1 Timoteo 1
1
1 #
Kol 1:27. Paul ekiyakia loka Kristo Yesu kwape ejaar aicorakinet naka Edeke Eketajaraniwok, ka naka Yesu Kristo amunowok,
2 #
Asw 16:1; Tit 1:4. Mama ejai Timoteo, ikakoku obe kotoma aiyuun:
Asianut, ka aitim, ka ainapakin nuepote kama ejai Edeke Papa, ka Kristo Yesu Ejakaitiwok,
3 #
Asw 20:1. Kwape abu kecorakinia jo asalakin Epeso, naalosio Makedonia, tetere icorakini icetuŋa kinyeis aisisianakin nuegelara, 4#1 Tim 4:7. karaida aomoom nuka awaragasia nutai, ka iitabon luka aur lumam edaunos, lueyaunete ipegeta itia aijokokinet naka Edeke naejai toma aiyuun; 5#Rom 13:10; Gal 5:6. kwabo awasia naka aicorakinet ŋes amin naelomuni kotau loelai, ka aomisio nuejok ka aiyuun namam esoswai. 6#1 Tim 6:4,20. Akudosi icetuŋa apaasi alomar toma akiro nutai, 7ekotosi araun ikesisianakinak luka ikisila, komam ejenete nuinerasi karaida akiro nuitogogonito.
8 #
Rom 7:12. Konye kijeni ebe ejokuka ikisila, arai kitwasam ituŋanan kes kwape ejaatar ikisila, 9kojen na ebe mam ibwaikinitai ikisila kanuka yenedolit, dimarai kanuka lukepali ka luetumaaka, kanuka lumam eyoŋito Edeke ka ikadiakanarak, luemamei alaunit, ka luemunaara, luearete lukapapakee, ka luearete nukatotokec, ka luearete iruna, 10#1 Tim 6:3. ludotea, iketepak ikiliok, luijoreete ituŋa, ikeŋalak, luiyapoete nuka aiŋal, ka ŋin kere da yenirebirebi aisisianakin naka aijar, 11#1 Tim 6:15. kwape ejaatar Akiro Nukajokak nukaibuses nuka Edeke loituritoi nuketitiŋitai.
12 #
Asw 9:15; 1 Kor 15:9,10; Gal 1:13-16. Emalai ŋol loketogogoni, ŋes Kristo Yesu Ejakaitiwok naarai abu kaomite eoŋ araun lomunot, kadakak aijaanakin, 13#Asw 8:3; 9:4-5. karaida abu kainyanakini ŋes kolo, kareite, ka amoromor da; konye aponi ketimi naarai abu keswama kamamus aijen kotoma amamus aiyuun, 14konye kiyatakin noi asianut naka Ejakaitiwok nepepe kaiyuun ka amin naejai toma Kristo Yesu. 15#Luk 15:2; 19:10. Namunot akirot na, ido naibusakinit ituŋa kere acamun ebe, Abu Kristo Yesu kobu toma akwap aitajar ikadiakanarak, Eoŋ losodit kakesi. 16Konye kanuka na ŋes ketimere, tetere itodiari Yesu Kristo kotoma eoŋ losodit aketitiŋikin kere, araun aanyunet mama kaŋul luepote aiyuun ŋes kiton aijar naka ikar kere. 17#Rom 16:27. Mama ejai Ekabaka loka ikar, ekabuton, lomam etakani, Edeke ediopet bon, kojai aiturit ka aibuses ikar ka ikar. Amen.
18 #
1 Tim 6:12; Yud 1:3. Ketitiŋi jo, Timoteo okokuka, aicorakinet na kwape ejaatar akiro nuka inabin nukinerakinito jo kolo, tetere ijio kotoma kaŋun ejie lokajokan, 19#1 Tim 3:9; 6:10. kikam aiyuun ka aomisio nuejok. Apotu ice koremosi ŋun, kobila ataker naka aiyuunikec. 20#2 Tim 2:17; 1 Kor 5:5. Kotomakec ejai Kumenaio ka Alegesanda, luabu kejaik Satan, tetere isisiaete ainyein ainyanakin.
Currently Selected:
1 Timoteo 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.