Yokana 10
10
1“Abeit, abeit, katemari yes atiar, yenimam itori orute elomari anuk naka amerekekin konye kodoka kamace, erai ŋin ikokolan ka ikaŋatan da; 2konye yenitori orute ŋes erai ekecokon loka amerekekin. 3Eŋaikini ekagolon ŋes; iirarete amerekekin ekeporoto, enyarai ŋesi akemerekekin kikiroriakec, itolomari kes kiŋa, 4Kedau aitolomar nukeŋ kere, iŋarenikini kes, etupakinete amerekekin, naarai ejenete ekeporoto. 5#Yok 10:27. Mam etuparete cut eloŋwau, konye ekerete kama ejai, naarai mam ejenete eporoto loka iloŋwau.” 6#Yok 16:25. Abu Yesu kolimok kes awaragan ŋin, konye mam ejenuna akiro nualimokini kes.
7 #
Sab 118:20; Yok 14:6; Mat 7:13,14. Kolimok Yesu kes bobo ebe, “Abeit, abeit, katemari yes atiar, arai eoŋ erute loka amerekekin. 8#Yer 23:1,2. Kere lukageikinete keraas ikokolak ka ikaŋatak; konye mam apotu amerekekin kiirasi kes. 9#Sab 118:20; Yok 14:6; 1 Kor 3:15. Arai eoŋ erute; arai kitoro ituŋanan mamakaŋ, itajario, elomari ka alomun, edumuni da erony. 10Mam ekokolan ebuni atai dimarai akoko, ka aiar, ka amunaar da; abu eoŋ kabu tetere ejaunete kaijar, ejaunete da kanaedeparit. 11#Sab 23:1; Luk 15:4-7. Arai eoŋ ekecokon lokajokan. Einakini ekecokon lokajokan akeijar kanuka amerekekin. 12#Isa 40:11; Esk 34:11-23; 37:24; Yok 15:13; Mat 10:16; Asw 20:29; Tit 1:11; 1 Pet 5:2,3. Etuŋanan loeropio, lomam erai ekecokon, amerekekin da mam eraas nuke, eanyuni epeet ebuni, inyeini amerekekin, ekeri; ikami do epeet kes, isiarakini. 13Ekeri ŋol naarai erai loeropio, mam epodo amerekekin. 14#2 Tim 2:19. Arai eoŋ ekecokon lokajokan; ajeni ŋun nueraas nukaŋ, nukaŋ da kajenete eoŋ, 15#Mat 11:27; Luk 10:22. kwape kajenia Papa, eoŋ da ajeni Papa; ainakini akaijar kanuka amerekekin. 16#Esk 37:24; 34:23; Yok 11:52; 1 Pet 2:25; Pes 4:5. Ido ejaas eoŋ amerekekin ace, numam eraas nuka anuk kana; kebusakinit ayaun ŋun da, iirarete ekaporoto; kosodete araun esipan ediopet, ka ekecokon ediopet. 17#Pil 2:8,9. Kanuka na kamina Papa, naarai ejaikini akaijar, tetere alemuni bobo. 18#Yok 5:26; 19:11. Emamei ituŋanan yenikademari, konye ejaikini eoŋ elopet. Ejai eoŋ apedor naka aijaikin, ejai da apedor alemun bobo; adumunit aicorakinet na kama ejai Papaka.”
19 #
Yok 7:43; 9:16. Kojau bobo atiakatiak koYudayan kanuka akiro kaŋun, 20#Yok 7:20; 8:48; Mk 3:21. Luipu kakes kobalas ebe, “Ejai lo ajokit, ekerepiki; kanukinyo iirariata ŋes?” 21Kobalas ice ebe, “Akiro ŋun mam eraas nuka ituŋanan yenejai ajokit. Epedori kereka ajokit aitwekenyun akonye nuka imudukiok?”
22Kerai epucit loka Atiakunio koYerusalem; kapak naka aterot; 23#Asw 3:11; 5:12. kitorit Yesu oyekalu alomaret naka Solomon. 24#Luk 22:67. Kosodete kolukut ŋes Iyudayan kotemasi atiar, “Itodoli ai isibuonokini ikositauon? Arai irai Kristo, kolimokinai kaitebeikin.” 25#Yok 4:26; 5:36; 9:37. Koboŋok Yesu ebe, “Abu kalimok yes, konye mam iyuunito. Aswamisio nueswamai eoŋ kokiror loka Papaka, kes ketejenunito. 26#Yok 6:64; 8:45. Konye yes mam iyuunito, naarai mam iraas lukotoma amerekekinika. 27#Yok 8:47; 10:3,4. Iirarete akamerekekin ekaporoto, ajeni kes, kes da katupito eoŋ; 28#Yok 5:28; 6:39; 17:12; 18:9. ainakini kes aijar naka ikar kere, mam cut eoliorete, kwabo emamei ituŋanan yeneurupoori kes kakanika. 29Papaka lokainakini ŋun erai lokapolon aitelekarit kere, kwabo emamei ituŋanan yenepedori aurupoor kes kakan naka Papaka. 30Kirai eoŋ ka Papa ipe.”
31 #
Yok 8:59. Kosodete kirarata bobo Iyudayan amor aibiribirio ŋes. 32Koboŋok Yesu kes ebe, “Ketodik yes aswamisio nuipu nuejok nuepote kama ejai Papa; kanuka aswamisioit anyoin kaŋun kibiribirioto eoŋ kamor?” 33#Leb 24:16; Yok 5:18; Mat 26:65. Koboŋokis Iyudayan ebe, “Mam kibiribiri jo kanuka aswamisioit naejok, konye kanuka ainyanakin Edeke; naarai jo etuŋanan, ituluori bon Edeke.” 34#Sab 82:6. Koboŋok Yesu ebe, “Mam kereka iwadikatai kokisilakus ebe, ‘Kabala iraas yesi idekesio’? 35#Mat 5:17,18. Arai abu konyara kes idekesio ŋul lukebunokini akirot naka Edeke (ido mam epedorete nukiwadikatai abilio), 36#Yok 5:17-20. ibalasi kereka yesi lokitalauni Papa kijuk akwapin ebe, ‘Iinyanakini Edeke’; kanu abalar ebe, ‘Arai eoŋ Okoku loka Edeke’? 37Arai mam eswamai aswamisio nuka Papaka, sirikiyuut. 38Konye arai eswamai, karaida mam kiyuunito eoŋ, kiyuutu aswamisio; tetere ijenunete ipiirikinete da ebe ejai Papa tomaka, eoŋ da toma Papa.” 39#Yok 8:59; Luk 4:30. Komoata bobo aikamun ŋes; konye koku kakanikec.
40 #
Yok 1:28. Kolot bobo okekwa Yorodan aibois nakegeunia Yokana aibatis; kosalak ŋina. 41Kopotu luipu mamakeŋ; kobalas ebe, “Abeit mam Yokana eswamat aanyunet kere: konye nukinera Yokana kere kanuka ŋol keraas abeit.” 42#Yok 8:30. Kiyuut luipu kaŋina.
Currently Selected:
Yokana 10: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.