पेरेरित 25
25
फेस्तसक अगाम पावल
1फेस्तस यहुदिया पर्देसम आइल तिन दिनक पछा कैसरिया सहरस यरुसलेम गेले। 2ओइलग मुल पुजारि आ यहुदिसिक अगुवासब ओक्रलग आइक पावलक बिरोधम दोस लगाइल्के। 3अनि पावलका यरुसलेम पठाइ दे कहिक ओक्रा बिन्ति करल्के। किरकि ओकर्स्या पावलका पैराइम मार लागि योजना बनाइल छले। 4तर फेस्तसले एनामे कहल्के, “पावलका त कैसरियाक जेलेम बन् करिक राख्ल छो। तर हम झप्सिन ओत जाइति स्यो। 5ओहेस तोर्सिभोरि कुन्हुँ-कुन्हुँ अगुवासब हम्रसङ ओत च। अनि ओइले कथ्यो गलत काम कर्ल रहतो त ओहेलग ओक्रा दोस लगाह्य।”
6तब फेस्तस आठ-दस दिन् तलिक यरुसलेमम रहले आ कैसरिया सहर घुमिक गेले। ओक्र दस्रो दिन् उ फैसला कर्लाहार ठावम बेठिक पावलका आन लागि आदेस देल्के। 7जब पावलका ओइलग आनल्के त यरुसलेमस आइल यहुदिसब ओक्र चारोभर ठेर्याइक पावलक उप्रिम थुप्रे बर्कि-बर्कि दोस लगाइल्के। तर ओकर्स्या कुन्हुँ दोसक पर्मान दिअ नाइ सकल्के। 8तब पावलले आप्न पछम एनामे कहल्के, “हम न त यहुदि नियमक बिरोधम, न त मन्दिरक बिरोधम, न त रोमि माहारजाक बिरोधम कथ्यो गलत काम कर्ल स्यो।”
9तर फेस्तसले यहुदिसिका खुसि कर लागि पावलका एनामे पुछल्के, “कथि तोरा लगाइल यि दोसक फैसला हम्रे अगाम यरुसलेमम हउस कहिक तुइं चाहाछ?”
10पावलले उत्तर देल्के, “अहँ, हम त रोमि सरकारले फैसला कर्लाहार अदालतक अगाम ठेर्याइल स्यो। ओहेस हम्र फैसला एहेलग हब पर्तो। किरकि हम यहुदिसिक बिरोधम कुन्हुँ खराब काम कर्ल नाइ स्यो कहिक तोराहु अस्लिमे थाहा छो। 11हम दोसि रहबो आ मोरि पर्लाहार काम कर्ल रहबो त हम मोर पनि तयार स्यो। तर एकर्स्या जुन आरोप हम्रा लगाइल छो ओक्र कुन्हुँ पर्मान नाइ भेल कारन हम्रा कुन्हुँ न एकर्सिक हाथम सुम्प नाइ सक्तो। ओहेस हम रोमि माहारजाक अगाम हम्र फैसला हउस कहिक बिन्ति कर्स्यो।”
12तब फेस्तसले आप्न सल्लाहाकार्सिसङ छल-फल करिक पावलका कहल्के, “तुइं माहारजाक अगाम आप्न फैसला हउस कहिक बिन्ति कर्ल कारन हम तोरा ओक्रेलग पठाइ देबो।”
फेस्तसले रजा अग्रिपासङ सल्लाहा कर्ल
13पछास कन्हेक दिन् बित्ले त रजा अग्रिपा आ ओक्र बहिन बर्निकि फेस्तसका भेटिक स्वागत कर लागि कैसरिया एले। 14अनि ओकर्सिका ओइलग रहल भले दिन् बित्ले त फेस्तसले रजा अग्रिपाका पावलक बारेम एनामे कहल्के, “अइलग एक जना एहेन मानुक छो, जक्रा फेलिक्सले जेलेम बन् करिक छोरिक गेल छो। 15जब हम यरुसलेम गेल छल्यो त मुल पुजारि आ यहुदि अगुवास्या यि मानुकक बिरोधम थुप्रे दोस लगाइक ओक्रा सजाए दिअ पर्तो कहिक हम्रा बिन्ति कर्ल छलो। 16तर हम ओकर्सिका एना कहल्यो, ‘जखन तलिक दोस लग्ल मानुक आ दोस लगाइलाहार मानुकसिक बिचम आमने-सामने बहस नाइ हेतो, अनि दोस लग्ल मानुकले आप्न उप्रि लग्ल आरोपक बारेम बज्लाहार मौका नाइ पाइतो, तखन तलिक रोमि नियम अन्सार ओक्रा सजाए देल्हार चलन नाइ छो।’ 17ओहेस जब दोस लगाइलाहार मानुकसब हम्रसङ एत एलो त हम अबेर नाइ करिक दस्रो दिने फैसला कर्लाहार ठावम बेठ्ल्यो आ पावलका आन लागि आदेस देल्यो। 18अनि पावलका आनल्को त ओक्र बिरोधिस्या ठेर्याइक ओक्रा थुप्रे दोस लगाब लग्लो। तर हम जेहेन सोच्ल छल्यो ओहोन कुन्हुँ बर्कि दोस लगाब नाइ सकल्को। 19ओकर्सिक झग्रा त आप्ने धर्म आ मोरि सक्ल येसुक बारेम मत्रे छलो, जक्रा पावलले अखन्यो जिउँते छो कहिक दाबि करोक। 20यि बातक बारेम केनामे छान-बिन सुरु करुँ कहिक हम अल्मलम पर्ल छल्यो। ओहेस हम पावलका ‘तोर यि मुद्दाक फैसला यरुसलेम जाइक कर्ब त नाइ हेतो’ कहिक पुछ्ल्यो। 21तर पावलले ‘हम्र फैसला रोमि माहारजाले करि दिउस’ कहिक बिन्ति करल्को। ओहेस हम ओक्रा माहारजालग नाइ पठाइल तलिक जेलेम राख लागि हुकुम देल स्यो।”
22यि बात सुनिक रजा अग्रिपाले फेस्तसका कहल्के, “उ मान्खक बात त हम्राहु सुन मन लग्ल छो।”
तब फेस्तसले कहल्के, “भइहाल्तो नि, कालु खुमा तुइं ओक्र बात सुन्ह्य।”
23ओहेस दस्रो दिन् रजा अग्रिपा आ ओक्र बहिन बर्निकि एक्दम धुम-धामसङ सेनापति आ सहरक भला मानुकसिसङ आइक पन्चायत कर्लाहार ठावम बेठ्ले। अनि फेस्तसले पावलका आन लागि हुकुम देल्के त ओक्रा ओइलग आनल्के। 24तब फेस्तसले कहल्के, “हे रजा अग्रिपा आ अइलग आइल सभे भला मानुकसब, तोर्स्या यि मानुकका देख्ति स्या। एक्रे बारेम यरुसलेम आ एहोलगक सभे यहुदिस्या एक्रा मारि पर्तो कहिक हम्रा बिन्ति कर्ल छलो। 25तर हम यि मानुकका मार पर्लाहार कथ्यो कारन नाइ भेटाइल्यो। अनि अइले आप्नि माहारजाक अगाम आप्न बात राख पाउँ कहिक बिन्ति कर्ल कारनस हम एक्रा माहारजालग पठाइलाहार फैसला कर्ल स्यो। 26तर हम्रसङ एक्र बारेम माहारजाका निखिक पठाइलाहार खास बात कथ्यो नाइ छो। ओहेस हम एक्रा तोर्सिक अगाम आ खास करिक, हे रजा अग्रिपा, तोर अगाम आन्ल स्यो। सायद तोर्स्या एक्रा पुछ-ताछ कर्ब त हम कथ्यो निखिक पठाइलाहार बात पाब सक्बो कि। 27किरकि जेलम पर्ल मानुकक कथ्यो दोस बिना देखाइक माहारजालग पठाब हम्रा ठिक नाइ लग्छो।”
Currently Selected:
पेरेरित 25: DANU
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
पेरेरित 25
25
फेस्तसक अगाम पावल
1फेस्तस यहुदिया पर्देसम आइल तिन दिनक पछा कैसरिया सहरस यरुसलेम गेले। 2ओइलग मुल पुजारि आ यहुदिसिक अगुवासब ओक्रलग आइक पावलक बिरोधम दोस लगाइल्के। 3अनि पावलका यरुसलेम पठाइ दे कहिक ओक्रा बिन्ति करल्के। किरकि ओकर्स्या पावलका पैराइम मार लागि योजना बनाइल छले। 4तर फेस्तसले एनामे कहल्के, “पावलका त कैसरियाक जेलेम बन् करिक राख्ल छो। तर हम झप्सिन ओत जाइति स्यो। 5ओहेस तोर्सिभोरि कुन्हुँ-कुन्हुँ अगुवासब हम्रसङ ओत च। अनि ओइले कथ्यो गलत काम कर्ल रहतो त ओहेलग ओक्रा दोस लगाह्य।”
6तब फेस्तस आठ-दस दिन् तलिक यरुसलेमम रहले आ कैसरिया सहर घुमिक गेले। ओक्र दस्रो दिन् उ फैसला कर्लाहार ठावम बेठिक पावलका आन लागि आदेस देल्के। 7जब पावलका ओइलग आनल्के त यरुसलेमस आइल यहुदिसब ओक्र चारोभर ठेर्याइक पावलक उप्रिम थुप्रे बर्कि-बर्कि दोस लगाइल्के। तर ओकर्स्या कुन्हुँ दोसक पर्मान दिअ नाइ सकल्के। 8तब पावलले आप्न पछम एनामे कहल्के, “हम न त यहुदि नियमक बिरोधम, न त मन्दिरक बिरोधम, न त रोमि माहारजाक बिरोधम कथ्यो गलत काम कर्ल स्यो।”
9तर फेस्तसले यहुदिसिका खुसि कर लागि पावलका एनामे पुछल्के, “कथि तोरा लगाइल यि दोसक फैसला हम्रे अगाम यरुसलेमम हउस कहिक तुइं चाहाछ?”
10पावलले उत्तर देल्के, “अहँ, हम त रोमि सरकारले फैसला कर्लाहार अदालतक अगाम ठेर्याइल स्यो। ओहेस हम्र फैसला एहेलग हब पर्तो। किरकि हम यहुदिसिक बिरोधम कुन्हुँ खराब काम कर्ल नाइ स्यो कहिक तोराहु अस्लिमे थाहा छो। 11हम दोसि रहबो आ मोरि पर्लाहार काम कर्ल रहबो त हम मोर पनि तयार स्यो। तर एकर्स्या जुन आरोप हम्रा लगाइल छो ओक्र कुन्हुँ पर्मान नाइ भेल कारन हम्रा कुन्हुँ न एकर्सिक हाथम सुम्प नाइ सक्तो। ओहेस हम रोमि माहारजाक अगाम हम्र फैसला हउस कहिक बिन्ति कर्स्यो।”
12तब फेस्तसले आप्न सल्लाहाकार्सिसङ छल-फल करिक पावलका कहल्के, “तुइं माहारजाक अगाम आप्न फैसला हउस कहिक बिन्ति कर्ल कारन हम तोरा ओक्रेलग पठाइ देबो।”
फेस्तसले रजा अग्रिपासङ सल्लाहा कर्ल
13पछास कन्हेक दिन् बित्ले त रजा अग्रिपा आ ओक्र बहिन बर्निकि फेस्तसका भेटिक स्वागत कर लागि कैसरिया एले। 14अनि ओकर्सिका ओइलग रहल भले दिन् बित्ले त फेस्तसले रजा अग्रिपाका पावलक बारेम एनामे कहल्के, “अइलग एक जना एहेन मानुक छो, जक्रा फेलिक्सले जेलेम बन् करिक छोरिक गेल छो। 15जब हम यरुसलेम गेल छल्यो त मुल पुजारि आ यहुदि अगुवास्या यि मानुकक बिरोधम थुप्रे दोस लगाइक ओक्रा सजाए दिअ पर्तो कहिक हम्रा बिन्ति कर्ल छलो। 16तर हम ओकर्सिका एना कहल्यो, ‘जखन तलिक दोस लग्ल मानुक आ दोस लगाइलाहार मानुकसिक बिचम आमने-सामने बहस नाइ हेतो, अनि दोस लग्ल मानुकले आप्न उप्रि लग्ल आरोपक बारेम बज्लाहार मौका नाइ पाइतो, तखन तलिक रोमि नियम अन्सार ओक्रा सजाए देल्हार चलन नाइ छो।’ 17ओहेस जब दोस लगाइलाहार मानुकसब हम्रसङ एत एलो त हम अबेर नाइ करिक दस्रो दिने फैसला कर्लाहार ठावम बेठ्ल्यो आ पावलका आन लागि आदेस देल्यो। 18अनि पावलका आनल्को त ओक्र बिरोधिस्या ठेर्याइक ओक्रा थुप्रे दोस लगाब लग्लो। तर हम जेहेन सोच्ल छल्यो ओहोन कुन्हुँ बर्कि दोस लगाब नाइ सकल्को। 19ओकर्सिक झग्रा त आप्ने धर्म आ मोरि सक्ल येसुक बारेम मत्रे छलो, जक्रा पावलले अखन्यो जिउँते छो कहिक दाबि करोक। 20यि बातक बारेम केनामे छान-बिन सुरु करुँ कहिक हम अल्मलम पर्ल छल्यो। ओहेस हम पावलका ‘तोर यि मुद्दाक फैसला यरुसलेम जाइक कर्ब त नाइ हेतो’ कहिक पुछ्ल्यो। 21तर पावलले ‘हम्र फैसला रोमि माहारजाले करि दिउस’ कहिक बिन्ति करल्को। ओहेस हम ओक्रा माहारजालग नाइ पठाइल तलिक जेलेम राख लागि हुकुम देल स्यो।”
22यि बात सुनिक रजा अग्रिपाले फेस्तसका कहल्के, “उ मान्खक बात त हम्राहु सुन मन लग्ल छो।”
तब फेस्तसले कहल्के, “भइहाल्तो नि, कालु खुमा तुइं ओक्र बात सुन्ह्य।”
23ओहेस दस्रो दिन् रजा अग्रिपा आ ओक्र बहिन बर्निकि एक्दम धुम-धामसङ सेनापति आ सहरक भला मानुकसिसङ आइक पन्चायत कर्लाहार ठावम बेठ्ले। अनि फेस्तसले पावलका आन लागि हुकुम देल्के त ओक्रा ओइलग आनल्के। 24तब फेस्तसले कहल्के, “हे रजा अग्रिपा आ अइलग आइल सभे भला मानुकसब, तोर्स्या यि मानुकका देख्ति स्या। एक्रे बारेम यरुसलेम आ एहोलगक सभे यहुदिस्या एक्रा मारि पर्तो कहिक हम्रा बिन्ति कर्ल छलो। 25तर हम यि मानुकका मार पर्लाहार कथ्यो कारन नाइ भेटाइल्यो। अनि अइले आप्नि माहारजाक अगाम आप्न बात राख पाउँ कहिक बिन्ति कर्ल कारनस हम एक्रा माहारजालग पठाइलाहार फैसला कर्ल स्यो। 26तर हम्रसङ एक्र बारेम माहारजाका निखिक पठाइलाहार खास बात कथ्यो नाइ छो। ओहेस हम एक्रा तोर्सिक अगाम आ खास करिक, हे रजा अग्रिपा, तोर अगाम आन्ल स्यो। सायद तोर्स्या एक्रा पुछ-ताछ कर्ब त हम कथ्यो निखिक पठाइलाहार बात पाब सक्बो कि। 27किरकि जेलम पर्ल मानुकक कथ्यो दोस बिना देखाइक माहारजालग पठाब हम्रा ठिक नाइ लग्छो।”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.