2 Ikabakan 23
23
1Kijuka ekabaka, kotukonokinos imakio kere luka Yuda ka luka Yerusalem neejai. #2 Siit 34:29,30. 2Kodoka ekabaka togo loka EJAKAIT, ka iruna kere luka Yuda ka lukiboiete koYerusalem nepepe kaŋes, ka isasedotin, ka inabin, ka ituŋa kere, ludidik ka lukapolok: kosiomak akiikee akiro kere nuka eitabo loka aitutuket loadumun kotogo loka EJAKAIT. #2 Ika 22:8. 3Kobwo ekabaka kaneejai epir, kitutuk aitutuket kakonyen nuka EJAKAIT, atupit EJAKAIT, airie aicorakinetake, ka aitejenunetake ka ikekisila, keketau kere, ka akeijar kere, aitogogoŋ akiro nuka aitutuket kana nuewadikatai oitabo lo: kitogogonoto ituŋa kere aitutuket. #2 Ika 11:14; Yer 4:2.
4Kicorak ekabaka Kilikia esasedoti lopeti, ka isasedotin luetupito, ka ikagolok aitolomun koyekalu loka EJAKAIT iboro kere lueswamao kanuka Baal, ka Asera, ka aiore kere naka akuj: kicwe kes kokina ka Yerusalem komanikoria luka Kidiron, koyana ekurwonikee Bet-el. #2 Ika 21:3,7. 5Kolema isasedotin luamaenenete aputosia, luatiakunete ikabakan luka Yuda aisupuruunun lukisupurununo kaiboisio nuiceleleete nukoreria luka Yuda, ka aiboisio nuerimorito Yerusalem; ŋul da luesupuruunokinete Baal, ka akoloŋ, ka elap, ka aacer, ka aiore kere naka akuj, lukisupurununo. #Kos 10:5; Sep 1:4; 2 Ika 21:3. 6Kitolom Asera kotogo loka EJAKAIT, kiŋa ka Yerusalem, koyau aguurut Kidiron, kicwe ŋes kaguurut Kidiron, kicakaeak kidupudupo, kiwelanak atesina nuka ituŋa kere. #2 Siit 34:4. 7Kotiyatiya itogoi luka iketepak ikiliok, luajaas togo loka EJAKAIT, nekesonyenenata aŋor aigalisio nuka Asera. #1 Ika 14:24; 15:12; Esk 16:16. 8Kitolom isasedotin kere koreria luka Yuda, komunaa aiboisio nuiceleleete neesupuriononoto isasedotin lukisupurununo, anyoun koGeba kiton Beer-seba; kobilibil aiboisio nuiceleleete nukorutei nuajaas neelomarere orute loka Yosua ekayaiton loka ere, nuajaas akan nakokediany orute loka ere, #1 Ika 15:22. 9Konye mam apotu isasedotin luka aiboisio nuiceleleete kodokasi otem loka EJAKAIT Yerusalem, konye konyamenenete imugatin lumam itubuunitoi koinacanakec, #Esk 44:10; Mal 2:8; 1 Sam 2:36. 10Komunaa da Topet, loajai aditot naka idwe luka Kinom, kinyek ituŋanan aicwe okokuke karaida akokuke araun asubanit mama ejai Molek. #Isa 30:33; Yer 19:6; Yos 15:8; Leb 18:21; Esk 23:37. 11Kolema ibalasin luainakinito ikabakan luka Yuda akoloŋ, neelomarere togo loka EJAKAIT, eiduny kagola naka Natan-melek ebwacit, naapie kanen; kicwe agalin nuka akoloŋ kakim, #Ikis 4:19; 2 Siit 14:5; Yob 31:26; Esk 8:16. 12Kobilibil eka baka itemwan luajaas kuju kagola nakokuiu naka Akas, luadukito ikabakan luka Yuda, ka itemwan luadukokinit Manase alaroi aarei nuka etogo loka EJAKAIT, komunyumuny kes kanen, kocakak aguurut Kidiron. #Yer 19:13; Sep 1:5; 2 Ika 21:5; 2 Siit 33:3,15. 13Komunaa ekabaka aiboisio nuiceleleete nuiteete Yerusalem, nuajaas akan nakoteten naka emoru loka amunaar, loadukokinit Solomon ekabaka loka Isirael Asitoret etal loka Isidonin, ka Kemos etalloka Moab, ka Milikom etalloka idwe luka Amon. #1 Ika 11:7; Nek 13:26. 14Kobilibil ipirin, koiepeiep Asera, kileleb aiboisiokec akojo nuka ituŋa. #Any 23:24; 32:20; Mar 33:52; Ikis 7:5,25; 12:3.
15Bobo da etem loajai Bet-el, ka aibois naieelelei naabu Yeroboam okoku loka Nebat, loetidiaki Isirael koduk, kobilibil etem ŋol ka aibois naieelelei; kicwe aibois naieelelei kicakaeak kidupudupo, kiewe da Asera. #1 Ika 12:28,33; 14:16; 2 Ika 10:31. 16Kosodi konolia Yosia kau, koany atesina nuajaas nen moru; kijuka, kolemunai akoio katesina, kiewe kes kotem, komunaa ŋes, kwape ajaar akirot naka EJAKAIT naalimori etuŋanan loka Edeke, loalimori akiro nun, #1 Ika 13:2. 17Kosodi ŋesi atemar atiar, “Anyoin aiitunet nin naany?” Kolimokis ŋes ituŋa lukore kanol ebe, “Ŋes ates naka etuŋanan loka Edeke, loabuni koYuda, kolimok akiro nu nuiswamak ijo etem loka Bet-el.” 18Kotema atiar, “Kinyeisi ŋes; kinyek etuŋanan kere akutun akekoio.” Kosodete kinyeinai akekojo nepepe kakoio nuka enabi loabuni koSamaria. 19Kolema Yosia abilai kere nuka aiboisio nuiceleleete nuajaas oreria luka Samaria, nukedukete ikabakan luka Isirael aitunyunyurikin EJAKAIT, kiswamak kes kwape ajaatar aswamisio kere nueswamat koBet-el. #2 Siit 34:6. 20Koarak otemwan isasedotin kere luka aiboisio nuiceleleete luajaas nen, kiewe akojo nuka ituŋa kotemwan kanul; kobono Yerusalem. #Any 22:20; 1 Ika 18:40; 2 Ika 11:18; 2 Siit 34:5.
21Kicorak ekabaka ituŋa kere ebe, “Koriea Aleleŋio mama ejai EJAKAIT Ekusideke, kwape ewadikatere oitabo lo loka aitutuket.” #2 Siit 35:1; Any 12:3; Leb 23:5; Mar 9:2; Ikis 16:2. 22Abeit mam aricito Aleleŋio naikoni nen ageun kapaarasia nuka ikatubok luatubonokinete Isirael, karaida apaarasia kere nuka ikabakan luka Isirael, karaida nuka ikabakan luka Yuda. 23Konye kokaru lokitomonet kakanykauni loka ekabaka Yosia korica Aleleŋio nin mama ejai EJAKAIT koYerusalem.
24Bobo da, kolema Yosia ŋul kere luajaas ajokin, ka imurwok, ka aputosia nuka idekesio, ka aputosia, ka italeaia kere, luatakanunete kakwap naka Yuda, ka Yerusalem, tetere itogogoni akiro nuka ekisil nuewadikatai oitabo loadumuni Kilikia esasedoti kotogo loka EJAKAIT. #2 Ika 21:6; 1 Siit 10:13; 1 Sam 19:13; Kos 3:4; Leb 19:31; 20:27; Ikis 18:11; 2 Ika 22:8-13; 2 Siit 34:14-19. 25Emamei ekabaka kaluageikinete ŋes luaputos kaŋes, loebelokina mama ejai EJAKAIT keketau kere, ka akeijar kere, ka akegogoŋ kere, kwape ejaatar ikisila kere luka Musa; akauloke da mam enyounit ediopet loeputos kaŋes. #2 Ika 18:5.
26Konye mam abu EJAKAIT kibelokin kadeden naka akenyunyura naepol, naabu kinep anyunyurikin Yuda, kanuka aitunyunyurikin kere naka Manase naetunyunyurikinitor. #2 Ika 21:11; 24:3; Yer 15:4. 27Kotema EJAKAIT atiar, “Alemari Yuda da kakonyeneka, kwape alemaria Isirael, acakari ere la loaseunit, ŋes Yerusalem, ka etogo loabu kener ebe, Iboieaenei ekakiror kanen.” #2 Ika 17:18; 1 Ika 8:29; 9:3.
28Aswamisio ace nuka Yosia, ka nuabu kiswama kere, mam kereka iwadikatai oitabo loka aisiitonokin nuka ikabakan luka Yuda? 29Kapaarasiake koloma Parao-neko ekabaka loko Misiri asurokin ekabaka loka Asuria ocor Eupurat; kolot Yosia asurokin ŋes; koarak Megido, kedau aanyun ŋes. #Tub 1:27; 5:19; 1 Ika 4:12; 2 Ika 9:27; Sek 12:11; 2 Ika 14:8. 30Kodakasi ikekejaanakinak aketes kagali anyoun koMegido, koyaut ŋes Yerusalem, kidaikis ailitike. Koyaata ituŋa luka akwap Yekoakas okoku loka Yosia, kinyonyoikis ŋes akinyet, kitaraut ŋes ekabaka aibois naka papake, #2 Ika 14:21; 21:24; 2 Siit 36:1,2; Yer 22:11.
31Kerai Yekoakas loka ikar akaisaarei ka luuni egeuni airum; kirumak ilapio iuni ko Yerusalem; ekiror loka totoke kerai Kamutal akoku naka Yeremia loka Libuna. #2 Ika 24:18. 32Kiswama nueroko kakonyen nuka EJAKAIT, kwape ajaatar kere nukiswamato lukapapaake. 33Koen Parao-neko ŋes koRibula akwap naka Kamat, kinyek airum koYerusalem; kotubok akwap esolo loka atalatan akwatat nuka epuesa, ka atalata adiopet naka esa bu. #Mar 34:11; 2 Ika 25:6; Yer 52:27. 34Kitarau Parao-neko Eliakim okoku loka Yosia ekabaka aibois naka Yosia papake, kiloeok ekekiror komaik Yekoiakimr konye koyana Yekoakas; kobu Misiri, kotwanik nina. #2 Ika 24:17; Dan 1:7; Mat 1:11; Yer 22:11; Esk 19:3,4. 35Koinak Yekoiakim Parao epuesa ka esabu; konye kotubok akwap iboro ainakin apesan kwape eeorakinia Parao: kitelem epuesa ka esabu kotuna luka akwap, kaninitunanan kwape ejaar esoloke, ainakin Parao-neko. #Awa 11:11; 15:6.
36Kerai Yekoiakim loka ikar akaisaarei ka lukany egeuni airwn; kirumak ikar itomon ka lodiopet koYerusalem: ekiror loka totoke kerai Sebida akoku naka Pedaia loka Ruma. 37Kiswama nueroko kakonyen nuka EJAKAIT, kwape ejaatar kere nukiswamato lukapapaake.
Currently Selected:
2 Ikabakan 23: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
2 Ikabakan 23
23
1Kijuka ekabaka, kotukonokinos imakio kere luka Yuda ka luka Yerusalem neejai. #2 Siit 34:29,30. 2Kodoka ekabaka togo loka EJAKAIT, ka iruna kere luka Yuda ka lukiboiete koYerusalem nepepe kaŋes, ka isasedotin, ka inabin, ka ituŋa kere, ludidik ka lukapolok: kosiomak akiikee akiro kere nuka eitabo loka aitutuket loadumun kotogo loka EJAKAIT. #2 Ika 22:8. 3Kobwo ekabaka kaneejai epir, kitutuk aitutuket kakonyen nuka EJAKAIT, atupit EJAKAIT, airie aicorakinetake, ka aitejenunetake ka ikekisila, keketau kere, ka akeijar kere, aitogogoŋ akiro nuka aitutuket kana nuewadikatai oitabo lo: kitogogonoto ituŋa kere aitutuket. #2 Ika 11:14; Yer 4:2.
4Kicorak ekabaka Kilikia esasedoti lopeti, ka isasedotin luetupito, ka ikagolok aitolomun koyekalu loka EJAKAIT iboro kere lueswamao kanuka Baal, ka Asera, ka aiore kere naka akuj: kicwe kes kokina ka Yerusalem komanikoria luka Kidiron, koyana ekurwonikee Bet-el. #2 Ika 21:3,7. 5Kolema isasedotin luamaenenete aputosia, luatiakunete ikabakan luka Yuda aisupuruunun lukisupurununo kaiboisio nuiceleleete nukoreria luka Yuda, ka aiboisio nuerimorito Yerusalem; ŋul da luesupuruunokinete Baal, ka akoloŋ, ka elap, ka aacer, ka aiore kere naka akuj, lukisupurununo. #Kos 10:5; Sep 1:4; 2 Ika 21:3. 6Kitolom Asera kotogo loka EJAKAIT, kiŋa ka Yerusalem, koyau aguurut Kidiron, kicwe ŋes kaguurut Kidiron, kicakaeak kidupudupo, kiwelanak atesina nuka ituŋa kere. #2 Siit 34:4. 7Kotiyatiya itogoi luka iketepak ikiliok, luajaas togo loka EJAKAIT, nekesonyenenata aŋor aigalisio nuka Asera. #1 Ika 14:24; 15:12; Esk 16:16. 8Kitolom isasedotin kere koreria luka Yuda, komunaa aiboisio nuiceleleete neesupuriononoto isasedotin lukisupurununo, anyoun koGeba kiton Beer-seba; kobilibil aiboisio nuiceleleete nukorutei nuajaas neelomarere orute loka Yosua ekayaiton loka ere, nuajaas akan nakokediany orute loka ere, #1 Ika 15:22. 9Konye mam apotu isasedotin luka aiboisio nuiceleleete kodokasi otem loka EJAKAIT Yerusalem, konye konyamenenete imugatin lumam itubuunitoi koinacanakec, #Esk 44:10; Mal 2:8; 1 Sam 2:36. 10Komunaa da Topet, loajai aditot naka idwe luka Kinom, kinyek ituŋanan aicwe okokuke karaida akokuke araun asubanit mama ejai Molek. #Isa 30:33; Yer 19:6; Yos 15:8; Leb 18:21; Esk 23:37. 11Kolema ibalasin luainakinito ikabakan luka Yuda akoloŋ, neelomarere togo loka EJAKAIT, eiduny kagola naka Natan-melek ebwacit, naapie kanen; kicwe agalin nuka akoloŋ kakim, #Ikis 4:19; 2 Siit 14:5; Yob 31:26; Esk 8:16. 12Kobilibil eka baka itemwan luajaas kuju kagola nakokuiu naka Akas, luadukito ikabakan luka Yuda, ka itemwan luadukokinit Manase alaroi aarei nuka etogo loka EJAKAIT, komunyumuny kes kanen, kocakak aguurut Kidiron. #Yer 19:13; Sep 1:5; 2 Ika 21:5; 2 Siit 33:3,15. 13Komunaa ekabaka aiboisio nuiceleleete nuiteete Yerusalem, nuajaas akan nakoteten naka emoru loka amunaar, loadukokinit Solomon ekabaka loka Isirael Asitoret etal loka Isidonin, ka Kemos etalloka Moab, ka Milikom etalloka idwe luka Amon. #1 Ika 11:7; Nek 13:26. 14Kobilibil ipirin, koiepeiep Asera, kileleb aiboisiokec akojo nuka ituŋa. #Any 23:24; 32:20; Mar 33:52; Ikis 7:5,25; 12:3.
15Bobo da etem loajai Bet-el, ka aibois naieelelei naabu Yeroboam okoku loka Nebat, loetidiaki Isirael koduk, kobilibil etem ŋol ka aibois naieelelei; kicwe aibois naieelelei kicakaeak kidupudupo, kiewe da Asera. #1 Ika 12:28,33; 14:16; 2 Ika 10:31. 16Kosodi konolia Yosia kau, koany atesina nuajaas nen moru; kijuka, kolemunai akoio katesina, kiewe kes kotem, komunaa ŋes, kwape ajaar akirot naka EJAKAIT naalimori etuŋanan loka Edeke, loalimori akiro nun, #1 Ika 13:2. 17Kosodi ŋesi atemar atiar, “Anyoin aiitunet nin naany?” Kolimokis ŋes ituŋa lukore kanol ebe, “Ŋes ates naka etuŋanan loka Edeke, loabuni koYuda, kolimok akiro nu nuiswamak ijo etem loka Bet-el.” 18Kotema atiar, “Kinyeisi ŋes; kinyek etuŋanan kere akutun akekoio.” Kosodete kinyeinai akekojo nepepe kakoio nuka enabi loabuni koSamaria. 19Kolema Yosia abilai kere nuka aiboisio nuiceleleete nuajaas oreria luka Samaria, nukedukete ikabakan luka Isirael aitunyunyurikin EJAKAIT, kiswamak kes kwape ajaatar aswamisio kere nueswamat koBet-el. #2 Siit 34:6. 20Koarak otemwan isasedotin kere luka aiboisio nuiceleleete luajaas nen, kiewe akojo nuka ituŋa kotemwan kanul; kobono Yerusalem. #Any 22:20; 1 Ika 18:40; 2 Ika 11:18; 2 Siit 34:5.
21Kicorak ekabaka ituŋa kere ebe, “Koriea Aleleŋio mama ejai EJAKAIT Ekusideke, kwape ewadikatere oitabo lo loka aitutuket.” #2 Siit 35:1; Any 12:3; Leb 23:5; Mar 9:2; Ikis 16:2. 22Abeit mam aricito Aleleŋio naikoni nen ageun kapaarasia nuka ikatubok luatubonokinete Isirael, karaida apaarasia kere nuka ikabakan luka Isirael, karaida nuka ikabakan luka Yuda. 23Konye kokaru lokitomonet kakanykauni loka ekabaka Yosia korica Aleleŋio nin mama ejai EJAKAIT koYerusalem.
24Bobo da, kolema Yosia ŋul kere luajaas ajokin, ka imurwok, ka aputosia nuka idekesio, ka aputosia, ka italeaia kere, luatakanunete kakwap naka Yuda, ka Yerusalem, tetere itogogoni akiro nuka ekisil nuewadikatai oitabo loadumuni Kilikia esasedoti kotogo loka EJAKAIT. #2 Ika 21:6; 1 Siit 10:13; 1 Sam 19:13; Kos 3:4; Leb 19:31; 20:27; Ikis 18:11; 2 Ika 22:8-13; 2 Siit 34:14-19. 25Emamei ekabaka kaluageikinete ŋes luaputos kaŋes, loebelokina mama ejai EJAKAIT keketau kere, ka akeijar kere, ka akegogoŋ kere, kwape ejaatar ikisila kere luka Musa; akauloke da mam enyounit ediopet loeputos kaŋes. #2 Ika 18:5.
26Konye mam abu EJAKAIT kibelokin kadeden naka akenyunyura naepol, naabu kinep anyunyurikin Yuda, kanuka aitunyunyurikin kere naka Manase naetunyunyurikinitor. #2 Ika 21:11; 24:3; Yer 15:4. 27Kotema EJAKAIT atiar, “Alemari Yuda da kakonyeneka, kwape alemaria Isirael, acakari ere la loaseunit, ŋes Yerusalem, ka etogo loabu kener ebe, Iboieaenei ekakiror kanen.” #2 Ika 17:18; 1 Ika 8:29; 9:3.
28Aswamisio ace nuka Yosia, ka nuabu kiswama kere, mam kereka iwadikatai oitabo loka aisiitonokin nuka ikabakan luka Yuda? 29Kapaarasiake koloma Parao-neko ekabaka loko Misiri asurokin ekabaka loka Asuria ocor Eupurat; kolot Yosia asurokin ŋes; koarak Megido, kedau aanyun ŋes. #Tub 1:27; 5:19; 1 Ika 4:12; 2 Ika 9:27; Sek 12:11; 2 Ika 14:8. 30Kodakasi ikekejaanakinak aketes kagali anyoun koMegido, koyaut ŋes Yerusalem, kidaikis ailitike. Koyaata ituŋa luka akwap Yekoakas okoku loka Yosia, kinyonyoikis ŋes akinyet, kitaraut ŋes ekabaka aibois naka papake, #2 Ika 14:21; 21:24; 2 Siit 36:1,2; Yer 22:11.
31Kerai Yekoakas loka ikar akaisaarei ka luuni egeuni airum; kirumak ilapio iuni ko Yerusalem; ekiror loka totoke kerai Kamutal akoku naka Yeremia loka Libuna. #2 Ika 24:18. 32Kiswama nueroko kakonyen nuka EJAKAIT, kwape ajaatar kere nukiswamato lukapapaake. 33Koen Parao-neko ŋes koRibula akwap naka Kamat, kinyek airum koYerusalem; kotubok akwap esolo loka atalatan akwatat nuka epuesa, ka atalata adiopet naka esa bu. #Mar 34:11; 2 Ika 25:6; Yer 52:27. 34Kitarau Parao-neko Eliakim okoku loka Yosia ekabaka aibois naka Yosia papake, kiloeok ekekiror komaik Yekoiakimr konye koyana Yekoakas; kobu Misiri, kotwanik nina. #2 Ika 24:17; Dan 1:7; Mat 1:11; Yer 22:11; Esk 19:3,4. 35Koinak Yekoiakim Parao epuesa ka esabu; konye kotubok akwap iboro ainakin apesan kwape eeorakinia Parao: kitelem epuesa ka esabu kotuna luka akwap, kaninitunanan kwape ejaar esoloke, ainakin Parao-neko. #Awa 11:11; 15:6.
36Kerai Yekoiakim loka ikar akaisaarei ka lukany egeuni airwn; kirumak ikar itomon ka lodiopet koYerusalem: ekiror loka totoke kerai Sebida akoku naka Pedaia loka Ruma. 37Kiswama nueroko kakonyen nuka EJAKAIT, kwape ejaatar kere nukiswamato lukapapaake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.