लुका 14
14
येसुले जिराइलाहार दिनम रोगिका अस्लि कर्ल
1एक दिन् येसु जिराइलाहार दिनम एक जना फरिसिसिक अगुवाक घरम खनाइ खाइ लागि गेले। ओइलग आइल मानुकस्या येसुले कथ्यो गल्ति कर्तो कि कहिक ताक्ति छले। 2उजुमा येसुक अगाइम हाथ-टाङ फुल्ल एक जना बिरामि बेठ्ल छले। 3अनि येसुले धर्मगुरु आ फरिसिसिका पुछल्के, “पर्मेसोरक नियम अन्सार जिराइलाहार दिनम रोगि मानुकसिका अस्लि कर ठिक स्यो कि नाइ स्यो?”
4तर ओकर्स्या कथ्यो उत्तर नाइ देल्के। तब येसुले उ रोगिक देहम आप्न हाथ राखिक अस्लि करिक पठाइ देल्के। 5पछास फेरि येसुले ओकर्सिका पुछल्के, “तोर्सिभोरिम कोन आप्न बच्चा कि गाइ जिराइलाहार दिनम गहिंर खद्राम खस्तो त चट्दबर नाइ निकाल्ब?”#मत्ति १२:११
6तर ओकर्स्या फेरि पनि कथ्यो उत्तर दिअ नाइ सकल्के।
येसुले नम्र भेल्हार बारेम सिखाइल
7तब येसुले ओइ फरिसिक घरम खनाइ खाइ आइल मेज्बानस्या सम्मानक ठाउँसब रोजिक बेठ्ल देखिक एगो उखान कहल्के, 8“तोर्स्या कक्रो बिह्याक नेउता पाइक जेब त सम्मानक ठाउँ रोजिक नाइ बेठ्ह्य किरकि ओइले तोरस बर्कि मानुकका पनि नेउँता देल रहतो।#हितोपदेस २५:६-७ 9अनि जब उ एतो त तोरा नेउँता देल्हार मानुकले आइक, ‘यि ठाउँ एक्रा धि न’ कहिक कहतो। उजुमा तोरा लाज लग्तो आ सभेस पछाम जाइक बेठ पर्तो। 10ओहेस जब तोरा कुन्हुँले नेउँता दैक बलाइतो त जाइक सभेस पछाम बेठ्। अनि जब तोरा नेउँता देल्हार मानुक एतो त ओइले सम्मानक ठावम लगाइक तोरा बेठाइतो। उजुमा सभे मानुकसिक अगाम तोर इज्जत हेतो।#हितोपदेस २५:६-७ 11किरकि जुन मानुक बर्कि बन खोज्तो, उ कन्कि हेतो आ जुन मानुक कन्कि बन्तो, उ बर्कि हेतो।”#मत्ति २३:१२; लुका १८:१४
12तब येसुले खनाइ खाइ लागि बलाइलाहार फरिसिसिक अगुवाका पनि कहल्के, “आब् तुहुँ बिहान कि साँझ खुमा भोज धिब त आप्न सङ्सिका, दाजुभाइका, नता-गोतासिका आ धनिक परोसिसिका नेउँता नाइ धिह्य। नत्रे त ओकर्स्याहु तोरा नेउँता दैक बलाइतो आ तोर कर्ल गुन फिर्ता करि देतो। 13तर तुइं भोज धिब त बरु गरिब, लुलह, नेङ्रा आ अन्धासिका बला। 14तब तुइं आसिक पाइब किरकि ओकर्स्या तोर कर्ल गुन फिर्ता कर नाइ सक्तो। तर पर्मेसोरले धर्मि मानुकसिका फेरि जिउँत कर्त खुमा तुइं एक्र इनाम पाइब।”
बर्कि भोजक उखान
(मत्ति २२:१-१०)
15यि बात सुनिक येसुसङ खनाइ खाइ लागि बेठ्ल एक जानाले एनामे कहल्के, “पर्मेसोरक राज्येम भोज खाइ पाइलाहार मानुकसब कत्का धन्येक स्यो।”
16तर येसुले ओक्रा कहल्के, “एक जना मानुकले बर्कि भोजक तयारि करिक थुप्रे मानुकसिका नेउँता देल्के। 17अनि सभे चिज तयार भइक खाइलाहार बेला भेले त ओइले आप्न नोकरका यि खबर दैक नेउँताहारिसिका बलाब पठाइल्के, ‘आब् या किरकि सभे चिज तयार भइसक्ल छो।’ 18तर नेउँता पाइलाहार सभे मानुकले एकुन्गो बात बनाइक भोजम नाइ गेल्हार बाहाना करल्के। सुरुम भेट्ल मानुकले एना कहल्के, ‘हम कनेक सना खेत किन्ल स्यो, उ खेत हम्रा देख जाइ पर्लाहार छो। ओहेस हम आब नाइ सक्बो, हम्रा छेमा करि दे।’ 19अनि दस्रोले कहल्के, ‘हम भर्खर पाँच हर बरहध किनिक आन्ल स्यो। उ बरहधसिका आजुवै जोतिक जाँच पर्लाहार छो। ओहेस हम आब नाइ सक्बो, हम्रा छेमा करि दे।’ 20पछास फेरि दस्रोले कहल्के, ‘हम त भर्खर बिह्या कर्ल स्यो, ओहेस हम आब नाइ सक्बो।’ 21तब उ नोकर घुमिक एले आ सभे बात आप्न मालिकका सुनाइल्के। ओहेस घरक मालिक पिटस खम-खम भइक आप्न नोकरका कहल्के, ‘तुइं झप्सिन जो आ सहरक रोतम आ गल्लिसिम भेल गरिब, लुलह, नेङ्रा आ अन्धासिका बलाइक एत आन्।’ 22तब उ नोकर गेले आ घुमिक आइक मालिकका कहल्के, ‘मालिक, हम तोरे कहल जक्या काम कर्ल्यो। तैयो आरो बेठ्लाहार ठाउँसब खालि छो।’ 23तब मालिकले नोकरका कहल्के, ‘आब् तुइं गाँमक मुल पैरा आ गल्लिसिम जाइक मानुकसिका बलिस्के बलाइक एत आन्, ताकि हम्र घर भोरुस्। 24हम तोर्सिका कह स्यो, अगा नेउँता पाइलाहार कुन्हुँले हम्र घरक भोजक स्वाद चाख नाइ पाइतो।’”
येसुक चेलास्या तिर पर्लाहार मोल
(मत्ति १०:३७-३८)
25एक दिन् थुप्रे मानुकस्या येसुका पछ्याइक जाइति छले त येसुले ओकर्सिभर घुमिक एनामे कहल्के, 26“हम्र चेला बन चाहिलाहारले आप्न बाप-मतार, बहु, बेटा-बेटि, दाजुभाइ, दिदि-बहिन आ आप्न परानस बेसि हम्रा मयाँ नाइ कर्तो त उ हम्र चेला हब नाइ सक्तो।#मत्ति १०:३७ 27जुन मानुकले हम्र लागि आप्न कुरुस बोकिक दुख भोग तयार नाइ हेतो आ हम्रा नाइ पछ्याइतो, उ हम्र चेला हब नाइ सक्तो।#मत्ति १०:३८; १६:२४; मर्कुस ८:३४; लुका ९:२३ 28किरकि तोर्सिभोरिम कोन घर बनाब खोज्त खुमा आप्नसङ भेल ढेवास घर बनाब पुग्तो कि नाइ पुग्तो कहिक अगाहि बेठिक हिसाप नाइ कर्तो? 29तर ओइले हिसापे नाइ करिक घरक जग घाल्तो आ पुरा कर नाइ सक्तो त देख्लाहार मानुकस्या ओक्रा गिज्याइति एनामे कहतो, 30‘यि मानुकले घर बनाब त सुरु करल्को तर पुरा कर नाइ सकल्को।’ 31ओनाहिमे कुन रजाले दस्रो रजासङ लराइ कर जाइत खुमा आप्नसङ भेल दस हजार सैनिकस दस्रो रजाक बिस हजार सैनिकसङ लराइ कर सक्बो कि नाइ सक्बो कहिक अगाहि बेठिक सल्लाहा नाइ कर्तो? 32ओइले लराइ कर नाइ सक्लाहार रहतो त दस्रो रजा बर्किए दुरि रहल जुमा मिलाप कर लागि आप्न दुत पठाइतो। 33एनाहिमे जुन मानुकले आप्नसङ भेल सभे चिज हम्र लागि नाइ छोर्तो, उ हम्र चेला हब नाइ सक्तो।
नुनक उखान
(मत्ति ५:१३; मर्कुस ९:५०)
34“नुन अस्लि चिज स्यो तर नुनक स्वादे ओराइतो त ओक्रा फेरि कथिस नुन्गर बनाइब? 35उ न त जमिनक लागि, न त मलक लागि काम लग्तो। ओक्रा त मानुकस्या फेकि देतो। जक्र सुन्लाहार कान छो ओइले सुनुस।”
Currently Selected:
लुका 14: DANU
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 14
14
येसुले जिराइलाहार दिनम रोगिका अस्लि कर्ल
1एक दिन् येसु जिराइलाहार दिनम एक जना फरिसिसिक अगुवाक घरम खनाइ खाइ लागि गेले। ओइलग आइल मानुकस्या येसुले कथ्यो गल्ति कर्तो कि कहिक ताक्ति छले। 2उजुमा येसुक अगाइम हाथ-टाङ फुल्ल एक जना बिरामि बेठ्ल छले। 3अनि येसुले धर्मगुरु आ फरिसिसिका पुछल्के, “पर्मेसोरक नियम अन्सार जिराइलाहार दिनम रोगि मानुकसिका अस्लि कर ठिक स्यो कि नाइ स्यो?”
4तर ओकर्स्या कथ्यो उत्तर नाइ देल्के। तब येसुले उ रोगिक देहम आप्न हाथ राखिक अस्लि करिक पठाइ देल्के। 5पछास फेरि येसुले ओकर्सिका पुछल्के, “तोर्सिभोरिम कोन आप्न बच्चा कि गाइ जिराइलाहार दिनम गहिंर खद्राम खस्तो त चट्दबर नाइ निकाल्ब?”#मत्ति १२:११
6तर ओकर्स्या फेरि पनि कथ्यो उत्तर दिअ नाइ सकल्के।
येसुले नम्र भेल्हार बारेम सिखाइल
7तब येसुले ओइ फरिसिक घरम खनाइ खाइ आइल मेज्बानस्या सम्मानक ठाउँसब रोजिक बेठ्ल देखिक एगो उखान कहल्के, 8“तोर्स्या कक्रो बिह्याक नेउता पाइक जेब त सम्मानक ठाउँ रोजिक नाइ बेठ्ह्य किरकि ओइले तोरस बर्कि मानुकका पनि नेउँता देल रहतो।#हितोपदेस २५:६-७ 9अनि जब उ एतो त तोरा नेउँता देल्हार मानुकले आइक, ‘यि ठाउँ एक्रा धि न’ कहिक कहतो। उजुमा तोरा लाज लग्तो आ सभेस पछाम जाइक बेठ पर्तो। 10ओहेस जब तोरा कुन्हुँले नेउँता दैक बलाइतो त जाइक सभेस पछाम बेठ्। अनि जब तोरा नेउँता देल्हार मानुक एतो त ओइले सम्मानक ठावम लगाइक तोरा बेठाइतो। उजुमा सभे मानुकसिक अगाम तोर इज्जत हेतो।#हितोपदेस २५:६-७ 11किरकि जुन मानुक बर्कि बन खोज्तो, उ कन्कि हेतो आ जुन मानुक कन्कि बन्तो, उ बर्कि हेतो।”#मत्ति २३:१२; लुका १८:१४
12तब येसुले खनाइ खाइ लागि बलाइलाहार फरिसिसिक अगुवाका पनि कहल्के, “आब् तुहुँ बिहान कि साँझ खुमा भोज धिब त आप्न सङ्सिका, दाजुभाइका, नता-गोतासिका आ धनिक परोसिसिका नेउँता नाइ धिह्य। नत्रे त ओकर्स्याहु तोरा नेउँता दैक बलाइतो आ तोर कर्ल गुन फिर्ता करि देतो। 13तर तुइं भोज धिब त बरु गरिब, लुलह, नेङ्रा आ अन्धासिका बला। 14तब तुइं आसिक पाइब किरकि ओकर्स्या तोर कर्ल गुन फिर्ता कर नाइ सक्तो। तर पर्मेसोरले धर्मि मानुकसिका फेरि जिउँत कर्त खुमा तुइं एक्र इनाम पाइब।”
बर्कि भोजक उखान
(मत्ति २२:१-१०)
15यि बात सुनिक येसुसङ खनाइ खाइ लागि बेठ्ल एक जानाले एनामे कहल्के, “पर्मेसोरक राज्येम भोज खाइ पाइलाहार मानुकसब कत्का धन्येक स्यो।”
16तर येसुले ओक्रा कहल्के, “एक जना मानुकले बर्कि भोजक तयारि करिक थुप्रे मानुकसिका नेउँता देल्के। 17अनि सभे चिज तयार भइक खाइलाहार बेला भेले त ओइले आप्न नोकरका यि खबर दैक नेउँताहारिसिका बलाब पठाइल्के, ‘आब् या किरकि सभे चिज तयार भइसक्ल छो।’ 18तर नेउँता पाइलाहार सभे मानुकले एकुन्गो बात बनाइक भोजम नाइ गेल्हार बाहाना करल्के। सुरुम भेट्ल मानुकले एना कहल्के, ‘हम कनेक सना खेत किन्ल स्यो, उ खेत हम्रा देख जाइ पर्लाहार छो। ओहेस हम आब नाइ सक्बो, हम्रा छेमा करि दे।’ 19अनि दस्रोले कहल्के, ‘हम भर्खर पाँच हर बरहध किनिक आन्ल स्यो। उ बरहधसिका आजुवै जोतिक जाँच पर्लाहार छो। ओहेस हम आब नाइ सक्बो, हम्रा छेमा करि दे।’ 20पछास फेरि दस्रोले कहल्के, ‘हम त भर्खर बिह्या कर्ल स्यो, ओहेस हम आब नाइ सक्बो।’ 21तब उ नोकर घुमिक एले आ सभे बात आप्न मालिकका सुनाइल्के। ओहेस घरक मालिक पिटस खम-खम भइक आप्न नोकरका कहल्के, ‘तुइं झप्सिन जो आ सहरक रोतम आ गल्लिसिम भेल गरिब, लुलह, नेङ्रा आ अन्धासिका बलाइक एत आन्।’ 22तब उ नोकर गेले आ घुमिक आइक मालिकका कहल्के, ‘मालिक, हम तोरे कहल जक्या काम कर्ल्यो। तैयो आरो बेठ्लाहार ठाउँसब खालि छो।’ 23तब मालिकले नोकरका कहल्के, ‘आब् तुइं गाँमक मुल पैरा आ गल्लिसिम जाइक मानुकसिका बलिस्के बलाइक एत आन्, ताकि हम्र घर भोरुस्। 24हम तोर्सिका कह स्यो, अगा नेउँता पाइलाहार कुन्हुँले हम्र घरक भोजक स्वाद चाख नाइ पाइतो।’”
येसुक चेलास्या तिर पर्लाहार मोल
(मत्ति १०:३७-३८)
25एक दिन् थुप्रे मानुकस्या येसुका पछ्याइक जाइति छले त येसुले ओकर्सिभर घुमिक एनामे कहल्के, 26“हम्र चेला बन चाहिलाहारले आप्न बाप-मतार, बहु, बेटा-बेटि, दाजुभाइ, दिदि-बहिन आ आप्न परानस बेसि हम्रा मयाँ नाइ कर्तो त उ हम्र चेला हब नाइ सक्तो।#मत्ति १०:३७ 27जुन मानुकले हम्र लागि आप्न कुरुस बोकिक दुख भोग तयार नाइ हेतो आ हम्रा नाइ पछ्याइतो, उ हम्र चेला हब नाइ सक्तो।#मत्ति १०:३८; १६:२४; मर्कुस ८:३४; लुका ९:२३ 28किरकि तोर्सिभोरिम कोन घर बनाब खोज्त खुमा आप्नसङ भेल ढेवास घर बनाब पुग्तो कि नाइ पुग्तो कहिक अगाहि बेठिक हिसाप नाइ कर्तो? 29तर ओइले हिसापे नाइ करिक घरक जग घाल्तो आ पुरा कर नाइ सक्तो त देख्लाहार मानुकस्या ओक्रा गिज्याइति एनामे कहतो, 30‘यि मानुकले घर बनाब त सुरु करल्को तर पुरा कर नाइ सकल्को।’ 31ओनाहिमे कुन रजाले दस्रो रजासङ लराइ कर जाइत खुमा आप्नसङ भेल दस हजार सैनिकस दस्रो रजाक बिस हजार सैनिकसङ लराइ कर सक्बो कि नाइ सक्बो कहिक अगाहि बेठिक सल्लाहा नाइ कर्तो? 32ओइले लराइ कर नाइ सक्लाहार रहतो त दस्रो रजा बर्किए दुरि रहल जुमा मिलाप कर लागि आप्न दुत पठाइतो। 33एनाहिमे जुन मानुकले आप्नसङ भेल सभे चिज हम्र लागि नाइ छोर्तो, उ हम्र चेला हब नाइ सक्तो।
नुनक उखान
(मत्ति ५:१३; मर्कुस ९:५०)
34“नुन अस्लि चिज स्यो तर नुनक स्वादे ओराइतो त ओक्रा फेरि कथिस नुन्गर बनाइब? 35उ न त जमिनक लागि, न त मलक लागि काम लग्तो। ओक्रा त मानुकस्या फेकि देतो। जक्र सुन्लाहार कान छो ओइले सुनुस।”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.