na tolohai odotainge hunie kira sae maneko.
11Mwaanie aena nga ini ko neisae tohainie e lae honasieu: na nimada orahaa ke suuri pesieu.
12Muini ngeena eue kira palopalo ni orahaa kire domu hao: papatainilada e lae hai ano, na kire saa hei taelai oto lou.
Currently Selected:
Mui Psalm 36: apbPSA
Highlight
Share
Copy
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
