Mui Psalm 19
19
1Ilengi ko haatainie rarangana God: na salo ko houleinie helelana.
2Dangi ko sai wala hunie nga eta dangi: na rodo ko unue saenanaange hunie nga eta rodo.
3Kaa walaapani, wa e kaa wala lou: nga ini saa rongoa walada.
4Totohoa ikire e taro isuli henue: na walada hulana ngengedena walumalau.
5Tohulana nume hunie sato ana: ko isitaa mai mala poro haalu mwaanie duru ingeie, ko lae ni tohalai mala inoni e ramo.
6Ko euta mai mwaanie nga ngengedei salo ko lai lou i hule ana nga eta ngengedei salo: nga meola saa mumuni ike mwaanie rarangana.
7Haatolanga a Lord e la otoi diana, huni reu kaona maurihaai; walana Lord e walaimoli, huni huisie mui qeu kire kei manata.
8Haausulinge a Lord e odotai, huni haadodo sae: haiusungeinge a Lord e manola, huni haamataqa maa.
9Haamaunge ana Lord e rerea, kei io hu: wala ni leinge ingeie e walaimoli, odoni wala oto haliite.
10E diana liutaana mu gold, na mwaanie mu hahuei gold: e malimeli mwaanie mu honey, na uduuduhe ani niui ni bee.
11Saena mui inoni ioe kei taha ani: ini ko hele diana ani waitana kei peine.
12Atei ni kei roroa neisae huleitana mui takalonga ingeie: oke haamanolau mwaanie mu orahaa ni deu polenga.
13Oke sikileinie inoni ioe mwaanie mui orahaa raramaa, mwane kire sakaahieu: hunie nesi ure sapemawa mwaanie mu orahaanga paine.
14Oke da mui wala i wawaku, na mu loonainge i saeku kire ke diana i naomu; Lord, Hau ni Henuileku.
Currently Selected:
Mui Psalm 19: apbPSA
Highlight
Share
Copy
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
