२ थेस्लोनिकि 3
3
पर्थनाक लागि बिन्ति कर्ल
1अन्तिमम ए हम्र दाजुभाइ आ दिदि-बहिनसब, हमर्सिक लागि पर्थना करि दे, ताकि प्रभुक बचन झप्सिन सग्रो फैलुस। अनि जेनामे तोर्स्या प्रभुक बचनका आदर कर्ल, ओनाहिमे अरु मानुकस्या पनि आदर करुस। 2अनि पर्मेसोरले हमर्सिका खराब आ अत्याचार कर्लाहार मानुकसिस बचाउस कहिक पनि पर्थना करि दे किरकि सभे जनाले त बिस्वास नाइ कर्छो।
3तर प्रभु त बिस्वासिलो छो, ओहेले तोर्सिका जोर्गर बनाइतो आ पापम फसाइलाहार सैतानस बचाइक राख्तो। 4हमर्स्या जुन बातक तोर्सिका आग्या देल स्यो, उ तोर्स्या कर्ति स्या। अनि कर्ति रहब कहिक हमर्स्या प्रभुम भरोसा राख्ल स्यो।
5प्रभुले तोर्सिक मनका पर्मेसोरक मयाँ बुझ आ खिरिस्ट जक्या सहलाहार सक्ति दिउस।
कोर्ह्या मानुकसिका चेताबनि
6ए हम्र दाजुभाइ आ दिदि-बहिनसब, प्रभु येसु खिरिस्टक नामम हमर्स्या तोर्सिका यि आग्या देस्यो कि जुन बिस्वासिसब हमर्स्या देल सिछ्या अन्सार नाइ चल्छो अनि कोर्ह्या छो ओकर्सिस बेग्रे रह। 7किरकि केनामे हमर्सिक देखा-सिखि कर पर्तो कहिक तोर्सिका अस्लिमे थाहा छो। हमर्स्या तोर्सिसङ रहत खुमा कोर्ह्या भइक नाइ रहल्यो। 8हमर्स्या कक्रोलग बिना ढेवा तिरिक खनाइ नाइ खेल्यो। तर तोर्सिक उप्रिम भार नाइ परुस कहिक हमर्स्या दिन-रात मेहेनत कर्ल्यो। 9तोर्सिलगस सहयोग पाइलाहार हमर्सिक अधिकार छलो, तैयो हमर्स्या हमर्सिक चाल-चलन तोर्सिक लागि एगो उदाहरन बनुस कहिक ओनामे मेहेनत कर्ल्यो। 10हमर्स्या तोर्सिसङ रहति खुमा “कोर्ह्या मानुकस्या खनाइ पनि नाइ खाउस” कहिक कहल छल्यो।
11किरकि हमर्स्या यि सुन्ल स्यो कि तोर्सिभोरि कुन्हुँ-कुन्हुँ मानुकसब कोर्ह्या भइक कामे नाइ कर्छो, उन्टा ओकर्स्या अरु मानुकले कर्ति रहल कामम हाथ घालिक अल्मलाइ देछो अरे। 12ओहोन मानुकसिका हमर्स्या प्रभु येसु खिरिस्टक नामम यि आग्या आ अर्ति देस्यो कि ओकर्स्या खुरु-खुरु आप्न काम करुस आ आप्न जिबन गुजारा करुस।
13तर ए हम्र दाजुभाइ आ दिदि-बहिनसब, अस्लि कामसब कर लागि कह्याहु नाइ लथ्वाह्य। 14तोर्सिभोरि कुन्हुँले हमर्स्या यि चिठिम कहल बातका पालन कर लागि इन्कार कर्तो त उ मानुकका चिन्हिंक राख्ह्य अनि ओक्रसङ सङ्गत पनि नाइ कर्ह्य, ताकि उ लाजम परुस। 15तैयो तोर्स्या ओक्रसङ दुस्मन जक्या बेबहार नाइ कर्ह्य तर आप्ने भाइ-बहिन जक्या ओक्रा सम्झाह्य।
अन्तिम बात
16आब् सान्ति देल्हार प्रभुले आप्नि तोर्सिका जखन पनि सभे बातम सान्ति दिउस। प्रभु तोर्सिसङ रहुस।
17हम पावलले आप्ने हाथस तोर्सिका गोरलाग्ल बात निख्ति स्यो। हम्र निख्ल सभे चिठिका चिन्लाहर चिनह एहे स्यो किरकि हम एनाहिमे निख्स्यो।
18आपन्सिक प्रभु येसु खिरिस्टक किर्पा तोर्सिसङ रहुस।
Currently Selected:
२ थेस्लोनिकि 3: DANU
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
२ थेस्लोनिकि 3
3
पर्थनाक लागि बिन्ति कर्ल
1अन्तिमम ए हम्र दाजुभाइ आ दिदि-बहिनसब, हमर्सिक लागि पर्थना करि दे, ताकि प्रभुक बचन झप्सिन सग्रो फैलुस। अनि जेनामे तोर्स्या प्रभुक बचनका आदर कर्ल, ओनाहिमे अरु मानुकस्या पनि आदर करुस। 2अनि पर्मेसोरले हमर्सिका खराब आ अत्याचार कर्लाहार मानुकसिस बचाउस कहिक पनि पर्थना करि दे किरकि सभे जनाले त बिस्वास नाइ कर्छो।
3तर प्रभु त बिस्वासिलो छो, ओहेले तोर्सिका जोर्गर बनाइतो आ पापम फसाइलाहार सैतानस बचाइक राख्तो। 4हमर्स्या जुन बातक तोर्सिका आग्या देल स्यो, उ तोर्स्या कर्ति स्या। अनि कर्ति रहब कहिक हमर्स्या प्रभुम भरोसा राख्ल स्यो।
5प्रभुले तोर्सिक मनका पर्मेसोरक मयाँ बुझ आ खिरिस्ट जक्या सहलाहार सक्ति दिउस।
कोर्ह्या मानुकसिका चेताबनि
6ए हम्र दाजुभाइ आ दिदि-बहिनसब, प्रभु येसु खिरिस्टक नामम हमर्स्या तोर्सिका यि आग्या देस्यो कि जुन बिस्वासिसब हमर्स्या देल सिछ्या अन्सार नाइ चल्छो अनि कोर्ह्या छो ओकर्सिस बेग्रे रह। 7किरकि केनामे हमर्सिक देखा-सिखि कर पर्तो कहिक तोर्सिका अस्लिमे थाहा छो। हमर्स्या तोर्सिसङ रहत खुमा कोर्ह्या भइक नाइ रहल्यो। 8हमर्स्या कक्रोलग बिना ढेवा तिरिक खनाइ नाइ खेल्यो। तर तोर्सिक उप्रिम भार नाइ परुस कहिक हमर्स्या दिन-रात मेहेनत कर्ल्यो। 9तोर्सिलगस सहयोग पाइलाहार हमर्सिक अधिकार छलो, तैयो हमर्स्या हमर्सिक चाल-चलन तोर्सिक लागि एगो उदाहरन बनुस कहिक ओनामे मेहेनत कर्ल्यो। 10हमर्स्या तोर्सिसङ रहति खुमा “कोर्ह्या मानुकस्या खनाइ पनि नाइ खाउस” कहिक कहल छल्यो।
11किरकि हमर्स्या यि सुन्ल स्यो कि तोर्सिभोरि कुन्हुँ-कुन्हुँ मानुकसब कोर्ह्या भइक कामे नाइ कर्छो, उन्टा ओकर्स्या अरु मानुकले कर्ति रहल कामम हाथ घालिक अल्मलाइ देछो अरे। 12ओहोन मानुकसिका हमर्स्या प्रभु येसु खिरिस्टक नामम यि आग्या आ अर्ति देस्यो कि ओकर्स्या खुरु-खुरु आप्न काम करुस आ आप्न जिबन गुजारा करुस।
13तर ए हम्र दाजुभाइ आ दिदि-बहिनसब, अस्लि कामसब कर लागि कह्याहु नाइ लथ्वाह्य। 14तोर्सिभोरि कुन्हुँले हमर्स्या यि चिठिम कहल बातका पालन कर लागि इन्कार कर्तो त उ मानुकका चिन्हिंक राख्ह्य अनि ओक्रसङ सङ्गत पनि नाइ कर्ह्य, ताकि उ लाजम परुस। 15तैयो तोर्स्या ओक्रसङ दुस्मन जक्या बेबहार नाइ कर्ह्य तर आप्ने भाइ-बहिन जक्या ओक्रा सम्झाह्य।
अन्तिम बात
16आब् सान्ति देल्हार प्रभुले आप्नि तोर्सिका जखन पनि सभे बातम सान्ति दिउस। प्रभु तोर्सिसङ रहुस।
17हम पावलले आप्ने हाथस तोर्सिका गोरलाग्ल बात निख्ति स्यो। हम्र निख्ल सभे चिठिका चिन्लाहर चिनह एहे स्यो किरकि हम एनाहिमे निख्स्यो।
18आपन्सिक प्रभु येसु खिरिस्टक किर्पा तोर्सिसङ रहुस।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.