मुध चेलर 7
7
स्तिफनसस कत्था तेंगदस
1अउर हुरमी ती कोहाँ यहुदी नैगस स्तिफनससिन मेन्जस, “एन्दरा निंगन आलर ई दोस लगाबचका कत्था गुट्ठी मानिम हिके?”
2आस बिड़दाचस की बाचस, “अना भ'इरो अउर बोहे बगारो, एंग्हय बाचकन मेना। नम्हय पुरखा अब्राहामस हारान नू र'अना ती अगू मेसोपोटामिया नू रहचस ख़ने महबा ती निन्द्रका धर्मेस आस गुसन एथरका रहचस। 3आस आसिन बाचका रहचस, ‘निन निंग्हय राजी अउर निंग्हय कुटुम्बन अम्बा की एका राजिन एन निंगन एद'ओन, असन कला।’#सिरजन १२:१ 4ख़ने आस कल्दिर ही राजिन अम्बियस की हारान सहर नू केरस की असानुम रहचस। अब्राहामस ही तम्बस केच्चका ख़ोख़ा धर्मेस आसिन ई राजी नू ओन्दरस, एकैया अक्कुन निम र'अदर।#सिरजन ११:३१; १२:४ 5आ बेड़ा धर्मेस अब्राहामसिन ई राजी नू तंग्हय ख़ेड्ड उइय्या गे सन्नी अड्डा हूँ मल चिच्चस लेकिन धर्मेस ‘ई राजिन निंगा अउर निंग्हय ख़द्दर गे चि'ओन।’ बाचस की गच्छरस। एकाबिरी धर्मेस अदिन गछर'आ लगियस ख़ने अब्राहामस गे ओन्टा हूँ ख़द्दख़र्रर मला रहचर।#सिरजन १२:७; १३:१५; १५:१८; १७:८ 6धर्मेस एन्नेकी बाचस, ‘निंग्हय ख़द्दर दोसरा राजी नू कालोर की र'ओर, अस्ता आलर आरिन नोकर कम'ओर अउर चार सय बछर गुटी कोहड़े दुख चि'ओर। 7लेकिन आर एका जतियर ही नोकर मनोर की र'ओर, आ जतियर ही इन्साफ एन ननोन। अदिही ख़ोख़ा आर उरख़ोर की बर'ओर अउर ई अड्डा नुम एंग्हय ओहमा ननोर।’#सिरजन १५:१३, १४; उरख़ाकाना ३:१२ 8धर्मेस अब्राहामस गने गच्छरस अउर आ गच्छरना ही सुरता नन्त'आ गे अब्राहामसिन खतना नना गे पेसस। अदिही ख़ोख़ा अब्राहामस ही तंग्दस इसाहकस कुन्दरस ख़ने अब्राहामस आसिन आठवाँ उल्ला नू खतना नन्जस चिच्चस। इसाहकस याकुबस ही खतना नन्जस चिच्चस अउर याकुबस हूँ तंग्हय १२ गोड़े कुक्को ख़द्दर ही खतना नन्जस चिच्चस अउर इसुम नम्हय १२ गोतर ही तम्बस मन्जस।#सिरजन १७:१०-१४; २१:२-४; २५:२६; २९:३१—३५:१८
9“याकुबस ही तंग्दस योसेफसिन आस ही तंगददा बगर मिसर राजी नू बिसियर चिच्चर। लेकिन धर्मेस आस गने रहचस।#सिरजन ३७:११; ३७:२८; ३९:२, २१ 10धर्मेस आस ही हुरमी दुक्खे ती अम्बताचस की सोग्गे नन्जस अउर बुद्धी चिच्चस। औंगे फारो बेलस आसिन मिसर राजी अउर तंग्हय गोट्टा एड़पा ता कोहाँ हाकिम कमचस।#सिरजन ४१:३९-४१ 11अदिही ख़ोख़ा गोट्टा मिसर राजी अउर कनान राजी नू अकाल पड़ारा की कोहाँ दुक्खे मन्जा अउर नम्हय पुरखर अन्न मला ख़क्खियर।#सिरजन ४२:१, २ 12लेकिन एकाबिरी याकुबस मिसर राजी नू अन्न र'ई ब'अनन मेन्जस ख़ने आस तंग्हय कुक्को ख़द्दरिन पहिले बेर आ राजी नू त'इय्यस। 13दोसरा बेर ता भेट नू योसेफस भ'इय्योर गे तंग्हय चिन्हा परछा चिच्चस अउर योसेफस ही परिवार ही पत्त नू फारोस अख़चस।#सिरजन ४५:१; ४५:१६ 14योसेफस तम्बा याकुबसिन अउर तंग्हय होरमा कुटुम्बरिन आना त'इय्यस। अबड़र जम्मा पचहत्तर गोड़े आलर रहचर।#सिरजन ४५:९, १०, १७, १८; ४६:२७ 15याकुबस मिसर राजी नू केरस अउर असानुम केच्चस। अउर नम्हय १२ गोतर पुरखर हूँ असानुम केच्चर।#सिरजन ४६:१-७; ४९:३३ 16ताबसिले आर ही केच्चका देहन सकेम नू होच्चर की केरर अउर अब्राहामस सकेम नू हामोरस ही कुक्को ख़द्दर ती दाम तिरचस की ख़िन्दका मसड़ा नू उइय्यस।#सिरजन २३:३-१६; ३३:१९; ५०:७-१३; यहोसुस २४:३२
17“लेकिन एकाबिरी धर्मेस अब्राहामसिन गच्छरका पुरा मन्ना बेड़ा अड़सा हेल्लरा ख़ने मिसर राजी नू नम्हय आलर बढ्रर की बग्गे मन्जका रहचर। 18अदिही ख़ोख़ा ओरोत दोसरा बेलस मिसर राजी नू सासन नना हेल्लरस। आस योसेफस ही पत्त नू एन्दरा हूँ मला अख़'आ लगियस।#उरख़ाकाना १:७, ८ 19आस नम्हय जतियर गने कोहड़े मलदव बेबहार नन्जस अउर नम्हय पुरखारिन आर ही भक्खरे कुन्दुरका ख़द्दर खे'आ नेक'आ ब'आ की बाहरी ओन्दर'आ की हेबड़त'आ लगियस।#उरख़ाकाना १:१०, ११; १:२२ 20आ बेड़ा नुम मोसस कुन्दरस। आस धर्मेस ही एरना नू नापे रहचस। आस तिन महिना गुटी तम्बस ही एड़पा नू पोसरस।#उरख़ाकाना २:२ 21आर मोससिन बाहरी हिबड़का ख़ोख़ा फारोस ही तंगदा आसिन उठाचा की होच्चा, अउर अपना तंग्दस लेखा नन्जा की पोसा।#उरख़ाकाना २:३-१० 22आस पढ़चस की मिसरिर ही हुरमी लुरन ख़क्खियस अउर आस तंग्हय कच्छनखरना नू अउर हुरमी नलख नू सवंगिया मन्जस।
23“एकाबिरी मोसस चालिस बछर ही मन्जस ख़ने, आस तंग्हय इस्रा'एली भ'इय्योरिन ख़क्खा गे बिद्दियस। 24तंग्हय ओन्टा मिसरी आलस ओन्टा इस्रा'एली आलसिन मलदव बेबहार नन्नन इरियस की आस मिसरी आलसिन लौचस की पिटियस की इस्रा'एली आलस ही संगरा नन्जस। 25धर्मेस मोसस तिम आरिन बछब'ओस ब'आ की आस ही भ'इय्योर अख़'ओर ब'आ की आस सोच्चका रहचस। लेकिन आर मल बुझरर। 26दोसरा उल्ला दु'ई गोड़े इस्रा'एलिर ताम-ताम नू झगड़ा नना लक्का बेड़ा नू आस बरचस ख़ने आस आरिन मेसब'आ गे एन्ने बाचस, ‘निम तो भ'इय्योर हिकदर। एन्देरगे एन्ने निम-निम नू झगड़ा नन्दर?’ 27लेकिन अपना परोसिया म'इयाँ मलदव ननू आसिन एन्ने ब'अनुम तुक्कियस की बाचस, ‘एम्हय म'इयाँ राज ननू अउर न्याय ननू ने निंगन चज्जिया?’ 28‘चेरो आ मिसरिसिन पिटकय, अन्नेम निन एंगन हूँ पिटा बेद्ददय?’ 29एन्ने कत्थन मेन्जस की मोसस बोंगस की मिद्यान राजी नू केरस की असानुम र'आ हेल्लरस। असन आस ही दु'ई गोड़े कुक्को ख़द्दर कुन्दरर।#उरख़ाकाना २:११-१५; उरख़ाकाना १८:३, ४
30“चालिस बछर ख़ोख़ा सिनै परता ता फिटकी अड्डा नू लघर'आ लक्का झुकड़ी ही लवकारना नू ओन्टा मेर्ख़ादुतस मोसस गुसन एथरस। 31एकाबिरी मोसस इदिन इरियस ख़ने आस ई देखार ती छक्के पड़ारस अउर अदिन एःरा गे हेद्दे केरस ख़ने धर्मेस ही अवाजन मेन्जस, 32‘एन निंग्हय पुरखर अब्राहामस, इसाहकस अउर याकुबस ही धर्मे हिकदन।’ ख़ने मोसस इल्चका ती असर'आ हेल्लरस अउर आस आ लघर'आ लक्का झुकड़िन एःरा गे डिढ़ मल नन्जस। 33लेकिन धर्मेस आसिन बाचस, ‘निंग्हय ख़ेड्ड ता जुतन खोल्ला एन्देरगेका एका अड्डा नू निन इज्जका र'अदय, आद नेम्हा अड्डा हिके। 34मिसर नू मन्जका एंग्हय आलर दुक्खे ती कल्पारनन एन इरकन अउर आर ही कुहरारनन अउर चिख़नन मेन्जका र'अदन। आरिन बछब'आ गे एन इत्तका र'अदन। अक्कू बरा, एन निंगन मिसर राजी नू त'इय्योन।’#उरख़ाकाना ३:१-१०
35“एका मोससिन आर ‘ने निंगन एम्हय म'इयाँ राजी ननू अउर न्याय ननू चज्जिया’ बाचर की मला इन्जरका रहचर, आसिनुम धर्मेस झुकड़ी नू एथरका मेर्ख़ादुतस ती राजी ननू अउर बछाब'ऊ आल कमचस की त'इय्यस।#उरख़ाकाना २:१४ 36ई मोससुम इस्रा'एलिरिन मिसर राजी ती बाहरी ओथरस। अउर लाल समुन्दर नू अउर चालिस बछर गुटी फिटकी अड्डा नू हयकट नलख अउर चिन्हा गुट्ठी नन्जस।#उरख़ाकाना ७:५; १४:२१; गिन्ती १४:३३ 37आ मोससुम हिकदस, ने इस्रा'एलिरिन बाचका रहचस, ‘धर्मेस एंगन इज्जताचका लेखा निम्हय भ'इय्योर मधे ती निम्हय खतरी ओर्तोसिन अगमजानी इज्जत'ओस।’#व्यवस्था १८:१५, १८ 38ई मोससुम हिकदस, ने फिटकी अड्डा नू मन्जका इस्रा'एलिर ही गोहड़ा नू मेर्ख़ादुतस गने रहचस। आ मेर्ख़ादुतस मोसस गने सिनै परता नू अउर नम्हय पुरखर गने कच्छनखरका रहचस। आसुम धर्मेस ही उज्जना बचन ख़क्खियस की नमा गे चिच्चस।#उरख़ाकाना १९:१—२०:१७; व्यवस्था ५:१-३३
39“नम्हय पुरखर आस ही पेसकन मन'आ गे मला बिद्दियर। आर आसिन मला इन्जरर की मिसर राजी नुम किर्रा की काना मने नन्जर। 40आर हारुनसिन एन्ने बाचर, ‘एम्हय अगू-अगू काला गे देवता गुट्ठी एम्हय खतरी कम'आ चि'आ। एन्देरगेका ने एमरिन मिसर राजी ती ओथर'आ की उन्दुर'ऊ मोसस गे एन्दरा मन्जा अदिन एम बलदम।’#उरख़ाकाना ३२:१ 41अबड़ा उल्ला नू आर ओन्टा बछा ही मुरुत कमचर अउर अइय्या नू दाँड़े अरगर अउर तम्हय ख़ेक्खा ती कमचका नू खुसी मनाचर।#उरख़ाकाना ३२:२-६ 42लेकिन धर्मेस आर ही बिड़दो मन्जस की आरिन मेर्ख़ा ता बिनको गुट्ठिन पुज'आ गे अम्बियस चिच्चस। एकन्ने अगमजानिर ही पुथी नू लिखिरकी र'ई,
‘अना इस्रा'एल ता आलरो,
एन्दरा निम चालिस बछर गुटी
फिटकी अड्डा नू एंगा गे दाँड़े अउर भेटी गुट्ठी अरगकर दरा?
43लेकिन निम मोलोख ही तम्बुन अउर रेफन देवता ही बिनकोन मुरुतन होच्चकर,
अउर निम पुज'आ गे कमचका मुरुत गुट्ठिन चेड्डकर की ओन्दरकर।
औंगे एन निमरिन
बेबिलोन ती हूँ एक्का गेच्छा राजी नू त'इय्योन।’#आमोसस ५:२५-२७
44“फिटकी अड्डा नू नम्हय पुरखर गने धर्मेसिन ख़क्खना तम्बू रहचा। मोसस इरका नमुना लेखा धर्मेस ही पेसका लेखा इद कमरकी रहचा।#उरख़ाकाना २५:९, ४० 45धर्मेस ई राजी नू र'ऊ दोसरा जाती ता आलरिन बोंगताचस अउर यहोसुस ई राजिन जित्तका ख़ोख़ा आर आ नेम्हा तम्बुन आर गनेम चेड़चर की ओन्दरर। अउर दा'उद बेलस ही परिया गुटी आ नेम्हा तम्बू आर गनेम रहचा।#यहोसुस ३:१४-१७ 46आस धर्मेस ही सोग्गेन ख़क्खियस अउर याकुबस ही धर्मेस ही खतरी ओन्टा र'अना एड़पा कम'आ गे बिन्ती नन्जस।#२ सामु'एलस ७:१-१६; १ इतिहास १७:१-१४ 47लेकिन आस ही खतरी आ एड़पन सोलोमनस कमचस।#१ बेलर ६:१-३८
48“लेकिन ख़ेक्खा ती कमचका एड़पा गुट्ठी नू हुरमी ती कोहाँ धर्मेस मला र'अदस, एकन्नेकी अगमजानिर बाचका रहचर,
49धर्मेउर्बस बअदस, ‘मेर्ख़ा एंग्हय बेलगदी हिके,
अउर ख़ेख़ेल एंग्हय ख़ेड्ड उइना अड्डा हिके,
होले निम एंग्हय खतरी एकन्ने एड़पा कम'ओर?
एंग्हय जिरारना अड्डा एकदा हिके?
50एन्दरा इबड़ा हुरमी एंग्हय ख़ेक्खा ती कमरका मल्ली दरा?’
51“मला टेर'ऊ जिया मन्जका अउर धर्मेस ही बचन मला मेना बिद्दू आलरो, निम सगरो उल्ला नेम्हा बोलतस ही बिड़दो नन्दर। निम्हय पुरखर एकन्ने नन्जर निम हूँ अन्नेम नन्दर।#यसायाहस ६३:१० 52एन्दरा निम्हय पुरखर मला साधचका एक'अम अगमजानिर र'अनर दरा? धर्मेस ही नेम्हा धर्मी आलस बर'आ लगदस ब'अना खबर मेन्त'ऊ अगमजानिरिन हूँ आर पिटियर। निम होले आ धर्मी आलसिनुम धोखा चिच्चकर की पिटकर।#मत्तिस ५:१२ 53मेर्ख़ादुतर सोपचका धर्मेस ही व्यवस्थन निम ख़क्खकर लेकिन अदिन मला मन्चकर।”
स्तिफनससिन पखना ती लोचका की पिटका
54एकाबिरी आर ई कत्थन मेन्जर ताब आर कयर लेके उड़तरारर अउर कयर ती पल्लन केटर'आ हेल्लरर। 55लेकिन स्तिफनस नेम्हा बोलतस ती निन्दियस की मेर्ख़ा तरा मेन इरियस। आस धर्मेस ही महबा अउर येसुसिन धर्मेस ही तिना पक्खे इज्जकन इरियस। 56ख़ने आस बाचस, “एःरा, मेर्ख़ा तिस्गरकन एन एरदन अउर धर्मेस त'इका आलस ही तंगदसिन धर्मेस ही तिना ख़ेक्खा पक्खे इज्जकन एन एरदन।”
57लेकिन आर खोब जोर से चिच्चियारर अउर तम्हय ख़ेबदन उट्रर अउर आर ओन्द संगे जुम्मरर की आस म'इयाँ झपटारर। 58आर आसिन सहर बाहरी ओत्थरर की पखना लेके लो'आ हेल्लरर। अउर ने आस ही बिड़दो नू गोवाह रहचर, आर तम्हय झुला गुट्ठिन सा'उल नामे मन्जका ओरोत जोंख़स ही ख़ेड्ड मुली नू उइय्यर चिच्चर। 59आर स्तिफनससिन पखना ती लो'आ लगियर ख़ने आस गोहरारस, “अना उर्बा येसू, एंग्हय बोलतन इन्जर'आ।” 60आस मुक लिद्दरस की कोहाँ सोर ती चिच्चियारस की बाचस, “अना उर्बायो, ई पाप ही दोस इर गे मला लग्गा नेक'आ।” ई बग्गे बाचस की आस केच्चस।
Currently Selected:
मुध चेलर 7: KRUX
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
मुध चेलर 7
7
स्तिफनसस कत्था तेंगदस
1अउर हुरमी ती कोहाँ यहुदी नैगस स्तिफनससिन मेन्जस, “एन्दरा निंगन आलर ई दोस लगाबचका कत्था गुट्ठी मानिम हिके?”
2आस बिड़दाचस की बाचस, “अना भ'इरो अउर बोहे बगारो, एंग्हय बाचकन मेना। नम्हय पुरखा अब्राहामस हारान नू र'अना ती अगू मेसोपोटामिया नू रहचस ख़ने महबा ती निन्द्रका धर्मेस आस गुसन एथरका रहचस। 3आस आसिन बाचका रहचस, ‘निन निंग्हय राजी अउर निंग्हय कुटुम्बन अम्बा की एका राजिन एन निंगन एद'ओन, असन कला।’#सिरजन १२:१ 4ख़ने आस कल्दिर ही राजिन अम्बियस की हारान सहर नू केरस की असानुम रहचस। अब्राहामस ही तम्बस केच्चका ख़ोख़ा धर्मेस आसिन ई राजी नू ओन्दरस, एकैया अक्कुन निम र'अदर।#सिरजन ११:३१; १२:४ 5आ बेड़ा धर्मेस अब्राहामसिन ई राजी नू तंग्हय ख़ेड्ड उइय्या गे सन्नी अड्डा हूँ मल चिच्चस लेकिन धर्मेस ‘ई राजिन निंगा अउर निंग्हय ख़द्दर गे चि'ओन।’ बाचस की गच्छरस। एकाबिरी धर्मेस अदिन गछर'आ लगियस ख़ने अब्राहामस गे ओन्टा हूँ ख़द्दख़र्रर मला रहचर।#सिरजन १२:७; १३:१५; १५:१८; १७:८ 6धर्मेस एन्नेकी बाचस, ‘निंग्हय ख़द्दर दोसरा राजी नू कालोर की र'ओर, अस्ता आलर आरिन नोकर कम'ओर अउर चार सय बछर गुटी कोहड़े दुख चि'ओर। 7लेकिन आर एका जतियर ही नोकर मनोर की र'ओर, आ जतियर ही इन्साफ एन ननोन। अदिही ख़ोख़ा आर उरख़ोर की बर'ओर अउर ई अड्डा नुम एंग्हय ओहमा ननोर।’#सिरजन १५:१३, १४; उरख़ाकाना ३:१२ 8धर्मेस अब्राहामस गने गच्छरस अउर आ गच्छरना ही सुरता नन्त'आ गे अब्राहामसिन खतना नना गे पेसस। अदिही ख़ोख़ा अब्राहामस ही तंग्दस इसाहकस कुन्दरस ख़ने अब्राहामस आसिन आठवाँ उल्ला नू खतना नन्जस चिच्चस। इसाहकस याकुबस ही खतना नन्जस चिच्चस अउर याकुबस हूँ तंग्हय १२ गोड़े कुक्को ख़द्दर ही खतना नन्जस चिच्चस अउर इसुम नम्हय १२ गोतर ही तम्बस मन्जस।#सिरजन १७:१०-१४; २१:२-४; २५:२६; २९:३१—३५:१८
9“याकुबस ही तंग्दस योसेफसिन आस ही तंगददा बगर मिसर राजी नू बिसियर चिच्चर। लेकिन धर्मेस आस गने रहचस।#सिरजन ३७:११; ३७:२८; ३९:२, २१ 10धर्मेस आस ही हुरमी दुक्खे ती अम्बताचस की सोग्गे नन्जस अउर बुद्धी चिच्चस। औंगे फारो बेलस आसिन मिसर राजी अउर तंग्हय गोट्टा एड़पा ता कोहाँ हाकिम कमचस।#सिरजन ४१:३९-४१ 11अदिही ख़ोख़ा गोट्टा मिसर राजी अउर कनान राजी नू अकाल पड़ारा की कोहाँ दुक्खे मन्जा अउर नम्हय पुरखर अन्न मला ख़क्खियर।#सिरजन ४२:१, २ 12लेकिन एकाबिरी याकुबस मिसर राजी नू अन्न र'ई ब'अनन मेन्जस ख़ने आस तंग्हय कुक्को ख़द्दरिन पहिले बेर आ राजी नू त'इय्यस। 13दोसरा बेर ता भेट नू योसेफस भ'इय्योर गे तंग्हय चिन्हा परछा चिच्चस अउर योसेफस ही परिवार ही पत्त नू फारोस अख़चस।#सिरजन ४५:१; ४५:१६ 14योसेफस तम्बा याकुबसिन अउर तंग्हय होरमा कुटुम्बरिन आना त'इय्यस। अबड़र जम्मा पचहत्तर गोड़े आलर रहचर।#सिरजन ४५:९, १०, १७, १८; ४६:२७ 15याकुबस मिसर राजी नू केरस अउर असानुम केच्चस। अउर नम्हय १२ गोतर पुरखर हूँ असानुम केच्चर।#सिरजन ४६:१-७; ४९:३३ 16ताबसिले आर ही केच्चका देहन सकेम नू होच्चर की केरर अउर अब्राहामस सकेम नू हामोरस ही कुक्को ख़द्दर ती दाम तिरचस की ख़िन्दका मसड़ा नू उइय्यस।#सिरजन २३:३-१६; ३३:१९; ५०:७-१३; यहोसुस २४:३२
17“लेकिन एकाबिरी धर्मेस अब्राहामसिन गच्छरका पुरा मन्ना बेड़ा अड़सा हेल्लरा ख़ने मिसर राजी नू नम्हय आलर बढ्रर की बग्गे मन्जका रहचर। 18अदिही ख़ोख़ा ओरोत दोसरा बेलस मिसर राजी नू सासन नना हेल्लरस। आस योसेफस ही पत्त नू एन्दरा हूँ मला अख़'आ लगियस।#उरख़ाकाना १:७, ८ 19आस नम्हय जतियर गने कोहड़े मलदव बेबहार नन्जस अउर नम्हय पुरखारिन आर ही भक्खरे कुन्दुरका ख़द्दर खे'आ नेक'आ ब'आ की बाहरी ओन्दर'आ की हेबड़त'आ लगियस।#उरख़ाकाना १:१०, ११; १:२२ 20आ बेड़ा नुम मोसस कुन्दरस। आस धर्मेस ही एरना नू नापे रहचस। आस तिन महिना गुटी तम्बस ही एड़पा नू पोसरस।#उरख़ाकाना २:२ 21आर मोससिन बाहरी हिबड़का ख़ोख़ा फारोस ही तंगदा आसिन उठाचा की होच्चा, अउर अपना तंग्दस लेखा नन्जा की पोसा।#उरख़ाकाना २:३-१० 22आस पढ़चस की मिसरिर ही हुरमी लुरन ख़क्खियस अउर आस तंग्हय कच्छनखरना नू अउर हुरमी नलख नू सवंगिया मन्जस।
23“एकाबिरी मोसस चालिस बछर ही मन्जस ख़ने, आस तंग्हय इस्रा'एली भ'इय्योरिन ख़क्खा गे बिद्दियस। 24तंग्हय ओन्टा मिसरी आलस ओन्टा इस्रा'एली आलसिन मलदव बेबहार नन्नन इरियस की आस मिसरी आलसिन लौचस की पिटियस की इस्रा'एली आलस ही संगरा नन्जस। 25धर्मेस मोसस तिम आरिन बछब'ओस ब'आ की आस ही भ'इय्योर अख़'ओर ब'आ की आस सोच्चका रहचस। लेकिन आर मल बुझरर। 26दोसरा उल्ला दु'ई गोड़े इस्रा'एलिर ताम-ताम नू झगड़ा नना लक्का बेड़ा नू आस बरचस ख़ने आस आरिन मेसब'आ गे एन्ने बाचस, ‘निम तो भ'इय्योर हिकदर। एन्देरगे एन्ने निम-निम नू झगड़ा नन्दर?’ 27लेकिन अपना परोसिया म'इयाँ मलदव ननू आसिन एन्ने ब'अनुम तुक्कियस की बाचस, ‘एम्हय म'इयाँ राज ननू अउर न्याय ननू ने निंगन चज्जिया?’ 28‘चेरो आ मिसरिसिन पिटकय, अन्नेम निन एंगन हूँ पिटा बेद्ददय?’ 29एन्ने कत्थन मेन्जस की मोसस बोंगस की मिद्यान राजी नू केरस की असानुम र'आ हेल्लरस। असन आस ही दु'ई गोड़े कुक्को ख़द्दर कुन्दरर।#उरख़ाकाना २:११-१५; उरख़ाकाना १८:३, ४
30“चालिस बछर ख़ोख़ा सिनै परता ता फिटकी अड्डा नू लघर'आ लक्का झुकड़ी ही लवकारना नू ओन्टा मेर्ख़ादुतस मोसस गुसन एथरस। 31एकाबिरी मोसस इदिन इरियस ख़ने आस ई देखार ती छक्के पड़ारस अउर अदिन एःरा गे हेद्दे केरस ख़ने धर्मेस ही अवाजन मेन्जस, 32‘एन निंग्हय पुरखर अब्राहामस, इसाहकस अउर याकुबस ही धर्मे हिकदन।’ ख़ने मोसस इल्चका ती असर'आ हेल्लरस अउर आस आ लघर'आ लक्का झुकड़िन एःरा गे डिढ़ मल नन्जस। 33लेकिन धर्मेस आसिन बाचस, ‘निंग्हय ख़ेड्ड ता जुतन खोल्ला एन्देरगेका एका अड्डा नू निन इज्जका र'अदय, आद नेम्हा अड्डा हिके। 34मिसर नू मन्जका एंग्हय आलर दुक्खे ती कल्पारनन एन इरकन अउर आर ही कुहरारनन अउर चिख़नन मेन्जका र'अदन। आरिन बछब'आ गे एन इत्तका र'अदन। अक्कू बरा, एन निंगन मिसर राजी नू त'इय्योन।’#उरख़ाकाना ३:१-१०
35“एका मोससिन आर ‘ने निंगन एम्हय म'इयाँ राजी ननू अउर न्याय ननू चज्जिया’ बाचर की मला इन्जरका रहचर, आसिनुम धर्मेस झुकड़ी नू एथरका मेर्ख़ादुतस ती राजी ननू अउर बछाब'ऊ आल कमचस की त'इय्यस।#उरख़ाकाना २:१४ 36ई मोससुम इस्रा'एलिरिन मिसर राजी ती बाहरी ओथरस। अउर लाल समुन्दर नू अउर चालिस बछर गुटी फिटकी अड्डा नू हयकट नलख अउर चिन्हा गुट्ठी नन्जस।#उरख़ाकाना ७:५; १४:२१; गिन्ती १४:३३ 37आ मोससुम हिकदस, ने इस्रा'एलिरिन बाचका रहचस, ‘धर्मेस एंगन इज्जताचका लेखा निम्हय भ'इय्योर मधे ती निम्हय खतरी ओर्तोसिन अगमजानी इज्जत'ओस।’#व्यवस्था १८:१५, १८ 38ई मोससुम हिकदस, ने फिटकी अड्डा नू मन्जका इस्रा'एलिर ही गोहड़ा नू मेर्ख़ादुतस गने रहचस। आ मेर्ख़ादुतस मोसस गने सिनै परता नू अउर नम्हय पुरखर गने कच्छनखरका रहचस। आसुम धर्मेस ही उज्जना बचन ख़क्खियस की नमा गे चिच्चस।#उरख़ाकाना १९:१—२०:१७; व्यवस्था ५:१-३३
39“नम्हय पुरखर आस ही पेसकन मन'आ गे मला बिद्दियर। आर आसिन मला इन्जरर की मिसर राजी नुम किर्रा की काना मने नन्जर। 40आर हारुनसिन एन्ने बाचर, ‘एम्हय अगू-अगू काला गे देवता गुट्ठी एम्हय खतरी कम'आ चि'आ। एन्देरगेका ने एमरिन मिसर राजी ती ओथर'आ की उन्दुर'ऊ मोसस गे एन्दरा मन्जा अदिन एम बलदम।’#उरख़ाकाना ३२:१ 41अबड़ा उल्ला नू आर ओन्टा बछा ही मुरुत कमचर अउर अइय्या नू दाँड़े अरगर अउर तम्हय ख़ेक्खा ती कमचका नू खुसी मनाचर।#उरख़ाकाना ३२:२-६ 42लेकिन धर्मेस आर ही बिड़दो मन्जस की आरिन मेर्ख़ा ता बिनको गुट्ठिन पुज'आ गे अम्बियस चिच्चस। एकन्ने अगमजानिर ही पुथी नू लिखिरकी र'ई,
‘अना इस्रा'एल ता आलरो,
एन्दरा निम चालिस बछर गुटी
फिटकी अड्डा नू एंगा गे दाँड़े अउर भेटी गुट्ठी अरगकर दरा?
43लेकिन निम मोलोख ही तम्बुन अउर रेफन देवता ही बिनकोन मुरुतन होच्चकर,
अउर निम पुज'आ गे कमचका मुरुत गुट्ठिन चेड्डकर की ओन्दरकर।
औंगे एन निमरिन
बेबिलोन ती हूँ एक्का गेच्छा राजी नू त'इय्योन।’#आमोसस ५:२५-२७
44“फिटकी अड्डा नू नम्हय पुरखर गने धर्मेसिन ख़क्खना तम्बू रहचा। मोसस इरका नमुना लेखा धर्मेस ही पेसका लेखा इद कमरकी रहचा।#उरख़ाकाना २५:९, ४० 45धर्मेस ई राजी नू र'ऊ दोसरा जाती ता आलरिन बोंगताचस अउर यहोसुस ई राजिन जित्तका ख़ोख़ा आर आ नेम्हा तम्बुन आर गनेम चेड़चर की ओन्दरर। अउर दा'उद बेलस ही परिया गुटी आ नेम्हा तम्बू आर गनेम रहचा।#यहोसुस ३:१४-१७ 46आस धर्मेस ही सोग्गेन ख़क्खियस अउर याकुबस ही धर्मेस ही खतरी ओन्टा र'अना एड़पा कम'आ गे बिन्ती नन्जस।#२ सामु'एलस ७:१-१६; १ इतिहास १७:१-१४ 47लेकिन आस ही खतरी आ एड़पन सोलोमनस कमचस।#१ बेलर ६:१-३८
48“लेकिन ख़ेक्खा ती कमचका एड़पा गुट्ठी नू हुरमी ती कोहाँ धर्मेस मला र'अदस, एकन्नेकी अगमजानिर बाचका रहचर,
49धर्मेउर्बस बअदस, ‘मेर्ख़ा एंग्हय बेलगदी हिके,
अउर ख़ेख़ेल एंग्हय ख़ेड्ड उइना अड्डा हिके,
होले निम एंग्हय खतरी एकन्ने एड़पा कम'ओर?
एंग्हय जिरारना अड्डा एकदा हिके?
50एन्दरा इबड़ा हुरमी एंग्हय ख़ेक्खा ती कमरका मल्ली दरा?’
51“मला टेर'ऊ जिया मन्जका अउर धर्मेस ही बचन मला मेना बिद्दू आलरो, निम सगरो उल्ला नेम्हा बोलतस ही बिड़दो नन्दर। निम्हय पुरखर एकन्ने नन्जर निम हूँ अन्नेम नन्दर।#यसायाहस ६३:१० 52एन्दरा निम्हय पुरखर मला साधचका एक'अम अगमजानिर र'अनर दरा? धर्मेस ही नेम्हा धर्मी आलस बर'आ लगदस ब'अना खबर मेन्त'ऊ अगमजानिरिन हूँ आर पिटियर। निम होले आ धर्मी आलसिनुम धोखा चिच्चकर की पिटकर।#मत्तिस ५:१२ 53मेर्ख़ादुतर सोपचका धर्मेस ही व्यवस्थन निम ख़क्खकर लेकिन अदिन मला मन्चकर।”
स्तिफनससिन पखना ती लोचका की पिटका
54एकाबिरी आर ई कत्थन मेन्जर ताब आर कयर लेके उड़तरारर अउर कयर ती पल्लन केटर'आ हेल्लरर। 55लेकिन स्तिफनस नेम्हा बोलतस ती निन्दियस की मेर्ख़ा तरा मेन इरियस। आस धर्मेस ही महबा अउर येसुसिन धर्मेस ही तिना पक्खे इज्जकन इरियस। 56ख़ने आस बाचस, “एःरा, मेर्ख़ा तिस्गरकन एन एरदन अउर धर्मेस त'इका आलस ही तंगदसिन धर्मेस ही तिना ख़ेक्खा पक्खे इज्जकन एन एरदन।”
57लेकिन आर खोब जोर से चिच्चियारर अउर तम्हय ख़ेबदन उट्रर अउर आर ओन्द संगे जुम्मरर की आस म'इयाँ झपटारर। 58आर आसिन सहर बाहरी ओत्थरर की पखना लेके लो'आ हेल्लरर। अउर ने आस ही बिड़दो नू गोवाह रहचर, आर तम्हय झुला गुट्ठिन सा'उल नामे मन्जका ओरोत जोंख़स ही ख़ेड्ड मुली नू उइय्यर चिच्चर। 59आर स्तिफनससिन पखना ती लो'आ लगियर ख़ने आस गोहरारस, “अना उर्बा येसू, एंग्हय बोलतन इन्जर'आ।” 60आस मुक लिद्दरस की कोहाँ सोर ती चिच्चियारस की बाचस, “अना उर्बायो, ई पाप ही दोस इर गे मला लग्गा नेक'आ।” ई बग्गे बाचस की आस केच्चस।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.