Malaki 1
1
1Abwokon naka akirot naka EJAKAIT mama ejai Isirael kama ka Malaki. 2#Age 25:23; 28:13; Rom 9:13. Ebala EJAKAIT ebe, “Kamina yes.” Konye ibalas yesi ebe, “Kimina ijo sio biai?” Ebala EJAKAIT ebe, “Mam kereka Esau arai onaee loka Yakob? Konye amina Yakob; 3#Esk 35:3. kwabo alait Esau, ketuluo da ikeroŋan luiswapito, kainak da airumeteke ikuwei luka amodiŋ,” 4Karaida kebala Edom ebe, “Kitiyakin kwap, konye kiboŋori aiduk aiboisio nuatiyanakinos”; inera EJAKAIT loka ajoresio kwanata ebe, “Edukete kesi, konye atiyakini eoŋ kwap: emaikinete ituŋa kes Eikor loka aronis, ido Ituŋa luenyunyurikinit EJAKAIT ikar kere.” 5#Sab 35:27; 83:18. Eanyunete akusikonye, itemarete ebe, “Kitopolooritete EJAKAIT adepar eikor loka Isirael!”
6 #
Any 20:12; Ikis 5:16; Mat 15:4; Pes 6:2; Luk 18:20; 6:46. Ebala EJAKAIT laka ajoresio yes ebe, “Eyonit ikoku papake, ka ebulesit da ekeiakait, Arai do arai eoŋ papa, ani bo akapolou? Arai arai eoŋ eiakair, ani bo akayonio? Wu yes isasedotin luimwanito ekakiror. Ibalas yesi ebe, “Kimwanit biai ekonikiror?’ 7#Esk 41:22. Iinakinete emugati loitisilitoi kotemuka. Ibalas ebe, ‘Kitisil isio jo biai?’ Naarai ibalas ebe, Emenen emesa laka EJAKAIT. 8#Yob 42:8; Ikis 15:21. Naiinakiniata ibarasit yenimuduk araun asubanit, mam erai aronis! Naiinakiniata da inwalas ka ikadekan, mam erai aronis! Ebala EJAKAIT loka aioresio ebe, Koinakisi do ekayaitonikus; kisiyalamikini kereka ŋeai jo? Ecamuni kereka jo? 9#Kos 13:9. Kenainait, kilip asianut naka Edeke, tetere esianiar mamawok. Ebala EJAKAIT laka aioresio ebe, Alomunete nun kakaninikus: ecamuni kereka ŋesi idio kayesi? 10#1 Kor 9:13; Pil 3:18,19; Isa 1:11. Ti ejok arai kojaun idiopet kayesi yenegolokini ikekia tetere mam yes isinepunete akim kotemuka titai! Ebala EJAKAIT loka aioresio ebe, Mam kesiyalamikinit yes, karaida acamun ainakinet naka akanikus. 11#Isa 59:19; 66:19; Yok 4:21; 1 Tim 2:8; Apu 8:3. Naarai ameun kaneelomunia akoloŋ kiton neelomaria ŋesi epol ekakiror kama ka lukaeekwapin; ido kaniniibois einakinio lukisupurununo mama ejai ekakiror, ka ainakinet naelai: ebala EJAKAIT laka aioresio ebe, Naarai epol ekakiror kama ka lukacekwapin. 12Konye imunaunete yesi ŋes, naarai ibalas ebe, Esi! emesa laka EJAKAIT, emenen da ikenyamat, 13#Leb 22:20; Isa 1:12. Ibalas da ebe, Koany, epol ca ma aitapasitoi! Ebala EJAKAIT laka aioresio ebe, Isuanasi ŋes. Iyaut luademunio kagogon, ka inwalasik, ka luedekas; iyaut kwaŋin ainakinet! Ebala EJAKAIT ebe, Acamuni tope eoŋ ŋin kakanikus? 14#Asw 5:1. Konye ikenitoi ekamodan loejai ibarasit yenikiliokit osipanike, kiyapoi, kosodi ainakin EJAKAIT yenenwalit. Naarai ebala EJAKAIT loka ajoresio ebe, Arai eoŋ Ekabaka loapol, esogim da ekakiror kama ka lukacekwapin.
Currently Selected:
Malaki 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.