Mui Psalm 127
127
1A Lord oto kaa tohu nume: kira toutouhu nume kei haaweora mola.
2A Lord oto kaa lioisulie hanue: kira lioisuli kei haaweora ani kakalinge.
3Omu ko heleola tototala omu ko haahuo na omu ko liolio haidengiei na omu ko nganga mui ngeula ani esunge: ngeii ko nii uri hunie muini e lio hunire ana maholo kire ko maahu.
4Lio kau, mwemwela a Lord e tooada: huana iada niinge oto ingeie.
5Mala pupute ilaona nimeni ramo: ke urini ana mui kaleni saanau.
6Deidehie ngaini pupute ingeie e honu ada: kire saa masa, tae kire kei awanganga hunie mui maeloonga i maai para.
Currently Selected:
Mui Psalm 127: apbPSA
Highlight
Copy
Compare
Share
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
