Nakum 1
1
1Abwokon naka Ninebe, Eitabo loka aitapoet naka Nakum Elikosit,
2Erai EJAKAIT Edeke lokekolo, inyaŋi da; Inyaŋi EJAKAIT, ileleba anyunyura;
Inyaŋi EJAKAIT kama ka lukediŋeteke, Elilikini lukasurupoke,
3 #
Any 34:6,7; 19:16; Sab 103:8; Mik 7:18. Iyapi EJAKAIT anyunyurikin, eili ili da akepedor, Lomam itojoki luegwaunito akiro.
Ejai EJAKAIT ekerot otapipirio, kokwamin da, Idouon kes adae nuka akeieke,
4 #
Yos 3:15,16. Iretakini ŋesi aŋolol, itooni,
Itooni da icorin kere:
Enonokiar Basan, ka Karumel,
Enonokiar da aturot naka Lebanon.
5 #
2 Sam 22:8. Emaranete ironan kakonyeneke,
Ecalaros iukon;
Ebuburiar akwap kakonyeneke,
Eebo, akwapin, ka luibojete kotoma kere.
6Iŋai bo epedori abwoikin aisiopoke?
Iŋai da epedori atitiŋikin adedeŋ naka anyunyurake?
Ebukunio anyunyurake kwape akim,
Etiyatiyai ŋesi imor.
7 #
Sab 1:6; 2 Tim 2:19. Ejok EJAKAIT, abwas kapaaran naka ican;
Ejeŋi ŋesi nul luemunosi ŋes.
8 #
Amo 8:8. Konye itanani eut aiboisike kakalele naelapara,
Erukoria lukasurupoke kiton amuton.
9Anyoika nuitetemonorete kaomisio aluikin EJAKAIT?
Itanani ŋesi cut:
Mam irucakini bobo aitican.
10Naarai karaida esubito bala ikukwa luikodikodito, Epalala kesi da kanumatanakec,
Idoporio kes cut kwape ariaŋ naconit de.
11Aiomu idiopet kamakon yenitetemor aronis aluikin EJAKAIT, Yenineruni nukaronok.
12Inera EJAKAIT kwanata ebe:
“Karaida egogoŋ kes cut, ipu da, Ejepio kes, eoliorete.
Karaida abu kareite jo,
Mam bobo karei joo
13Kwana abili aiookotoke kamakon,
Aaŋololedi irikoikon.”
14Abu EJAKAIT kicorak nukon ebe:
“Mam bobo eyeio ekonikiror;
Kotogo loka idekesiokon
Ajepi aput naegerer, ka aput da naecalara.
Etemokini atesikon;
Naarai isiliana ijo.”
15 #
Isa 52:7. Koany, akejen nuka aŋololol kaloeyauni akiro nukajokak, Loelimonokini ainapakin koronan!
Kidar ipucinokon, ijo Yuda,
Kitodol aiyaposiokon:
Naarai mam ikaronon itori bobo tomakon; Egelario eut.
Currently Selected:
Nakum 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.