Lukas 8
8
Bèꞌbok umtulong Yèsus namteꞌèl kèrjak Eh
1Tok lamad nòm kerek nak, Yèsus nawèk ma jajéh kote ròb kampong untok namtèrlòy Gah Méj tentang Kerajaꞌan Allah. Nar belas hèhoh Eh umwèk samak Rik Nak. 2Mok maròp-maròp bèꞌbok umhoh samak Yèsus keꞌjèk. Bèꞌbok nak hatòp umkenak ragik-ragik chenèk ròb yel jèdhad, tapik Yèsus hòj natèrhakh ma umnak. Èn bèꞌbok nak mok Maria, rik umkòw Magdaléna (hatòp Yèsus hòj nakiron tujoh yel jèdhad nòm rik nak). #Mat 27:55,56; Mrk 15:40,41; Luk 23:49. 3Mok keꞌjèk Yohana, léh Kusa (tòw eh nak nakèrjak èn istane Rajak Hèrodès). Susana nahoh keꞌjèk, samak jajéh bèꞌbok rik mòy wèl. Bèꞌbok nak umgunak duid rik umnak untok mutulong ma Yèsus samak hèhoh Eh.
Chenal tentang sènꞌòy rik narèy-ruy menéh
(Mat 13:1-23; Mrk 4:1-20)
4Dak jajéh sènꞌòy umlãj ma Yèsus nòm ragik-ragik kote. Bil sènꞌòy rik umherimung èn anak jajéh geb, Yèsus naꞌoglèkh chenal doh nambetènglèkh ma umnak: 5“Mok sènꞌòy nawèk narèy-ruy menéh èn selay. Mase narèy-ruy nak mok rik nakelek èn nòng, dak sènꞌòy umjelog dak mèn chèp umchòh sòj menéh nak. 6Mok wèl rik kèꞌlek èn tèk bebatuk. Dak menéh nak napelad, tapik nèmtap nak géj naselah sebab tèk eh karéh. 7Mok keꞌjèk rik kèꞌlek èn gagid bèrher bejalak. Bil menéh nak napelad, bèrher bejalak nak nalut keꞌjèk dak natèrdug ma lènlut nak sampéy kebes. 8Tapik mok menéh rik kèꞌlek èn tèk rik méj-méj. Menéh nak nalut dak nabekèꞌbek ibuk: tiyab-tiyab lènlut nak nadapad seratos mad gandum!”
Hòj sòj chenal Eh, Yèsus nachal nòm kuy kènwad, “Chok rik begèntòkh, keyòkh lah méj-méj!”
Yèsus naꞌoglèkh maksod nagunak chenal nabetènglèkh ma sènꞌòy
(Mat 13:10-17; Mrk 4:10-12)
9Pas nak hèhoh-hèhoh Eh umtanyak ma Yèsus tentang maksod chenal naꞌtèk. 10Yèsus nasaꞌod ma umnak, “Allah hòj naꞌog nènglèkh ma nyob tentang kerèndëk Kerajaꞌan Eh. Tapik ma sènꞌòy mòy had ibetènglèkh kenèmbek nòm chenal ròb chòntoh hék, supaye nambelakuk gerèk rik natulis èn kelòj Kitab: #Yès 6:9.
‘Umnak umnéh had umnèh-néh,
tapik tok umbèk-buk,
umnak keyòkh had umkèngyòkh,
tapik tok umlèng-lèkh.’”
Yèsus naꞌoglèkh tèꞌlalah maksod chenal sènꞌòy narèy-ruy menéh
(Mat 13:18-23; Mrk 4:13-20)
11Dak Yèsus nachal, “Doh lah maksod chenal atèk: menéh nak gerèk Gah Allah. 12Bil menéh nakelek èn nòng nak, gerèk nak lah sènꞌòy rik kèngyòkh Gah Allah, tapik Iblis nalãj dak nakod gah nak nòm hup umnak, supaye umnak tok umpechaye bok Allah tok naterèsgos ma umnak. 13Menéh rik kèꞌlek èn tèk bebatuk gerèk sènꞌòy rik umkèngyòkh gah nak dak umterime bok umꞌadés. Tapik Gah Allah nak tok nalèb-lab ma kelòj hup, jadik umnak gerèk lènlut tok beꞌèryès. Umnak umpechaye agat hék, dak bil mok tenarèk nalãj, umnak tok umpechaye wèl ma gah nak dak umperak ma Allah. 14Menéh rik kèꞌlek èn gagid bèrher bejalak gerèk sènꞌòy rik kèngyòkh gah nak, tapik umꞌid, umchèn mujadik kaye, dak mugos senang. Umnak sibok umbebèdlod ma kenèmbek hal nak sampéy tok umbegorgèr ma Gah Allah wèl. Gerèk lènlut rik tok bekèꞌbek nak, sènꞌòy nak tok umhèh-hoh ma Gah Allah èn nèsgos um. 15Menéh rik kèꞌlek èn tèk méj-méj gerèk sènꞌòy rik kèngyòkh gah nak dak umdol èn kelòj hup um rik méj-méj dak kemën. Umnak umtekon umhoh ma Gah Allah sampéy umdapad hasil méj-méj èn kelòj nèsgos um, gerèk lènlut rik bekèꞌbek ibuk nak.”
Chòntoh peliteh èn dadak bèldi
(Mrk 4:21-25)
16Yèsus nachal wèl, “Tok mèk-mok néy sènꞌòy pon namchakat peliteh, tapik pas nak nakèrdëk èn dadak bèldi, atòw pon nadol èn tèk katil. Pastik peliteh nak nadol èn balikh, supaye nachelakh tèꞌlalah dak sènꞌòy rik mèj-mòj ma kelòj dékh munéh chènlakh eh. #Mat 5:15; Luk 11:33.
17Gerèk nak keꞌjèk, mok hal rik Allah nakèrdëk nòm sènꞌòy puꞌdoh, tapik jakal nak Allah napèrnéh tèꞌlalah supaye munéh. Sènꞌòy tok lèng-lèkh ilok rik Yék ibetènglèkh puꞌdoh, tapik pastik jakal Allah naꞌog nènglèkh ma umnak supaye mulèkh. #Mat 10:26; Luk 12:2.
18 #
Mat 25:29; Luk 19:26. Sebab nak, keyòkh lah méj-méj dak bèdlod lah ilok rik nyob keyòkh. Akal chok rik umkèrdakh mulèkh tenènglèkh Yék, Allah natabeh naꞌog nènglèkh ma umnak. Tapik sènꞌòy rik tok kerèngdakh mulèkh ma tenènglèkh Yék, akal Allah nakod nènglèkh ajok rik umbèdlod mok èn umnak.”
Amèk ròb mèrpek Yèsus
(Mat 12:46-50; Mrk 3:31-35)
19Dak amèk ròb pek Yèsus umlãj mutèrbuk ma Rik Nak, tapik umnak tok dapad muwèk tilok ma Rik Nak sebab sènꞌòy èn anak ibuk geb. 20Dak mok sènꞌòy nachal ma Yèsus, “Amèk ròb mèrpek Hãk mok èn béng. Umnak umchèn mutèrbuk ma Hãk.”
21Tapik Yèsus nachal ma umnak kenèmbek, “Sènꞌòy rik umkèngyòkh bok umhoh ma Gah Allah, umnak lah amèk ròb mèrpek Yék.”
Yèsus natèrgëb ma tèrhòr ròb umbak
(Mat 8:23-27; Mrk 4:35-41)
22Bil néy arik Yèsus nachal ma hèhoh-hèhoh Eh, “Jok lah, èk èwèk ma lantiw tuy.” Jadik umꞌòj ma kelòj perahuk dak umwèk. 23Bil perahuk umnak nawid, Yèsus nasèglòg. Tok-tok natehòr kelibuy ma òng pang nak. Òng natekèd namòj ma kelòj perahuk sampéy umnak bahaye. 24Jadik hèhoh-hèhoh Eh umwèk ma Yèsus dak umtèrꞌih ma Rik Nak. Umnak umhawew, “Yãng! Yãng! Èk hòj èmlèd-lũd!”
Yèsus nawòg dak natèdchod ma tèrhòr ròb umbak rik kèlkeꞌũl. Tèrhòr pon hòj sengẽk, dak òng nak pon sèngring.
25Dak Yèsus nachal ma hèhoh-hèhoh Eh, “Nahey inyob tok pechaye ma Yék?”
Umnak umtukh bok umbèlꞌih, dak umcha-chal kaban rik um, “Chok sènꞌòy doh, sampéy tèrhòr ròb umbak pon umhoh ma nèlchal Rik Nak?”
Yèsus natèrhakh sènꞌòy rik sèd-sid ibuk yel jèdhad èn Gerasa
(Mat 8:28-34; Mrk 5:1-20)
26Yèsus ròb mèn hèhoh Eh umwid wèl dak umlòy ma belah Gerasa, èn lantiw Òng Pang Galiliya. 27Bil nak Yèsus nataw nòm perahuk, mok néy sènꞌòy babeh nòm bandar nak nalãj ma Yèsus. Sènꞌòy nak nasid yel jèdhad. Hòj lamad sènꞌòy nak tok benèglòg, dak tok nachèn-chèn namgel èn dékh, tapik nagel èn guwok kubor. 28Bil sènꞌòy rik sèd-sid nak nanéh ma Yèsus, rik nak nabekaraw. Nanak natud èn sòy Yèsus dak nabeꞌèh-éh, “Yèsus, Kuwòt Allah rik Paléng Balikh! Ilok hamhey ma yék? Yék isemany, agok sikse lah ma yék!” 29Nanak nachal gerèk nak sebab Yèsus hòj naꞌor ma yel-yel jèdhad muhuwòl nòm rik nak. Hòj ibuk kalik yèl jèdhad nak umkuwase ma sènꞌòy nak. Yab sènꞌòy mòy umteréy mujagak keheb ma babeh nak, dak umbeg tikh ròb jukh eh rantéy, tapik nanak nagèrtòj rantéy nak. Dak yel jèdhad nak umꞌèn ma rik eh nak ma pantil gurun.
30Dak Yèsus natanyak ma rik nak, “Ilok kenëh hãk?” Nanak nasaꞌod, “Kenëh yék Lègion”#8:30 Lègion néy kumpolan askah nòm tentere Roma, lènbéh um 6000 sènꞌòy. — nachal gerèk nak sebab jajéh yel jèdhad hòj ummòj ma kelòj esik eh.
31Yel-yel jèdhad nak umseꞌëd supaye Yèsus tok namkiron umnak ma Jehòl Jèꞌrok.#8:31 jehòl jèꞌrok sènꞌòy Yahudi jènman Kitab umpechaye mok néy jehòl jèꞌrok geb èn tèk bumi, tempad kenurong Allah nadol yel-yel jèdhad sampéy nahukom ma umnak bil sèj-sòj akal.
32Dak mok èn anak jajéh taꞌòng umka-kèk nèygéy èn gagid papéh tangkòl. Yel-yel jèdhad nak umseꞌëd supaye Yèsus namꞌor umnak mumòj ma kelòj taꞌòng nak. Yèsus nasetujuk, 33jadik yel-yel jèdhad nak umhuwòl nòm sènꞌòy nak dak ummòj ma kelòj taꞌòng. Pas nak kenèmbek taꞌòng nak umda-dok ma béng terab dak umtaw ma kelòj òng pang dak umlũd, umselod dak umkebes.
34Sènꞌòy rik umbejagak taꞌòng nak umnéh ilok rik hòj nabelakuk. Jadik umnak umda-dok nòm nak, dak umꞌoglèkh gah nak èn bandar bok ma kampong-kampong. 35Pas nak sènꞌòy jajéh umhuwòl umchèn munéh ilok rik hòj nabelakuk. Bil umnak umlãj ma Yèsus, umnéh ma sènꞌòy naꞌtèk, hòj bébas nòm yel jèdhad. Nanak nagèl-gel èn tèk, tilok ma jukh Yèsus, dak hòj mok benèglòg bok benèdlod eh hòj méj. Umnak kenèmbek umtukh. 36Dak sènꞌòy rik hòj umnéh ma gah nak umꞌoglèkh ma sènꞌòy jajéh gerèk lok Yèsus natèrhakh ma sènꞌòy rik sèd-sid nak. 37Pas nak rik umgèl-gel èn belah Gerasa nak umsemany lèdbëd ma Yèsus namperak nòm tèk umnak, sebab umnak kenèmbek umtukh geb. Yèsus pon naꞌòj ma perahuk untok mumak.
38Sènꞌòy rik hòj nabébas nòm yel jèdhad naꞌtèk nasemany ma Yèsus namhoh samak Rik Nak, tapik Yèsus naꞌor nanak nammak dak nachal, 39“Mak lah ma dékh, dak oglèkh lah kenèmbek rik Allah hòj nateꞌèl ma hãk.”
Jadik sènꞌòy nak namak, dak nachèb-chib ma kenèmbek kote eh nak dak naꞌèg-oglèkh ma sènꞌòy ilok rik Yèsus hòj nateꞌèl untok rik nak.
Yèsus natèrgos ma kuwòt babok Yairus nòm kènbes bok natèrhakh ma babok rik bepèk-pek ma nèglòg Yèsus
(Mat 9:18-26; Mrk 5:21-43)
40Bil Yèsus nalos ma lantiw pang, sènꞌòy jajéh umsambud ma Rik Nak, sebab umnak umdèh-deh ma Yèsus èn anak. 41Dak anak nalãj lah néy sènꞌòy rik bekenëh Yairus. Nanak ketuwe dékh senindol èn kote nak. Nanak natud èn sòy jukh Yèsus dak naseꞌëd supaye Yèsus namlãj ma dékh eh, 42sebab kuwòt babok eh tèꞌlok namkèsbes. Kuwòt tungal Yairus nak umor eh nar belas tawon. Jadik Yèsus nawèk samak Yairus. Dak sènꞌòy jajéh naꞌtèk pon umhoh ma Yèsus sampéy cheratud èn chening.
43Èn sènꞌòy jajéh nak mok néy babok rik najik tènlak bèjruj geb, hòj nar belas tawon. Rik nak hòj sòj nabayar kenèmbek milik eh ma jajéh dukteh mupèrlay, tapik tok mok chok pon namdapad namtèrhakh ma rik nak. 44Dak babok nak nawèk tilok nòm kerek Yèsus dak napèk-pek ma sòy nèglòg Eh. Bil nak keꞌjèk, sejèkh nagëb tènlak eh. 45Pas nak Yèsus nachal,
“Chok rik bepèk-pek ma Yék?”
Tok benéy sènꞌòy nachèn namꞌakuk. Jadik Pètrus nachal, “Yãng, sènꞌòy èn anuh jajéh geb; umnak cheratud èn chening Hãk!”
46Tapik Yèsus nachal, “Mok sènꞌòy rik bepèk-pek ma Yék. Yék ilèkh sebab kuwase hòj nahuwòl nòm Yék.” 47Babok nak nanéh tok dapad nakedëk sebab Yèsus hòj nalèkh ilok rik nateꞌèl nak. Nanak nakeròkh, dak nalãj natud èn sòy Yèsus. Dak èn mad sènꞌòy jajéh nak, nanak naꞌoglèkh nahey napèk-pek ma Yèsus bok rèk lok chenèk eh sejèkh nahakh. 48Dak Yèsus nachal ma rik nak, “Kéy Yék, pechaye hãh hòj natèrhakh ma hãk. Wèk lah nòm hup tèngnang hãh.”
49Bil Yèsus tèk-tik nabecharak, mok sènꞌòy nalãj nòm dékh Yairus, ketuwe dékh senindol naꞌtèk. Sènꞌòy nak nachal ma Yairus, “Kuwòt babok hãh hòj nakebes. Tok payah lah haberèngtokh ma Guruk wèl.” 50Tapik Yèsus nakeyòkh dak nachal ma Yairus, “Agok tukh! Pechaye hék lah, dak kuwòt hãh akal itèrgos.”
51-53Bil Yèsus nalòy èn dékh nak, kenèmbek sènꞌòy umhõg dak umya-yam kerèꞌhik ma kènbes sayẽd nak. Tapik Yèsus nachal, “Agok yam. Rik nak tok nakèsbes, had nasèglòg!” Dak umnak umlèg-lug ma Yèsus sebab umlèkh kuwòt nak hòj nakebes.
Dak Yèsus namòj ma dékh nak, tapik Rik Nak tok naꞌèr-or chok-chok pon nammòj samak Eh. Had naꞌéd Pètrus, Yohanès, Yakobus, ròb amèk apak sayẽd nak. 54Yèsus nakuwòp tikh sayẽd nak dak naꞌèh-éh, “Aléh, wòg lah!” 55Dak ruway sayẽd nak nalos, dak sejèkh nanak nawòg. Dak Yèsus naꞌor ma umnak muꞌog nèygéy ma sayẽd nak namgéy. 56Dak amèk apak sayẽd nak wèbèlꞌih geb. Tapik Yèsus nahuwok ma wènar wèmꞌoglèkh ma chok-chok pon ilok rik hòj nabelakuk.
Currently Selected:
Lukas 8: KKT
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.
Lukas 8
8
Bèꞌbok umtulong Yèsus namteꞌèl kèrjak Eh
1Tok lamad nòm kerek nak, Yèsus nawèk ma jajéh kote ròb kampong untok namtèrlòy Gah Méj tentang Kerajaꞌan Allah. Nar belas hèhoh Eh umwèk samak Rik Nak. 2Mok maròp-maròp bèꞌbok umhoh samak Yèsus keꞌjèk. Bèꞌbok nak hatòp umkenak ragik-ragik chenèk ròb yel jèdhad, tapik Yèsus hòj natèrhakh ma umnak. Èn bèꞌbok nak mok Maria, rik umkòw Magdaléna (hatòp Yèsus hòj nakiron tujoh yel jèdhad nòm rik nak). #Mat 27:55,56; Mrk 15:40,41; Luk 23:49. 3Mok keꞌjèk Yohana, léh Kusa (tòw eh nak nakèrjak èn istane Rajak Hèrodès). Susana nahoh keꞌjèk, samak jajéh bèꞌbok rik mòy wèl. Bèꞌbok nak umgunak duid rik umnak untok mutulong ma Yèsus samak hèhoh Eh.
Chenal tentang sènꞌòy rik narèy-ruy menéh
(Mat 13:1-23; Mrk 4:1-20)
4Dak jajéh sènꞌòy umlãj ma Yèsus nòm ragik-ragik kote. Bil sènꞌòy rik umherimung èn anak jajéh geb, Yèsus naꞌoglèkh chenal doh nambetènglèkh ma umnak: 5“Mok sènꞌòy nawèk narèy-ruy menéh èn selay. Mase narèy-ruy nak mok rik nakelek èn nòng, dak sènꞌòy umjelog dak mèn chèp umchòh sòj menéh nak. 6Mok wèl rik kèꞌlek èn tèk bebatuk. Dak menéh nak napelad, tapik nèmtap nak géj naselah sebab tèk eh karéh. 7Mok keꞌjèk rik kèꞌlek èn gagid bèrher bejalak. Bil menéh nak napelad, bèrher bejalak nak nalut keꞌjèk dak natèrdug ma lènlut nak sampéy kebes. 8Tapik mok menéh rik kèꞌlek èn tèk rik méj-méj. Menéh nak nalut dak nabekèꞌbek ibuk: tiyab-tiyab lènlut nak nadapad seratos mad gandum!”
Hòj sòj chenal Eh, Yèsus nachal nòm kuy kènwad, “Chok rik begèntòkh, keyòkh lah méj-méj!”
Yèsus naꞌoglèkh maksod nagunak chenal nabetènglèkh ma sènꞌòy
(Mat 13:10-17; Mrk 4:10-12)
9Pas nak hèhoh-hèhoh Eh umtanyak ma Yèsus tentang maksod chenal naꞌtèk. 10Yèsus nasaꞌod ma umnak, “Allah hòj naꞌog nènglèkh ma nyob tentang kerèndëk Kerajaꞌan Eh. Tapik ma sènꞌòy mòy had ibetènglèkh kenèmbek nòm chenal ròb chòntoh hék, supaye nambelakuk gerèk rik natulis èn kelòj Kitab: #Yès 6:9.
‘Umnak umnéh had umnèh-néh,
tapik tok umbèk-buk,
umnak keyòkh had umkèngyòkh,
tapik tok umlèng-lèkh.’”
Yèsus naꞌoglèkh tèꞌlalah maksod chenal sènꞌòy narèy-ruy menéh
(Mat 13:18-23; Mrk 4:13-20)
11Dak Yèsus nachal, “Doh lah maksod chenal atèk: menéh nak gerèk Gah Allah. 12Bil menéh nakelek èn nòng nak, gerèk nak lah sènꞌòy rik kèngyòkh Gah Allah, tapik Iblis nalãj dak nakod gah nak nòm hup umnak, supaye umnak tok umpechaye bok Allah tok naterèsgos ma umnak. 13Menéh rik kèꞌlek èn tèk bebatuk gerèk sènꞌòy rik umkèngyòkh gah nak dak umterime bok umꞌadés. Tapik Gah Allah nak tok nalèb-lab ma kelòj hup, jadik umnak gerèk lènlut tok beꞌèryès. Umnak umpechaye agat hék, dak bil mok tenarèk nalãj, umnak tok umpechaye wèl ma gah nak dak umperak ma Allah. 14Menéh rik kèꞌlek èn gagid bèrher bejalak gerèk sènꞌòy rik kèngyòkh gah nak, tapik umꞌid, umchèn mujadik kaye, dak mugos senang. Umnak sibok umbebèdlod ma kenèmbek hal nak sampéy tok umbegorgèr ma Gah Allah wèl. Gerèk lènlut rik tok bekèꞌbek nak, sènꞌòy nak tok umhèh-hoh ma Gah Allah èn nèsgos um. 15Menéh rik kèꞌlek èn tèk méj-méj gerèk sènꞌòy rik kèngyòkh gah nak dak umdol èn kelòj hup um rik méj-méj dak kemën. Umnak umtekon umhoh ma Gah Allah sampéy umdapad hasil méj-méj èn kelòj nèsgos um, gerèk lènlut rik bekèꞌbek ibuk nak.”
Chòntoh peliteh èn dadak bèldi
(Mrk 4:21-25)
16Yèsus nachal wèl, “Tok mèk-mok néy sènꞌòy pon namchakat peliteh, tapik pas nak nakèrdëk èn dadak bèldi, atòw pon nadol èn tèk katil. Pastik peliteh nak nadol èn balikh, supaye nachelakh tèꞌlalah dak sènꞌòy rik mèj-mòj ma kelòj dékh munéh chènlakh eh. #Mat 5:15; Luk 11:33.
17Gerèk nak keꞌjèk, mok hal rik Allah nakèrdëk nòm sènꞌòy puꞌdoh, tapik jakal nak Allah napèrnéh tèꞌlalah supaye munéh. Sènꞌòy tok lèng-lèkh ilok rik Yék ibetènglèkh puꞌdoh, tapik pastik jakal Allah naꞌog nènglèkh ma umnak supaye mulèkh. #Mat 10:26; Luk 12:2.
18 #
Mat 25:29; Luk 19:26. Sebab nak, keyòkh lah méj-méj dak bèdlod lah ilok rik nyob keyòkh. Akal chok rik umkèrdakh mulèkh tenènglèkh Yék, Allah natabeh naꞌog nènglèkh ma umnak. Tapik sènꞌòy rik tok kerèngdakh mulèkh ma tenènglèkh Yék, akal Allah nakod nènglèkh ajok rik umbèdlod mok èn umnak.”
Amèk ròb mèrpek Yèsus
(Mat 12:46-50; Mrk 3:31-35)
19Dak amèk ròb pek Yèsus umlãj mutèrbuk ma Rik Nak, tapik umnak tok dapad muwèk tilok ma Rik Nak sebab sènꞌòy èn anak ibuk geb. 20Dak mok sènꞌòy nachal ma Yèsus, “Amèk ròb mèrpek Hãk mok èn béng. Umnak umchèn mutèrbuk ma Hãk.”
21Tapik Yèsus nachal ma umnak kenèmbek, “Sènꞌòy rik umkèngyòkh bok umhoh ma Gah Allah, umnak lah amèk ròb mèrpek Yék.”
Yèsus natèrgëb ma tèrhòr ròb umbak
(Mat 8:23-27; Mrk 4:35-41)
22Bil néy arik Yèsus nachal ma hèhoh-hèhoh Eh, “Jok lah, èk èwèk ma lantiw tuy.” Jadik umꞌòj ma kelòj perahuk dak umwèk. 23Bil perahuk umnak nawid, Yèsus nasèglòg. Tok-tok natehòr kelibuy ma òng pang nak. Òng natekèd namòj ma kelòj perahuk sampéy umnak bahaye. 24Jadik hèhoh-hèhoh Eh umwèk ma Yèsus dak umtèrꞌih ma Rik Nak. Umnak umhawew, “Yãng! Yãng! Èk hòj èmlèd-lũd!”
Yèsus nawòg dak natèdchod ma tèrhòr ròb umbak rik kèlkeꞌũl. Tèrhòr pon hòj sengẽk, dak òng nak pon sèngring.
25Dak Yèsus nachal ma hèhoh-hèhoh Eh, “Nahey inyob tok pechaye ma Yék?”
Umnak umtukh bok umbèlꞌih, dak umcha-chal kaban rik um, “Chok sènꞌòy doh, sampéy tèrhòr ròb umbak pon umhoh ma nèlchal Rik Nak?”
Yèsus natèrhakh sènꞌòy rik sèd-sid ibuk yel jèdhad èn Gerasa
(Mat 8:28-34; Mrk 5:1-20)
26Yèsus ròb mèn hèhoh Eh umwid wèl dak umlòy ma belah Gerasa, èn lantiw Òng Pang Galiliya. 27Bil nak Yèsus nataw nòm perahuk, mok néy sènꞌòy babeh nòm bandar nak nalãj ma Yèsus. Sènꞌòy nak nasid yel jèdhad. Hòj lamad sènꞌòy nak tok benèglòg, dak tok nachèn-chèn namgel èn dékh, tapik nagel èn guwok kubor. 28Bil sènꞌòy rik sèd-sid nak nanéh ma Yèsus, rik nak nabekaraw. Nanak natud èn sòy Yèsus dak nabeꞌèh-éh, “Yèsus, Kuwòt Allah rik Paléng Balikh! Ilok hamhey ma yék? Yék isemany, agok sikse lah ma yék!” 29Nanak nachal gerèk nak sebab Yèsus hòj naꞌor ma yel-yel jèdhad muhuwòl nòm rik nak. Hòj ibuk kalik yèl jèdhad nak umkuwase ma sènꞌòy nak. Yab sènꞌòy mòy umteréy mujagak keheb ma babeh nak, dak umbeg tikh ròb jukh eh rantéy, tapik nanak nagèrtòj rantéy nak. Dak yel jèdhad nak umꞌèn ma rik eh nak ma pantil gurun.
30Dak Yèsus natanyak ma rik nak, “Ilok kenëh hãk?” Nanak nasaꞌod, “Kenëh yék Lègion”#8:30 Lègion néy kumpolan askah nòm tentere Roma, lènbéh um 6000 sènꞌòy. — nachal gerèk nak sebab jajéh yel jèdhad hòj ummòj ma kelòj esik eh.
31Yel-yel jèdhad nak umseꞌëd supaye Yèsus tok namkiron umnak ma Jehòl Jèꞌrok.#8:31 jehòl jèꞌrok sènꞌòy Yahudi jènman Kitab umpechaye mok néy jehòl jèꞌrok geb èn tèk bumi, tempad kenurong Allah nadol yel-yel jèdhad sampéy nahukom ma umnak bil sèj-sòj akal.
32Dak mok èn anak jajéh taꞌòng umka-kèk nèygéy èn gagid papéh tangkòl. Yel-yel jèdhad nak umseꞌëd supaye Yèsus namꞌor umnak mumòj ma kelòj taꞌòng nak. Yèsus nasetujuk, 33jadik yel-yel jèdhad nak umhuwòl nòm sènꞌòy nak dak ummòj ma kelòj taꞌòng. Pas nak kenèmbek taꞌòng nak umda-dok ma béng terab dak umtaw ma kelòj òng pang dak umlũd, umselod dak umkebes.
34Sènꞌòy rik umbejagak taꞌòng nak umnéh ilok rik hòj nabelakuk. Jadik umnak umda-dok nòm nak, dak umꞌoglèkh gah nak èn bandar bok ma kampong-kampong. 35Pas nak sènꞌòy jajéh umhuwòl umchèn munéh ilok rik hòj nabelakuk. Bil umnak umlãj ma Yèsus, umnéh ma sènꞌòy naꞌtèk, hòj bébas nòm yel jèdhad. Nanak nagèl-gel èn tèk, tilok ma jukh Yèsus, dak hòj mok benèglòg bok benèdlod eh hòj méj. Umnak kenèmbek umtukh. 36Dak sènꞌòy rik hòj umnéh ma gah nak umꞌoglèkh ma sènꞌòy jajéh gerèk lok Yèsus natèrhakh ma sènꞌòy rik sèd-sid nak. 37Pas nak rik umgèl-gel èn belah Gerasa nak umsemany lèdbëd ma Yèsus namperak nòm tèk umnak, sebab umnak kenèmbek umtukh geb. Yèsus pon naꞌòj ma perahuk untok mumak.
38Sènꞌòy rik hòj nabébas nòm yel jèdhad naꞌtèk nasemany ma Yèsus namhoh samak Rik Nak, tapik Yèsus naꞌor nanak nammak dak nachal, 39“Mak lah ma dékh, dak oglèkh lah kenèmbek rik Allah hòj nateꞌèl ma hãk.”
Jadik sènꞌòy nak namak, dak nachèb-chib ma kenèmbek kote eh nak dak naꞌèg-oglèkh ma sènꞌòy ilok rik Yèsus hòj nateꞌèl untok rik nak.
Yèsus natèrgos ma kuwòt babok Yairus nòm kènbes bok natèrhakh ma babok rik bepèk-pek ma nèglòg Yèsus
(Mat 9:18-26; Mrk 5:21-43)
40Bil Yèsus nalos ma lantiw pang, sènꞌòy jajéh umsambud ma Rik Nak, sebab umnak umdèh-deh ma Yèsus èn anak. 41Dak anak nalãj lah néy sènꞌòy rik bekenëh Yairus. Nanak ketuwe dékh senindol èn kote nak. Nanak natud èn sòy jukh Yèsus dak naseꞌëd supaye Yèsus namlãj ma dékh eh, 42sebab kuwòt babok eh tèꞌlok namkèsbes. Kuwòt tungal Yairus nak umor eh nar belas tawon. Jadik Yèsus nawèk samak Yairus. Dak sènꞌòy jajéh naꞌtèk pon umhoh ma Yèsus sampéy cheratud èn chening.
43Èn sènꞌòy jajéh nak mok néy babok rik najik tènlak bèjruj geb, hòj nar belas tawon. Rik nak hòj sòj nabayar kenèmbek milik eh ma jajéh dukteh mupèrlay, tapik tok mok chok pon namdapad namtèrhakh ma rik nak. 44Dak babok nak nawèk tilok nòm kerek Yèsus dak napèk-pek ma sòy nèglòg Eh. Bil nak keꞌjèk, sejèkh nagëb tènlak eh. 45Pas nak Yèsus nachal,
“Chok rik bepèk-pek ma Yék?”
Tok benéy sènꞌòy nachèn namꞌakuk. Jadik Pètrus nachal, “Yãng, sènꞌòy èn anuh jajéh geb; umnak cheratud èn chening Hãk!”
46Tapik Yèsus nachal, “Mok sènꞌòy rik bepèk-pek ma Yék. Yék ilèkh sebab kuwase hòj nahuwòl nòm Yék.” 47Babok nak nanéh tok dapad nakedëk sebab Yèsus hòj nalèkh ilok rik nateꞌèl nak. Nanak nakeròkh, dak nalãj natud èn sòy Yèsus. Dak èn mad sènꞌòy jajéh nak, nanak naꞌoglèkh nahey napèk-pek ma Yèsus bok rèk lok chenèk eh sejèkh nahakh. 48Dak Yèsus nachal ma rik nak, “Kéy Yék, pechaye hãh hòj natèrhakh ma hãk. Wèk lah nòm hup tèngnang hãh.”
49Bil Yèsus tèk-tik nabecharak, mok sènꞌòy nalãj nòm dékh Yairus, ketuwe dékh senindol naꞌtèk. Sènꞌòy nak nachal ma Yairus, “Kuwòt babok hãh hòj nakebes. Tok payah lah haberèngtokh ma Guruk wèl.” 50Tapik Yèsus nakeyòkh dak nachal ma Yairus, “Agok tukh! Pechaye hék lah, dak kuwòt hãh akal itèrgos.”
51-53Bil Yèsus nalòy èn dékh nak, kenèmbek sènꞌòy umhõg dak umya-yam kerèꞌhik ma kènbes sayẽd nak. Tapik Yèsus nachal, “Agok yam. Rik nak tok nakèsbes, had nasèglòg!” Dak umnak umlèg-lug ma Yèsus sebab umlèkh kuwòt nak hòj nakebes.
Dak Yèsus namòj ma dékh nak, tapik Rik Nak tok naꞌèr-or chok-chok pon nammòj samak Eh. Had naꞌéd Pètrus, Yohanès, Yakobus, ròb amèk apak sayẽd nak. 54Yèsus nakuwòp tikh sayẽd nak dak naꞌèh-éh, “Aléh, wòg lah!” 55Dak ruway sayẽd nak nalos, dak sejèkh nanak nawòg. Dak Yèsus naꞌor ma umnak muꞌog nèygéy ma sayẽd nak namgéy. 56Dak amèk apak sayẽd nak wèbèlꞌih geb. Tapik Yèsus nahuwok ma wènar wèmꞌoglèkh ma chok-chok pon ilok rik hòj nabelakuk.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.