Mui Psalm 147
147
1Oke saidiana ana Lord, ana e diana kie ke sulu kana ni palahe hunia God ikie: e lai diana oto tolaha ani palahenga e kohi.
2A Lord e laungeinie Jerusalem: esi tarakonie mai mui Israel kire tatangainire kau.
3E haamolaa kau muini saeda e maoioi: na e hoo hahie mui malaka ada.
4E iduidumie mui heeu uri e nite: esi harainie satada.
5E liuta oto nge a Lord ikie na e ramo na e nanama: saiolanga ioe nga ini e saa neisae talihana.
6A Lord e hele alaa ana kira sae maneko: nge ko hele tolingie kira orahaa hai ano.
7Omu ke sulu kana hunia Lord ani wala ni palahenga: omu ke sulu kana ni palahea God ikie ani eu.
8E aluhi hahie ilengi ana salo, e dau ana nemo hunie walumalau: e da mui hahalisi ke qaqito tai lengine mui toloi henue.
9Ingeie oto ko nini ana mu po: na mui kalei menu ko ngarangara.
10E kaa saemango ike hahie tolahana horse ko aailaa: e kaa tolai sulie laelana nga inoni.
11A Lord saena e toohie muini ko haamau ana: mu inine e norutoo ana sae ni amasinge ingeie.
12Oke palahea Lord mwaena Jerusalem: oke palahea God mwaena Sion.
13Ana e rodi meutaa ana porute ana para ioe: E haadianaa aleini ioe ilaona.
14E da hanuelama ana talihana hanue ioe: ko haapoteo ana mu ngeula ana mu naohai ngeula.
15E usungeinie taau mu wala ni haatola ioe i hahona mwakano: nge walamu nge kesi taraasi taau.
16Ko huhuse hou snow mala ihune sheep: na e tataainie ara mautaa mala qasaora.
17Ko ui leinie wai e pou ingeie mala mei ngeula: atei kei ure honose dinge ni mamaudinge?
18E unue taau walana, nge wai e pou ngeena esi ahe ana: ko da oru ure ana ke oru taau, nge mui wei esi hurehureita.
19E unu haadai ana walana hunia Jacob: wala ni haausulinge na tolahai leinge hunia Israel.
20E kaa asuie ue nga meola urini hunie nga ini wa hunie mwala oto oo: tolahai leinge ingeie ie, mwala kaa manatai telihana.
Currently Selected:
Mui Psalm 147: apbPSA
Highlight
Copy
Compare
Share
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
