लुकस 18
18
बेवा अउर न्यायधिसस ही खिरी
1ख़ने येसुस चेलारिन आर इकला हूँ मला हदियारआ की गोहरारआ लक्क रआ नेकआ बआ की ओन्टा खिरी तिंगियस, 2“एकअम सहर नू ओरोत न्यायधिसस रहचस। आस धर्मेस ती मला एल्चा लगियस अउर आलरिन हूँ मला गदनआ लगियस। 3आ सहर नुम ओरोत बेवा रहचा। आद आस गुसन बरनुम रआ लगिया अउर बआ लगिया, ‘एंग्हय बैरिस अउर एंग्हय मझही नू न्याय नना चिआ।’
4“आस थोरे उल्ला गुटी बेवा ही कत्थन मला मेन्जस, लेकिन ख़ोख़ा नू आस तंग्हय जिया नू बाचस, ‘एन धर्मेस ती मला एल्चदन अउर आलरिन हूँ मला गदनअदन, 5लेकिन ई बेवाद एंगान हयरान नन्जा चिच्चा। औंगे एन अदी ही न्याय ननोन चिओन, महलेता आद घड़ी-घड़ी बरओ की एंगान हयरान ननो।’”
6उर्बा येसुस बाचस, “आ अधर्मी न्यायधिसस बाचका कत्था ती सिखरआ। 7एन्दरा धर्मेस चज्जिका तंग्हय आलरिन ने उल्ला-माख़ा आसिन गोहरारनुम रओर होले, आस तंग्हय आलरिन संगरा मला ननोस दरा? आस संगरा नना दिरी मला ननोस। 8एन निमरिन बअदन, आस चाँड़ेम आर ही संगरा ननोस चिओस। अन्नू हूँ धर्मेस तय्यका एन आल तंगदन फेर बरओस होले एन्दरा आस ख़ेख़ेल नू पत्तऊ आलरिन ख़क्खोस दरा?”
यहुदी बअना फरिसी अउर बटी उठबुउस ही खिरी
9येसुस ही कत्थन मिनुर मधे जोक्क आलर एन लेका धर्मी रअदन बआ की पत्तउर अउर दोसररिन ख़ाँड़ऊ आलरिन येसुस ई खिरी हूँ तिंगियस, 10“दुई गोड़े आलर गोहरारआ गे धर्मेस ही एड़पा केरर। आर मधे ओरोत यहुदी बअना फरिसिस अउर दोसरस बटी उठबुउस#१८:१० बटी उठबुउस यहुदिर बटी उठबुउरिन हिंड़आ लगियर एन्देरगेका आर यहुदिर रहचर, लेकिन आर यहुदिर मइय्या सासन नना बिदेसी सरकारस ही लागी नलख नना लगियर। रहचस। 11फरिसिस इज्जस की तानुम एन्ने गोहरारस, ‘अना धर्मे, एन निंगन धन्यवाद चिअदन, एन्देरगेका एन दोसरा आलर लेखा लोभी, पापी, भडुवा नलख ननू, या ई बटी उठबुउस लेखा हूँ मलकन। 12मुन्दा एन हप्ता नू दुई बेर उबुसदन अउर एन ख़क्खका हुरमी ती दसमांस चिअदन।’
13“लेकिन बटी उठबुउस गेच्छम इज्जस की मेर्ख़ा तरा मेन हूँ मला इरियस की चिख़नुम तंग्हय छतिन ठोकरस, ‘अना धर्मे, एन पपहा आलन मइयाँ दया नना।’” 14ताब येसुस आरिन बाचस, “बटी उठबुऊ आलस आ यहुदी बअना फरिसिस ती धर्मी मन्जस की तंग्हय एड़पा तरा केरस। एन्देरगेका ने तानुम कोहाँ मना बेद्दस, आसिन धर्मेस सन्नी कमओस, लेकिन ने तंगन सन्नी कमदस, आसिन धर्मेस कोहाँ कमओस।”
येसुस अउर सन्नी ख़द्दर
(मत्तिस १९:१३-१५; मरकुस १०:१३-१६)
15ओन्द उल्ला आलर तम्हय ख़द्दरिन येसुस तंग्हय ख़ेक्खा उइयोस की आसिस चिआ नेकआ बआकी आस गुसन ओन्दरर। लेकिन चेलर इदिन इरियर की आरिन केप्पर। 16लेकिन येसुस ख़द्दरिन मिख़ियस अउर चेलारिन बाचस, “ख़द्दरिन एंग्हय गुसन बरआ चिआ आरिन अमा छेकआ। एन्देरगेका धर्मेस ही राजी इबड़ा ख़द्दर ही लेखा सुध जिया मन्जकर ही हिके। 17मानिम एन निमरिन बअदन, ने ओरोत ख़द्दस लेखा धर्मेस ही राजिन गरहन मला नन्दस, आस आ भितरी कहियो कोरआ पोल्लोस।”
उरुब सासकस
(मत्तिस १९:१६-२९; मरकुस १०:१७-३०)
18ख़ने एकअम ओरोत यहुदी सासकस येसुसिन एन्ने बाचस की मेन्जस, “अना दव गुरु, मुन्जा मलका उज्जना ख़क्खा गे एन एन्देर ननोन?”
19येसुस आसिन बाचस, “धर्मेसिन अम्बर की ने हूँ दव मल्लर। औंगे निन एंगन दव बअना ही मने एन्दरा हिके? 20धर्मेस मोसास गे चिच्चका पेसका गुट्ठी न निन अख़दय, ‘भडुवा नलख अमके नना, आलरिन अमके पिटा, अमके ख़ड़आ, झुट गोवाही अमके चिआ, अपना बबस अउर अयो ही आदर ननके।’”#उरख़ाकाना २०:१२-१६; व्यवस्था ५:१६-२०
21ख़ने आस बाचस, “ई हुरमी पेसका गुट्ठी न तो एन सन्नी तिम नन्तेम बरआ लगदन।”
22इदिन मेन्जस की येसुस आसिन बाचस, “निंगा गे और ओन्टा कत्था ही चाड़ र' ई। निंग्हय गुसन मन्जका ज्या बग्गे र' ई अदिन हुरमिन बिसा की गरिबर गे ख़ट्टा चिआ, ताब निन मेर्ख़ा नू खुर्जी ख़क्खोय अउर बरा की एंग्हय ख़ोख़ा लग्गा।”
23लेकिन ई कत्थन मेन्जस की आ यहुदी सासकस एकदम दुखी मन्जस, एन्देरगेका आस खोब उरुब रहचस।
24ख़ने येसुस इदिन इरियस की बाचस, “खुर्जी रउर गे धर्मेस ही राजी भितरी कोरआ गे कय बग्गे ओत्था र' ई, 25मानिम बओय होले उरुब आलर गे धर्मेस ही राजी नू कोरना ती तो उँटन सुयाँ ही भोकड़ो ती तुरदा गे सेब्बा मनी।”
26इदिन मिनुर आसिन मेन्जर, “होले ने बछरआ ओंगनर?”
27येसुस आरिन बिड़दआ नुम बाचस, “आलर नना पोल्लना नलखन धर्मेस नना ओंगदस।”
28ताब पतरुसस बाचस, “एःरा, एम तो हुरमी एम्हय एड़पापलिन अम्बकम की निंग्हय ख़ोख़ा-ख़ोख़ा लग्गका रअदम।”
29ख़ने येसुस तंग्हय चेलरिन बाचस, “मानिम एन निमरिन बअदन, निम धर्मेस ही राजी ही खतरी निम्हय एड़पापलिन, आलिन, भइय्योरिन, अयोबबरिन, ख़द्द ख़र्रारिन अम्बदर होले, 30निम अम्बका ती हूँ कइय्यो गुना ख़क्खोर अउर बरना जुग नू हूँ मुन्जा मलका उज्जनन ख़क्खोर।”
येसुस तंग्हय खेअना ही पत्त नू फेर कच्छनखरदस
(मत्तिस २:१७-१९; मरकुस १०:३२-३४)
31अदिही ख़ोख़ा येसुस बारहो गोड़े चेलारिन एकतरा मिख़ियस की बाचस, “मेना, नाम यरुसलेम तरा काला लगदत, अउर धर्मेस तय्यका एन आल तंग्दस ही पत्त नू अगमजानिर लिखचका हुरमी कत्था पुरा मनो। 32आस नन-यहुदिर ही ख़ेक्खा नू सोंपतारओस, अबड़र आसिन लज्जे मोख़तओर, आस गने मला बेस्स बेहवार ननोर अउर आसिन तुप्पोर। 33अबड़र आसिन कोर्रा ती लओर अउर पिटोर लेकिन तिसर उल्ला नू आस फेर केच्चका ती उज्जोस।”
34लेकिन येसुस बाचका कत्थन मुध चेलर एन्दरन हूँ मला बुज्झरर। ई कत्था बआ बिद्दका ही मने आर ती नुख़ुरतारकी रहचा।
येसुस ओरोत अन्धहा तिम्बुसिन कोड़े नन्दस
(मत्तिस २०:२९-३४; मरकुस १०:४६-५२)
35ओन्द उल्ला येसुस यरिहो सहर नू अड़सा हेल्लरस ख़ने ओरोत अन्धहस डहरे ही गन्डा नू उक्कियस की तेम्बा लगियस। 36ओन्टा गोहड़ा हेद्दे ती काला लगिया बअनन मेन्जस की आस मेन्जस, “इसन एन्दरा मना लगी?” 37आलर आसिन बाचर, “नासरत ता येसुस इजगुतिम काला लगदस।” 38इदिन मेन्जस की आ अन्धहस चिच्चियारस की बाचस, “अना येसू, दाउदस ही तंग्दय, एंग्हय मइयाँ दया नना!”
39अगु-अगू कालुर आसिन छछेम रआ बाचर की केप्पर। लेकिन आस और जोरसे चिच्चियारस, “अना येसू, दाउदस ही तंग्दय, एंग्हय मइयाँ दया नना!” 40ख़ने येसुस इज्जस की बाचस, “आसिन एंग्हय गुसन ओन्दरआ।” अउर आस हेद्दे बरचस, ख़ने येसुस आसिन मेन्जस, 41“निन एन्दरा बेद्ददय? एन निंग्हय खतरी एन्देर ननोन?”
आस बाचस, “अना उर्बायो, फेर एन एःरा बेद्दन।” 42येसुस आसिन बाचस, “निन इरु मना कला। निंग्हय पत्तअना निंगन कोड़े नन्जकी र' ई।” 43ख़ने आस आ बिरिम एःरा हेल्लरस, अउर धर्मेस ही ओहमा नन्तेम येसुस ही ख़ोख़ा लगियस। एकाबिरी गोहड़ा ता आलर इदिन इरियर ताब आर होरमर धर्मेस ही ओहमा नन्जर।
Currently Selected:
लुकस 18: KRUX
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुकस 18
18
बेवा अउर न्यायधिसस ही खिरी
1ख़ने येसुस चेलारिन आर इकला हूँ मला हदियारआ की गोहरारआ लक्क रआ नेकआ बआ की ओन्टा खिरी तिंगियस, 2“एकअम सहर नू ओरोत न्यायधिसस रहचस। आस धर्मेस ती मला एल्चा लगियस अउर आलरिन हूँ मला गदनआ लगियस। 3आ सहर नुम ओरोत बेवा रहचा। आद आस गुसन बरनुम रआ लगिया अउर बआ लगिया, ‘एंग्हय बैरिस अउर एंग्हय मझही नू न्याय नना चिआ।’
4“आस थोरे उल्ला गुटी बेवा ही कत्थन मला मेन्जस, लेकिन ख़ोख़ा नू आस तंग्हय जिया नू बाचस, ‘एन धर्मेस ती मला एल्चदन अउर आलरिन हूँ मला गदनअदन, 5लेकिन ई बेवाद एंगान हयरान नन्जा चिच्चा। औंगे एन अदी ही न्याय ननोन चिओन, महलेता आद घड़ी-घड़ी बरओ की एंगान हयरान ननो।’”
6उर्बा येसुस बाचस, “आ अधर्मी न्यायधिसस बाचका कत्था ती सिखरआ। 7एन्दरा धर्मेस चज्जिका तंग्हय आलरिन ने उल्ला-माख़ा आसिन गोहरारनुम रओर होले, आस तंग्हय आलरिन संगरा मला ननोस दरा? आस संगरा नना दिरी मला ननोस। 8एन निमरिन बअदन, आस चाँड़ेम आर ही संगरा ननोस चिओस। अन्नू हूँ धर्मेस तय्यका एन आल तंगदन फेर बरओस होले एन्दरा आस ख़ेख़ेल नू पत्तऊ आलरिन ख़क्खोस दरा?”
यहुदी बअना फरिसी अउर बटी उठबुउस ही खिरी
9येसुस ही कत्थन मिनुर मधे जोक्क आलर एन लेका धर्मी रअदन बआ की पत्तउर अउर दोसररिन ख़ाँड़ऊ आलरिन येसुस ई खिरी हूँ तिंगियस, 10“दुई गोड़े आलर गोहरारआ गे धर्मेस ही एड़पा केरर। आर मधे ओरोत यहुदी बअना फरिसिस अउर दोसरस बटी उठबुउस#१८:१० बटी उठबुउस यहुदिर बटी उठबुउरिन हिंड़आ लगियर एन्देरगेका आर यहुदिर रहचर, लेकिन आर यहुदिर मइय्या सासन नना बिदेसी सरकारस ही लागी नलख नना लगियर। रहचस। 11फरिसिस इज्जस की तानुम एन्ने गोहरारस, ‘अना धर्मे, एन निंगन धन्यवाद चिअदन, एन्देरगेका एन दोसरा आलर लेखा लोभी, पापी, भडुवा नलख ननू, या ई बटी उठबुउस लेखा हूँ मलकन। 12मुन्दा एन हप्ता नू दुई बेर उबुसदन अउर एन ख़क्खका हुरमी ती दसमांस चिअदन।’
13“लेकिन बटी उठबुउस गेच्छम इज्जस की मेर्ख़ा तरा मेन हूँ मला इरियस की चिख़नुम तंग्हय छतिन ठोकरस, ‘अना धर्मे, एन पपहा आलन मइयाँ दया नना।’” 14ताब येसुस आरिन बाचस, “बटी उठबुऊ आलस आ यहुदी बअना फरिसिस ती धर्मी मन्जस की तंग्हय एड़पा तरा केरस। एन्देरगेका ने तानुम कोहाँ मना बेद्दस, आसिन धर्मेस सन्नी कमओस, लेकिन ने तंगन सन्नी कमदस, आसिन धर्मेस कोहाँ कमओस।”
येसुस अउर सन्नी ख़द्दर
(मत्तिस १९:१३-१५; मरकुस १०:१३-१६)
15ओन्द उल्ला आलर तम्हय ख़द्दरिन येसुस तंग्हय ख़ेक्खा उइयोस की आसिस चिआ नेकआ बआकी आस गुसन ओन्दरर। लेकिन चेलर इदिन इरियर की आरिन केप्पर। 16लेकिन येसुस ख़द्दरिन मिख़ियस अउर चेलारिन बाचस, “ख़द्दरिन एंग्हय गुसन बरआ चिआ आरिन अमा छेकआ। एन्देरगेका धर्मेस ही राजी इबड़ा ख़द्दर ही लेखा सुध जिया मन्जकर ही हिके। 17मानिम एन निमरिन बअदन, ने ओरोत ख़द्दस लेखा धर्मेस ही राजिन गरहन मला नन्दस, आस आ भितरी कहियो कोरआ पोल्लोस।”
उरुब सासकस
(मत्तिस १९:१६-२९; मरकुस १०:१७-३०)
18ख़ने एकअम ओरोत यहुदी सासकस येसुसिन एन्ने बाचस की मेन्जस, “अना दव गुरु, मुन्जा मलका उज्जना ख़क्खा गे एन एन्देर ननोन?”
19येसुस आसिन बाचस, “धर्मेसिन अम्बर की ने हूँ दव मल्लर। औंगे निन एंगन दव बअना ही मने एन्दरा हिके? 20धर्मेस मोसास गे चिच्चका पेसका गुट्ठी न निन अख़दय, ‘भडुवा नलख अमके नना, आलरिन अमके पिटा, अमके ख़ड़आ, झुट गोवाही अमके चिआ, अपना बबस अउर अयो ही आदर ननके।’”#उरख़ाकाना २०:१२-१६; व्यवस्था ५:१६-२०
21ख़ने आस बाचस, “ई हुरमी पेसका गुट्ठी न तो एन सन्नी तिम नन्तेम बरआ लगदन।”
22इदिन मेन्जस की येसुस आसिन बाचस, “निंगा गे और ओन्टा कत्था ही चाड़ र' ई। निंग्हय गुसन मन्जका ज्या बग्गे र' ई अदिन हुरमिन बिसा की गरिबर गे ख़ट्टा चिआ, ताब निन मेर्ख़ा नू खुर्जी ख़क्खोय अउर बरा की एंग्हय ख़ोख़ा लग्गा।”
23लेकिन ई कत्थन मेन्जस की आ यहुदी सासकस एकदम दुखी मन्जस, एन्देरगेका आस खोब उरुब रहचस।
24ख़ने येसुस इदिन इरियस की बाचस, “खुर्जी रउर गे धर्मेस ही राजी भितरी कोरआ गे कय बग्गे ओत्था र' ई, 25मानिम बओय होले उरुब आलर गे धर्मेस ही राजी नू कोरना ती तो उँटन सुयाँ ही भोकड़ो ती तुरदा गे सेब्बा मनी।”
26इदिन मिनुर आसिन मेन्जर, “होले ने बछरआ ओंगनर?”
27येसुस आरिन बिड़दआ नुम बाचस, “आलर नना पोल्लना नलखन धर्मेस नना ओंगदस।”
28ताब पतरुसस बाचस, “एःरा, एम तो हुरमी एम्हय एड़पापलिन अम्बकम की निंग्हय ख़ोख़ा-ख़ोख़ा लग्गका रअदम।”
29ख़ने येसुस तंग्हय चेलरिन बाचस, “मानिम एन निमरिन बअदन, निम धर्मेस ही राजी ही खतरी निम्हय एड़पापलिन, आलिन, भइय्योरिन, अयोबबरिन, ख़द्द ख़र्रारिन अम्बदर होले, 30निम अम्बका ती हूँ कइय्यो गुना ख़क्खोर अउर बरना जुग नू हूँ मुन्जा मलका उज्जनन ख़क्खोर।”
येसुस तंग्हय खेअना ही पत्त नू फेर कच्छनखरदस
(मत्तिस २:१७-१९; मरकुस १०:३२-३४)
31अदिही ख़ोख़ा येसुस बारहो गोड़े चेलारिन एकतरा मिख़ियस की बाचस, “मेना, नाम यरुसलेम तरा काला लगदत, अउर धर्मेस तय्यका एन आल तंग्दस ही पत्त नू अगमजानिर लिखचका हुरमी कत्था पुरा मनो। 32आस नन-यहुदिर ही ख़ेक्खा नू सोंपतारओस, अबड़र आसिन लज्जे मोख़तओर, आस गने मला बेस्स बेहवार ननोर अउर आसिन तुप्पोर। 33अबड़र आसिन कोर्रा ती लओर अउर पिटोर लेकिन तिसर उल्ला नू आस फेर केच्चका ती उज्जोस।”
34लेकिन येसुस बाचका कत्थन मुध चेलर एन्दरन हूँ मला बुज्झरर। ई कत्था बआ बिद्दका ही मने आर ती नुख़ुरतारकी रहचा।
येसुस ओरोत अन्धहा तिम्बुसिन कोड़े नन्दस
(मत्तिस २०:२९-३४; मरकुस १०:४६-५२)
35ओन्द उल्ला येसुस यरिहो सहर नू अड़सा हेल्लरस ख़ने ओरोत अन्धहस डहरे ही गन्डा नू उक्कियस की तेम्बा लगियस। 36ओन्टा गोहड़ा हेद्दे ती काला लगिया बअनन मेन्जस की आस मेन्जस, “इसन एन्दरा मना लगी?” 37आलर आसिन बाचर, “नासरत ता येसुस इजगुतिम काला लगदस।” 38इदिन मेन्जस की आ अन्धहस चिच्चियारस की बाचस, “अना येसू, दाउदस ही तंग्दय, एंग्हय मइयाँ दया नना!”
39अगु-अगू कालुर आसिन छछेम रआ बाचर की केप्पर। लेकिन आस और जोरसे चिच्चियारस, “अना येसू, दाउदस ही तंग्दय, एंग्हय मइयाँ दया नना!” 40ख़ने येसुस इज्जस की बाचस, “आसिन एंग्हय गुसन ओन्दरआ।” अउर आस हेद्दे बरचस, ख़ने येसुस आसिन मेन्जस, 41“निन एन्दरा बेद्ददय? एन निंग्हय खतरी एन्देर ननोन?”
आस बाचस, “अना उर्बायो, फेर एन एःरा बेद्दन।” 42येसुस आसिन बाचस, “निन इरु मना कला। निंग्हय पत्तअना निंगन कोड़े नन्जकी र' ई।” 43ख़ने आस आ बिरिम एःरा हेल्लरस, अउर धर्मेस ही ओहमा नन्तेम येसुस ही ख़ोख़ा लगियस। एकाबिरी गोहड़ा ता आलर इदिन इरियर ताब आर होरमर धर्मेस ही ओहमा नन्जर।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.