Bikoluwa ndia Bhakwenda 21
21
Paulo naki̱ya ka Yelusalemu
1Ndie kidhakia laka bhangbeku ndibha ka Efeso, kidhaya meli̱ naki̱ki̱hi̱sa tonono nikikizaba ka kizinga ndia ka Kosi. Tolo ndia adhabhiabe ni̱ki̱ki̱ya ka kizinga ndia ka Lodo du̱mbi̱ ndie kituka kuwo ni̱ki̱ki̱ya ka tau̱ni̱ ndia ka Patala. 2Kuwo kitakana meli̱ kazabai̱ ka kyalo ndia ka Foi̱ni̱ke du̱mbi̱ nikikidhaya. 3Ndie kitangia Ki̱pu̱lo nali namusasu̱, kitomba yasi si̱ ki̱dhasu̱ ka Si̱li̱ya. Ni̱ki̱ki̱ki̱dha ka mwalo ndia ka Ti̱lo kindia bhabhuelia nku̱mba ka meli̱. 4Kibhukabhaga bhai̱ki̱li̱za ni̱ki̱ki̱li̱ka nabho dhakia tolo ncambu̱. Mwoyo Mawelikana nakibhuongiliaku̱ bhai̱ki̱li̱za eti bhankomi̱se Paulo yaki ka Yelusalemu. 5Tolo ndiasu̱ sa li̱ka nabho ndia asi̱yabe, ki̱ya namusa na gendo. Bhoponi, nobhu̱bi̱si̱ku̱ bhakali̱ na bhani̱ki̱ bhakieki̱sa nibhaki̱ki̱hu̱i̱sa ka tau̱ni̱ manyeta toli̱ ndie kiduwa ka mwalo, ki̱su̱ku̱managa nikikisaba imamoti̱ nabho. 6Ndie kidhakia lakana, kidhaya meli̱, du̱mbi̱ bhai̱ki̱li̱za nibhaki̱si̱ki̱a kindiabho. 7Ki̱ya namusa na gendo ndiasu̱ tukasu̱ ka Ti̱lo ni̱ki̱ki̱ki̱dha ka Putolema, nikikibhumati̱sa bhai̱ki̱li̱za toli̱ nikikidhakia nabho tolo moti̱. 8Tolo ndia adhabhiabe, ki̱ya ka Kai̱sali̱ya ni̱ki̱ki̱li̱ka kindia Fi̱li̱po mindia yalangililiaga Makulu Mabhonga ndia angbei̱be Yesu toli̱ moti̱ ka bhaluku ncambu̱ ndibha bhabhubhuwa gabia liaga. 9Abhi̱ na bhani̱ki̱ekali̱ bhei̱ni̱ ka mulima-bala nibhali na nki̱sa sa pesi̱a bhunabbi̱. 10Ndie kibha nikilia ka Kai̱sali̱ya dhakia tolo mamadha, nabbi̱ i̱naki nandiye Agabho atuka ka Yu̱deya. 11Agabho ndia aki̱bi̱kabe, ambuwabe Paulo muheko ndiaki, nakiebhuwa kibhoko na kigu nakigia bhiyo; “Mwoyo Mawelikana akigiaga bhiyo; ‘Bhayu̱daya ndibha ka Yelusalemu bhada kimbuwa bhinjo nkuma muheko yoho du̱mbi̱ bhangbei̱se Bhakpa ndibha kali Bhayu̱daya.’ ”
12Agabho ndia aonga yoho, bhesu̱ na bhai̱ki̱li̱za bhoponi kinkunga Paulo eti kala ki̱ya namusa yaki ka Yelusalemu. 13No Paulo naki̱bhu̱si̱ki̱aku̱ bhiyo; “Bhukugamieki na dhuwa mulima nakizigidha? Kyetekani̱li̱zi̱ bhuwami u̱kaka no na kweliami ka Yelusalemu nanga i̱na ndia Sali̱a Yesu.” 14Paulo ndia akoma okasu̱, kinduwa nikikigia bhiyo; “Odhuwe poni ndia akienikana abhe nesi̱ Sali̱a Mambombi̱ akabhi̱o.”
Paulo naki̱ki̱dha ka Yelusalemu
15Tolo injo nalakoli̱, ki̱ya namusa na gendo ndiasu̱ yasu̱ ka Yelusalemu. 16Bhai̱ki̱li̱za bemoti̱ ndibha ka Kai̱sali̱ya bhakieki̱sa doi̱sasu̱ kindie ki̱ki̱ya li̱kasu̱ ka i̱nji̱ ndia Minasoni. Abha natu̱ki̱ ka nsi ndia ka Ki̱pu̱lo toli̱ nali moti̱ kowa bhai̱ki̱li̱za ndibha kateketa.
17Ndie ki̱ki̱dha ka Yelusalemu, bhai̱ki̱li̱za bhakitangililia nibhadhedhelu̱. 18Tolo ndia adhabhiabe, kimueki̱sa Paulo i̱ya takanana na Yakobbo toli̱ bhangbeku bhoponi ndibha bhai̱ki̱li̱za ka Yelusalemu bhabhi̱be. 19Paulo ndia adhakia mati̱sabho, abhutolia poni Mambombi̱ ndia akoli̱o ka Bhakpa ndibha kali Bhayu̱daya kolilia kowaki. 20Ndia bhaoka yoho, bhansinda Mambombi̱ du̱mbi̱ nibhakingia Paulo bhiyo; “Ozi̱bi̱a namasu̱ nesi̱ Bhayu̱daya bi̱yabho bhamu̱hi̱ki̱li̱zi̱ Yesu, toli̱ bhoponi bhagbei̱ kilagilo ndia Mambombi̱ ampesi̱a Musa nibhadhaki̱li̱li̱. 21Bhayu̱daya ndibha bhahi̱ki̱li̱zio mehe ka Yelusalemu, bhabhutoli̱ eti oli kaegesa Bhayu̱daya ndibha bhaki̱li̱kaga ka nsi ndia Bhakpa ndibha kali Bhayu̱daya kanga yeli̱a ka kilagilo ndia Musa. Bhaoki̱ eti okubhukomi̱saga tina bhani̱ki̱ ndibhabho na li̱kabho sigikilia ka asi̱li̱ ndiabho. 22Kikikoleki? Nanga bhakioka nesi̱ obi̱ki̱o. 23Kikukutolia ndio ogbokiliani̱ kolai̱. Alibe bhaluku bhei̱ni̱ ka kpata ndiasu̱ ndibha bhalakani na Mambombi̱. 24Oye na bhaluku bhehe ka Hekalo ka tamba toli̱ osasule kabho mbangana sa tamba andu̱lu̱ bhabhudhuwe sikamuhu ka asi̱li̱. Du̱mbi̱ bhakpa poni bhaki̱hi̱ba eti poni ndia bhakukuongagabe andi mbela toli̱ ogbei̱ kilagilo ndia Bhayu̱daya. 25No kibhuhandikilia Bhakpa ndibha kali Bhayu̱daya ndibha bhahi̱ki̱li̱zi̱o nikikibhutolia ndie kibhaliani̱o eti bhadhuwe liya liaga ndia bhabhubhembi̱li̱ bhakihongano imamoti̱ na njubha, bhadhuwe liya bhanyama ndibha bhekweli̱o toli̱ bhadhuwe li̱ana.”
26Tolo ndia adhabhiabe, Paulo ai̱ya na bhaluku bhehe nakitamba nabho. Du̱mbi̱ naki̱ya ka Hekalo toliabho tolo sa tamba yoho akidhakia toli̱ nkpa poni aki̱pesi̱aku̱ miambu ndiaki kadhakililia tamba.
Paulo nibhakingbelia ka Hekalo
27Tolo ncambu̱ sa tamba nali̱bi̱ya si̱yai̱be, bemoti̱ ka Bhayu̱daya tukabho ka kyalo ndia ka Asi̱ya bhantangia Paulo ka Hekalo du̱mbi̱ nibhakitina nsi̱si̱. Nibhakingba, 28nibhagbei̱ habhaga bhiyo; “Bhaisaleli̱ dasu̱, bhu̱bi̱ke bhukikonie, miyo andiye muluku mindia akibhuegesaga bhakpa poni kindia akiyaga kima ndia kali ka kilagilo ndiasu̱ na ka Hekalo yoho. Nobhoi̱be injo, abhu̱bi̱ki̱si̱ Bhagi̱li̱ki̱ ka Hekalo toli̱ azi̱nani̱si̱ kikalo ndia awelikani̱o yoho.” 29Nanga mbu̱sa menjo Bhayu̱daya bhantangia Tu̱lofi̱mo mindia ka Efeso nali na Paulo nibhakyeli̱li̱kana eti Paulo ambi̱ki̱si̱ ka Hekalo.#21:29 Tu̱lofi̱mo yakagbokiliani̱ godhaki ka Hekalo nanga yakabhi̱ Mu̱yu̱daya.
30Nsi̱si̱ ndia atinika ka tau̱ni̱ manyeta, bi̱ya bhakpa bhabi̱ka nibhakitetia ka Hekalo tukabho ka nsondo poni. Nibhakingba na hu̱i̱sa Paulo ka Hekalo du̱mbi̱ nibhakidhaka mpu̱me poni. 31Nibhalia kikabha olaki, nkpa ai̱ya nakintolia ngbekua bhasilikale ndibha ka Loma nesi̱ nsi̱si̱ ati̱ni̱ki̱ ka tau̱ni̱ manyeta ndia ka Yelusalemu. 32Ngbekua bhasilikale ameliaku̱ na bhasilikale ndibhaki nibhakitetia yabho ka bi̱ya bhakpa kindia nsi̱si̱ ati̱ni̱ki̱o. Ndibhabhi̱ nibhati̱ni̱ nsi̱si̱ ndia bhantangia ngbekua bhasilikale na bhasilikale ndibhaki, nibhakidhuwa bhi̱ndaga Paulo.
33Ngbekua bhasilikale abi̱ka nakingba du̱mbi̱ nakilagilia eti bhambuwe Paulo na njegele bhali. Nakibhuolu̱li̱a bhakpa eti muluku miyo andi ani̱ toli̱ akoli̱ki̱? 34Bhakpa bemoti̱ nibhakitandika onga ndia bhatakani̱o du̱mbi̱ ngbekua bhasilikale nakisagwa i̱ba mazima nanga toko mamadha, nakilagilia eti bhamu̱i̱se Paulo ka nkambi̱ ndia bhasilikale. 35Paulo ndia bhandoi̱sa ka madala sa hu̱wako ka Hekalo, nsi̱si̱ naki̱ya namusa eti bhambi̱nde Paulo du̱mbi̱ bhasilikale nibhaki̱nku̱mba. 36Bi̱ya bhakpa ndibha bhai̱ya nibhabhutotombi̱agi̱ bhai̱ya nibhakihabhaga bhiyo; “Bhumuole!”
Paulo nakyetonganabe ka bi̱ya bhakpa
37Bhasilikale nibhalibi̱ya godhi̱sa Paulo ka nkambi̱ ndiabho, Paulo amuolu̱li̱a ngbekua bhasilikale bhiyo; “Okunibhali̱sana niongebe newe?”
Ngbekua bhasilikale nakimuolu̱li̱a Paulo bhiyo; “Oi̱bi̱ Ku̱gi̱li̱ki̱?” 38“Kanduwe Munami̱si̱li̱ mindia atandikisabe bhulemo nokubhuhikilia bhaluku bholi̱ nku̱mi̱ i̱ni̱ nokubhu̱i̱sa ke lungu tolo ndia mbu̱sa?”
39Paulo naki̱nsi̱ki̱aku̱ bhiyo; “Nindi Muyu̱daya, mindia ka Talu̱so ndia ali ka tau̱ni̱ ndia ka Ki̱li̱ki̱ya ndia bhakpa bhai̱bi̱ si̱ni̱. Onibhali̱sane niongebe na bhakpa.”
40Ngbekua bhasilikale nakimbali̱sana du̱mbi̱ Paulo nakitelema ka madala sa mpu̱me ndia ka nkambi̱ ndia bhasilikale nakibhukunga bhakpa eti bhadake. Bhoponi ndia bhadakiana, Paulo nakibhuongilia ka loki̱ ndiabho sa Kuhebbulania.
Currently Selected:
Bikoluwa ndia Bhakwenda 21: KWAMBA
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., 2025
Bikoluwa ndia Bhakwenda 21
21
Paulo naki̱ya ka Yelusalemu
1Ndie kidhakia laka bhangbeku ndibha ka Efeso, kidhaya meli̱ naki̱ki̱hi̱sa tonono nikikizaba ka kizinga ndia ka Kosi. Tolo ndia adhabhiabe ni̱ki̱ki̱ya ka kizinga ndia ka Lodo du̱mbi̱ ndie kituka kuwo ni̱ki̱ki̱ya ka tau̱ni̱ ndia ka Patala. 2Kuwo kitakana meli̱ kazabai̱ ka kyalo ndia ka Foi̱ni̱ke du̱mbi̱ nikikidhaya. 3Ndie kitangia Ki̱pu̱lo nali namusasu̱, kitomba yasi si̱ ki̱dhasu̱ ka Si̱li̱ya. Ni̱ki̱ki̱ki̱dha ka mwalo ndia ka Ti̱lo kindia bhabhuelia nku̱mba ka meli̱. 4Kibhukabhaga bhai̱ki̱li̱za ni̱ki̱ki̱li̱ka nabho dhakia tolo ncambu̱. Mwoyo Mawelikana nakibhuongiliaku̱ bhai̱ki̱li̱za eti bhankomi̱se Paulo yaki ka Yelusalemu. 5Tolo ndiasu̱ sa li̱ka nabho ndia asi̱yabe, ki̱ya namusa na gendo. Bhoponi, nobhu̱bi̱si̱ku̱ bhakali̱ na bhani̱ki̱ bhakieki̱sa nibhaki̱ki̱hu̱i̱sa ka tau̱ni̱ manyeta toli̱ ndie kiduwa ka mwalo, ki̱su̱ku̱managa nikikisaba imamoti̱ nabho. 6Ndie kidhakia lakana, kidhaya meli̱, du̱mbi̱ bhai̱ki̱li̱za nibhaki̱si̱ki̱a kindiabho. 7Ki̱ya namusa na gendo ndiasu̱ tukasu̱ ka Ti̱lo ni̱ki̱ki̱ki̱dha ka Putolema, nikikibhumati̱sa bhai̱ki̱li̱za toli̱ nikikidhakia nabho tolo moti̱. 8Tolo ndia adhabhiabe, ki̱ya ka Kai̱sali̱ya ni̱ki̱ki̱li̱ka kindia Fi̱li̱po mindia yalangililiaga Makulu Mabhonga ndia angbei̱be Yesu toli̱ moti̱ ka bhaluku ncambu̱ ndibha bhabhubhuwa gabia liaga. 9Abhi̱ na bhani̱ki̱ekali̱ bhei̱ni̱ ka mulima-bala nibhali na nki̱sa sa pesi̱a bhunabbi̱. 10Ndie kibha nikilia ka Kai̱sali̱ya dhakia tolo mamadha, nabbi̱ i̱naki nandiye Agabho atuka ka Yu̱deya. 11Agabho ndia aki̱bi̱kabe, ambuwabe Paulo muheko ndiaki, nakiebhuwa kibhoko na kigu nakigia bhiyo; “Mwoyo Mawelikana akigiaga bhiyo; ‘Bhayu̱daya ndibha ka Yelusalemu bhada kimbuwa bhinjo nkuma muheko yoho du̱mbi̱ bhangbei̱se Bhakpa ndibha kali Bhayu̱daya.’ ”
12Agabho ndia aonga yoho, bhesu̱ na bhai̱ki̱li̱za bhoponi kinkunga Paulo eti kala ki̱ya namusa yaki ka Yelusalemu. 13No Paulo naki̱bhu̱si̱ki̱aku̱ bhiyo; “Bhukugamieki na dhuwa mulima nakizigidha? Kyetekani̱li̱zi̱ bhuwami u̱kaka no na kweliami ka Yelusalemu nanga i̱na ndia Sali̱a Yesu.” 14Paulo ndia akoma okasu̱, kinduwa nikikigia bhiyo; “Odhuwe poni ndia akienikana abhe nesi̱ Sali̱a Mambombi̱ akabhi̱o.”
Paulo naki̱ki̱dha ka Yelusalemu
15Tolo injo nalakoli̱, ki̱ya namusa na gendo ndiasu̱ yasu̱ ka Yelusalemu. 16Bhai̱ki̱li̱za bemoti̱ ndibha ka Kai̱sali̱ya bhakieki̱sa doi̱sasu̱ kindie ki̱ki̱ya li̱kasu̱ ka i̱nji̱ ndia Minasoni. Abha natu̱ki̱ ka nsi ndia ka Ki̱pu̱lo toli̱ nali moti̱ kowa bhai̱ki̱li̱za ndibha kateketa.
17Ndie ki̱ki̱dha ka Yelusalemu, bhai̱ki̱li̱za bhakitangililia nibhadhedhelu̱. 18Tolo ndia adhabhiabe, kimueki̱sa Paulo i̱ya takanana na Yakobbo toli̱ bhangbeku bhoponi ndibha bhai̱ki̱li̱za ka Yelusalemu bhabhi̱be. 19Paulo ndia adhakia mati̱sabho, abhutolia poni Mambombi̱ ndia akoli̱o ka Bhakpa ndibha kali Bhayu̱daya kolilia kowaki. 20Ndia bhaoka yoho, bhansinda Mambombi̱ du̱mbi̱ nibhakingia Paulo bhiyo; “Ozi̱bi̱a namasu̱ nesi̱ Bhayu̱daya bi̱yabho bhamu̱hi̱ki̱li̱zi̱ Yesu, toli̱ bhoponi bhagbei̱ kilagilo ndia Mambombi̱ ampesi̱a Musa nibhadhaki̱li̱li̱. 21Bhayu̱daya ndibha bhahi̱ki̱li̱zio mehe ka Yelusalemu, bhabhutoli̱ eti oli kaegesa Bhayu̱daya ndibha bhaki̱li̱kaga ka nsi ndia Bhakpa ndibha kali Bhayu̱daya kanga yeli̱a ka kilagilo ndia Musa. Bhaoki̱ eti okubhukomi̱saga tina bhani̱ki̱ ndibhabho na li̱kabho sigikilia ka asi̱li̱ ndiabho. 22Kikikoleki? Nanga bhakioka nesi̱ obi̱ki̱o. 23Kikukutolia ndio ogbokiliani̱ kolai̱. Alibe bhaluku bhei̱ni̱ ka kpata ndiasu̱ ndibha bhalakani na Mambombi̱. 24Oye na bhaluku bhehe ka Hekalo ka tamba toli̱ osasule kabho mbangana sa tamba andu̱lu̱ bhabhudhuwe sikamuhu ka asi̱li̱. Du̱mbi̱ bhakpa poni bhaki̱hi̱ba eti poni ndia bhakukuongagabe andi mbela toli̱ ogbei̱ kilagilo ndia Bhayu̱daya. 25No kibhuhandikilia Bhakpa ndibha kali Bhayu̱daya ndibha bhahi̱ki̱li̱zi̱o nikikibhutolia ndie kibhaliani̱o eti bhadhuwe liya liaga ndia bhabhubhembi̱li̱ bhakihongano imamoti̱ na njubha, bhadhuwe liya bhanyama ndibha bhekweli̱o toli̱ bhadhuwe li̱ana.”
26Tolo ndia adhabhiabe, Paulo ai̱ya na bhaluku bhehe nakitamba nabho. Du̱mbi̱ naki̱ya ka Hekalo toliabho tolo sa tamba yoho akidhakia toli̱ nkpa poni aki̱pesi̱aku̱ miambu ndiaki kadhakililia tamba.
Paulo nibhakingbelia ka Hekalo
27Tolo ncambu̱ sa tamba nali̱bi̱ya si̱yai̱be, bemoti̱ ka Bhayu̱daya tukabho ka kyalo ndia ka Asi̱ya bhantangia Paulo ka Hekalo du̱mbi̱ nibhakitina nsi̱si̱. Nibhakingba, 28nibhagbei̱ habhaga bhiyo; “Bhaisaleli̱ dasu̱, bhu̱bi̱ke bhukikonie, miyo andiye muluku mindia akibhuegesaga bhakpa poni kindia akiyaga kima ndia kali ka kilagilo ndiasu̱ na ka Hekalo yoho. Nobhoi̱be injo, abhu̱bi̱ki̱si̱ Bhagi̱li̱ki̱ ka Hekalo toli̱ azi̱nani̱si̱ kikalo ndia awelikani̱o yoho.” 29Nanga mbu̱sa menjo Bhayu̱daya bhantangia Tu̱lofi̱mo mindia ka Efeso nali na Paulo nibhakyeli̱li̱kana eti Paulo ambi̱ki̱si̱ ka Hekalo.#21:29 Tu̱lofi̱mo yakagbokiliani̱ godhaki ka Hekalo nanga yakabhi̱ Mu̱yu̱daya.
30Nsi̱si̱ ndia atinika ka tau̱ni̱ manyeta, bi̱ya bhakpa bhabi̱ka nibhakitetia ka Hekalo tukabho ka nsondo poni. Nibhakingba na hu̱i̱sa Paulo ka Hekalo du̱mbi̱ nibhakidhaka mpu̱me poni. 31Nibhalia kikabha olaki, nkpa ai̱ya nakintolia ngbekua bhasilikale ndibha ka Loma nesi̱ nsi̱si̱ ati̱ni̱ki̱ ka tau̱ni̱ manyeta ndia ka Yelusalemu. 32Ngbekua bhasilikale ameliaku̱ na bhasilikale ndibhaki nibhakitetia yabho ka bi̱ya bhakpa kindia nsi̱si̱ ati̱ni̱ki̱o. Ndibhabhi̱ nibhati̱ni̱ nsi̱si̱ ndia bhantangia ngbekua bhasilikale na bhasilikale ndibhaki, nibhakidhuwa bhi̱ndaga Paulo.
33Ngbekua bhasilikale abi̱ka nakingba du̱mbi̱ nakilagilia eti bhambuwe Paulo na njegele bhali. Nakibhuolu̱li̱a bhakpa eti muluku miyo andi ani̱ toli̱ akoli̱ki̱? 34Bhakpa bemoti̱ nibhakitandika onga ndia bhatakani̱o du̱mbi̱ ngbekua bhasilikale nakisagwa i̱ba mazima nanga toko mamadha, nakilagilia eti bhamu̱i̱se Paulo ka nkambi̱ ndia bhasilikale. 35Paulo ndia bhandoi̱sa ka madala sa hu̱wako ka Hekalo, nsi̱si̱ naki̱ya namusa eti bhambi̱nde Paulo du̱mbi̱ bhasilikale nibhaki̱nku̱mba. 36Bi̱ya bhakpa ndibha bhai̱ya nibhabhutotombi̱agi̱ bhai̱ya nibhakihabhaga bhiyo; “Bhumuole!”
Paulo nakyetonganabe ka bi̱ya bhakpa
37Bhasilikale nibhalibi̱ya godhi̱sa Paulo ka nkambi̱ ndiabho, Paulo amuolu̱li̱a ngbekua bhasilikale bhiyo; “Okunibhali̱sana niongebe newe?”
Ngbekua bhasilikale nakimuolu̱li̱a Paulo bhiyo; “Oi̱bi̱ Ku̱gi̱li̱ki̱?” 38“Kanduwe Munami̱si̱li̱ mindia atandikisabe bhulemo nokubhuhikilia bhaluku bholi̱ nku̱mi̱ i̱ni̱ nokubhu̱i̱sa ke lungu tolo ndia mbu̱sa?”
39Paulo naki̱nsi̱ki̱aku̱ bhiyo; “Nindi Muyu̱daya, mindia ka Talu̱so ndia ali ka tau̱ni̱ ndia ka Ki̱li̱ki̱ya ndia bhakpa bhai̱bi̱ si̱ni̱. Onibhali̱sane niongebe na bhakpa.”
40Ngbekua bhasilikale nakimbali̱sana du̱mbi̱ Paulo nakitelema ka madala sa mpu̱me ndia ka nkambi̱ ndia bhasilikale nakibhukunga bhakpa eti bhadake. Bhoponi ndia bhadakiana, Paulo nakibhuongilia ka loki̱ ndiabho sa Kuhebbulania.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., 2025