पेरेरित 13
13
बर्नबास आ साउलका पठाइल
1एन्टिओखिया सहरक मन्डलिम अगमबक्ता आ सिछ्या देल्हार मानुकसब थुप्रे छले। ओकर्स्या बर्नबास, काले कहलाहार सिमियोन, कुरेनिक लुकियस अनि पर्देसक सासक हेरोदसङि हुर्कल मनेन आ साउल छले। 2एक दिन् ओकर्स्या उपबास रहिक प्रभुक भक्ति कर्ति छले त ओहे जुमा पबित्र आत्माले ओकर्सिका एनामे कहल्के, “हम बर्नबास आ साउलका जुन कामक लागि बलाइल स्यो, ओहे कामक लागि ओकर्सिका बेग्रे कर्।” 3ओहेस ओकर्स्या फेरि उपबास रहले आ पर्थना करिक उ दुइ जनाक उप्रिम हाथ राखल्के अनि ओकर्सिका पठाइ देल्के।
बर्नबास आ साउल साइपरस गेल
4तब ओकर्स्या पबित्र आत्माले अगुवाइ कर्ल अन्सार एन्टिओखिया सहरस सिलुकिया सहर गेले। अनि ओइलगस पानि जाहाजम चर्हिक साइपरस टापु गेले। 5जब ओकर्स्या साइपरस टापुक सलामिस कहलाहार सहर पुग्ले त यहुदिसिक सभाघरम जाइक पर्मेसोरक बचन पर्चार कर लग्ले। ओइलग ओकर्सिका सहयोग कर लागि युहन्ना पनि ओकर्सिसङ छले।
6जब ओकर्स्या साइपरस टापुक सभे ठावम पर्चार करि सकल्के त पाफोस सहर गेले। ओइलग ओकर्स्या एक जना यहुदि झुठा अगमबक्ता बार-येसु कहलाहार जादो देखाइलाहारका भेटाइल्के। 7उ जादो देखाइलाहार मानुक साइपरस टापुक बर्कि हाकिम सर्गियस पौलुसक घरम रहत छले। सर्गियस पौलुस बुद्धिमान छले। ओहेस ओइले बर्नबास आ साउलका बलाइक पर्मेसोरक बचन सुन्लाहार इच्छा करल्के। 8तर उ जादो देखाइलाहार एलुमासले (गिरिक भसाम एलुमासक अर्थ जादो देखाइलाह स्यो) सर्गियस पौलुसका येसुम बिस्वास करस रोक लागि बर्नबास आ साउलक बिरोध करल्के। 9तर साउलले (जक्रा पावल पनि कहछे) पबित्र आत्मास भोरिक जादो देखाइलाहार मानुकका एक्होरो ताक्ति एनामे कहल्के, 10“ए सैतानक बेटा, अनि सभे अस्लि बातक दुस्मन, तोर मन त छल्कपट आ पापस भोर्ल छो। कथि तुइं प्रभुक सत्ये पैराक बिरोधम बज नाइ छोर्ब? 11आब् देख्, प्रभुक हाथ तोर बिरोधम उठ्ल छो। ओहेस आब् तुइं अन्धा हेब आ कन्हेक समैक लागि सुरुजक इजोत नाइ देख्ब।” ओहे जुमा ओक्र आँखम कारिय धुन लग्ल जक्या भेले अनि ओइले कथ्यो देख नाइ सकल्के। तब उ कुन्हुँले हाथ पक्रिक साहारा देतो कि कहिक अइभर-ओइभर जाइ लग्ले।
12यि घट्नाका देखिक सर्गियस पौलुसले प्रभु येसुका बिस्वास करल्के किरकि उ प्रभुक बारेम कहल बात सुनिक छक पर्ल छले।
पावलले एन्टिओखिया सहरम पर्चार कर्ल
13तब पावल आ ओक्र सङ्सब पाफोस सहरस पानि जाहाजम चर्हिक पाम्फिलिया पर्देसक पर्गा सहरम पुग्ले। ओइलग मर्कुस कहलाहार युहन्नाले पावल आ बर्नबासका छोरिक यरुसलेम घुमिक गेले। 14तर पावल आ बर्नबास चाहिं पर्गा सहरस पिसिदिया पर्देसक एन्टिओखिया सहर गेले आ जिराइलाहार दिनम सभाघरम जाइक बेठ्ले। 15अनि मोसाले देल नियम आ अगमबक्तास्या निख्ल किताप पह्रि सकल्के त सभाघरक हाकिमले पावल आ बर्नबासलग एना कहिक खबर पठाइल्के, “ए भाइसब, तोर्सिसङ मानुकसिका हौसला देल्हार कथ्यो बात छो त कह।” 16ओहेस पावल उठ्ले आ हाथस इसारा कर्ति एनामे कहल्के, “ए इस्राएलि दाजुभाइ आ पर्मेसोरक डर मान्लाहार मानुकसब, हम्र बात सुन्।
17“इस्राएलि जातक पर्मेसोरले आपन्सिक पुर्खासिका चुनल्को। अनि ओकर्स्या मिस्र देसम पर्देसि भइक रहत खुमा पर्मेसोरले ओकर्सिका थुप्रे बनाइक आप्न सक्तिस मिस्र देसस निकालिक आनल्को।#प्रस्थान १:७; प्रस्थान १२:५१ 18ओकर्स्या उजाड ठावम रहत खुमा चालिस बरिस तलिक पर्मेसोरले ओकर्सिक देख्भाल करल्को।#गन्ति १४:३४; ब्यबस्था १:३१ 19अनि कनान देसक सात जातक मानुकसिका नास करिक पर्मेसोरले उ देसक अधिकार आपन्सिक पुर्खासिका देल्को।#ब्यबस्था ७:१; यहोसु १४:१ 20यि सभे हब लागि चार सइ पचास बरिस लग्ले। ओक्र पछास पर्मेसोरले समुएल अगमबक्ताक समै तलिक ओकर्सिक उप्रिम सासन कर लागि न्यायधिससिका खटाइल्को।#न्यायकर्ता २:१६; १ समुएल १०:२१
21“तर आपन्सिक पुर्खास्या रजाक माङ् करल्को। ओहेस पर्मेसोरले ओकर्सिक लागि बिन्यामिन कुलक किसक बेटा साउलका रजा बनाइल्को। ओइले चालिस बरिस तलिक सासन करल्को।#१ समुएल ८:५; १ समुएल १०:२१ 22पछास पर्मेसोरले ओक्रा हटाइक दाउदका रजा बनाइल्को। ओक्र बारेम पर्मेसोरले एनामे गबाहि देल छो, ‘यिसैक बेटा दाउद, हम्र मनले चाहिल अन्सारक मानुक स्यो। ओइले हम्र सभे इच्छाका पुरा कर्तो।’#१ समुएल १३:१४; १ समुएल १६:१२; भजन ८९:२० 23ओक्रे कुलस पर्मेसोरले आप्न बाचा कर्ल बमोजिम इस्राएलिसिक लागि मुक्ति देल्हार येसुका पठाइल्को। 24येसुले आप्न सेबाकाइ सुरु करस अगा बप्तिस्मा देल्हार युहन्नाले इस्राएलक सभे मानुकसिका आप्न पापक पस्चताप करिक बप्तिस्मा ले कहिक पर्चार करल्को।#मर्कुस १:४; लुका ३:३ 25युहन्नाले आप्न सेबाकाइ ओराब लग्त खुमा एनामे कहल छलो, ‘तोर्स्या हम जे स्यो कहिक सोच्ति स्या उ हम नाइ स्यो। तर हम्रस पछा एक जना आब्ति छो, जक्र जुत्ताक टुना खुजाल्लाहार लायकक हम नाइ स्यो।’#युहन्ना १:२०; मत्ति ३:११; मर्कुस १:७; लुका ३:१६; युहन्ना १:२७
26“ए दाजुभाइ दिदि-बहिन, अब्राहामक सन्तान आ पर्मेसोरक डर मान्लाहार दस्रो जातक मानुकसब, पर्मेसोरले यि मुक्तिक खबर आपन्सिएक लागि पठाइल स्यो। 27तर यरुसलेमक मानुकस्या आ ओकर्सिक अगुवास्या येसुका चिन नाइ सकल्को। बरु ओकर्स्या येसुका मार लागि आग्या दैक हरेक जिराइलाहार दिनम पह्र्ति आइल अगमबक्तासिक निख्ल बातका पुरा करल्को। 28येसुका मार पर्लाहार कथ्यो कारन नाइ हब्त खुमा पनि ओकर्स्या येसुका मारि पर्तो कहिक पिलातसका बिन्ति करल्को।#मत्ति २७:२२-२३; मर्कुस १५:१३-१४; लुका २३:२१-२३; युहन्ना १९:१५ 29एनामे ओकर्स्या येसुक बारेम धर्मसास्तरम निख्ल सभे बातसब पुरा करि सकल्के त चेलास्या येसुका कुरुसस तर् उतारिक चिर्यारिम राखल्के।#मत्ति २७:५७-६१; मर्कुस १५:४२-४७; लुका २३:५०-५६; युहन्ना १९:३८-४२ 30तर पर्मेसोरले येसुका तेस्रो दिनम फेरि जिउँत करल्को। 31अनि गालिल पर्देसस येसुसङ यरुसलेम आइल मानुकसिक अगाम थुप्रे दिन् तलिक येसु देखा पर्ति रहलो। अखन ओकर्स्याहि इस्राएलक मानुकसिक लागि गबाह स्यो।#पेरेरित १:३ 32-33हमर्स्या तोर्सिका यि खुसिक खबर सुनाब आइल स्यो कि पर्मेसोरले जुन बाचा आपन्सिक पुर्खासिसङ कर्ल छलो, उ बाचा पर्मेसोरले येसुका फेरि जिउँत करिक ओकर्सिक सन्तान, मत्लब आपन्सिक लागि पुरा कर्ल छो। एक्र बारेम भजनक किताप दुइ अध्यायम एनामे निख्ल छो,
‘तुइं हम्र बेटा स्या,
आजुवै हम तोरा जनम देल स्यो।’#भजन २:७
34पर्मेसोरले येसुका कह्याहु मोर नाइ पर्लाहार तरिकास फेरि जिउँत कर्ल बातक बारेम चाहिं एनामे कहल छो,
‘हम दाउदसङ जुन बाचा कर्ल स्यो,
उ पबित्र आ साँच्चेक आसिक तोरा देबो।’#यसैया ५५:३
35एनाहिमे दस्रो भजनम पनि एनामे निख्ल छो,
‘तुइं आप्न पबित्र सेबकक देहका सँर नाइ धिब।’#भजन १६:१०
36यि बात दाउदले आप्ने बारेम कहल नाइ स्यो किरकि उ पर्मेसोरक इच्छा अन्सार काम करिक मोर्लो त ओक्रा लगाइ ओक्रे पुर्खासिक चिर्यारिलग गारि देल्को अनि ओक्र देह सँरिक गेलो। 37तर पर्मेसोरले जक्रा फेरि जिउँत करल्को ओक्र देह चाहिं नाइ सँर्लो। 38-39ओहेस ए दाजुभाइ आ दिदि-बहिनसब, हमर्स्या तोर्सिका यि बात सुनाब आइल स्यो कि ओहे येसुक मार्फत मत्रे तोर्स्या पापक छेमा पाब सक्ब। किरकि येसुका बिस्वास कर्लाहार सभेका पर्मेसोरले ठिक ठहराइतो, जुन मोसाक देल नियमले ठहराब नाइ सकल्को। 40ओहेस तोर्स्या होसियार रह, नत्रे त अगमबक्तास्या कहल यि बात तोर्सिक उप्रिम पर्तो,
41‘ए निन्दा कर्लाहारसब, देखिक छक पर आ नास हबि जो,
किरकि तोर्सिक समैम हम एगो एहेन काम कर्बो,
उ कामक बारेम तोर्सिका कुन्हुँले कहतो तैयो
तोर्स्या कह्याहु बिस्वास नाइ कर्ब।’”#हबकुक १:५
42जब पावल आ बर्नबास सभाघरस निक्लिक जाइ लग्ले त ओइलगक मानुकस्या आइलाहार जिराइलाहार दिनम पनि यि घट्नाक बारेम हमर्सिका आरो सुनाह्य कहिक बिन्ति करल्के। 43पछास सभाघरम सेबाक काम ओराइले त थुप्रे यहुदि आ यहुदि धर्म मान्लाहार दस्रो जातक मानुकसब पावल आ बर्नबासक पछा लगिक गेले। अनि पावल आ बर्नबासले ओकर्सिका सम्झाइति पर्मेसोरक किर्पाका कह्याहु नाइ बिस्राह्य कहिक ओकर्सिका हौसला देल्के।
44अनि दस्रो जिराइलाहार दिन् लग्भग पुरा सहरेभोरिक मानुकसब पर्मेसोरक बचन सुन लागि उन्टिक एले। 45ओइलग आइल मान्खक भिर देखिक यहुदिस्या एक्दम डाहा करल्के। अनि पावलले बज्ल बातक बिरोध करिक ओक्र अप्मान करल्के। 46तर पावल आ बर्नबासले बिना डेराइक एनामे कहल्के, “पर्मेसोरक बचन त सभेस अगा तोर्सिएका सुनाब पर्लाहार छलो तर तोर्स्या सुन नाइ मान्ल। तोर्स्या आप्नि सब्दिन रहलाहार जिबन पाइलाहार लायकक नाइ स्यो कहिक पर्मान धिल। ओहेस आब् हमर्स्या दस्रो जातक मानुकसिलग जाइ स्यो। 47किरकि प्रभुले हमर्सिका एनाहिमे कर लागि आग्या देल छो,
‘पिर्थिबिक कोन-कोनक मानुकस्या मुक्ति पाउस कहिक
हम तोर्सिका दस्रो जातक मानुकसिका पैरा देखाइलाहार इजोत बनाइल स्यो।’”#यसैया ४२:६; ४९:६
48जब दस्रो जातक मानुकस्या यि बात सुनल्के त ओकर्स्या एक्दम खुसि भइक पर्मेसोरक बचनक पर्संसा करल्के। अनि जतेक जनाका पर्मेसोरले सब्दिन रहलाहार जिबनक लागि अगाहि चुन्ल छले, ओकर्स्या येसु खिरिस्टम बिस्वास करल्के।
49एनामे पर्मेसोरक बचन ओइ पर्देसक सभे ठावम फैलले। 50तर यहुदि अगुवास्या पर्मेसोरक भक्ति कर्लाहार ना चल्ल जनि आ ओइ सहरक नेतासिका पावल आ बर्नबासक बिरोधम उक्साइक ओकर्सिका आप्न इलाकास बाहार निकालि देल्के। 51ओहेस पावल आ बर्नबासले आप्न टाङम लग्ल धुराका ओकर्सिक बिरोधम झारिक आइकोनियन सहर गेले।#मत्ति १०:४१; मर्कुस ६:११; लुका ९:५; १०:११ 52अनि चेलासब चाहिं पबित्र आत्मास भोरिक एक्दम आनन्दित भेले।
Currently Selected:
पेरेरित 13: DANU
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
पेरेरित 13
13
बर्नबास आ साउलका पठाइल
1एन्टिओखिया सहरक मन्डलिम अगमबक्ता आ सिछ्या देल्हार मानुकसब थुप्रे छले। ओकर्स्या बर्नबास, काले कहलाहार सिमियोन, कुरेनिक लुकियस अनि पर्देसक सासक हेरोदसङि हुर्कल मनेन आ साउल छले। 2एक दिन् ओकर्स्या उपबास रहिक प्रभुक भक्ति कर्ति छले त ओहे जुमा पबित्र आत्माले ओकर्सिका एनामे कहल्के, “हम बर्नबास आ साउलका जुन कामक लागि बलाइल स्यो, ओहे कामक लागि ओकर्सिका बेग्रे कर्।” 3ओहेस ओकर्स्या फेरि उपबास रहले आ पर्थना करिक उ दुइ जनाक उप्रिम हाथ राखल्के अनि ओकर्सिका पठाइ देल्के।
बर्नबास आ साउल साइपरस गेल
4तब ओकर्स्या पबित्र आत्माले अगुवाइ कर्ल अन्सार एन्टिओखिया सहरस सिलुकिया सहर गेले। अनि ओइलगस पानि जाहाजम चर्हिक साइपरस टापु गेले। 5जब ओकर्स्या साइपरस टापुक सलामिस कहलाहार सहर पुग्ले त यहुदिसिक सभाघरम जाइक पर्मेसोरक बचन पर्चार कर लग्ले। ओइलग ओकर्सिका सहयोग कर लागि युहन्ना पनि ओकर्सिसङ छले।
6जब ओकर्स्या साइपरस टापुक सभे ठावम पर्चार करि सकल्के त पाफोस सहर गेले। ओइलग ओकर्स्या एक जना यहुदि झुठा अगमबक्ता बार-येसु कहलाहार जादो देखाइलाहारका भेटाइल्के। 7उ जादो देखाइलाहार मानुक साइपरस टापुक बर्कि हाकिम सर्गियस पौलुसक घरम रहत छले। सर्गियस पौलुस बुद्धिमान छले। ओहेस ओइले बर्नबास आ साउलका बलाइक पर्मेसोरक बचन सुन्लाहार इच्छा करल्के। 8तर उ जादो देखाइलाहार एलुमासले (गिरिक भसाम एलुमासक अर्थ जादो देखाइलाह स्यो) सर्गियस पौलुसका येसुम बिस्वास करस रोक लागि बर्नबास आ साउलक बिरोध करल्के। 9तर साउलले (जक्रा पावल पनि कहछे) पबित्र आत्मास भोरिक जादो देखाइलाहार मानुकका एक्होरो ताक्ति एनामे कहल्के, 10“ए सैतानक बेटा, अनि सभे अस्लि बातक दुस्मन, तोर मन त छल्कपट आ पापस भोर्ल छो। कथि तुइं प्रभुक सत्ये पैराक बिरोधम बज नाइ छोर्ब? 11आब् देख्, प्रभुक हाथ तोर बिरोधम उठ्ल छो। ओहेस आब् तुइं अन्धा हेब आ कन्हेक समैक लागि सुरुजक इजोत नाइ देख्ब।” ओहे जुमा ओक्र आँखम कारिय धुन लग्ल जक्या भेले अनि ओइले कथ्यो देख नाइ सकल्के। तब उ कुन्हुँले हाथ पक्रिक साहारा देतो कि कहिक अइभर-ओइभर जाइ लग्ले।
12यि घट्नाका देखिक सर्गियस पौलुसले प्रभु येसुका बिस्वास करल्के किरकि उ प्रभुक बारेम कहल बात सुनिक छक पर्ल छले।
पावलले एन्टिओखिया सहरम पर्चार कर्ल
13तब पावल आ ओक्र सङ्सब पाफोस सहरस पानि जाहाजम चर्हिक पाम्फिलिया पर्देसक पर्गा सहरम पुग्ले। ओइलग मर्कुस कहलाहार युहन्नाले पावल आ बर्नबासका छोरिक यरुसलेम घुमिक गेले। 14तर पावल आ बर्नबास चाहिं पर्गा सहरस पिसिदिया पर्देसक एन्टिओखिया सहर गेले आ जिराइलाहार दिनम सभाघरम जाइक बेठ्ले। 15अनि मोसाले देल नियम आ अगमबक्तास्या निख्ल किताप पह्रि सकल्के त सभाघरक हाकिमले पावल आ बर्नबासलग एना कहिक खबर पठाइल्के, “ए भाइसब, तोर्सिसङ मानुकसिका हौसला देल्हार कथ्यो बात छो त कह।” 16ओहेस पावल उठ्ले आ हाथस इसारा कर्ति एनामे कहल्के, “ए इस्राएलि दाजुभाइ आ पर्मेसोरक डर मान्लाहार मानुकसब, हम्र बात सुन्।
17“इस्राएलि जातक पर्मेसोरले आपन्सिक पुर्खासिका चुनल्को। अनि ओकर्स्या मिस्र देसम पर्देसि भइक रहत खुमा पर्मेसोरले ओकर्सिका थुप्रे बनाइक आप्न सक्तिस मिस्र देसस निकालिक आनल्को।#प्रस्थान १:७; प्रस्थान १२:५१ 18ओकर्स्या उजाड ठावम रहत खुमा चालिस बरिस तलिक पर्मेसोरले ओकर्सिक देख्भाल करल्को।#गन्ति १४:३४; ब्यबस्था १:३१ 19अनि कनान देसक सात जातक मानुकसिका नास करिक पर्मेसोरले उ देसक अधिकार आपन्सिक पुर्खासिका देल्को।#ब्यबस्था ७:१; यहोसु १४:१ 20यि सभे हब लागि चार सइ पचास बरिस लग्ले। ओक्र पछास पर्मेसोरले समुएल अगमबक्ताक समै तलिक ओकर्सिक उप्रिम सासन कर लागि न्यायधिससिका खटाइल्को।#न्यायकर्ता २:१६; १ समुएल १०:२१
21“तर आपन्सिक पुर्खास्या रजाक माङ् करल्को। ओहेस पर्मेसोरले ओकर्सिक लागि बिन्यामिन कुलक किसक बेटा साउलका रजा बनाइल्को। ओइले चालिस बरिस तलिक सासन करल्को।#१ समुएल ८:५; १ समुएल १०:२१ 22पछास पर्मेसोरले ओक्रा हटाइक दाउदका रजा बनाइल्को। ओक्र बारेम पर्मेसोरले एनामे गबाहि देल छो, ‘यिसैक बेटा दाउद, हम्र मनले चाहिल अन्सारक मानुक स्यो। ओइले हम्र सभे इच्छाका पुरा कर्तो।’#१ समुएल १३:१४; १ समुएल १६:१२; भजन ८९:२० 23ओक्रे कुलस पर्मेसोरले आप्न बाचा कर्ल बमोजिम इस्राएलिसिक लागि मुक्ति देल्हार येसुका पठाइल्को। 24येसुले आप्न सेबाकाइ सुरु करस अगा बप्तिस्मा देल्हार युहन्नाले इस्राएलक सभे मानुकसिका आप्न पापक पस्चताप करिक बप्तिस्मा ले कहिक पर्चार करल्को।#मर्कुस १:४; लुका ३:३ 25युहन्नाले आप्न सेबाकाइ ओराब लग्त खुमा एनामे कहल छलो, ‘तोर्स्या हम जे स्यो कहिक सोच्ति स्या उ हम नाइ स्यो। तर हम्रस पछा एक जना आब्ति छो, जक्र जुत्ताक टुना खुजाल्लाहार लायकक हम नाइ स्यो।’#युहन्ना १:२०; मत्ति ३:११; मर्कुस १:७; लुका ३:१६; युहन्ना १:२७
26“ए दाजुभाइ दिदि-बहिन, अब्राहामक सन्तान आ पर्मेसोरक डर मान्लाहार दस्रो जातक मानुकसब, पर्मेसोरले यि मुक्तिक खबर आपन्सिएक लागि पठाइल स्यो। 27तर यरुसलेमक मानुकस्या आ ओकर्सिक अगुवास्या येसुका चिन नाइ सकल्को। बरु ओकर्स्या येसुका मार लागि आग्या दैक हरेक जिराइलाहार दिनम पह्र्ति आइल अगमबक्तासिक निख्ल बातका पुरा करल्को। 28येसुका मार पर्लाहार कथ्यो कारन नाइ हब्त खुमा पनि ओकर्स्या येसुका मारि पर्तो कहिक पिलातसका बिन्ति करल्को।#मत्ति २७:२२-२३; मर्कुस १५:१३-१४; लुका २३:२१-२३; युहन्ना १९:१५ 29एनामे ओकर्स्या येसुक बारेम धर्मसास्तरम निख्ल सभे बातसब पुरा करि सकल्के त चेलास्या येसुका कुरुसस तर् उतारिक चिर्यारिम राखल्के।#मत्ति २७:५७-६१; मर्कुस १५:४२-४७; लुका २३:५०-५६; युहन्ना १९:३८-४२ 30तर पर्मेसोरले येसुका तेस्रो दिनम फेरि जिउँत करल्को। 31अनि गालिल पर्देसस येसुसङ यरुसलेम आइल मानुकसिक अगाम थुप्रे दिन् तलिक येसु देखा पर्ति रहलो। अखन ओकर्स्याहि इस्राएलक मानुकसिक लागि गबाह स्यो।#पेरेरित १:३ 32-33हमर्स्या तोर्सिका यि खुसिक खबर सुनाब आइल स्यो कि पर्मेसोरले जुन बाचा आपन्सिक पुर्खासिसङ कर्ल छलो, उ बाचा पर्मेसोरले येसुका फेरि जिउँत करिक ओकर्सिक सन्तान, मत्लब आपन्सिक लागि पुरा कर्ल छो। एक्र बारेम भजनक किताप दुइ अध्यायम एनामे निख्ल छो,
‘तुइं हम्र बेटा स्या,
आजुवै हम तोरा जनम देल स्यो।’#भजन २:७
34पर्मेसोरले येसुका कह्याहु मोर नाइ पर्लाहार तरिकास फेरि जिउँत कर्ल बातक बारेम चाहिं एनामे कहल छो,
‘हम दाउदसङ जुन बाचा कर्ल स्यो,
उ पबित्र आ साँच्चेक आसिक तोरा देबो।’#यसैया ५५:३
35एनाहिमे दस्रो भजनम पनि एनामे निख्ल छो,
‘तुइं आप्न पबित्र सेबकक देहका सँर नाइ धिब।’#भजन १६:१०
36यि बात दाउदले आप्ने बारेम कहल नाइ स्यो किरकि उ पर्मेसोरक इच्छा अन्सार काम करिक मोर्लो त ओक्रा लगाइ ओक्रे पुर्खासिक चिर्यारिलग गारि देल्को अनि ओक्र देह सँरिक गेलो। 37तर पर्मेसोरले जक्रा फेरि जिउँत करल्को ओक्र देह चाहिं नाइ सँर्लो। 38-39ओहेस ए दाजुभाइ आ दिदि-बहिनसब, हमर्स्या तोर्सिका यि बात सुनाब आइल स्यो कि ओहे येसुक मार्फत मत्रे तोर्स्या पापक छेमा पाब सक्ब। किरकि येसुका बिस्वास कर्लाहार सभेका पर्मेसोरले ठिक ठहराइतो, जुन मोसाक देल नियमले ठहराब नाइ सकल्को। 40ओहेस तोर्स्या होसियार रह, नत्रे त अगमबक्तास्या कहल यि बात तोर्सिक उप्रिम पर्तो,
41‘ए निन्दा कर्लाहारसब, देखिक छक पर आ नास हबि जो,
किरकि तोर्सिक समैम हम एगो एहेन काम कर्बो,
उ कामक बारेम तोर्सिका कुन्हुँले कहतो तैयो
तोर्स्या कह्याहु बिस्वास नाइ कर्ब।’”#हबकुक १:५
42जब पावल आ बर्नबास सभाघरस निक्लिक जाइ लग्ले त ओइलगक मानुकस्या आइलाहार जिराइलाहार दिनम पनि यि घट्नाक बारेम हमर्सिका आरो सुनाह्य कहिक बिन्ति करल्के। 43पछास सभाघरम सेबाक काम ओराइले त थुप्रे यहुदि आ यहुदि धर्म मान्लाहार दस्रो जातक मानुकसब पावल आ बर्नबासक पछा लगिक गेले। अनि पावल आ बर्नबासले ओकर्सिका सम्झाइति पर्मेसोरक किर्पाका कह्याहु नाइ बिस्राह्य कहिक ओकर्सिका हौसला देल्के।
44अनि दस्रो जिराइलाहार दिन् लग्भग पुरा सहरेभोरिक मानुकसब पर्मेसोरक बचन सुन लागि उन्टिक एले। 45ओइलग आइल मान्खक भिर देखिक यहुदिस्या एक्दम डाहा करल्के। अनि पावलले बज्ल बातक बिरोध करिक ओक्र अप्मान करल्के। 46तर पावल आ बर्नबासले बिना डेराइक एनामे कहल्के, “पर्मेसोरक बचन त सभेस अगा तोर्सिएका सुनाब पर्लाहार छलो तर तोर्स्या सुन नाइ मान्ल। तोर्स्या आप्नि सब्दिन रहलाहार जिबन पाइलाहार लायकक नाइ स्यो कहिक पर्मान धिल। ओहेस आब् हमर्स्या दस्रो जातक मानुकसिलग जाइ स्यो। 47किरकि प्रभुले हमर्सिका एनाहिमे कर लागि आग्या देल छो,
‘पिर्थिबिक कोन-कोनक मानुकस्या मुक्ति पाउस कहिक
हम तोर्सिका दस्रो जातक मानुकसिका पैरा देखाइलाहार इजोत बनाइल स्यो।’”#यसैया ४२:६; ४९:६
48जब दस्रो जातक मानुकस्या यि बात सुनल्के त ओकर्स्या एक्दम खुसि भइक पर्मेसोरक बचनक पर्संसा करल्के। अनि जतेक जनाका पर्मेसोरले सब्दिन रहलाहार जिबनक लागि अगाहि चुन्ल छले, ओकर्स्या येसु खिरिस्टम बिस्वास करल्के।
49एनामे पर्मेसोरक बचन ओइ पर्देसक सभे ठावम फैलले। 50तर यहुदि अगुवास्या पर्मेसोरक भक्ति कर्लाहार ना चल्ल जनि आ ओइ सहरक नेतासिका पावल आ बर्नबासक बिरोधम उक्साइक ओकर्सिका आप्न इलाकास बाहार निकालि देल्के। 51ओहेस पावल आ बर्नबासले आप्न टाङम लग्ल धुराका ओकर्सिक बिरोधम झारिक आइकोनियन सहर गेले।#मत्ति १०:४१; मर्कुस ६:११; लुका ९:५; १०:११ 52अनि चेलासब चाहिं पबित्र आत्मास भोरिक एक्दम आनन्दित भेले।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.