Bikoluwa ndia Bhakwenda 16
16
Timisewa nakimueki̱sa Paulo na Silasi
1Paulo ai̱ya ka tau̱ni̱ ndia ka Delubbe du̱mbi̱ naki̱ya ka tau̱ni̱ ndia ka Lisitula kindia mwegi̱ Timisewa yali̱kaga, amaki nandi Mu̱yu̱daya toli̱ nali mu̱i̱ki̱li̱za no abaki nali Ngi̱li̱ki̱. 2Bhai̱ki̱li̱za poni ka Lisitula na ka I̱koni̱yo bhamuongabe Timisewa kulungi. 3Paulo ndia akabha i̱ya na Timisewa, ateketa nakinti̱ni̱sa nanga Bhayu̱daya poni yabhai̱bi̱ nesi̱ abaki abhi̱ Ngi̱li̱ki̱. 4Nibhalia kimamikana ka tau̱ni̱ mamadha, bhai̱ya nibhakibhutolia bhai̱ki̱li̱za kilagilo ndia bhakwenda na bhangbeku ndibha ka Yelusalemu bhabi̱si̱be yeli̱ai̱be. 5Kpata ndia bhai̱ki̱li̱za naki̱si̱ki̱aku̱ mani̱ ka hi̱ki̱li̱za toli̱ bhai̱ki̱li̱za yabhali̱kaga nibhakimadha tolo poni.
Mambombi̱ nakimuani̱sa Paulo kima ka kyalo ndia ka Makedoni̱ya
6Paulo na bhadaki nibhakitomba ka kyalo ndia ka Fi̱li̱gi̱ya na Galati̱ya, Mwoyo Mawelikana natuli̱li̱ nabhukomi̱si̱ tebeza kigambo ndia Sali̱a ka kyalo ndia ka Asi̱ya. 7Ndia bhaduwa ka mutano ndia ka Mi̱si̱ya, nibhakikinga yabhobe ka Bbi̱ti̱ni̱ya, toli̱ Mwoyo mindia Yesu naki̱bhu̱komi̱sa. 8Du̱mbi̱ nibhakikolilia ka Mi̱si̱ya nibhaki̱ya ka mwalo ndia ka Tulowa. 9Ki̱li̱a, Mumakedoni̱ya amuenikiliana Paulo nantelemi̱li̱ nakinkunga bhiyo; “Obi̱ke ka Makedoni̱ya okikonie.” 10Mumakedoni̱ya mindia amuenikiliana Paulo ndia antukabe, nikikietekani̱za yasu̱ ka Makedoni̱ya nanga Mambombi̱ yakilagi̱li̱ i̱ya tebezaku̱ Makulu Mabhonga.
Li̱di̱ya naki̱mu̱hi̱ki̱li̱za Yesu
11Tukasu̱ ka Tulowa, kidhaya meli̱ ni̱ki̱ki̱ya tonono ka kizinga Semateluke, tolo ndia adhabhiabe ni̱ki̱ki̱ya ka tau̱ni̱ ndia ka Niyapoli ka mwalo. 12Ndie kituka menjo ki̱ya ka tau̱ni̱ ndia ka Fi̱li̱pi̱, tau̱ni̱ ndia Bhaloma yabhalemi̱o toli̱ nandu̱lu̱ tau̱ni̱ manyeta ka di̱si̱tu̱li̱ki̱ti̱ ndia ka Makedoni̱ya. Ni̱ki̱ki̱li̱ka kuwo dhakia tolo mamadha.
13Ka tolo sa Sabbato ki̱ya kansenge sa mpu̱me nekpengbu̱a tu̱li̱, kindie yekyeli̱li̱kani̱ eti kikitangia kindia bhakpa bhakisabiliaga. Ki̱li̱kaga nikikitandika onga na bhakali̱ ndibhabhi̱ nibhekumesilibe. 14Kowa bhenjo ndibhabha nibhakiokiani abhi̱ku̱ nkali̱ nandiye Li̱di̱ya, tukaki ka tau̱ni̱ ndia ka Ti̱yati̱la nali nsu̱mbesi ngoye. Yamulami̱aga Mambombi̱. Sali̱a aoku̱dha ki̱toi̱ ndiaki naki̱hi̱ki̱li̱za ndia Paulo ali̱ka ongai̱. 15Li̱di̱ya na i̱nji̱ ndiaki ndia bhabhu̱bati̱za, akieka kindiaki. Nakikilia dhaka bhiyo; “Bhukubhala eti nindi mu̱i̱ki̱li̱za mindia Sali̱a Yesu, bhu̱bi̱ke bhu̱li̱ke kindiamo.” Nikikibhala.
Paulo na Silasi nibhakibhugba
16Tolo moti̱ nikilikayasu̱ kindie yekisabiliaga, kintakana gele nkali̱aki mindia yambandu̱ mu̱li̱mo, yabhukaga ndia namusa. Yabhukoliliaga bhakumaki bi̱ya mbangana nanga bhuka ndiaki. 17Nakintotombiaga Paulo na bhesu̱ poni, nagbei̱ habhaga bhiyo; “Bhaluku bhehe ndibha bhagbei̱ tolianu̱ nesi̱ bhukuzunua bhali bhakoli̱ ndibha Mambombi̱ Mindia Gulu Si̱ni̱.” 18Ali̱ki̱li̱a bhinjo dhakia tolo mamadha. Kadhakililia, Paulo nakizigidhiluwa nakigali̱ngana nakingia mu̱li̱mo bhiyo; “Ka mani̱ ndiali ka i̱na ndia Yesu Ki̱li̱si̱to, nilikalagiliako ontukebe gele nkali̱aki minjo.” Menjo mu̱li̱mo nakintukabe nkali̱.
19Bhakumaki ndia bhatangia eti nki̱sa ndiabho sa kola mbangana asi̱be, nibhakingba Paulo na Silasi nibhaki̱bhu̱i̱sa kei̱soa bhalemi. 20Bhabhu̱bi̱ki̱sa kei̱soa bhacu̱ nibhakigia bhiyo; “Bhaluku bhenjo bhali Bhayu̱daya, toli̱ bhali̱ka tina nsi̱si̱ ka tau̱ni̱ ndiasu̱. 21Bhali̱ka egesa asi̱li̱ ndia kali ka kilagilo ndiasu̱ Bhaloma eti kibhale toli̱ ki̱yeli̱ebe.”
22Bi̱ya bhakpa nibhakibhaliana na bhenjo ndibha bhangba Paulo na Silasi. Du̱mbi̱ bhacu̱ nibhakilagilia eti bhabhu̱tu̱be ngoye toli̱ bhabhu̱bhi̱nde mwi̱go. 23Ndia bhadhakia bhi̱ndabho si̱ni̱, bhabhu̱i̱sa ka nkomo du̱mbi̱ nibhakimulagilia mbu̱ndi̱li̱ nkomo bhundiliabho bhiani. 24Ndia bhamulagilia bhinjo mbu̱ndi̱li̱ nkomo, naki̱bhu̱bi̱sa ka nkomo ndia subhelei̱ nakisomilia kigu ndiabho ka ngbongbolo.
25Ka saha nkaga ndia ki̱li̱a, Paulo na Silasi bhabhi̱ ka saba na limbilia Mambombi̱ limbo sa sindaki, bhanyankomo ndibhetolo nibhabhuokiani. 26Menjo bhali̱ngi̱na sa mani̱ nakidhingisa nkomo poni, ki̱ku̱ku̱ poni sa nkomo nakioku̱dhana, njegele ndia bhabhu̱bhoi̱si̱o nakikudhukanaga. 27Mbu̱ndi̱li̱ nkomo ndia azu̱zu̱ka, atangia ki̱ku̱ku̱ sa nkomo naoku̱dhani du̱mbi̱ nakibhuwa tampi̱ ndiaki andu̱lu̱ eyole nanga yai̱bi̱ eti bhanyankomo bhatetia. 28No Paulo nakihabhaga bhiyo; “Kolo kweyola! Bhesu̱ poni kilia mehe!”
29Mbu̱ndi̱li̱ nkomo naki̱ti̱ki̱sa tala, nakigodha ka nkomo, naki̱gu̱wa ka kigua Paulo na Silasi nagbei̱ titila nanga bhoko. 30Du̱mbi̱ naki̱bhu̱hu̱i̱sa nakibhuolu̱li̱a bhiyo; “Bhakumami, nikoleki andu̱lu̱ nizunue?”
31Nibhaki̱nsi̱ki̱aku̱ bhiyo; “Omu̱hi̱ki̱li̱ze Sali̱a Yesu andu̱lu̱ uwe na i̱nji̱ ndiako bhuzunue.” 32Du̱mbi̱ nibhakintebeza kigambo ndia angbei̱be Sali̱a Yesu na bhenjo bhoponi ndibha ka i̱nji̱ ndiaki. 33Ka saha injo ndia ki̱li̱a mbu̱ndi̱li̱ nkomo amu̱i̱sa Paulo na Silasi nakibhusulia hula-hula ndia bhabhi̱ nai̱ du̱mbi̱ ye na i̱nji̱ ndiaki poni nibhakibhubati̱za. 34Mbu̱ndi̱li̱ nkomo abhu̱i̱sa kindiaki nakibhupa li̱eli̱, adhedhelua si̱ni̱ nanga ye na i̱nji̱ ndiaki bhamu̱hi̱ki̱li̱za Mambombi̱.
35Kyalo ndia asia, bhacu̱ bhabhutika bhasilikale ndibhabho kindia mbu̱ndi̱li̱ nkomo na kilagilo sa dhwelia bhaluku bhenjo. 36Mbu̱ndi̱li̱ nkomo nakintolia Paulo bhiyo; “Bhacu̱ bhalagi̱li̱ eti uwe na Silasi nibhudhwelie. Bhu̱ye mpempa.”
37No Paulo nakibhugia bhasilikale bhiyo; “Bhaki̱bhi̱nda ka bi̱ya bhakpa ndia bhakaki̱pesi̱ nki̱sa sa kwetonganabe, toli̱ nikili Bhaloma, nibhaki̱ki̱bi̱sa ka nkomo. No endindi bhakikabha dhweliasu̱ ka nsobho? Bba! Odhuwe bhaku̱mi̱ bhabi̱ke bhakidhwelie.”
38Bhasilikale nibhaki̱ya tolia bhacu̱ ndia Paulo na Silasi bhaonga, du̱mbi̱ ndia bhaoka eti Paulo na Silasi bhali Bhaloma, nibhakitiya. 39Bhabi̱ka kungabho eti bhabhugani̱li̱e, nibhakibhudhwelia du̱mbi̱ nibhakibhukunga eti bhatuke ka tau̱ni̱. 40Paulo na Silasi ndia bhahu̱wa ka nkomo, nibhaki̱ya kindia Li̱di̱ya, kindia bhatakanana na bhai̱ki̱li̱za dabho nibhaki̱bhu̱si̱ki̱saku̱ mani̱. Du̱mbi̱ nibhaki̱ya.
Currently Selected:
Bikoluwa ndia Bhakwenda 16: KWAMBA
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., 2025
Bikoluwa ndia Bhakwenda 16
16
Timisewa nakimueki̱sa Paulo na Silasi
1Paulo ai̱ya ka tau̱ni̱ ndia ka Delubbe du̱mbi̱ naki̱ya ka tau̱ni̱ ndia ka Lisitula kindia mwegi̱ Timisewa yali̱kaga, amaki nandi Mu̱yu̱daya toli̱ nali mu̱i̱ki̱li̱za no abaki nali Ngi̱li̱ki̱. 2Bhai̱ki̱li̱za poni ka Lisitula na ka I̱koni̱yo bhamuongabe Timisewa kulungi. 3Paulo ndia akabha i̱ya na Timisewa, ateketa nakinti̱ni̱sa nanga Bhayu̱daya poni yabhai̱bi̱ nesi̱ abaki abhi̱ Ngi̱li̱ki̱. 4Nibhalia kimamikana ka tau̱ni̱ mamadha, bhai̱ya nibhakibhutolia bhai̱ki̱li̱za kilagilo ndia bhakwenda na bhangbeku ndibha ka Yelusalemu bhabi̱si̱be yeli̱ai̱be. 5Kpata ndia bhai̱ki̱li̱za naki̱si̱ki̱aku̱ mani̱ ka hi̱ki̱li̱za toli̱ bhai̱ki̱li̱za yabhali̱kaga nibhakimadha tolo poni.
Mambombi̱ nakimuani̱sa Paulo kima ka kyalo ndia ka Makedoni̱ya
6Paulo na bhadaki nibhakitomba ka kyalo ndia ka Fi̱li̱gi̱ya na Galati̱ya, Mwoyo Mawelikana natuli̱li̱ nabhukomi̱si̱ tebeza kigambo ndia Sali̱a ka kyalo ndia ka Asi̱ya. 7Ndia bhaduwa ka mutano ndia ka Mi̱si̱ya, nibhakikinga yabhobe ka Bbi̱ti̱ni̱ya, toli̱ Mwoyo mindia Yesu naki̱bhu̱komi̱sa. 8Du̱mbi̱ nibhakikolilia ka Mi̱si̱ya nibhaki̱ya ka mwalo ndia ka Tulowa. 9Ki̱li̱a, Mumakedoni̱ya amuenikiliana Paulo nantelemi̱li̱ nakinkunga bhiyo; “Obi̱ke ka Makedoni̱ya okikonie.” 10Mumakedoni̱ya mindia amuenikiliana Paulo ndia antukabe, nikikietekani̱za yasu̱ ka Makedoni̱ya nanga Mambombi̱ yakilagi̱li̱ i̱ya tebezaku̱ Makulu Mabhonga.
Li̱di̱ya naki̱mu̱hi̱ki̱li̱za Yesu
11Tukasu̱ ka Tulowa, kidhaya meli̱ ni̱ki̱ki̱ya tonono ka kizinga Semateluke, tolo ndia adhabhiabe ni̱ki̱ki̱ya ka tau̱ni̱ ndia ka Niyapoli ka mwalo. 12Ndie kituka menjo ki̱ya ka tau̱ni̱ ndia ka Fi̱li̱pi̱, tau̱ni̱ ndia Bhaloma yabhalemi̱o toli̱ nandu̱lu̱ tau̱ni̱ manyeta ka di̱si̱tu̱li̱ki̱ti̱ ndia ka Makedoni̱ya. Ni̱ki̱ki̱li̱ka kuwo dhakia tolo mamadha.
13Ka tolo sa Sabbato ki̱ya kansenge sa mpu̱me nekpengbu̱a tu̱li̱, kindie yekyeli̱li̱kani̱ eti kikitangia kindia bhakpa bhakisabiliaga. Ki̱li̱kaga nikikitandika onga na bhakali̱ ndibhabhi̱ nibhekumesilibe. 14Kowa bhenjo ndibhabha nibhakiokiani abhi̱ku̱ nkali̱ nandiye Li̱di̱ya, tukaki ka tau̱ni̱ ndia ka Ti̱yati̱la nali nsu̱mbesi ngoye. Yamulami̱aga Mambombi̱. Sali̱a aoku̱dha ki̱toi̱ ndiaki naki̱hi̱ki̱li̱za ndia Paulo ali̱ka ongai̱. 15Li̱di̱ya na i̱nji̱ ndiaki ndia bhabhu̱bati̱za, akieka kindiaki. Nakikilia dhaka bhiyo; “Bhukubhala eti nindi mu̱i̱ki̱li̱za mindia Sali̱a Yesu, bhu̱bi̱ke bhu̱li̱ke kindiamo.” Nikikibhala.
Paulo na Silasi nibhakibhugba
16Tolo moti̱ nikilikayasu̱ kindie yekisabiliaga, kintakana gele nkali̱aki mindia yambandu̱ mu̱li̱mo, yabhukaga ndia namusa. Yabhukoliliaga bhakumaki bi̱ya mbangana nanga bhuka ndiaki. 17Nakintotombiaga Paulo na bhesu̱ poni, nagbei̱ habhaga bhiyo; “Bhaluku bhehe ndibha bhagbei̱ tolianu̱ nesi̱ bhukuzunua bhali bhakoli̱ ndibha Mambombi̱ Mindia Gulu Si̱ni̱.” 18Ali̱ki̱li̱a bhinjo dhakia tolo mamadha. Kadhakililia, Paulo nakizigidhiluwa nakigali̱ngana nakingia mu̱li̱mo bhiyo; “Ka mani̱ ndiali ka i̱na ndia Yesu Ki̱li̱si̱to, nilikalagiliako ontukebe gele nkali̱aki minjo.” Menjo mu̱li̱mo nakintukabe nkali̱.
19Bhakumaki ndia bhatangia eti nki̱sa ndiabho sa kola mbangana asi̱be, nibhakingba Paulo na Silasi nibhaki̱bhu̱i̱sa kei̱soa bhalemi. 20Bhabhu̱bi̱ki̱sa kei̱soa bhacu̱ nibhakigia bhiyo; “Bhaluku bhenjo bhali Bhayu̱daya, toli̱ bhali̱ka tina nsi̱si̱ ka tau̱ni̱ ndiasu̱. 21Bhali̱ka egesa asi̱li̱ ndia kali ka kilagilo ndiasu̱ Bhaloma eti kibhale toli̱ ki̱yeli̱ebe.”
22Bi̱ya bhakpa nibhakibhaliana na bhenjo ndibha bhangba Paulo na Silasi. Du̱mbi̱ bhacu̱ nibhakilagilia eti bhabhu̱tu̱be ngoye toli̱ bhabhu̱bhi̱nde mwi̱go. 23Ndia bhadhakia bhi̱ndabho si̱ni̱, bhabhu̱i̱sa ka nkomo du̱mbi̱ nibhakimulagilia mbu̱ndi̱li̱ nkomo bhundiliabho bhiani. 24Ndia bhamulagilia bhinjo mbu̱ndi̱li̱ nkomo, naki̱bhu̱bi̱sa ka nkomo ndia subhelei̱ nakisomilia kigu ndiabho ka ngbongbolo.
25Ka saha nkaga ndia ki̱li̱a, Paulo na Silasi bhabhi̱ ka saba na limbilia Mambombi̱ limbo sa sindaki, bhanyankomo ndibhetolo nibhabhuokiani. 26Menjo bhali̱ngi̱na sa mani̱ nakidhingisa nkomo poni, ki̱ku̱ku̱ poni sa nkomo nakioku̱dhana, njegele ndia bhabhu̱bhoi̱si̱o nakikudhukanaga. 27Mbu̱ndi̱li̱ nkomo ndia azu̱zu̱ka, atangia ki̱ku̱ku̱ sa nkomo naoku̱dhani du̱mbi̱ nakibhuwa tampi̱ ndiaki andu̱lu̱ eyole nanga yai̱bi̱ eti bhanyankomo bhatetia. 28No Paulo nakihabhaga bhiyo; “Kolo kweyola! Bhesu̱ poni kilia mehe!”
29Mbu̱ndi̱li̱ nkomo naki̱ti̱ki̱sa tala, nakigodha ka nkomo, naki̱gu̱wa ka kigua Paulo na Silasi nagbei̱ titila nanga bhoko. 30Du̱mbi̱ naki̱bhu̱hu̱i̱sa nakibhuolu̱li̱a bhiyo; “Bhakumami, nikoleki andu̱lu̱ nizunue?”
31Nibhaki̱nsi̱ki̱aku̱ bhiyo; “Omu̱hi̱ki̱li̱ze Sali̱a Yesu andu̱lu̱ uwe na i̱nji̱ ndiako bhuzunue.” 32Du̱mbi̱ nibhakintebeza kigambo ndia angbei̱be Sali̱a Yesu na bhenjo bhoponi ndibha ka i̱nji̱ ndiaki. 33Ka saha injo ndia ki̱li̱a mbu̱ndi̱li̱ nkomo amu̱i̱sa Paulo na Silasi nakibhusulia hula-hula ndia bhabhi̱ nai̱ du̱mbi̱ ye na i̱nji̱ ndiaki poni nibhakibhubati̱za. 34Mbu̱ndi̱li̱ nkomo abhu̱i̱sa kindiaki nakibhupa li̱eli̱, adhedhelua si̱ni̱ nanga ye na i̱nji̱ ndiaki bhamu̱hi̱ki̱li̱za Mambombi̱.
35Kyalo ndia asia, bhacu̱ bhabhutika bhasilikale ndibhabho kindia mbu̱ndi̱li̱ nkomo na kilagilo sa dhwelia bhaluku bhenjo. 36Mbu̱ndi̱li̱ nkomo nakintolia Paulo bhiyo; “Bhacu̱ bhalagi̱li̱ eti uwe na Silasi nibhudhwelie. Bhu̱ye mpempa.”
37No Paulo nakibhugia bhasilikale bhiyo; “Bhaki̱bhi̱nda ka bi̱ya bhakpa ndia bhakaki̱pesi̱ nki̱sa sa kwetonganabe, toli̱ nikili Bhaloma, nibhaki̱ki̱bi̱sa ka nkomo. No endindi bhakikabha dhweliasu̱ ka nsobho? Bba! Odhuwe bhaku̱mi̱ bhabi̱ke bhakidhwelie.”
38Bhasilikale nibhaki̱ya tolia bhacu̱ ndia Paulo na Silasi bhaonga, du̱mbi̱ ndia bhaoka eti Paulo na Silasi bhali Bhaloma, nibhakitiya. 39Bhabi̱ka kungabho eti bhabhugani̱li̱e, nibhakibhudhwelia du̱mbi̱ nibhakibhukunga eti bhatuke ka tau̱ni̱. 40Paulo na Silasi ndia bhahu̱wa ka nkomo, nibhaki̱ya kindia Li̱di̱ya, kindia bhatakanana na bhai̱ki̱li̱za dabho nibhaki̱bhu̱si̱ki̱saku̱ mani̱. Du̱mbi̱ nibhaki̱ya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., 2025