मुध चेलर 5
5
हननियस अउर सफिरा
1लेकिन हननिया नामे मन्जका ओरोत आलस रहचस। आस ही तंग'आली ही नामे सफिरा रहचा। आर तंग्हय ओन्द टुकड़ा ख़ल्लन बिसियर। 2अउर तंग'आली गने सल्हा नन्जस की ख़ल्ल बिसका जोक्क ढिबन तम्हय खतरी नुड़चस की उइय्यस अउर बछरका ढिबन ओन्दरस की मुध चेलर गे चिच्चस। 3ताब पतरुसस बाचस, “हननिया, नेम्हा बोलतस गने झुट कच्छनखरना अउर ख़ल्ल बिसका ढिबा ती जोक्क तंग्हय गने उइना कत्थन सैतान एकसे निंग्हय जिया नू निन्दा चिच्चा? 4आ ख़ल्लन बिसना ती अगू निंग्हय दिम रहचा। बिसका ख़ोख़ा हूँ आ ढिबन निंग्हय मने लेखा नना ओंगा लक्कय। एन्देरगे निन एन्ने नलख नना गे सोच्चकय? निन आलरिन मला लेकिन धर्मेसिन ठकचका र'अदय।” 5ई कत्थन मेन्जस की हननियस असानुम खत्तरस की केच्चस। इदिही पत्त नू मेन्जका होरमा आलर इलिचयर। 6ताब जोख़र चोचर की आसिन कफन नू मुसगियर की बाहरी होच्चर की माड़ियर चिच्चर।
7तिन घन्टा ख़ोख़ा हननियस ही आली भितरी बरचा। आद तंग्हय आलस ही केच्चका पत्त नू बल्ला लगिया। 8पतरुसस अदिन मेन्जस, “एंगन तेंगय, निम ख़ल्लन आ बग्गे ढिबा नुम बिसकर?”
आद बाचा, “ह'ए, आ बग्गे नुम बिसकम।”
9ताब पतरुसस फेर अदिन मेन्जस, “निम उर्बस ही बोलता ही जाँच एन्देरगे हो'आ बिद्दकर? एरय, निंग्हय आलसिन माड़'उर बली बाहरी अड़सका र'अनर। आर निंगन हूँ अन्नेम माड़'ओर।” 10आ बिरिम सफिरा पतरुसस ही अगू नू खत्तरा की केच्चा। जोख़र भितरी बरचर ख़ने अदिन केच्चका इरियर, अउर अदिन हूँ बाहरी होच्चर की तंग्हय आलस हेद्दे माड़ियर। 11हुरमी कलिसिया ता पत्त'उर अउर अदिन मिनू होरमा आलर नू इल्चका कोरचा।
हयकट नलख अउर चिन्हा गुट्ठी
12मुध चेलर आलर ही मझी नू बग्गे हयकट नलख गुट्ठी अउर चिन्हा गुट्ठी नना लगियर। उर्बा येसुस नू पत्त'उर होरमर धर्मेस ही मन्दिर ता सोलोमन ब'अना पिन्डा नू संगेम मना की ख़ोड़र'आ लगियर। 13लेकिन दोसरा आलर मधे ने हूँ आर गने मेसर'आ गे डिढ़ मला नन्जर, अन्नू हूँ आरिन आदर नना लगियर। 14बग्गे मेतर अउर मुक्कर उर्बसिन पत्त'अनुम अउर आर ही गोहड़ा नू मेस्रनुम केरर। 15इय्या गुटी का आलर सड़क-सड़क नू बेमरहारिन ओन्दरर, अउर पतरुसस बर'ओबारी आस ही एख़ लेका हूँ आर मधे नेख़ा-नेख़ा म'इयाँ पड़ार'आ नेक'आ ब'आ की बिछना अउर खटिया नू आरिन किद'आ चि'आ लगियर। 16आलर यरुसलेम ही चारो तरता सहर गुट्ठी ती बेमरहर अउर मलदव बोलता लक्कारिन ओन्दरका रहचर। अउर अबड़र होरमर कोड़े मन्जर।
मुध चेलर ही साधरना
17हुरमी ती कोहाँ यहुदी मुध नैगस अउर आस गने र'ऊ सदुकी गोड़हा ता जोक्क आलर मुध चेलर ही कोहड़े हिंसिगहा नना की आर ही बिड़दो नू इज्जर। 18औंगे मुध चेलारिन धरचर की जेहेल नू सज्जर चिच्चर। 19लेकिन उर्बस ही ओरोत दुतस माख़ा जेहेल ता बली गुट्ठिन तिस्गियस चिच्चस, अउर आरिन बाहरी ओन्दरस की बाचस, 20“कला अउर धर्मेस ही मन्दिर नू इज'आ की ई पुना जिन्गी ही पत्त नू हुरमी खबर आलरिन मेन्त'आ।” 21इदिन मेन्जका ख़ोख़ा पैरिम धर्मेस ही मन्दिर नू कोरचर की सिखाब'आ हेल्लरर। हुरमी ती कोहाँ यहुदी मुध नैगस अउर आस गने र'उर इस्रा'एल ता होरमा अगुवरिन यहुदिर ही कोहाँ सभा नू मिख़ियर। ताबसिले आर मुध चेलारिन जेहेल ती ओन्दर'आ गे आलरिन त'इय्यर।
22लेकिन एकाबिरी आर जेहेल नू केरर ख़ने आर मुध चेलारिन मला ख़क्खियर। ताब आर किर्रियर की बरचर अउर ई पत्त नू एन्ने की तिंगियर, 23“एम केरकम ख़ने जेहेल ही बली गुट्ठी मुच्चरका रहचा अउर ख़ापुर हूँ बाहरी बली नू इज्जका रहचर। लेकिन बलिन तिसगकम ख़ने भितरी नेकन हूँ मला ख़क्खकम।” 24धर्मेस ही मन्दिर ता सिपाहिर ही कप्तानस अउर यहुदी मुध नैगर इदिन मेन्जर की “अक्कू एन्दरा मनो होत्'एन?” बाचर की अकबकरर। 25ताबसिले ओरोत आलस बरदस की आरिन ब'अदस, “मेना, एका आलरिन जेहेल नू मुच्चका रहचकर, आर धर्मेस ही मन्दिर ता चाली नू इज्जर की आलरिन सिखाब'आ लगनर।” 26ताब आ कप्तानस तंग्हय सिपाहिर गने मुध चेलारिन ओन्दर'आ केरस। आलर पखना ती लो'ओर की पिटोर ब'अना इल्चका ती आरिन बड़पेलहा मला नन्जस की ओन्दरस।
27आर मुध चेलारिन ओन्दरर की यहुदिर ही कोहाँ सभा ही अगू नू इज्ताचर, अउर हुरमी ती कोहाँ मुध नैगस आरिन मेन्जस, 28“एम निमन चेताब चिच्चकम की पेसकाचकम का ई आलस ही नामे ती अमके सिखाब'आ, अन्नू हूँ निम गोट्टा यरुसलेम ता होरमा आलरिन आस ही पत्त नू तिंगकर चिच्चकर, अउर निम आ येसुसिन पिटका दोस एम्हय म'इयाँ लगब'आ लगदर।”#मत्तिस २७:२५
29लेकिन पतरुसस अउर दोसरा मुध चेलर बिड़दाचर की बाचर, “एमा गे आलर ही मला, लेकिन धर्मेस ही पेसकन मन'आ पड़ार'ओ। 30निम येसुसिन क्रुस नू ठोकचकर की पिटकर चिच्चकर, लेकिन नम्हय पुरखर ही धर्मेस आसिन केच्चकन्ती उज्जताचस। 31इस्रा'एली आलरिन पाप ती जिया किर्त'अना खतरी अउर पाप ती छेमा चि'अना खतरी धर्मेस येसुसिन सासक अउर बछाब'ऊ कमचस की तंग्हय तिना ख़ेक्खा पक्खे ओक्ताचस। 32एम इबड़ा कत्था ही गोवाह र'अदम, अउर धर्मेस तंग्हय पेसकन मन'उर गे चिच्चका नेम्हा बोलतस हूँ गोवाह र'अदस।”
33एकाबिरी ई कत्थन मेन्जर ताब यहुदिर ही कोहाँ सभा नू मन्जका आलर कोहड़े कयरारर अउर मुध चेलारिन पिटा बिद्दियर। 34लेकिन असन मोसस ही व्यवस्था सिखाब'ऊ अउर होरमा आलर आदर सम्मान चिच्चका गमलि'एल नामे मन्जका फरिसी गोहड़ा ता आलस इज्जस अउर मुध चेलारिन ओन्द घड़ी बाहरी काला गे पेसस। 35ख़ने आस यहुदिर ही कोहाँ सभा ता आलरिन बाचस, “अना इस्रा'एलिरो, निम इबड़ा आलरिन एन्दरा नना बिद्दका र'अदर, अइय्या नू होस ननके। 36जोक्क समे अगू थुदास ब'अना आलस तान कोहाँ आल हिकदन बाचस की सोच्चस अउर ४ सय आलर आस ही ख़ोख़ा लगियर। लेकिन आस पिटतारका ख़ोख़ा आस ही ख़ोख़ा लग्गू आलर छितिर-बितिर मन्जर अउर आर एन्दरा हूँ नना पोल्लर। 37अदिही ख़ोख़ा जनगनना ही बेड़ा नू गालिल ता यहुदा ब'अना आलस एथरस, अउर कय बग्गे आलर आस ही ख़ोख़ा लग्गियर। लेकिन आस हूँ पिटतारस अउर आस ही ख़ोख़ा लग्गू आलर हूँ छितिर-बितिर मन्जर। 38औंगे अक्कू ई पत्त नू एन निमरिन ब'अदन, ई आलर ही बिड़दो नू एन्दरा हूँ मला नना। आरिन अम्बा चि'आ एन्देरगेका आर ही योजना अउर नलख आलर ती हिके ब'आकी आद तानुम मेटर'ओ की कालो। 39लेकिन अगर इद धर्मेस ती मन्जकी र'ई होले निम इबड़ा आलरिन छेक'आ पोल्लोर। मला होले निम धर्मेस ही बिड़दो नू लड़ा'ई ननू मनोर।”
40ताब यहुदिर ही कोहाँ सभा नू आलर आस ही चिच्चका सलहन मन्चर। अउर आर मुध चेलारिन मिख़ियर की कोर्रा ती लवताचर अउर “अक्कू ती ई येसुस ही नामे नू इकला हूँ मला सिखाब'अके” बाचर की पेसर की आरिन अम्बियर चिच्चर। 41मुध चेलर आ यहुदिर ही कोहाँ सभा ती उरख़ियर की केरर। येसुस ही नामे नू एन्ने दुख ख़क्खना जोगे मन्जकम बाचर की आर कोहड़े खुसमारर। 42अदिही ख़ोख़ा आर सगरो उल्ला धर्मेस ही मन्दिर नू अउर एड़पा-एड़पा काला की येसुसदुम ख्रिस्तस हिकदस ब'आ की दवसमाचार प्रचार नना गे मला अम्बियर।
Currently Selected:
मुध चेलर 5: KRUX
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
मुध चेलर 5
5
हननियस अउर सफिरा
1लेकिन हननिया नामे मन्जका ओरोत आलस रहचस। आस ही तंग'आली ही नामे सफिरा रहचा। आर तंग्हय ओन्द टुकड़ा ख़ल्लन बिसियर। 2अउर तंग'आली गने सल्हा नन्जस की ख़ल्ल बिसका जोक्क ढिबन तम्हय खतरी नुड़चस की उइय्यस अउर बछरका ढिबन ओन्दरस की मुध चेलर गे चिच्चस। 3ताब पतरुसस बाचस, “हननिया, नेम्हा बोलतस गने झुट कच्छनखरना अउर ख़ल्ल बिसका ढिबा ती जोक्क तंग्हय गने उइना कत्थन सैतान एकसे निंग्हय जिया नू निन्दा चिच्चा? 4आ ख़ल्लन बिसना ती अगू निंग्हय दिम रहचा। बिसका ख़ोख़ा हूँ आ ढिबन निंग्हय मने लेखा नना ओंगा लक्कय। एन्देरगे निन एन्ने नलख नना गे सोच्चकय? निन आलरिन मला लेकिन धर्मेसिन ठकचका र'अदय।” 5ई कत्थन मेन्जस की हननियस असानुम खत्तरस की केच्चस। इदिही पत्त नू मेन्जका होरमा आलर इलिचयर। 6ताब जोख़र चोचर की आसिन कफन नू मुसगियर की बाहरी होच्चर की माड़ियर चिच्चर।
7तिन घन्टा ख़ोख़ा हननियस ही आली भितरी बरचा। आद तंग्हय आलस ही केच्चका पत्त नू बल्ला लगिया। 8पतरुसस अदिन मेन्जस, “एंगन तेंगय, निम ख़ल्लन आ बग्गे ढिबा नुम बिसकर?”
आद बाचा, “ह'ए, आ बग्गे नुम बिसकम।”
9ताब पतरुसस फेर अदिन मेन्जस, “निम उर्बस ही बोलता ही जाँच एन्देरगे हो'आ बिद्दकर? एरय, निंग्हय आलसिन माड़'उर बली बाहरी अड़सका र'अनर। आर निंगन हूँ अन्नेम माड़'ओर।” 10आ बिरिम सफिरा पतरुसस ही अगू नू खत्तरा की केच्चा। जोख़र भितरी बरचर ख़ने अदिन केच्चका इरियर, अउर अदिन हूँ बाहरी होच्चर की तंग्हय आलस हेद्दे माड़ियर। 11हुरमी कलिसिया ता पत्त'उर अउर अदिन मिनू होरमा आलर नू इल्चका कोरचा।
हयकट नलख अउर चिन्हा गुट्ठी
12मुध चेलर आलर ही मझी नू बग्गे हयकट नलख गुट्ठी अउर चिन्हा गुट्ठी नना लगियर। उर्बा येसुस नू पत्त'उर होरमर धर्मेस ही मन्दिर ता सोलोमन ब'अना पिन्डा नू संगेम मना की ख़ोड़र'आ लगियर। 13लेकिन दोसरा आलर मधे ने हूँ आर गने मेसर'आ गे डिढ़ मला नन्जर, अन्नू हूँ आरिन आदर नना लगियर। 14बग्गे मेतर अउर मुक्कर उर्बसिन पत्त'अनुम अउर आर ही गोहड़ा नू मेस्रनुम केरर। 15इय्या गुटी का आलर सड़क-सड़क नू बेमरहारिन ओन्दरर, अउर पतरुसस बर'ओबारी आस ही एख़ लेका हूँ आर मधे नेख़ा-नेख़ा म'इयाँ पड़ार'आ नेक'आ ब'आ की बिछना अउर खटिया नू आरिन किद'आ चि'आ लगियर। 16आलर यरुसलेम ही चारो तरता सहर गुट्ठी ती बेमरहर अउर मलदव बोलता लक्कारिन ओन्दरका रहचर। अउर अबड़र होरमर कोड़े मन्जर।
मुध चेलर ही साधरना
17हुरमी ती कोहाँ यहुदी मुध नैगस अउर आस गने र'ऊ सदुकी गोड़हा ता जोक्क आलर मुध चेलर ही कोहड़े हिंसिगहा नना की आर ही बिड़दो नू इज्जर। 18औंगे मुध चेलारिन धरचर की जेहेल नू सज्जर चिच्चर। 19लेकिन उर्बस ही ओरोत दुतस माख़ा जेहेल ता बली गुट्ठिन तिस्गियस चिच्चस, अउर आरिन बाहरी ओन्दरस की बाचस, 20“कला अउर धर्मेस ही मन्दिर नू इज'आ की ई पुना जिन्गी ही पत्त नू हुरमी खबर आलरिन मेन्त'आ।” 21इदिन मेन्जका ख़ोख़ा पैरिम धर्मेस ही मन्दिर नू कोरचर की सिखाब'आ हेल्लरर। हुरमी ती कोहाँ यहुदी मुध नैगस अउर आस गने र'उर इस्रा'एल ता होरमा अगुवरिन यहुदिर ही कोहाँ सभा नू मिख़ियर। ताबसिले आर मुध चेलारिन जेहेल ती ओन्दर'आ गे आलरिन त'इय्यर।
22लेकिन एकाबिरी आर जेहेल नू केरर ख़ने आर मुध चेलारिन मला ख़क्खियर। ताब आर किर्रियर की बरचर अउर ई पत्त नू एन्ने की तिंगियर, 23“एम केरकम ख़ने जेहेल ही बली गुट्ठी मुच्चरका रहचा अउर ख़ापुर हूँ बाहरी बली नू इज्जका रहचर। लेकिन बलिन तिसगकम ख़ने भितरी नेकन हूँ मला ख़क्खकम।” 24धर्मेस ही मन्दिर ता सिपाहिर ही कप्तानस अउर यहुदी मुध नैगर इदिन मेन्जर की “अक्कू एन्दरा मनो होत्'एन?” बाचर की अकबकरर। 25ताबसिले ओरोत आलस बरदस की आरिन ब'अदस, “मेना, एका आलरिन जेहेल नू मुच्चका रहचकर, आर धर्मेस ही मन्दिर ता चाली नू इज्जर की आलरिन सिखाब'आ लगनर।” 26ताब आ कप्तानस तंग्हय सिपाहिर गने मुध चेलारिन ओन्दर'आ केरस। आलर पखना ती लो'ओर की पिटोर ब'अना इल्चका ती आरिन बड़पेलहा मला नन्जस की ओन्दरस।
27आर मुध चेलारिन ओन्दरर की यहुदिर ही कोहाँ सभा ही अगू नू इज्ताचर, अउर हुरमी ती कोहाँ मुध नैगस आरिन मेन्जस, 28“एम निमन चेताब चिच्चकम की पेसकाचकम का ई आलस ही नामे ती अमके सिखाब'आ, अन्नू हूँ निम गोट्टा यरुसलेम ता होरमा आलरिन आस ही पत्त नू तिंगकर चिच्चकर, अउर निम आ येसुसिन पिटका दोस एम्हय म'इयाँ लगब'आ लगदर।”#मत्तिस २७:२५
29लेकिन पतरुसस अउर दोसरा मुध चेलर बिड़दाचर की बाचर, “एमा गे आलर ही मला, लेकिन धर्मेस ही पेसकन मन'आ पड़ार'ओ। 30निम येसुसिन क्रुस नू ठोकचकर की पिटकर चिच्चकर, लेकिन नम्हय पुरखर ही धर्मेस आसिन केच्चकन्ती उज्जताचस। 31इस्रा'एली आलरिन पाप ती जिया किर्त'अना खतरी अउर पाप ती छेमा चि'अना खतरी धर्मेस येसुसिन सासक अउर बछाब'ऊ कमचस की तंग्हय तिना ख़ेक्खा पक्खे ओक्ताचस। 32एम इबड़ा कत्था ही गोवाह र'अदम, अउर धर्मेस तंग्हय पेसकन मन'उर गे चिच्चका नेम्हा बोलतस हूँ गोवाह र'अदस।”
33एकाबिरी ई कत्थन मेन्जर ताब यहुदिर ही कोहाँ सभा नू मन्जका आलर कोहड़े कयरारर अउर मुध चेलारिन पिटा बिद्दियर। 34लेकिन असन मोसस ही व्यवस्था सिखाब'ऊ अउर होरमा आलर आदर सम्मान चिच्चका गमलि'एल नामे मन्जका फरिसी गोहड़ा ता आलस इज्जस अउर मुध चेलारिन ओन्द घड़ी बाहरी काला गे पेसस। 35ख़ने आस यहुदिर ही कोहाँ सभा ता आलरिन बाचस, “अना इस्रा'एलिरो, निम इबड़ा आलरिन एन्दरा नना बिद्दका र'अदर, अइय्या नू होस ननके। 36जोक्क समे अगू थुदास ब'अना आलस तान कोहाँ आल हिकदन बाचस की सोच्चस अउर ४ सय आलर आस ही ख़ोख़ा लगियर। लेकिन आस पिटतारका ख़ोख़ा आस ही ख़ोख़ा लग्गू आलर छितिर-बितिर मन्जर अउर आर एन्दरा हूँ नना पोल्लर। 37अदिही ख़ोख़ा जनगनना ही बेड़ा नू गालिल ता यहुदा ब'अना आलस एथरस, अउर कय बग्गे आलर आस ही ख़ोख़ा लग्गियर। लेकिन आस हूँ पिटतारस अउर आस ही ख़ोख़ा लग्गू आलर हूँ छितिर-बितिर मन्जर। 38औंगे अक्कू ई पत्त नू एन निमरिन ब'अदन, ई आलर ही बिड़दो नू एन्दरा हूँ मला नना। आरिन अम्बा चि'आ एन्देरगेका आर ही योजना अउर नलख आलर ती हिके ब'आकी आद तानुम मेटर'ओ की कालो। 39लेकिन अगर इद धर्मेस ती मन्जकी र'ई होले निम इबड़ा आलरिन छेक'आ पोल्लोर। मला होले निम धर्मेस ही बिड़दो नू लड़ा'ई ननू मनोर।”
40ताब यहुदिर ही कोहाँ सभा नू आलर आस ही चिच्चका सलहन मन्चर। अउर आर मुध चेलारिन मिख़ियर की कोर्रा ती लवताचर अउर “अक्कू ती ई येसुस ही नामे नू इकला हूँ मला सिखाब'अके” बाचर की पेसर की आरिन अम्बियर चिच्चर। 41मुध चेलर आ यहुदिर ही कोहाँ सभा ती उरख़ियर की केरर। येसुस ही नामे नू एन्ने दुख ख़क्खना जोगे मन्जकम बाचर की आर कोहड़े खुसमारर। 42अदिही ख़ोख़ा आर सगरो उल्ला धर्मेस ही मन्दिर नू अउर एड़पा-एड़पा काला की येसुसदुम ख्रिस्तस हिकदस ब'आ की दवसमाचार प्रचार नना गे मला अम्बियर।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.