पेरेरित 17
17
पावल आ सिलास थेस्लोनिका सहरम
1तब पावल आ सिलास अम्फिपोलिस आ अपोल्लोनिया सहरक पैराबाक थेस्लोनिका सहर पुग्ले। ओइलग यहुदिसिक एगो सभाघर छले। 2ओहेस पावल आप्न बानि अन्सार सभाघरम गेले। अनि तिन जिराइलाहार दिन् तलिक धर्मसास्तरम निख्ल बचनक अधारम ओकर्सिसङ बहस करल्के। 3ओइले धर्मसास्तरक अर्थ खोलि-खोलिक खिरिस्टले दुख भोगिक मोर पर्लाहार आ फेरि जिउँत हबपर्लाहार बातक पर्मान दैक एनामे कहल्के, “हम जुन येसुक बारेम तोर्सिका पर्चार कर्ति स्यो, ओहे खिरिस्ट स्यो।” 4यि बात सुनिक कुन्हुँ-कुन्हुँ यहुदिस्या बिस्वास करल्के। अनि पर्मेसोरक भक्ति कर्लाहार थुप्रे गिरिक आ ना चल्ल जनिस्या पनि प्रभुका बिस्वास करिक पावल आ सिलाससङ गेले।
5तर बिस्वास नाइ कर्लाहार यहुदिसब चाहिं पिटस आगि भेले आ ओइलगक बद्माससिका धेर्याइक सहरम हुल-दङ्ङा कर लगाइल्के। अनि पावल आ सिलासका मानुकसिक अगाम लगाब लागि यासोनक घरम तोर-फोर करल्के। 6तर ओकर्स्या पावल आ सिलासका ओइलग नाइ पाइक यासोन आ अरु बिस्वासिसिका घिस्याइति सहरक नेतासिलग लगाइल्के। अनि एना कहति बर्कि घार चिच्याब लग्ले, “सन्सारभोरि हुल-दङ्ङा मचाइलाहार मानुकसब आपन्स्योक सहरम आइल छो। 7ओकर्सिका यासोनले आप्न घरम राख्ल छो। ओकर्स्या रोमि माहारजाक बिरोध कर्छो आ येसु कहलाहार एक जना दस्रो रजा छो कहिक कह छो।” 8यि बात सुनिक ओइ सहरक मानुक आ नेतासब एक्दम अताल्ले। 9अनि ओकर्स्या यासोन आ अरु बिस्वासिसिका धलौटि लइक छोरि देल्के।
पावल आ सिलास बेरिया सहर गेल
10पछास रात पर्ले त बिस्वासिस्या पावल आ सिलासका बेरिया सहर पठाइ देल्के। अनि ओकर्स्या ओत पुग्ले त यहुदिसिक सभाघरम गेले। 11ओइलगक यहुदिसब थेस्लोनिका सहरक यहुदिसिस इमान्दार छले किरकि ओकर्स्या पावलले कहल बात एक्दम खुसि भइक सुनेक। अनि पावलले कहल बातसब साँच्चेक ठिक स्यो कि नाइ स्यो कहिक सब्दिन धर्मसास्तर पह्रिक जाँचेक। 12ओहेस थुप्रे यहुदिस्या प्रभुका बिस्वास करल्के। ओइलगक ना चल्ल गिरिक जनि आ मरदस्या पनि प्रभुका बिस्वास करल्के। 13तर जब थेस्लोनिका सहरक यहुदिस्या पावलले बेरिया सहरम पनि पर्चार कर्ति छो कहिक सुनल्के त ओकर्स्या ओहोलग आइक पावलक बिरोधम मानुकसिका उक्साइक हुल-दङ्ङा कर लगाइल्के। 14यि बात थाहा पाइति बितिन ओइलगक बिस्वासिस्या पावलका समुन्द्रक काटम पठाइ देल्के। तर सिलास आ तिमोथि चाहिं ओहेलग रहले। 15जुन मानुकस्या पावलका पुगाब गेल छले ओकर्स्या पावलका एथेन्स सहर तलिक पुगाइ देल्के। अनि ओकर्स्या घुमिक आब खुमा पावलले ओकर्सिक मार्फत सिलास आ तिमोथिका झप्सिन आब लागि खबर पठाइल्के।
पावल एथेन्स सहरम
16पावलले एथेन्स सहरम सिलास आ तिमोथिका अस्याइल जुमा उ सहर मुर्तिए-मुर्तिस भोर्ल देखिक ओक्रा एक्दम दुख लग्ले। 17ओहेस पावलले सभाघरम जाइक यहुदि आ पर्मेसोरक भक्ति कर्लाहार दस्रो जातक मानुकसिसङ बहस करेक। एनाहिमे बजारम आवत-जावत कर्लाहार मानुकसिसङ पनि सब्दिन बहस करेक। 18ओइलग इपिक्युरि आ इस्तोइकि कहलाहार समुहक गुरुस्या पनि पावलसङ बहस करल्के। ओकर्सिभोरि कुन्हुँ-कुन्हुँले एनामे कहल्के, “यि पटर-पटर कर्लाहारले कथि कह छो?” अनि कुन्हुँ-कुन्हुँले चाहिं “अइले त लया देबि-देब्ताक बारेम पर्चार कर्ल जक्या लग्छो” कहिक कहल्के। किरकि पावलले येसुक बारेम आ येसु मोरिक फेरि जिउँत भेल बातक बारेम पर्चार कर्ति छले।
19ओहेस ओकर्स्या पावलका अरियोपागस कहलाहार पन्चायतम लगाइक एनामे पुछल्के, “तुइं पर्चार कर्ल यि लया सिछ्याक मत्लब कथि स्यो? कथि हमर्स्याहु जान सक्बो? 20किरकि तुइं हमर्सिका सुनाइल बातसब एक्दम लया छो। ओहेस यि बातक मत्लब कथि स्यो कहिक हमर्स्या जान चाहास्यो।” 21एथेन्स सहरक मानुक आ ओइलग रहलाहार बिदेसिस्या अरु कामस बेसि लया-लया बात कर आ सुन लागि समै बिताबेक।
22ओहेस पावलले अरियोपागस कहलाहार पन्चायतक बिचम ठेर्याइक एनामे कहल्के, “ए एथेन्स सहरक मानुकसब, हम तोर्सिक बारेम यि थाहा पाइल स्यो कि तोर्स्या देबि-देब्ताका एक्दम पुज्छ। 23किरकि हम घुम्ति जाइत खुमा तोर्सिक पुजा कर्लाहार चिजसिका ताक्ल्यो त एगो एहेन बेदि देख्ल्यो जइम ‘अन्जान देब्ताक लागि’ कहिक निख्ल छलो। जक्रा तोर्स्या बिना चिन्हिंक पुज्छ ओहे पर्मेसोरक बारेम हम तोर्सिका सुनाइ स्यो। 24जुन पर्मेसोरले यि सन्सार आ ओइम भेल सभे कथ्योका बनाइल्को, ओहे सोर्ग आ पिर्थिबिक मालिक स्यो। ओहेस उ मानुकले बनाइल मन्दिरम नाइ रहछो।#१ रजा ८:२७; यसैया ४२:५; पेरेरित ७:४८ 25किरकि पर्मेसोरका मानुकसिक कुन्हुँ चिजक खाँचो नाइ पर्छो। बरु पर्मेसोरले मानुकसिका जिबन, साँस आ चाहिलाहार सभे कथ्यो देछो। 26पर्मेसोरले एके जना मान्खस सन्सार भोरिक सभे जातक मानुकसिका बनाइल्को। अनि ओकर्सिक बच्लाहार उमेर आ रहलाहार ठाउँसब पनि अगाहि तोकि देल्को, 27ताकि मानुकस्या पर्मेसोरका खोजुस आ सायद खोज्त-खोज्त ओक्रा पाब सकुस कहिक पर्मेसोरले ओना करल्को। तर बास्तबम पर्मेसोर आपन्सिस बर्कि दुरि नाइ छो। 28किरकि आपन्स्या पर्मेसोरेक कारनस जिउँत स्या, घुम्फिर कर्छ अनि ओक्रेम आपन्सिक जिबन छो। एक्र बारेम तोर्सिएक एक जना कबिले एनामे कहल छो, ‘साँच्चेक आपन्स्या त ओक्रे सन्तान स्या।’
29आपन्स्या पर्मेसोरक सन्तान भेल कारनस यि सोच ठिक नाइ स्यो कि पर्मेसोर सोन, चाँनि आ पाखनक मुर्ति जक्या स्यो कहिक। किरकि उ सब त मानुकले आप्न सिप आ बुद्धिस बनाइल मुर्ति मत्रे स्यो। 30एहे कारन अन्जानम कर्ल मानुकसिक गल्तिसिका पर्मेसोरले वास्ता नाइ कर्छो। तर आब् सभे ठावक मानुकसिका पस्चताप कर लागि आग्या देल छो। 31किरकि पर्मेसोरले सन्सारक सभे मानुकसिक फैसला कर्लाहार दिन् तोकि सक्ल छो। उ दिन् पर्मेसोरले आप्न चुन्ल मानुकक मार्फत एक्दम अस्लिमे फैसला कर्तो। उ बातक पर्मान दिअ लागि पर्मेसोरले ओक्रा फेरि जिउँत कर्ल छो।”
32जब ओकर्स्या मोर्ल मानुकसब फेरि जिउँत भइक उठ्तो कहिक पावलक मुहस सुनल्के त कुन्हुँ-कुन्हुँ मानुकस्या पावलक खिसि करल्के। तर कुन्हुँ-कुन्हुँले चाहिं “एक्र बारेम हमर्स्या पछास फेरि तोर बात सुन्बो” कहिक कहल्के। 33तब पावल ओइ पन्चायतस बाहार निक्लिक गेले। 34पावलसङ कुन्हुँ-कुन्हुँ मानुकसब पनि गेले आ बिस्वास करल्के। ओकर्सिभोरि अरियोपागस पन्चायतक सदस्ये डियनुसियस आ दामारिस कहलाहार जनि छले। ओकर्सिक बाहेक अरु मानुकस्या पनि प्रभुका बिस्वास करल्के।
Currently Selected:
पेरेरित 17: DANU
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
पेरेरित 17
17
पावल आ सिलास थेस्लोनिका सहरम
1तब पावल आ सिलास अम्फिपोलिस आ अपोल्लोनिया सहरक पैराबाक थेस्लोनिका सहर पुग्ले। ओइलग यहुदिसिक एगो सभाघर छले। 2ओहेस पावल आप्न बानि अन्सार सभाघरम गेले। अनि तिन जिराइलाहार दिन् तलिक धर्मसास्तरम निख्ल बचनक अधारम ओकर्सिसङ बहस करल्के। 3ओइले धर्मसास्तरक अर्थ खोलि-खोलिक खिरिस्टले दुख भोगिक मोर पर्लाहार आ फेरि जिउँत हबपर्लाहार बातक पर्मान दैक एनामे कहल्के, “हम जुन येसुक बारेम तोर्सिका पर्चार कर्ति स्यो, ओहे खिरिस्ट स्यो।” 4यि बात सुनिक कुन्हुँ-कुन्हुँ यहुदिस्या बिस्वास करल्के। अनि पर्मेसोरक भक्ति कर्लाहार थुप्रे गिरिक आ ना चल्ल जनिस्या पनि प्रभुका बिस्वास करिक पावल आ सिलाससङ गेले।
5तर बिस्वास नाइ कर्लाहार यहुदिसब चाहिं पिटस आगि भेले आ ओइलगक बद्माससिका धेर्याइक सहरम हुल-दङ्ङा कर लगाइल्के। अनि पावल आ सिलासका मानुकसिक अगाम लगाब लागि यासोनक घरम तोर-फोर करल्के। 6तर ओकर्स्या पावल आ सिलासका ओइलग नाइ पाइक यासोन आ अरु बिस्वासिसिका घिस्याइति सहरक नेतासिलग लगाइल्के। अनि एना कहति बर्कि घार चिच्याब लग्ले, “सन्सारभोरि हुल-दङ्ङा मचाइलाहार मानुकसब आपन्स्योक सहरम आइल छो। 7ओकर्सिका यासोनले आप्न घरम राख्ल छो। ओकर्स्या रोमि माहारजाक बिरोध कर्छो आ येसु कहलाहार एक जना दस्रो रजा छो कहिक कह छो।” 8यि बात सुनिक ओइ सहरक मानुक आ नेतासब एक्दम अताल्ले। 9अनि ओकर्स्या यासोन आ अरु बिस्वासिसिका धलौटि लइक छोरि देल्के।
पावल आ सिलास बेरिया सहर गेल
10पछास रात पर्ले त बिस्वासिस्या पावल आ सिलासका बेरिया सहर पठाइ देल्के। अनि ओकर्स्या ओत पुग्ले त यहुदिसिक सभाघरम गेले। 11ओइलगक यहुदिसब थेस्लोनिका सहरक यहुदिसिस इमान्दार छले किरकि ओकर्स्या पावलले कहल बात एक्दम खुसि भइक सुनेक। अनि पावलले कहल बातसब साँच्चेक ठिक स्यो कि नाइ स्यो कहिक सब्दिन धर्मसास्तर पह्रिक जाँचेक। 12ओहेस थुप्रे यहुदिस्या प्रभुका बिस्वास करल्के। ओइलगक ना चल्ल गिरिक जनि आ मरदस्या पनि प्रभुका बिस्वास करल्के। 13तर जब थेस्लोनिका सहरक यहुदिस्या पावलले बेरिया सहरम पनि पर्चार कर्ति छो कहिक सुनल्के त ओकर्स्या ओहोलग आइक पावलक बिरोधम मानुकसिका उक्साइक हुल-दङ्ङा कर लगाइल्के। 14यि बात थाहा पाइति बितिन ओइलगक बिस्वासिस्या पावलका समुन्द्रक काटम पठाइ देल्के। तर सिलास आ तिमोथि चाहिं ओहेलग रहले। 15जुन मानुकस्या पावलका पुगाब गेल छले ओकर्स्या पावलका एथेन्स सहर तलिक पुगाइ देल्के। अनि ओकर्स्या घुमिक आब खुमा पावलले ओकर्सिक मार्फत सिलास आ तिमोथिका झप्सिन आब लागि खबर पठाइल्के।
पावल एथेन्स सहरम
16पावलले एथेन्स सहरम सिलास आ तिमोथिका अस्याइल जुमा उ सहर मुर्तिए-मुर्तिस भोर्ल देखिक ओक्रा एक्दम दुख लग्ले। 17ओहेस पावलले सभाघरम जाइक यहुदि आ पर्मेसोरक भक्ति कर्लाहार दस्रो जातक मानुकसिसङ बहस करेक। एनाहिमे बजारम आवत-जावत कर्लाहार मानुकसिसङ पनि सब्दिन बहस करेक। 18ओइलग इपिक्युरि आ इस्तोइकि कहलाहार समुहक गुरुस्या पनि पावलसङ बहस करल्के। ओकर्सिभोरि कुन्हुँ-कुन्हुँले एनामे कहल्के, “यि पटर-पटर कर्लाहारले कथि कह छो?” अनि कुन्हुँ-कुन्हुँले चाहिं “अइले त लया देबि-देब्ताक बारेम पर्चार कर्ल जक्या लग्छो” कहिक कहल्के। किरकि पावलले येसुक बारेम आ येसु मोरिक फेरि जिउँत भेल बातक बारेम पर्चार कर्ति छले।
19ओहेस ओकर्स्या पावलका अरियोपागस कहलाहार पन्चायतम लगाइक एनामे पुछल्के, “तुइं पर्चार कर्ल यि लया सिछ्याक मत्लब कथि स्यो? कथि हमर्स्याहु जान सक्बो? 20किरकि तुइं हमर्सिका सुनाइल बातसब एक्दम लया छो। ओहेस यि बातक मत्लब कथि स्यो कहिक हमर्स्या जान चाहास्यो।” 21एथेन्स सहरक मानुक आ ओइलग रहलाहार बिदेसिस्या अरु कामस बेसि लया-लया बात कर आ सुन लागि समै बिताबेक।
22ओहेस पावलले अरियोपागस कहलाहार पन्चायतक बिचम ठेर्याइक एनामे कहल्के, “ए एथेन्स सहरक मानुकसब, हम तोर्सिक बारेम यि थाहा पाइल स्यो कि तोर्स्या देबि-देब्ताका एक्दम पुज्छ। 23किरकि हम घुम्ति जाइत खुमा तोर्सिक पुजा कर्लाहार चिजसिका ताक्ल्यो त एगो एहेन बेदि देख्ल्यो जइम ‘अन्जान देब्ताक लागि’ कहिक निख्ल छलो। जक्रा तोर्स्या बिना चिन्हिंक पुज्छ ओहे पर्मेसोरक बारेम हम तोर्सिका सुनाइ स्यो। 24जुन पर्मेसोरले यि सन्सार आ ओइम भेल सभे कथ्योका बनाइल्को, ओहे सोर्ग आ पिर्थिबिक मालिक स्यो। ओहेस उ मानुकले बनाइल मन्दिरम नाइ रहछो।#१ रजा ८:२७; यसैया ४२:५; पेरेरित ७:४८ 25किरकि पर्मेसोरका मानुकसिक कुन्हुँ चिजक खाँचो नाइ पर्छो। बरु पर्मेसोरले मानुकसिका जिबन, साँस आ चाहिलाहार सभे कथ्यो देछो। 26पर्मेसोरले एके जना मान्खस सन्सार भोरिक सभे जातक मानुकसिका बनाइल्को। अनि ओकर्सिक बच्लाहार उमेर आ रहलाहार ठाउँसब पनि अगाहि तोकि देल्को, 27ताकि मानुकस्या पर्मेसोरका खोजुस आ सायद खोज्त-खोज्त ओक्रा पाब सकुस कहिक पर्मेसोरले ओना करल्को। तर बास्तबम पर्मेसोर आपन्सिस बर्कि दुरि नाइ छो। 28किरकि आपन्स्या पर्मेसोरेक कारनस जिउँत स्या, घुम्फिर कर्छ अनि ओक्रेम आपन्सिक जिबन छो। एक्र बारेम तोर्सिएक एक जना कबिले एनामे कहल छो, ‘साँच्चेक आपन्स्या त ओक्रे सन्तान स्या।’
29आपन्स्या पर्मेसोरक सन्तान भेल कारनस यि सोच ठिक नाइ स्यो कि पर्मेसोर सोन, चाँनि आ पाखनक मुर्ति जक्या स्यो कहिक। किरकि उ सब त मानुकले आप्न सिप आ बुद्धिस बनाइल मुर्ति मत्रे स्यो। 30एहे कारन अन्जानम कर्ल मानुकसिक गल्तिसिका पर्मेसोरले वास्ता नाइ कर्छो। तर आब् सभे ठावक मानुकसिका पस्चताप कर लागि आग्या देल छो। 31किरकि पर्मेसोरले सन्सारक सभे मानुकसिक फैसला कर्लाहार दिन् तोकि सक्ल छो। उ दिन् पर्मेसोरले आप्न चुन्ल मानुकक मार्फत एक्दम अस्लिमे फैसला कर्तो। उ बातक पर्मान दिअ लागि पर्मेसोरले ओक्रा फेरि जिउँत कर्ल छो।”
32जब ओकर्स्या मोर्ल मानुकसब फेरि जिउँत भइक उठ्तो कहिक पावलक मुहस सुनल्के त कुन्हुँ-कुन्हुँ मानुकस्या पावलक खिसि करल्के। तर कुन्हुँ-कुन्हुँले चाहिं “एक्र बारेम हमर्स्या पछास फेरि तोर बात सुन्बो” कहिक कहल्के। 33तब पावल ओइ पन्चायतस बाहार निक्लिक गेले। 34पावलसङ कुन्हुँ-कुन्हुँ मानुकसब पनि गेले आ बिस्वास करल्के। ओकर्सिभोरि अरियोपागस पन्चायतक सदस्ये डियनुसियस आ दामारिस कहलाहार जनि छले। ओकर्सिक बाहेक अरु मानुकस्या पनि प्रभुका बिस्वास करल्के।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.