Mui Psalm 27
27
1Rarangaku na a haaurileku a Lord ena atei ni nekei meuteinie: a Lord e haasusue mauriheku atei ni nekei meu i maana?
2Kira orahaala e susuhieu hunie saunileku; kira ngidu upu hunieu peira maeloonga: oto kire tataro, kire domu.
3Maala nga taloahu ko alasieu, na nou saa mau ike: wa ana nga mae ko polahieu, nekei puutoo ue.
4Nou haatohu ana Lord ana tae leu ie noko heitalea ana; uri neke io onioni i numa Lord: neke toomaaie rarangana Lord, neke aweawe laona lolata Ingeie.
5Ana haidinge tataala kei aro hahieu ilaona apaapa Ingeie: kei mumunieu ilaona nume susulu Ingeie; ke haauresieu ilengine hau.
6Suluilana qauku tae: ada maeloonga e tatanga ahuieu.
7Nekei unu pei saediananga hunie lalona nume susulu Ingeie: neke kana hunie, neke soi haamanikuluaa Lord.
8Lord, oke rongo; walaku ko tahelai taau: oke maasieu, oke alamieu.
9Maholo o unue uri, Omu heitalea maaku: saeku esi unue hunio uri, Lord, nekei heitalea maamu.
10Mwane o liolio aopa mwaanieu: mwane o haapolahai saewasu ana mwane Ioe.
11Ioe ni peileku: God a haaurileku, mwane o taitehi mwaaanieu, mwane o ahaohoa aku.
12Ama maa na a nike e tahi mwaanieu: tae a Lord mone esi opau.
13Lord, oke haausulieu ana tala Ioe: oke naoku isulie tala e mataqa; aena mui maeloonga ineu.
14Mwane o toitoliasieu hunie nga eta apani mae: kira eroerotainieu na mwala saeda huni heukama honosieu.
15Haala nou mango toli oto: tae peenie nou neisae moutei oto ana nekei leesie saediananga Lord ana hanue kira mauri.
16Oke io loosia Lord: oke ure papau, saemu ke dodo; oke io loosia Lord.
Currently Selected:
Mui Psalm 27: apbPSA
Highlight
Share
Copy
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
