Awaragasia 1
1
1 #
1 Ika 4:32. Awaragasia nuka Solomon okoku loka Daudi, ekabaka loka Isirael.
2Ajenun acoa ka aituutoorio:
Amisiikin akiro nuka ajenun:
3 #
Awa 2:1. Adumun aituutoorio kotoma aswam nukacoa,
Kotoma adolit, ka etube, ka nuetenito
4Ainakin ijimat acobeu,
Ka ekatumunan da aijen ka apirianut:
5Tetere epupuni lokacoa, iyatakini aisisiaun;
Etuŋanan da loejenuni edolokini ainerun naeŋalei:
6Ajenun awarag, ka agarac;
Akiro nuka lukacoa ka aibukaanaretakec.
7 #
Yob 28:28; Sab 111:10; Awa 9:10. Ayoŋit EJAKAIT ŋes ageunet naka aijen:
Konye luebaŋaaka emenete acoa ka aituutoorio.
8Okokuka, kiira ijo aituutoor naka papakon,
Sirikiŋer da aicor naka totokon:
9Naarai eraun aboko nakasianut kakoukon,
Ka erikot komurisiŋikon.
10 #
Age 39:7; Tub 16:16-21; Rom 16:18; Pes 5:11. Okokuka, arai kijodijodete ikadiakanarak,
Sirikicam.
11 #
Awa 12:6; Yer 5:26; Mik 7:2. Arai ebalas ebe, “Biya, kauparos,
Kaperutu aiar,
Kaŋopikis tai lumam akirot kaiboisio nukaiyeiyea;
12 #
Sab 28:1. Kelikosi kes ejarete kwape Okatwak,
Koŋaieete, kwape kaŋui kaluijesaros Aipany;
13Kidumuni iboro kere lukakais nuipu,
Kilelebi itogoiwok iuŋatan;
14Kitebeikini eroetekon mamakosi;
Kimori enasoro ediopet.”
15 #
Awa 4:14. Okokuka, sirilosenenei kakes;
Kitiku akejukon korotokec:
16 #
Isa 59:7. Naarai ekerete akeeekeje mama ejai aronis,
Ewonyasi da abukor aokot.
17Naarai epesikinio eboi taai
Kakonyen nuka ŋinikweny kere:
18Eperunete ŋul akeceokot,
Eŋopikinete akeceijar kaiboisio nukaiyeiyea.
19 #
2 Ika 5:20-27; Mik 2:1-3; 1 Tim 6:10. Ŋul kes iponesio luka ŋolituŋanan loikibelikini ameda; Elemari aijar naka ikulepek.
20 #
Awa 8:1-3. Ikalalat acoa korot;
Ikeseuni ekeporoto kaiboisio nuelaiak;
21Iworoi kaibois nakapolon naetukonokinoi;
Kaneelomarere korutei, ore, ineria akekiro ebe:
22“Yes lumam acoa, itodolete ai iminas amamut kacoa?
Ka lukesuarak aisiyalamikinite aisuar,
Ka ibaŋiok aila aijen?
23 #
Yoe 2:28; Yok 7:37. Kibelokinos kanuka aitoronoka:
Koany, abukokini emoyoka mama ijaas,
Ketejenunete akakiro.
24 #
Isa 66:4; Yer 7:13; Sek 7:11. Naarai eworo, ineroto:
Ario akakan, kwabo emamei yenapodokinit.
25 #
Luk 7:30. Konye itapalaut ainerunika kere,
Kwabo mam ikotosi aitoronoka nepetai da:
26Aso eoŋ da akiena kapaaran naka apolakus:
Esekelo kedolu akurianukus:
27Kedolu akurianukus kwape ekwam,
Nakidoikinio epola kwape etapipirio,
Nakibunokiniata aiyaloŋoŋ ka aoyanar.
28 #
Isa 1:15; Yer 14:12; Mik 3:4; Yak 4:3. Kosodete konyet aiwor eoŋ, konye mam aboŋokini; Kamoete noi, konye mam kadumunete:
29 #
Yob 21:14; Sab 50:16,17; Isa 27:11; Yok 3:20; Asw 7:51. Naarai apotu kolaata aijen,
Komam eseunete ayoŋit EJAKAIT.
30Mam akotosi cut akainerun;
Apotu komenata aitoronoka kere:
31 #
Isa 3:11. ŋes enyamiata araito nuka ekecerot loka ikulepek, Kimonikinos ainerunikec naka ikulepek.
32Naarai ajurusiar kau naka lumam acoa eari kes, Ido akerianut naka ibaŋiok emudiari kes,
33Konye ŋin yenikeirari eoŋ iboienenei icasit,
Iyamakina komam ekuriana aronis.”
Currently Selected:
Awaragasia 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.