Matayo 27
27
Yu̱da nakieni̱ga
(Maliko 15:1; Luka 23:1-2; Yohana 18:28-32)
1Kyalo ndia asiya bhabhembi̱ bhangbeku ndibha Mambombi̱ na bhangbeku ndibha Bhayu̱daya nibhakitegeka nesi̱ bhakimuola Yesu. 2Nibhakibhulagilia bhabhu̱ndi̱li̱ bhuwa Yesu, i̱saki ka kibhokoa Gavuna Pilato.
3Yu̱da mindia amuleliana ndia atangia nibhakincuelia Yesu musango sa olaki, nakieyolu̱li̱a naki̱bhu̱si̱ki̱si̱li̱a bhabhembi̱ bhangbeku na bhangbeku ndibha Bhayu̱daya mukwenge asatu sa zabbu̱ ndia bhabha nibhampesi̱o. 4“Nakibhugia bhiyo; ni̱koli̱ kibi sa leliana nkpa mindia kali na musango kei̱soa Mambombi̱.”
Nibhaki̱nsi̱ki̱aku̱ bhiyo; “Injo kakigbei̱be, injo ali guako.”
5Yu̱da nakimakia mukwenge injo ka Hekalo, naki̱ya kweni̱ga.
6Bhabhembi̱ bhangbeku nibhakionaga mukwenge injo nibhakigia bhiyo; “Kali ka kilagilo ndiasu̱ bi̱si̱li̱a ka ku̱nda sa Hekalo mbangana nanga atu̱ki̱ ka dhu̱ka magi̱la.” 7Ti̱-no nibhakitinaku̱ sumbaku̱ dhudhu ndia mbu̱mbi̱ mbika bhai̱ li̱mba ndia bhanyamahanga. 8Injo nakidhua nibhakigiaku̱ eti ali Dhudhu sa Magi̱la doi̱sai̱ lelu. 9Du̱mbi̱ yoho naki̱tu̱mi̱sa ndia nabbi̱ Yelemiya aonga ndia agia bhiyo; “Bhai̱sa mukwenge maku̱mi̱ asatu sa zabbu̱, bbei̱ ndia bhakpa ndibha ka Isaleli̱ bhabhaliana sasulaki. 10Nibhakisumbaku̱ dhudhu ndia mbu̱mbi̱ mbika, nesi̱ Sali̱a Mambombi̱ anilagilia.”#Zakaliya 11:12, 13; Yelemiya 19:1-13; 32:6-9
Yesu nali kei̱soa Pilato
11Yesu nakitelema kei̱soa gavuna, mindia amuolu̱li̱a bhiyo; “Anduwe sali̱a mindia Bhayu̱daya?”
Yesu naki̱si̱ki̱aku̱ bhiyo; “Oʼngi̱ bhu.”
12Bhabhembi̱ bhangbeku na bhangbeku ndibha Bhayu̱daya ndia bhamunyegela Yesu, kabhu̱si̱ki̱aku̱. 13Du̱mbi̱ Pilato nakimuolu̱li̱a bhiyo; “Ku̱oki̱ ndia bhali kaongakobe eti okoli̱a?” 14No Yesu kansi̱ki̱aku̱ kigambo na moti̱, Pilato nki̱li̱ nakintina.
Pilato nakincuelia Yesu musango
(Maliko 15:6-15; Luka 23:13-25; Yohana 18:39—19:16)
15Abhi̱ mu̱li̱ye ndia Gavuna ka bhu̱geni̱ poni, dhueliaga nyankomo poni mindia bhakpa bhanku̱ngi̱o. 16Ka bwile injo, abha nalibe nyankomo mindia bhakpa bhoponi yabhamu̱i̱bi̱ nanga kola kima sa luzu-luzu i̱naki nandiye Balaba. 17Du̱mbi̱ bi̱ya bhakpa ndia bhekumesa, Pilato nakibhuolu̱li̱a bhiyo; “Bhukukabha ninduelie kanu̱ ani̱? Balaba kedha Yesu mindia bhakingiagaku̱ Ki̱li̱si̱to?” 18Yai̱bi̱ eti ndibha bhamunyegela Yesu bhamu̱i̱sa kei̱soaki nanga i̱ni̱ ndiabho.
19Pilato nalia nali̱kagi̱ ka mbata ndiaki ndia bhacu̱ bhakicueliagaku̱ musango, nkali̱ mindiaki naki̱nti̱ki̱si̱li̱a makulu bhiyo; “Kolo kubha na ndio okunkolabe muluku minjo nanga kali na musango, toli̱ ni̱loti̱ ki̱li̱ya ninili ka ena bhu̱su̱ kangaki.”
20No bhabhembi̱ bhangbeku na bhangbeku ndibha Bhayu̱daya nibhakibhuliya bi̱ya bhakpa dhaka eti bhankunge Pilato anduelie Balaba toli̱ bhamuole Yesu.
21Pilato nakitodha nakibhuolu̱li̱a bi̱ya bhakpa bhiyo; “Ka bhebhali, bhukukabha ninduelie kanu̱ ani̱?”
Nibhaki̱nsi̱ki̱aku̱ bhiyo; “Balaba.”
22Pilato nakibhuolu̱li̱a bhiyo; “Yesu mindia bhakingiagaku̱ Ki̱li̱si̱to ninkole bhoni̱?”
Bhoponi nibhaki̱nsi̱ki̱aku̱ bhiyo; “Bhumbambe ka musalaba.”
23Pilato nakibhuolu̱li̱a bhiyo; “Nangeki, akoli̱ musango ti̱na?”
No bhoponi nibhakihabhaga si̱ni̱ bhiyo; “Bhumbambe ka musalaba.”
24Pilato ndia atangia injo poni ndia kali na mugaso, no nsi̱si̱ nakaya tinikai̱, agba kibhali̱ sa li̱bho nakiesukusa ka kibhoko kei̱soa bi̱ya bhakpa nakigia bhiyo; “Kili na musango ka magi̱la ndia muluku miyo, magi̱la ndiaki ali guanu̱.”
25Bhakpa bhoponi nibhaki̱nsi̱ki̱aku̱ bhiyo; “Magi̱la ndiaki ali guasu̱ na bhananasu̱.”
26Du̱mbi̱ nakinduelia kabho Balaba. Nakilagilia eti bhatekete bhambi̱nde Yesu, du̱mbi̱ nakimpesi̱aku̱ eti bhambambe ka musalaba.
Bhasilikale nibhakimbaki̱si̱a Yesu
(Maliko 15:16-20; Yohana 19:2-3)
27Du̱mbi̱ bhasilikale ndibha gavuna nibhaki̱mu̱i̱sa Yesu ka kikali ndia gavuna Pilato, toli̱ bhakumesa nkambi̱ poni ndia bhasilikale ku̱mu̱li̱ghi̱li̱li̱a. 28Nibhaki̱ntu̱ba ngoye ndiaki, nibhaki̱mu̱loli̱sa gandula matana. 29Du̱mbi̱ nibhaki̱lu̱ku̱ta mpungo maku̱wa-ku̱wa nibhaki̱mu̱loli̱sa ka muhu. Nibhakingbei̱sa mwi̱go ka kibhoko sa kuluku, nibhaki̱su̱ku̱mana kei̱soaki bbaki̱si̱aki bhiyo; “Otulilie uwe sali̱a mindia Bhayu̱daya.” 30Bhansweli̱aga soki̱ nibhakimbuwabe mwi̱go nibhakitandika bhi̱ndi̱sagaki ka muhu. 31Ndia bhadhakia bbaki̱si̱aki, nibhaki̱ntu̱ba gandula ndia bhabha nibhamu̱loli̱si̱o nibhakitodha loli̱saki ngoye ndiaki, du̱mbi̱ nibhaki̱mu̱i̱sa bambaki ka musalaba.
Bhasilikale nibhakimbamba Yesu ka musalaba
(Maliko 15:21-32; Luka 23:26-43; Yohana 19:17-27)
32Ndia bhabha kayabho, bhantakana muluku mindia ka tau̱ni̱ manyeta ndia ka Kilene i̱naki nandiye Si̱moni̱. Nibhakinkpangba ku̱mba musalaba ndia Yesu. 33Ndia bhaduwa ka kikalo ndia bhakigiagagaku̱ Gologota (makulu si̱ “Kikalo sa ngolobhua muhu”). 34Nibhaki̱mpesi̱a Yesu vi̱ni̱ nibhalungisaniku̱ na mili makalama, no ndia adhakatabe, nakikoma nu̱wai̱. 35Bhasilikale ndia bhadhakia bambaki ka musalaba, nibhaki̱bhi̱nda kalulu nesi̱ bhakigabiana ngoye ndiaki. 36Nibhaki̱li̱ka nibhambu̱ndi̱li̱ nalia ka musalaba. 37Nibhakihandika musango ndia akola ka gbu̱tu̱a mbahu nibhaki̱bhi̱ndi̱li̱a yegulu sa muhu ndiaki, ndia agia bhiyo; “MIYO ANDIYE YESU, SALI̱A MINDIA BHAYU̱DAYA.”
38Bhambamba na bhasuma bhebhali, musalaba ndia nsuma moti̱ nibhaki̱tu̱li̱a ka kibhoko ndiaki sa kuluku na ndia mindietolo nibhaki̱tu̱li̱a ka kibhoko ndiaki sa kulegu̱. 39Toli̱ bhakpa ndibha yabhakoliliagabe nibhaki̱li̱ka bbaki̱si̱aki nibhalia ki̱dhi̱ngi̱sa muhu ndiabho ani̱sa nesi̱ bhabha kabbaki̱si̱a, 40nibhakigia bhiyo; “Ogie eti okugengia Hekalo, otodhe oalike ka tolo salo, wezune, kabha noli Mi̱ki̱ mindia Mambombi̱, otuke ka musalaba osi̱me gwabhi̱mba.” 41Bhabhembi̱ bhangbekua na bhaegesi̱ sa kilagilo ndia Mambombi̱ ampesi̱a Musa na bhangbeku ndibha Bhayu̱daya nabho bhambaki̱si̱a bhinjo, 42nibhakigia bhiyo; “Abhuzuna ndibhetolo, no kakitoka kwezuna. Ali sali̱a mindia ka Isaleli̱, odhuwe atuke ka musalaba, toli̱ na bhesu̱ ki̱ki̱mu̱hi̱ki̱li̱zaku̱. 43Akimwesigaga Mambombi̱, odhuwe Mambombi̱ ancungule kabha nanku̱ndi̱ nanga agia bhiyo; ‘Nili Mi̱ki̱ mindia Mambombi̱.’ ” 44Toli̱ bhasuma bhebhali ndibha bhabhubamba naye nabho nibhakimbaki̱si̱a bhinjo dhe.
Ku̱wa ndia Yesu
(Maliko 15:33-41; Luka 23:44-49; Yohana 19:28-30)
45Ndia aduwa saha nkaga ndia ntangali̱, ki̱li̱mi̱ki̱aga nakigba nsi poni doi̱sa saha sobhi̱ ndia tamabhugo-bhugo. 46Toli̱ saha sobhi̱ injo, Yesu nakigama si̱ni̱ bhiyo; “Eloi̱, Eloi̱ lama sabakatani?” Makulu si̱, “Mambombi̱ mindiamo, Mambombi̱ mindiamo oni̱tu̱ki̱be nangeki?”
47Ndibha bhabha nibhatelemi̱be ndia bhaoka ngamu injo, nibhakigia bhiyo; “Muluku miyo ali kaeka Eli̱ya.”
48Menjo moti̱ kowabho nakitetilia hala kitambala naki̱lu̱ba ka vi̱ni̱ makalama, nakibhuelia ka ngadha naki̱mpesi̱a Yesu eti anu̱we. 49Ndibhetolo nibhakigia bhiyo; “Bhudhuwe ki̱zi̱be nesi̱ Eli̱ya aki̱bi̱ka zunaki.”
50Du̱mbi̱ Yesu ndia atodha ngamu si̱ni̱, nakiedhuelia.
51Menjo, mugamba ndia yabhakpangbi̱li̱ ka Hekalo, nakinyokaku̱ halai̱ bhali, tukiliai̱ ka muwai̱si̱ doi̱sai̱ ka ti̱nai̱. Toli̱ nsi poni nakidhingimana na tali manyeta nakibbukaga, 52bhutulo naki̱oku̱dhana, na bhakpa ndibha Mambombi̱ ndibha bhaku̱wa nibhali bhai̱ki̱li̱za, nibhaki̱hu̱mbu̱ka. 53Bhatuka ka bhutulo, toli̱ Yesu ndia adhakia hu̱mbu̱ka, nibhaki̱ya ka tau̱ni̱ mawelikana ndia ka Yelusalemu nibhakibhuenikiliana bi̱ya bhakpa.
54Ngbekua bhasilikale ki̱ku̱mi̱ na ndibha abhi̱ nabho nibhambu̱ndi̱li̱ Yesu ndia bhaoka bhali̱ngi̱na na poni ndia aenikana, nibhakitiya toli̱ nibhakigia bhiyo; “Ka mazima muluku miyo abhi̱ Mi̱ki̱ mindia Mambombi̱.”
55Abha nalibe bhakali̱ bi̱yabho ndibha yabhatu̱ki̱ ka Galilaya nibhantombi̱ Yesu koniaki nibhazi̱bi̱li̱ kamasela. 56Ka bhakali̱ bhenjo abha nali̱ku̱ Mali̱ya Mangadalina na Mali̱ya ama Yakobbo na Yozefu imamoti̱ na ama bhani̱ki̱ bhebhali ndibha Zebedayo.
Kalu̱mba Yesu
(Maliko 15:42-47; Luka 23:50-56; Yohana 19:38-42)
57Ndia aduwa tamabhugo-bhugo, muluku ngudha i̱naki nandiye Yozefu mindia ka tau̱ni̱ ndia ka Alimateya ai̱ya kindia yabhambambi̱ Yesu. Abhi̱ moti̱ kowa ndibha yabhantombaga Yesu. 58Naki̱ya kindia Pilato nakinkunga ki̱nda ndia Yesu, toli̱ Pilato nakilagilia eti bhampesi̱e. 59Yozefu naki̱sa ki̱nda ndia Yesu nakibhuelia ka suka mpiaka mabena, 60naki̱bi̱sa ka bhutulo mpiaka ndia ali̱ka natu̱ngi̱ ku̱si̱a kuka. Naki̱li̱ngi̱tesa tali manyeta ka mpu̱me sa bhutulo du̱mbi̱ naki̱ya. 61Mangadalina na Mali̱ya mindietolo bhabha nibhali̱kagi̱ tonono na bhutulo.
Bhasilikale nibhakibhundilia bhutulo
62Tolo ndia adhabhiabe, ndia adhabhia tolo sa kwetekani̱za abhi̱ tolo sa Sabbato, bhabhembi̱ bhangbeku na Bhafali̱sayo bhai̱ya kindia Pilato, 63nibhakingia bhiyo; “Nkumasu̱, kikikanilia nesi̱ ntua mbela minjo ndia abha nalia mwomezi̱ agia bhiyo; ‘Ka tolo ndia kesalo ni̱ki̱hu̱mbu̱ka.’ 64Ti̱-no obhu̱bi̱se bhasilikale ka bhutulo doi̱sa tolo ndia kesalo nadoi̱, ndia kandinjo, bhaegi̱ ndibhaki bhaki̱bi̱ka i̱bha ki̱nda ndiaki toli̱ bhabhutolie bhakpa eti ahu̱mbu̱ki̱a. Mbela sa dhakililia akibha mazinana si̱ni̱ koli̱sa ndia kateketa.”
65Pilato naki̱bhu̱si̱ki̱aku̱ bhiyo; “Bhu̱bhu̱i̱se bhasilikale, bhu̱ye bhubhundilie bhutulo nesi̱ bhukutoka.” 66Du̱mbi̱ bhai̱ya nibhaki̱bi̱sa kinkumu ka tali manyeta nibhakibhudhuabe bhasilikale ka bhutulo bhundiliai̱.
Currently Selected:
Matayo 27: KWAMBA
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., 2025
Matayo 27
27
Yu̱da nakieni̱ga
(Maliko 15:1; Luka 23:1-2; Yohana 18:28-32)
1Kyalo ndia asiya bhabhembi̱ bhangbeku ndibha Mambombi̱ na bhangbeku ndibha Bhayu̱daya nibhakitegeka nesi̱ bhakimuola Yesu. 2Nibhakibhulagilia bhabhu̱ndi̱li̱ bhuwa Yesu, i̱saki ka kibhokoa Gavuna Pilato.
3Yu̱da mindia amuleliana ndia atangia nibhakincuelia Yesu musango sa olaki, nakieyolu̱li̱a naki̱bhu̱si̱ki̱si̱li̱a bhabhembi̱ bhangbeku na bhangbeku ndibha Bhayu̱daya mukwenge asatu sa zabbu̱ ndia bhabha nibhampesi̱o. 4“Nakibhugia bhiyo; ni̱koli̱ kibi sa leliana nkpa mindia kali na musango kei̱soa Mambombi̱.”
Nibhaki̱nsi̱ki̱aku̱ bhiyo; “Injo kakigbei̱be, injo ali guako.”
5Yu̱da nakimakia mukwenge injo ka Hekalo, naki̱ya kweni̱ga.
6Bhabhembi̱ bhangbeku nibhakionaga mukwenge injo nibhakigia bhiyo; “Kali ka kilagilo ndiasu̱ bi̱si̱li̱a ka ku̱nda sa Hekalo mbangana nanga atu̱ki̱ ka dhu̱ka magi̱la.” 7Ti̱-no nibhakitinaku̱ sumbaku̱ dhudhu ndia mbu̱mbi̱ mbika bhai̱ li̱mba ndia bhanyamahanga. 8Injo nakidhua nibhakigiaku̱ eti ali Dhudhu sa Magi̱la doi̱sai̱ lelu. 9Du̱mbi̱ yoho naki̱tu̱mi̱sa ndia nabbi̱ Yelemiya aonga ndia agia bhiyo; “Bhai̱sa mukwenge maku̱mi̱ asatu sa zabbu̱, bbei̱ ndia bhakpa ndibha ka Isaleli̱ bhabhaliana sasulaki. 10Nibhakisumbaku̱ dhudhu ndia mbu̱mbi̱ mbika, nesi̱ Sali̱a Mambombi̱ anilagilia.”#Zakaliya 11:12, 13; Yelemiya 19:1-13; 32:6-9
Yesu nali kei̱soa Pilato
11Yesu nakitelema kei̱soa gavuna, mindia amuolu̱li̱a bhiyo; “Anduwe sali̱a mindia Bhayu̱daya?”
Yesu naki̱si̱ki̱aku̱ bhiyo; “Oʼngi̱ bhu.”
12Bhabhembi̱ bhangbeku na bhangbeku ndibha Bhayu̱daya ndia bhamunyegela Yesu, kabhu̱si̱ki̱aku̱. 13Du̱mbi̱ Pilato nakimuolu̱li̱a bhiyo; “Ku̱oki̱ ndia bhali kaongakobe eti okoli̱a?” 14No Yesu kansi̱ki̱aku̱ kigambo na moti̱, Pilato nki̱li̱ nakintina.
Pilato nakincuelia Yesu musango
(Maliko 15:6-15; Luka 23:13-25; Yohana 18:39—19:16)
15Abhi̱ mu̱li̱ye ndia Gavuna ka bhu̱geni̱ poni, dhueliaga nyankomo poni mindia bhakpa bhanku̱ngi̱o. 16Ka bwile injo, abha nalibe nyankomo mindia bhakpa bhoponi yabhamu̱i̱bi̱ nanga kola kima sa luzu-luzu i̱naki nandiye Balaba. 17Du̱mbi̱ bi̱ya bhakpa ndia bhekumesa, Pilato nakibhuolu̱li̱a bhiyo; “Bhukukabha ninduelie kanu̱ ani̱? Balaba kedha Yesu mindia bhakingiagaku̱ Ki̱li̱si̱to?” 18Yai̱bi̱ eti ndibha bhamunyegela Yesu bhamu̱i̱sa kei̱soaki nanga i̱ni̱ ndiabho.
19Pilato nalia nali̱kagi̱ ka mbata ndiaki ndia bhacu̱ bhakicueliagaku̱ musango, nkali̱ mindiaki naki̱nti̱ki̱si̱li̱a makulu bhiyo; “Kolo kubha na ndio okunkolabe muluku minjo nanga kali na musango, toli̱ ni̱loti̱ ki̱li̱ya ninili ka ena bhu̱su̱ kangaki.”
20No bhabhembi̱ bhangbeku na bhangbeku ndibha Bhayu̱daya nibhakibhuliya bi̱ya bhakpa dhaka eti bhankunge Pilato anduelie Balaba toli̱ bhamuole Yesu.
21Pilato nakitodha nakibhuolu̱li̱a bi̱ya bhakpa bhiyo; “Ka bhebhali, bhukukabha ninduelie kanu̱ ani̱?”
Nibhaki̱nsi̱ki̱aku̱ bhiyo; “Balaba.”
22Pilato nakibhuolu̱li̱a bhiyo; “Yesu mindia bhakingiagaku̱ Ki̱li̱si̱to ninkole bhoni̱?”
Bhoponi nibhaki̱nsi̱ki̱aku̱ bhiyo; “Bhumbambe ka musalaba.”
23Pilato nakibhuolu̱li̱a bhiyo; “Nangeki, akoli̱ musango ti̱na?”
No bhoponi nibhakihabhaga si̱ni̱ bhiyo; “Bhumbambe ka musalaba.”
24Pilato ndia atangia injo poni ndia kali na mugaso, no nsi̱si̱ nakaya tinikai̱, agba kibhali̱ sa li̱bho nakiesukusa ka kibhoko kei̱soa bi̱ya bhakpa nakigia bhiyo; “Kili na musango ka magi̱la ndia muluku miyo, magi̱la ndiaki ali guanu̱.”
25Bhakpa bhoponi nibhaki̱nsi̱ki̱aku̱ bhiyo; “Magi̱la ndiaki ali guasu̱ na bhananasu̱.”
26Du̱mbi̱ nakinduelia kabho Balaba. Nakilagilia eti bhatekete bhambi̱nde Yesu, du̱mbi̱ nakimpesi̱aku̱ eti bhambambe ka musalaba.
Bhasilikale nibhakimbaki̱si̱a Yesu
(Maliko 15:16-20; Yohana 19:2-3)
27Du̱mbi̱ bhasilikale ndibha gavuna nibhaki̱mu̱i̱sa Yesu ka kikali ndia gavuna Pilato, toli̱ bhakumesa nkambi̱ poni ndia bhasilikale ku̱mu̱li̱ghi̱li̱li̱a. 28Nibhaki̱ntu̱ba ngoye ndiaki, nibhaki̱mu̱loli̱sa gandula matana. 29Du̱mbi̱ nibhaki̱lu̱ku̱ta mpungo maku̱wa-ku̱wa nibhaki̱mu̱loli̱sa ka muhu. Nibhakingbei̱sa mwi̱go ka kibhoko sa kuluku, nibhaki̱su̱ku̱mana kei̱soaki bbaki̱si̱aki bhiyo; “Otulilie uwe sali̱a mindia Bhayu̱daya.” 30Bhansweli̱aga soki̱ nibhakimbuwabe mwi̱go nibhakitandika bhi̱ndi̱sagaki ka muhu. 31Ndia bhadhakia bbaki̱si̱aki, nibhaki̱ntu̱ba gandula ndia bhabha nibhamu̱loli̱si̱o nibhakitodha loli̱saki ngoye ndiaki, du̱mbi̱ nibhaki̱mu̱i̱sa bambaki ka musalaba.
Bhasilikale nibhakimbamba Yesu ka musalaba
(Maliko 15:21-32; Luka 23:26-43; Yohana 19:17-27)
32Ndia bhabha kayabho, bhantakana muluku mindia ka tau̱ni̱ manyeta ndia ka Kilene i̱naki nandiye Si̱moni̱. Nibhakinkpangba ku̱mba musalaba ndia Yesu. 33Ndia bhaduwa ka kikalo ndia bhakigiagagaku̱ Gologota (makulu si̱ “Kikalo sa ngolobhua muhu”). 34Nibhaki̱mpesi̱a Yesu vi̱ni̱ nibhalungisaniku̱ na mili makalama, no ndia adhakatabe, nakikoma nu̱wai̱. 35Bhasilikale ndia bhadhakia bambaki ka musalaba, nibhaki̱bhi̱nda kalulu nesi̱ bhakigabiana ngoye ndiaki. 36Nibhaki̱li̱ka nibhambu̱ndi̱li̱ nalia ka musalaba. 37Nibhakihandika musango ndia akola ka gbu̱tu̱a mbahu nibhaki̱bhi̱ndi̱li̱a yegulu sa muhu ndiaki, ndia agia bhiyo; “MIYO ANDIYE YESU, SALI̱A MINDIA BHAYU̱DAYA.”
38Bhambamba na bhasuma bhebhali, musalaba ndia nsuma moti̱ nibhaki̱tu̱li̱a ka kibhoko ndiaki sa kuluku na ndia mindietolo nibhaki̱tu̱li̱a ka kibhoko ndiaki sa kulegu̱. 39Toli̱ bhakpa ndibha yabhakoliliagabe nibhaki̱li̱ka bbaki̱si̱aki nibhalia ki̱dhi̱ngi̱sa muhu ndiabho ani̱sa nesi̱ bhabha kabbaki̱si̱a, 40nibhakigia bhiyo; “Ogie eti okugengia Hekalo, otodhe oalike ka tolo salo, wezune, kabha noli Mi̱ki̱ mindia Mambombi̱, otuke ka musalaba osi̱me gwabhi̱mba.” 41Bhabhembi̱ bhangbekua na bhaegesi̱ sa kilagilo ndia Mambombi̱ ampesi̱a Musa na bhangbeku ndibha Bhayu̱daya nabho bhambaki̱si̱a bhinjo, 42nibhakigia bhiyo; “Abhuzuna ndibhetolo, no kakitoka kwezuna. Ali sali̱a mindia ka Isaleli̱, odhuwe atuke ka musalaba, toli̱ na bhesu̱ ki̱ki̱mu̱hi̱ki̱li̱zaku̱. 43Akimwesigaga Mambombi̱, odhuwe Mambombi̱ ancungule kabha nanku̱ndi̱ nanga agia bhiyo; ‘Nili Mi̱ki̱ mindia Mambombi̱.’ ” 44Toli̱ bhasuma bhebhali ndibha bhabhubamba naye nabho nibhakimbaki̱si̱a bhinjo dhe.
Ku̱wa ndia Yesu
(Maliko 15:33-41; Luka 23:44-49; Yohana 19:28-30)
45Ndia aduwa saha nkaga ndia ntangali̱, ki̱li̱mi̱ki̱aga nakigba nsi poni doi̱sa saha sobhi̱ ndia tamabhugo-bhugo. 46Toli̱ saha sobhi̱ injo, Yesu nakigama si̱ni̱ bhiyo; “Eloi̱, Eloi̱ lama sabakatani?” Makulu si̱, “Mambombi̱ mindiamo, Mambombi̱ mindiamo oni̱tu̱ki̱be nangeki?”
47Ndibha bhabha nibhatelemi̱be ndia bhaoka ngamu injo, nibhakigia bhiyo; “Muluku miyo ali kaeka Eli̱ya.”
48Menjo moti̱ kowabho nakitetilia hala kitambala naki̱lu̱ba ka vi̱ni̱ makalama, nakibhuelia ka ngadha naki̱mpesi̱a Yesu eti anu̱we. 49Ndibhetolo nibhakigia bhiyo; “Bhudhuwe ki̱zi̱be nesi̱ Eli̱ya aki̱bi̱ka zunaki.”
50Du̱mbi̱ Yesu ndia atodha ngamu si̱ni̱, nakiedhuelia.
51Menjo, mugamba ndia yabhakpangbi̱li̱ ka Hekalo, nakinyokaku̱ halai̱ bhali, tukiliai̱ ka muwai̱si̱ doi̱sai̱ ka ti̱nai̱. Toli̱ nsi poni nakidhingimana na tali manyeta nakibbukaga, 52bhutulo naki̱oku̱dhana, na bhakpa ndibha Mambombi̱ ndibha bhaku̱wa nibhali bhai̱ki̱li̱za, nibhaki̱hu̱mbu̱ka. 53Bhatuka ka bhutulo, toli̱ Yesu ndia adhakia hu̱mbu̱ka, nibhaki̱ya ka tau̱ni̱ mawelikana ndia ka Yelusalemu nibhakibhuenikiliana bi̱ya bhakpa.
54Ngbekua bhasilikale ki̱ku̱mi̱ na ndibha abhi̱ nabho nibhambu̱ndi̱li̱ Yesu ndia bhaoka bhali̱ngi̱na na poni ndia aenikana, nibhakitiya toli̱ nibhakigia bhiyo; “Ka mazima muluku miyo abhi̱ Mi̱ki̱ mindia Mambombi̱.”
55Abha nalibe bhakali̱ bi̱yabho ndibha yabhatu̱ki̱ ka Galilaya nibhantombi̱ Yesu koniaki nibhazi̱bi̱li̱ kamasela. 56Ka bhakali̱ bhenjo abha nali̱ku̱ Mali̱ya Mangadalina na Mali̱ya ama Yakobbo na Yozefu imamoti̱ na ama bhani̱ki̱ bhebhali ndibha Zebedayo.
Kalu̱mba Yesu
(Maliko 15:42-47; Luka 23:50-56; Yohana 19:38-42)
57Ndia aduwa tamabhugo-bhugo, muluku ngudha i̱naki nandiye Yozefu mindia ka tau̱ni̱ ndia ka Alimateya ai̱ya kindia yabhambambi̱ Yesu. Abhi̱ moti̱ kowa ndibha yabhantombaga Yesu. 58Naki̱ya kindia Pilato nakinkunga ki̱nda ndia Yesu, toli̱ Pilato nakilagilia eti bhampesi̱e. 59Yozefu naki̱sa ki̱nda ndia Yesu nakibhuelia ka suka mpiaka mabena, 60naki̱bi̱sa ka bhutulo mpiaka ndia ali̱ka natu̱ngi̱ ku̱si̱a kuka. Naki̱li̱ngi̱tesa tali manyeta ka mpu̱me sa bhutulo du̱mbi̱ naki̱ya. 61Mangadalina na Mali̱ya mindietolo bhabha nibhali̱kagi̱ tonono na bhutulo.
Bhasilikale nibhakibhundilia bhutulo
62Tolo ndia adhabhiabe, ndia adhabhia tolo sa kwetekani̱za abhi̱ tolo sa Sabbato, bhabhembi̱ bhangbeku na Bhafali̱sayo bhai̱ya kindia Pilato, 63nibhakingia bhiyo; “Nkumasu̱, kikikanilia nesi̱ ntua mbela minjo ndia abha nalia mwomezi̱ agia bhiyo; ‘Ka tolo ndia kesalo ni̱ki̱hu̱mbu̱ka.’ 64Ti̱-no obhu̱bi̱se bhasilikale ka bhutulo doi̱sa tolo ndia kesalo nadoi̱, ndia kandinjo, bhaegi̱ ndibhaki bhaki̱bi̱ka i̱bha ki̱nda ndiaki toli̱ bhabhutolie bhakpa eti ahu̱mbu̱ki̱a. Mbela sa dhakililia akibha mazinana si̱ni̱ koli̱sa ndia kateketa.”
65Pilato naki̱bhu̱si̱ki̱aku̱ bhiyo; “Bhu̱bhu̱i̱se bhasilikale, bhu̱ye bhubhundilie bhutulo nesi̱ bhukutoka.” 66Du̱mbi̱ bhai̱ya nibhaki̱bi̱sa kinkumu ka tali manyeta nibhakibhudhuabe bhasilikale ka bhutulo bhundiliai̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., 2025