2 Koronito 4
4
Lonyɨ Orɨndɨ nɨ fèle àma yɨ́ vɨɨ
1Ànɨyɨ̀ Orɨ nɨ fèle àma yɨ́ àzí ndee ngale asíndrɨ̀zà ɨ̀rɨ awo yɨ̀ vɨɨ yɨ̀, àma ꞌduu así ànɨ drìa kʉ ꞌdɨ̀ ɨ. 2Ɨ̀ndɨ̀a ráaka, àma gà eꞌyo tàsìle kʉ zìzà àloo ꞌbá yɨ́ drìnza fèle vɨɨ ɨnɨ sɨ̀, nòsɨ̀kʉ àma oꞌdoo eꞌyo Orɨ awo vɨɨ kʉ. Ráa ɨ̀ndɨa àma eꞌyo ada Orɨ awo vɨɨ ɨmba ndɨtɨrɨ òrì kokò drʉ díká ꞌba drɨ́á ꞌyowa ɨgataa ɨ̀rɨ ꞌdu àma eꞌyo ada be nɨ benì. 3Káꞌdí Eꞌyo ba àmanɨ òlʉ̀le vɨɨ tè ovʉ zìzà drʉ kpé, ɨ̀rɨ zìzà drʉ ꞌba mule drìjàzà alɨa vɨɨ ɨnɨ yɨ́. 4Àꞌɨ́ɨ́ eꞌyo ndee ɨnɨ kʉ àrɨ̀yɨ̀kʉ Sitani nɨ ꞌbàle orɨa iwú ꞌdònoo awo vɨɨ drʉ vɨɨ ase ꞌba ndee ɨnɨ bílé cɨ, ànɨ ɨnɨ ndré dìzà Eꞌyo ba òlʉ̀ le ònyɨ̀ Kristo Orɨ wúrá yɨ̀ vɨɨ awo vɨɨ kʉ benì. 5Àrɨ̀yɨ̀kʉ àma rɨɨ àma ngʉlʉpɨ eꞌyo òlʉ ɨ kʉ, te àma Yesu Kristo nɨ Opɨ nɨ vɨɨ òlʉ ɨ, díká àma àzíꞌbá àmɨ ꞌyowa ka sòle Yesu Kristo eꞌyo yɨ̀ vɨɨ ɨnɨ ɨ. 6Àrɨ̀yɨ̀kʉ Orɨ ndráánɨ́ ꞌyole kɨ́nɨ̀, “Dìzà ɨ̀rɨ dì ɨngajʉ dúmú alɨa” vɨɨ ɨ̀rɨ Orɨ fèe dìzà nɨ awo vɨɨ ɨ̀rɨ dì àma asíá vɨɨ ɨ, àma yɨ́ nìtaa dìzà Orɨ #Iꞌdoza 1:3awo Kristo alɨa vɨɨ nɨ vɨɨ ɨ.
7Te vɨɨ dèè àma bʉ lonyɨ òròdrí be vɨ́ɨvɨɨ ɨnɨ cɨ. Te àma ꞌba àfa ndee tàa mbale drʉ àma ꞌo àma àfa nɨ òmvale òmva vɨ́ɨvɨɨ lé, eꞌyo ndee ɨ̀ce kɨ́nɨ̀, òkpo ꞌdɨ̀vɨɨ ɨnɨ drɨ́á ngajʉ Orɨ bʉ ovʉʉ ngajʉ àma bʉ kʉ. 8Eꞌyo òmɨ̀ àma ɨ̀ga drɨ́á alɨa, te ògaa àma yɨ́ àzí kʉ, àma oꞌdú alóo yɨ̀ àba ra, te àma ꞌyo Orɨ adɨ àma ra vɨ́ɨvɨɨ kʉ, 9ɨ́ àma ɨnza ra, te Orɨ kʉʉ àma kʉ, ɨ́ àma rúá ɨ̀nyɨbele òꞌba ra te Orɨ fèe òkíí àma kʉ. 10Càndɨ rúá àma ꞌyowa vɨɨ nɨ isúlé vɨɨ yɨ̀, àma rúá ɨ suzà Yesu Kristo awo dràtaa ɨ̀rɨ nɨ dràjʉ àma eꞌyo yɨ̀ vɨɨ ama sawà drɨ́á yɨ̀ ɨ̀ndɨ̀, azílé ɨdrɨ Yesu awo vɨɨ ɨ̀rɨ ɨꞌdanɨ àma rúá ɨ̀ndɨ̀ benì. 11Àrɨ̀yɨ̀kʉ ɨdrɨ àma ꞌyowa vɨɨ alɨa drɨ́á, àma eꞌyo ɨ̀wa drʉ dràjʉ Yesu eꞌyo yɨ̀ vɨɨ alɨa, ànɨ ɨdrɨ ɨ̀rɨ awo vɨɨ ɨ̀rɨ ɨꞌda nɨ àma rúá benì 12Ànɨ acete, àma ɨco nga òdra ra te àmɨ ngaa ɨdrɨ nánináni isúu òròdría drʉ ra.
13Eꞌyo sɨ̀zà kɨ́nɨ̀, “Ma nze eꞌyo ꞌdɨ̀vɨɨ manɨ àꞌɨ̀le vɨɨ yɨ̀.” Léti àlʉàlʉ vɨɨ yɨ̀, àma pàbaa eꞌyo ꞌdɨ̀vɨɨ òlʉ̀ʉ àma nɨ àꞌɨ̀le ra vɨɨ yɨ̀, 14àrɨ̀yɨ̀kʉ àma nìra ꞌbarʉʉ Opɨ Yesu nɨ ɨ̀gàle ngajʉ drà alɨa vɨɨ yɨ̀ vɨɨ nɨ ngaa pàbaa àma ɨ̀gàa drà alɨa vɨɨ yɨ̀ Yesu be túàlʉ díká ɨ̀rɨ ngaa àma ɨ̀cee àmɨ be túàlʉ ɨ̀rɨ drìlia. 15Eꞌyo ꞌdɨ̀vɨɨ ɨnɨ drɨ́á òròdrí fèjʉ àmɨ yɨ́, díká asíndrɨ̀zà Orɨ awo vɨɨ nɨ nɨ ɨrerɨa ꞌba òꞌbɨ́ bʉ, ɨ̀rɨ nga ìnzìtaa ꞌbanɨ fèle Orɨ yɨ́ vɨɨ omgboa òtuu benì.
16Ànɨyɨ̀ àma àndèe kʉ. Káꞌdí àma rúá nɨ jiria àndèpàyɨ̀ ra kpé, Orɨndɨ yɨ̀ àma òkpo isúu oꞌdú bʉ yɨ̀. 17Àrɨ̀yɨ̀kʉ eꞌyo ɨ̀wa drʉ were were àma nɨ isúlé sawà vɨɨ yɨ̀ vɨɨ nɨ nga fèe àma yɨ́ ɨdrɨ náni náni ɨnɨ ndèle ra vɨɨ isúu. 18Ànɨ àma ꞌbàa àma así eꞌyo ndrèle mule yɨ̀ vɨɨ drìa kʉ te eꞌyo ndrèle kʉ vɨɨ ɨnɨ drìa. Àrɨ̀yɨ̀kʉ àfa ꞌba nɨ ndrèle ra vɨɨ ɨ nɨ de ra, te àfa ndre le kʉ vɨɨ ɨ ovʉʉ nánináni.
Currently Selected:
2 Koronito 4: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
2 Koronito 4
4
Lonyɨ Orɨndɨ nɨ fèle àma yɨ́ vɨɨ
1Ànɨyɨ̀ Orɨ nɨ fèle àma yɨ́ àzí ndee ngale asíndrɨ̀zà ɨ̀rɨ awo yɨ̀ vɨɨ yɨ̀, àma ꞌduu así ànɨ drìa kʉ ꞌdɨ̀ ɨ. 2Ɨ̀ndɨ̀a ráaka, àma gà eꞌyo tàsìle kʉ zìzà àloo ꞌbá yɨ́ drìnza fèle vɨɨ ɨnɨ sɨ̀, nòsɨ̀kʉ àma oꞌdoo eꞌyo Orɨ awo vɨɨ kʉ. Ráa ɨ̀ndɨa àma eꞌyo ada Orɨ awo vɨɨ ɨmba ndɨtɨrɨ òrì kokò drʉ díká ꞌba drɨ́á ꞌyowa ɨgataa ɨ̀rɨ ꞌdu àma eꞌyo ada be nɨ benì. 3Káꞌdí Eꞌyo ba àmanɨ òlʉ̀le vɨɨ tè ovʉ zìzà drʉ kpé, ɨ̀rɨ zìzà drʉ ꞌba mule drìjàzà alɨa vɨɨ ɨnɨ yɨ́. 4Àꞌɨ́ɨ́ eꞌyo ndee ɨnɨ kʉ àrɨ̀yɨ̀kʉ Sitani nɨ ꞌbàle orɨa iwú ꞌdònoo awo vɨɨ drʉ vɨɨ ase ꞌba ndee ɨnɨ bílé cɨ, ànɨ ɨnɨ ndré dìzà Eꞌyo ba òlʉ̀ le ònyɨ̀ Kristo Orɨ wúrá yɨ̀ vɨɨ awo vɨɨ kʉ benì. 5Àrɨ̀yɨ̀kʉ àma rɨɨ àma ngʉlʉpɨ eꞌyo òlʉ ɨ kʉ, te àma Yesu Kristo nɨ Opɨ nɨ vɨɨ òlʉ ɨ, díká àma àzíꞌbá àmɨ ꞌyowa ka sòle Yesu Kristo eꞌyo yɨ̀ vɨɨ ɨnɨ ɨ. 6Àrɨ̀yɨ̀kʉ Orɨ ndráánɨ́ ꞌyole kɨ́nɨ̀, “Dìzà ɨ̀rɨ dì ɨngajʉ dúmú alɨa” vɨɨ ɨ̀rɨ Orɨ fèe dìzà nɨ awo vɨɨ ɨ̀rɨ dì àma asíá vɨɨ ɨ, àma yɨ́ nìtaa dìzà Orɨ #Iꞌdoza 1:3awo Kristo alɨa vɨɨ nɨ vɨɨ ɨ.
7Te vɨɨ dèè àma bʉ lonyɨ òròdrí be vɨ́ɨvɨɨ ɨnɨ cɨ. Te àma ꞌba àfa ndee tàa mbale drʉ àma ꞌo àma àfa nɨ òmvale òmva vɨ́ɨvɨɨ lé, eꞌyo ndee ɨ̀ce kɨ́nɨ̀, òkpo ꞌdɨ̀vɨɨ ɨnɨ drɨ́á ngajʉ Orɨ bʉ ovʉʉ ngajʉ àma bʉ kʉ. 8Eꞌyo òmɨ̀ àma ɨ̀ga drɨ́á alɨa, te ògaa àma yɨ́ àzí kʉ, àma oꞌdú alóo yɨ̀ àba ra, te àma ꞌyo Orɨ adɨ àma ra vɨ́ɨvɨɨ kʉ, 9ɨ́ àma ɨnza ra, te Orɨ kʉʉ àma kʉ, ɨ́ àma rúá ɨ̀nyɨbele òꞌba ra te Orɨ fèe òkíí àma kʉ. 10Càndɨ rúá àma ꞌyowa vɨɨ nɨ isúlé vɨɨ yɨ̀, àma rúá ɨ suzà Yesu Kristo awo dràtaa ɨ̀rɨ nɨ dràjʉ àma eꞌyo yɨ̀ vɨɨ ama sawà drɨ́á yɨ̀ ɨ̀ndɨ̀, azílé ɨdrɨ Yesu awo vɨɨ ɨ̀rɨ ɨꞌdanɨ àma rúá ɨ̀ndɨ̀ benì. 11Àrɨ̀yɨ̀kʉ ɨdrɨ àma ꞌyowa vɨɨ alɨa drɨ́á, àma eꞌyo ɨ̀wa drʉ dràjʉ Yesu eꞌyo yɨ̀ vɨɨ alɨa, ànɨ ɨdrɨ ɨ̀rɨ awo vɨɨ ɨ̀rɨ ɨꞌda nɨ àma rúá benì 12Ànɨ acete, àma ɨco nga òdra ra te àmɨ ngaa ɨdrɨ nánináni isúu òròdría drʉ ra.
13Eꞌyo sɨ̀zà kɨ́nɨ̀, “Ma nze eꞌyo ꞌdɨ̀vɨɨ manɨ àꞌɨ̀le vɨɨ yɨ̀.” Léti àlʉàlʉ vɨɨ yɨ̀, àma pàbaa eꞌyo ꞌdɨ̀vɨɨ òlʉ̀ʉ àma nɨ àꞌɨ̀le ra vɨɨ yɨ̀, 14àrɨ̀yɨ̀kʉ àma nìra ꞌbarʉʉ Opɨ Yesu nɨ ɨ̀gàle ngajʉ drà alɨa vɨɨ yɨ̀ vɨɨ nɨ ngaa pàbaa àma ɨ̀gàa drà alɨa vɨɨ yɨ̀ Yesu be túàlʉ díká ɨ̀rɨ ngaa àma ɨ̀cee àmɨ be túàlʉ ɨ̀rɨ drìlia. 15Eꞌyo ꞌdɨ̀vɨɨ ɨnɨ drɨ́á òròdrí fèjʉ àmɨ yɨ́, díká asíndrɨ̀zà Orɨ awo vɨɨ nɨ nɨ ɨrerɨa ꞌba òꞌbɨ́ bʉ, ɨ̀rɨ nga ìnzìtaa ꞌbanɨ fèle Orɨ yɨ́ vɨɨ omgboa òtuu benì.
16Ànɨyɨ̀ àma àndèe kʉ. Káꞌdí àma rúá nɨ jiria àndèpàyɨ̀ ra kpé, Orɨndɨ yɨ̀ àma òkpo isúu oꞌdú bʉ yɨ̀. 17Àrɨ̀yɨ̀kʉ eꞌyo ɨ̀wa drʉ were were àma nɨ isúlé sawà vɨɨ yɨ̀ vɨɨ nɨ nga fèe àma yɨ́ ɨdrɨ náni náni ɨnɨ ndèle ra vɨɨ isúu. 18Ànɨ àma ꞌbàa àma así eꞌyo ndrèle mule yɨ̀ vɨɨ drìa kʉ te eꞌyo ndrèle kʉ vɨɨ ɨnɨ drìa. Àrɨ̀yɨ̀kʉ àfa ꞌba nɨ ndrèle ra vɨɨ ɨ nɨ de ra, te àfa ndre le kʉ vɨɨ ɨ ovʉʉ nánináni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved