2 Koronito 13
13
Bílé lɨzà Paulo nɨ fèle àsìjʉ vɨɨ
1ꞌDɨ̀vɨɨ nɨ nga ovʉʉ cataa ma awo àmɨ bʉ paaleko naa zorè vɨɨ ɨ. Kòꞌbò eꞌyo sɨ̀zà nɨ ꞌyole vɨɨ lé kɨ́nɨ̀, “Eꞌyo lizà ɨ̀rɨ ꞌonɨ vɨɨ dèe eꞌyo soti ꞌba òndrú ɨngajʉ sàdénì ìrì nòsɨ̀kʉ naa ɨnɨ bʉ ꞌba.”#13:1 Azita amviza 19:15. 2Ma lɨ àmɨ bílé ndráánɨ́ cataa ma awo paaleko ìrì vɨɨ alɨa ra. Ma àmvɨɨ díká manɨ ovʉrɨa yʉ ꞌdɨ̀. Manɨ ngarɨa drì kàrɨa, ma ngaa ꞌba ndráánɨ́ ɨ̀zatà ꞌole òkò nòsɨ̀kʉ ɨ̀zatà ꞌole ngà àsúú vɨɨ ɨnɨ trʉ kʉ 3àrɨ̀yɨ̀kʉ àmɨ nɨ lèle nìle Kristo nɨ ɨ̀tàa léti ma bʉ vɨɨ yɨ̀ nɨ̀ vɨɨ eꞌyoa yɨ̀. Ovʉʉ òkpo kodrʉ kʉ ɨ̀rɨ nɨ rɨrɨa àzí ngarɨa àmɨ be kʉ te ɨ̀rɨ òkpo drʉ àmɨ ɨ̀sɨlɨa. 4Káꞌdí ꞌbanɨ ɨ̀rɨ dijʉ òkpoàkò be ra kpé, ɨ ovʉ ace òkpo Orɨ awo vɨɨ yɨ̀. Kòꞌbò vɨɨ lé, àma òkpoàkò be Kristo lé te òkpo Orɨ awo vɨɨ yɨ̀ àma ngaa àzí ngaa ɨ̀rɨ be àmɨ àzà kojʉ.
5Àmɨ andrí àmɨ cenɨ̀cenɨ̀ ndrèjʉ àꞌɨ̀taa àmɨ ꞌyowa vɨɨ ɨ̀rɨ ada nɨ yà vɨɨ ra. Àmɨ òꞌbí àmɨ ngʉlʉpɨ cenɨ̀cenɨ̀. Tàándí drʉ àmɨ ɨco ni ra kristo Yesu nɨ àmɨ be, dèènaa àmɨ aꞌde obetaa ndee ra. 6Ma asíꞌbàzà be kɨ́nɨ̀ àmɨ ngaa nìi ra àma aꞌdee obetaa ndee yɨ̀ kʉ 7Ànɨ àma Orɨ nɨ zii ɨ̀rɨ fè àmɨ ꞌó eꞌyo ònzɨ ꞌojʉ kʉ. Ovʉʉ ɨ̀ꞌdajʉ òꞌbɨ yɨ́ àma ɨ̀gàtɨ obetaa vɨɨ ra vɨɨ kʉ, te àmɨ nɨ ɨcojʉ eꞌyo ada vɨɨ ɨnɨ ꞌojʉ ɨ káꞌdí àma tè ɨꞌdaa òkpo kodrʉ kpé. 8Àrɨ̀yɨ̀kʉ àma ɨcoo eꞌyo ada òga kʉ te ráaka àmá àti àtì. 9Àmá ovʉ àyɨ̀kò yɨ̀ àma tè ndrèe àma òkpo yʉ te àmɨ òkpo drʉ, díká zitaa àma ꞌyowa Orɨ tia àmɨ yɨ́ fèjʉ àmɨ adrɨzà nɨ cajʉ kílílí. 10Asísílé manɨ eꞌyo ꞌdɨ̀vɨɨ ɨnɨ sɨ̀jʉ vɨɨ dèèngà ma caa àmɨ bʉ kʉ vɨɨ ɨ̀rɨ ndrèjʉ kɨ́nɨ̀ ma ngaa eꞌyo òkpo Opɨ nɨ fèle má yɨ́ àmɨ ɨ̀còjʉ vɨɨ àyʉ ònzɨ díká àmɨ ɨ̀sɨle cojʉ kʉ.
Paulo awo azítáá àsìjʉ vɨɨ
11Àsìjʉ, adrímà Kristiani lá àmɨ ovʉ ace ꞌyéè. Àmɨ ꞌbá àva ka sòjʉ kirikiri àꞌɨ̀taa àmɨ ꞌyowa vɨɨ alɨa, díká àmɨ ꞌbá así eꞌyo manɨ ꞌyole vɨɨ drìa, àmɨ ovʉ túàlʉ díká asíánzú yɨ̀. Díká Orɨ alè be àloo asíánzú be vɨɨ nɨ ngaa ovʉʉ àmɨ be benì.
12Àmɨ òꞌdé àmɨ ɨ̀sɨlɨa lètaa Kristo awo vɨɨ ɨ̀cejʉ. 13ꞌBa àlátárá Orɨ awo nòa noo zí àmɨ drɨ́á ɨ̀ndɨ̀.
14Asídrɨ̀zà Opɨ ama ꞌyowa Yesu Kristo awo vɨɨ ɨ, lètaa Orɨ awo vɨɨ be, díká ti ɨ̀cɨtaa Orɨndɨ Àlátárá nɨ vɨɨ ɨ̀rɨ ovʉ àmɨ be drɨ́á.
Currently Selected:
2 Koronito 13: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
2 Koronito 13
13
Bílé lɨzà Paulo nɨ fèle àsìjʉ vɨɨ
1ꞌDɨ̀vɨɨ nɨ nga ovʉʉ cataa ma awo àmɨ bʉ paaleko naa zorè vɨɨ ɨ. Kòꞌbò eꞌyo sɨ̀zà nɨ ꞌyole vɨɨ lé kɨ́nɨ̀, “Eꞌyo lizà ɨ̀rɨ ꞌonɨ vɨɨ dèe eꞌyo soti ꞌba òndrú ɨngajʉ sàdénì ìrì nòsɨ̀kʉ naa ɨnɨ bʉ ꞌba.”#13:1 Azita amviza 19:15. 2Ma lɨ àmɨ bílé ndráánɨ́ cataa ma awo paaleko ìrì vɨɨ alɨa ra. Ma àmvɨɨ díká manɨ ovʉrɨa yʉ ꞌdɨ̀. Manɨ ngarɨa drì kàrɨa, ma ngaa ꞌba ndráánɨ́ ɨ̀zatà ꞌole òkò nòsɨ̀kʉ ɨ̀zatà ꞌole ngà àsúú vɨɨ ɨnɨ trʉ kʉ 3àrɨ̀yɨ̀kʉ àmɨ nɨ lèle nìle Kristo nɨ ɨ̀tàa léti ma bʉ vɨɨ yɨ̀ nɨ̀ vɨɨ eꞌyoa yɨ̀. Ovʉʉ òkpo kodrʉ kʉ ɨ̀rɨ nɨ rɨrɨa àzí ngarɨa àmɨ be kʉ te ɨ̀rɨ òkpo drʉ àmɨ ɨ̀sɨlɨa. 4Káꞌdí ꞌbanɨ ɨ̀rɨ dijʉ òkpoàkò be ra kpé, ɨ ovʉ ace òkpo Orɨ awo vɨɨ yɨ̀. Kòꞌbò vɨɨ lé, àma òkpoàkò be Kristo lé te òkpo Orɨ awo vɨɨ yɨ̀ àma ngaa àzí ngaa ɨ̀rɨ be àmɨ àzà kojʉ.
5Àmɨ andrí àmɨ cenɨ̀cenɨ̀ ndrèjʉ àꞌɨ̀taa àmɨ ꞌyowa vɨɨ ɨ̀rɨ ada nɨ yà vɨɨ ra. Àmɨ òꞌbí àmɨ ngʉlʉpɨ cenɨ̀cenɨ̀. Tàándí drʉ àmɨ ɨco ni ra kristo Yesu nɨ àmɨ be, dèènaa àmɨ aꞌde obetaa ndee ra. 6Ma asíꞌbàzà be kɨ́nɨ̀ àmɨ ngaa nìi ra àma aꞌdee obetaa ndee yɨ̀ kʉ 7Ànɨ àma Orɨ nɨ zii ɨ̀rɨ fè àmɨ ꞌó eꞌyo ònzɨ ꞌojʉ kʉ. Ovʉʉ ɨ̀ꞌdajʉ òꞌbɨ yɨ́ àma ɨ̀gàtɨ obetaa vɨɨ ra vɨɨ kʉ, te àmɨ nɨ ɨcojʉ eꞌyo ada vɨɨ ɨnɨ ꞌojʉ ɨ káꞌdí àma tè ɨꞌdaa òkpo kodrʉ kpé. 8Àrɨ̀yɨ̀kʉ àma ɨcoo eꞌyo ada òga kʉ te ráaka àmá àti àtì. 9Àmá ovʉ àyɨ̀kò yɨ̀ àma tè ndrèe àma òkpo yʉ te àmɨ òkpo drʉ, díká zitaa àma ꞌyowa Orɨ tia àmɨ yɨ́ fèjʉ àmɨ adrɨzà nɨ cajʉ kílílí. 10Asísílé manɨ eꞌyo ꞌdɨ̀vɨɨ ɨnɨ sɨ̀jʉ vɨɨ dèèngà ma caa àmɨ bʉ kʉ vɨɨ ɨ̀rɨ ndrèjʉ kɨ́nɨ̀ ma ngaa eꞌyo òkpo Opɨ nɨ fèle má yɨ́ àmɨ ɨ̀còjʉ vɨɨ àyʉ ònzɨ díká àmɨ ɨ̀sɨle cojʉ kʉ.
Paulo awo azítáá àsìjʉ vɨɨ
11Àsìjʉ, adrímà Kristiani lá àmɨ ovʉ ace ꞌyéè. Àmɨ ꞌbá àva ka sòjʉ kirikiri àꞌɨ̀taa àmɨ ꞌyowa vɨɨ alɨa, díká àmɨ ꞌbá así eꞌyo manɨ ꞌyole vɨɨ drìa, àmɨ ovʉ túàlʉ díká asíánzú yɨ̀. Díká Orɨ alè be àloo asíánzú be vɨɨ nɨ ngaa ovʉʉ àmɨ be benì.
12Àmɨ òꞌdé àmɨ ɨ̀sɨlɨa lètaa Kristo awo vɨɨ ɨ̀cejʉ. 13ꞌBa àlátárá Orɨ awo nòa noo zí àmɨ drɨ́á ɨ̀ndɨ̀.
14Asídrɨ̀zà Opɨ ama ꞌyowa Yesu Kristo awo vɨɨ ɨ, lètaa Orɨ awo vɨɨ be, díká ti ɨ̀cɨtaa Orɨndɨ Àlátárá nɨ vɨɨ ɨ̀rɨ ovʉ àmɨ be drɨ́á.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved