2 Petero 1
1
1Simon Petero ebulesit ekiyakia da loka Yesu Kristo,
Mama ejaas ŋul luadumutu aiyuun naketiai loepol naeriakas kanakosi kotoma adolit naka Edekewok, Eketajaran da Yesu Kristo:
2 #
Yud 1:2. Kiyatanakin asianut ka ainapakin mamakus toma ajenun Edeke ka Ejakaitiwok Yesu Kristo.
3 #
1 Pet 2:9. Naarai abu apedor naka eidekeoneke koinak oni akiro kere nuka aijar ka nuka ayoŋit Edeke, kanuka ajenun ŋol lokinyarauni oni kanuka aibusesuke ka ajokisike elopet; 4nukiinakinia oni aisumunetake nuepolok nuketiai loepol; tetere kotoma kaŋun iraunete ikamorak luka einono loka Edeke, nuipotu kokuiata anyoun kotoma amudiario naejai toma akwapin kanuka aiŋobel. 5#Gal 5:6,22; Yud 1:3. Konye kanuka ŋupe kaŋun da kodunyakis noi aiyatakin ajokis kotoma aiyuunikus, kotoma ajokisikus da ajenun, 6kotoma ajenun du aitikokina, kotoma aitikokina da atitiŋikin, kotoma atitiŋikin da ayoŋit Edeke, 7#Gal 6:10. kotoma ayoŋit Edeke da amin iinacan, kotoma amin iinacan da amin, 8Naarai arai kijaunos kaŋun kidilas, kituluorete yes lumam iloŋwaka, ka lueraete araito kotoma ajenun cut Ejakaitiwok Yesu Kristo. 9#1 Yok 2:9,11. Naarai yenemameete ŋun, erai imuduki yeneturiaitoi, kimurwokinite aitesegario adiakanaretake nukolo, 10Aso iinacan, kiyatanakis noi adunyakin aitogogoŋ anyarauniokus ka aseunio da, naarai arai iswamaete ŋun, mam iguikinos nepetai da; 11#Yok 3:5; 10:7. naarai kwaŋin kiinakinio kabarara alomaret nakotoma ajakanut namam edaun naka Ejakaitiwok ido Eketajaran Yesu Kristo.
12 #
Yud 1:5. Kanuka ŋun ŋes ecebokinitor apaarasia kere aisiitun yes ŋun, karaida ijenete kicata da kotoma abeit naijaatar, 13#2 Kor 5:1. Konye aomit eoŋ ebe edolit, aroko ajai toma oidukuru lo aisinyikokin yes kaisiitun, 14#Yok 21:18,19. naarai ajeni ebe eapie apak naka alacar eidukuruka kwape ketejenunia Ejakaitiwok Yesu Kristo. 15Adunyakini da aisipedor yes ŋinipak aiitun ŋun kadau atwanare.
16Naarai mam kipou katupenenete awaragasia nuepwakunitai kacoa, nakitejenunia yes apedor ka abunore naka Ejakaitiwok Yesu Kristo, konye kipou kaanyutu akepolou kakonyenekosi. 17#Mat 17:1-5; Mk 9:2-7; Luk 9:28-35. Naarai naainakinere aiturio ka aibuses nuapotu kama ejai Edeke Papa, kobu da eporoto mamakeŋ kotoma aibuses nakapolou naimwekimweki ebe, “Lo ŋes Okokuka lominat, loalelakinit noi;” 18kipou keirasi eporoto ŋol loabuni kotoma akuj, nakijaar kaŋes moru lokalaunan, 19Ido kija kakirot naka inabin naitogogoŋitoi aitelekarit, Ido iswamaete ejok aibwaikin ŋin etau, kwape atala naecaikini aibois nakamuton, aitodol naiwalaria akwap, elomuni da etop kotoma otauonokus. 20Kojenutu na nasodit ebe, emamei akirot naiwadikato inabin naepedori ituŋanan aijul kanuke bon, 21#2 Tim 3:16,17. naarai emamei akirot nakedwaritai kakote naka ituŋanan, konye enerenenasi ituŋa nukepote kama ejai Edeke kodoikinite Emoyo Lokalaunan.
Currently Selected:
2 Petero 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.