Mui Psalm 116
116
1Nou sae paine ana Lord: ana ko totola ana wala ni eitanainge ineu ena.
2Ana ko hehurei elinge aku: nekei soisoie huleitana qongiku.
3Mu walo huni maesii kire hikusii honosieu, nou deu sue ana motahinge ana hanue ni akalo: nou hingeinie saeku ko ulalo na e qa.
4Maholona nou si totolongainie satana Lord: uri, Lord, noko eitanaio ena, oke haaurie maurihaaku.
5A Lord manatana e diana, na e odotai: siue God ikie amasinge nge ana.
6A Lord e rarau ada ani saeahureha: e ohosieu hou, esi haaurieu.
7Oke oli mone mai, maurihaaku, ana leu oke mamamalo ana: ana Lord e qaoqaoa mu niinge peio.
8Ana o laue maurihaaku oto mai mwaanie maenga: maaku lou mwaanie mei wei ni akalo, aeaeku lou mwaanie usutoli iano.
9Nge nekesi laelae tohuku i naona Lord: ana hanue kiratei mwala mauri.
10Nou hiwalaimoli oto, nge nekesi ereere noone: ana kotahileku e liuta.
11Nge oto nou ereere kokota hungehungaa uri: mu inoni hunge ngeena ko eroero.
12Nekei suuola hunia Lord ani ta ena: ana mu niinge ingeie ko tatakoieu?
13Neke si hele ana kaokao ni haauringe: neke si totolongainie satana Lord.
14Neke si haatooa haalunge ineu a Lord: siue inaona ahutana mwala ingeie.
15Mala uri meola ni sae hahinge i maana Lord: maelada muini maai ngeie.
16Lio kau Lord ineu inoni ioe toohu: inoni oto ioe toohu; kalena keni hairaretai ioe, O luhese walo kire hoosieu keu ana.
17Nekei neie unu olanga hunio, tolahai palahenga: nekei totolongainie satana Lord.
18Nekei haaoaie haalune ineu hunia Lord: siue, inaona ahutana mwala ingeie.
19Ilaona lolata ana nume a Lord: oto upui lalo amu ena, Jerusalem, Omu ke sai diana ana Lord.
Currently Selected:
Mui Psalm 116: apbPSA
Highlight
Copy
Compare
Share
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
