Mui Psalm 108
108
1God, saeku e halahala oto: neke susulu kana, neke sulu ni paalahenga, toohu, ani manikuluhaaku.
2Au na au kire ko sikilie, moro ke liolio oto: ineu neke liolio oto i mahuohuo.
3Neke paaladeo, Lord, i matolai herahonu e paine: neke sulu ani lahelamu i matolana taena nga komu ni inoni.
4Ana amasinge ioe e paine tai hahona salo: walaimolinge ioe ko lai hule ana salo.
5Oke suluio, Lord, tai hahona salo: na manikuluhaamu i hahona ahutana walumalau.
6Muini madu ioe hunie kire ke isitaa sapemawa oke haauriemi ana qaloqalomu, na oke alamiemi oto.
7God e ere ana tolahana e maai; neke saediana oto: Neke opaa hitelie Shekem, neke totohoa daiderie i Sukoth.
8Nou tooana oto i Gilead, nou tooana oto i Manase, Ephraim e nei talo ahuie qauku: Judah ko tola tahangainie mu haatolanga ineu.
9Moab e nei ola ni hohoda nime ineu; neke asie wau ola ni nei hahie aeku hunia Edom: neke awaraa ni alealeau hahia Peleset.
10Atei kei toleau ana hanue kire para ahuie: atei e toleau oto mai i Edom?
11Uri ioe haike, God, o lelediemi keu: God, uri o saa isitaa oto peie pulitaa ni mae iemi?
12Oke peiemi mwaanie mu maeloonga: ana ngaini hikana mu inoni saa roroa peiemi oto.
13Kie kesi aailaa oto itehulaana God: ana ingeii oto kei uri menasire mumaeloonga.
Currently Selected:
Mui Psalm 108: apbPSA
Highlight
Copy
Compare
Share
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
