2 Koronito 1
1
1Ma ɨ, Paulo waragà ꞌdɨ̀vɨɨ sɨ̀le àmɨ yɨ́ vɨɨ, ma kòndè Yesu Kristo awo Orɨ nɨ pèle nɨ̀ àloo lèle nɨ̀ vɨɨ ɨ, díká àdrì àma ꞌyowa Kristiani drʉ Timitayo nɨ pàbaa ma be ɨ̀ndɨ̀.
Ma sɨ̀ waragà ꞌdɨ̀vɨɨ Kristiani àkú ìmgbélé Korinitoa vɨɨ ɨnɨ yɨ́ ꞌba Àlátárá Orɨ awo àkú ìmgbélé Akayia vɨɨ ɨnɨ ɨbe.
2Asíndrɨ̀zà àloo àzà Orɨ Ata àma ꞌyowa díká Opɨ Yesu Kristo ꞌba pale vɨɨ awo vɨɨ ɨnɨ ovʉ́ àmɨ be.
Paulo nɨ àwàꞌdɨ̀fóò fèjʉ Orɨ yɨ́ vɨɨ
3Ìnzìtaa ɨ̀rɨ ovʉ Orɨ bu díká Ata Opɨ Yesu Kristo bʉ. ꞌDɨ̀vɨɨ Ata kɨ̀sà nɨ, así òmɨ̀zà be díká ꞌba àzà kole eꞌyo drɨ́á alɨa vɨɨ ɨ. 4Orɨ àma así òmɨ̀le eꞌyo drɨ́á ɨ̀wa drʉ àma nɨ isúlé vɨɨ alɨa vɨɨ ɨ, azílé àma nɨ ɨcojʉ ꞌba alóo eꞌyo ɨ̀wa alɨa vɨɨ ɨnɨ así òmɨ̀jʉ kòꞌbò àma nɨ así òmɨ̀zà isúlé Orɨ bʉ vɨɨ lé benì. 5Kòꞌbò àcandɨ Kristo nɨ isúlé vɨɨ nɨ nɨ ojale àma rúá vɨɨ lé, pàbaa así òmɨ̀zà Orɨ awo vɨɨ àma ngaa isúu ꞌdɨ̀vɨɨ lé léti Kristo bʉ yɨ̀. 6Ànɨ àma tè ɨnzamatara isúu, ɨ̀rɨ àmɨ yɨ́ así òmɨ̀zà drʉ àloo pataa drʉ ɨdrɨ orɨndɨ nɨ vɨɨ alɨa. ꞌBa té àma así òmɨ̀ɨ ra, ꞌdànaa ɨ̀rɨ àmɨ yɨ́ pàbaa así òmɨ̀zà drʉ, ꞌdɨ̀vɨɨ nɨ ngaa àmɨ yɨ́ así èꞌyere fèe eꞌyo ti tazà be àmɨ nɨ ngajʉ eꞌyo ɨ̀wa kòꞌbò àma nɨ isúlé ꞌdònónoo ɨnɨ ti tajʉ benì. 7Asíꞌbàzà àma ꞌyowa àmɨ drìa vɨɨ sòka kirikiri àrɨ̀yɨ̀kʉ kòꞌbò àmɨ nɨ àcandɨ isúlé àma buti yɨ̀ vɨɨ lé, àmɨ ngaa pàbaa así òmɨ̀zà isúu ra.
8Adrímà Kristiani drʉ vɨɨ ɨnɨ lá, àma lè àmɨ ní eꞌyo càndɨ àmanɨ nyale àngʉ̀ ɨ̀ga Asia nɨ vɨɨ alɨa vɨɨ drìa ra. Àma ndráánɨ́ eꞌyo ɨ̀wa ìmgbélé drʉ tʉ̀ àmanɨ ɨcole tia tale kʉ vɨ́ɨvɨɨ alɨa, anɨ fè àma nze así ɨdrɨ àma ꞌyowa vɨɨ drìa ra. 9Tàandí drʉ àma ɨga àma asíá àma òdrà ace ꞌda ɨ. Eꞌyo ꞌdɨ̀vɨɨ ꞌonɨ fèjʉ nìjʉ àma yɨ́ kɨ́nɨ̀ ɨdrɨ àma ꞌyowa vɨɨ sòo ka àma ngʉlʉpɨ òkpo yɨ̀ kʉ te òkpo Orɨ ꞌba dràzà ɨ̀gàle ɨdrɨ drʉ vɨɨ awo vɨɨ yɨ̀. 10Pa àma eꞌyo ɨ̀wa òrìòrì ꞌdɨ̀vɨɨ alɨa ꞌba, díká ɨ̀rɨ ngaa àma òpaa àsúú. Asíꞌbàzà àma ꞌyowa ɨ̀rɨ drìa kɨ́nɨ̀ ɨ̀rɨ ngaa rɨɨ àma òpaa àsúú, 11vɨɨ dèe àmɨ nɨ jiria izí pàyɨ̀ àma yɨ́. Àcete ꞌba òꞌbɨ́ nɨ ngaa àwàꞌdɨ̀fóò fèe Orɨ yɨ́ ɨ̀rɨ nɨ ngale zitaa ꞌba òꞌbí ꞌyowa vɨɨ òmvɨle asíndrɨ̀zà ꞌbàzà yɨ̀ àma drìa vɨɨ yɨ̀.
Paulo nɨ òtìtaa nɨ awo vɨɨ ojajʉ vɨɨ
12Àma àfʉ́ yɨ̀ ɨgataa àma ꞌyowa vɨɨ alɨa eꞌyo soti àma nɨ ovʉjʉ nyawúá vɨɨ nɨ nɨ ɨ̀cele àma yɨ́ ndɨtɨrɨ drʉ, díká wàꞌdɨ̀ àma ꞌyowa àmɨ be vɨɨ Orɨ ɨ̀cɨ nɨ̀ eꞌyo ada yɨ̀ díká ìgènitaa yɨ̀, ovʉʉ òndʉ̀ʉ̀ ꞌbanɨ yɨ̀ kʉ, te asíndrɨ̀zà Orɨ awo vɨɨ yɨ̀. 13Àrɨ̀yɨ̀kʉ àma sɨ̀ɨ àmɨ yɨ́ eꞌyo àmɨ nɨ ɨcole làle nòsɨ̀kʉ vàle kʉ vɨ́ɨvɨɨ ɨ kʉ. Ma asíꞌbàzà be kɨ́nɨ̀ 14àmɨ và ngà eꞌyo vɨɨ wereá ɨnɨ ɨ, te àmɨ mu vàa kílílí drʉ drɨ́á rá àmɨ nɨ ɨcojʉ àfʉ́ ꞌojʉ àma yɨ̀ kòꞌbò àma nɨ mule àfʉ́ ꞌole àmɨ yɨ̀ oꞌdú Opɨ Yesu nɨ cajʉ vɨɨ yɨ̀ vɨɨ lé.
15Manɨ nìle àmɨ và eꞌyo ra àloo manɨ tràle àmɨ yɨ̀ ra vɨɨ yɨ̀, ma pè cajʉ àmɨ bʉ òkò azílé àmɨ isú asíndrɨ̀zà paaleko ìrì benì. 16Ma otʉ ma lèjʉ àmɨ andríjʉ́ manɨ muria Makidonia àloo manɨ drì kàrɨa ɨngajʉ Makidonia vɨɨ yɨ̀, azílé àmɨ nɨ drìleba isújʉ́ drìfujʉ ma be paaleko ìrì benì díká àmɨ nɨ ma àzà kojʉ àfa ma awo àcì nɨ mujʉ Yudea vɨɨ ɨnɨ yɨ̀ benì. 17Manɨ eꞌyo manɨ òtìle òkò vɨɨ ojajʉ vɨɨ ovʉʉ eꞌyo ko drʉ kʉ, àrɨ̀yɨ̀kʉ ma rɨɨ òtìtaa ma awo vɨɨ ɨnɨ òti léti nyawú nɨ vɨɨ yɨ̀ eꞌyo ojajʉ nòa nàa nòo nàa vɨɨ lé kʉ.
18Te Orɨ nɨ ovʉle àꞌɨ̀taa be vɨ́nɨ, oꞌdúkó àma ꞌyowa vɨɨ ovʉʉ ꞌyojʉ “Èè” díká “Yʉ” vɨɨ ɨ kʉ te Orɨ ɨ sawà drɨ́á yɨ̀ eꞌyo ɨ̀rɨ nɨ ꞌyole vɨɨ ɨnɨ ꞌo ra. 19Ma pè eꞌyo ꞌduzà Yesu Kristo Orɨ mvápia awo vɨɨ ɨ. Àrɨ̀yɨ̀kʉ àma nɨ eꞌyo òlʉ̀rɨa Sila ɨbe díká Timitayo ɨbe Yesu Kristo drìa, àma ꞌyo àmɨ yɨ́ kɨ́nɨ̀ Yesu ovʉʉ ꞌbarʉʉ eꞌyo ojale oja nɨ kʉ. 20Àrɨ̀yɨ̀kʉ eꞌyo Orɨ nɨ òyòa sòle vɨɨ ɨnɨ drɨ́á eꞌyo ànɨ ꞌoꞌba ra Kristo alɨa vɨɨ ɨnɨ ɨ. Ànɨ létikoro ɨ̀rɨ bʉ vɨɨ yɨ̀ àma ꞌyo “Amena” dìzà fèjʉ Orɨ yɨ́. 21Tèvɨ́nɨ ɨ̀rɨ Orɨ ɨ fèjʉ àma yɨ́ àmɨ be ka sòjʉ kirikiri Kristo alɨa. Orɨ tì gí àma drìa ꞌba, 22ꞌbà àma drìa àfa àloo ovʉjʉ ꞌba nɨ awo drʉ ꞌba díká òfɨ Orɨndɨ Àlátárá ní awo vɨɨ àma asíá eꞌyo cɨ kole mule cale vɨɨ drìa tèjʉ ngónde.
23Ma Orɨ nɨ àꞌíi ovʉjʉ ma awo sàdénì drʉ ꞌyojʉ ɨ̀rɨ ꞌyéè manɨ drìkàjʉ Korinitoa kʉ azílé àmɨ así yɨ́ càndɨ fèjʉ àsúú kʉ benì. 24Àma ꞌyo àmɨ yɨ́ eꞌyo lè àmɨ àꞌɨ́ vɨɨ ɨnɨ ɨ kʉ, àma àzí ngaa àmɨ be túàlʉ azílé àmɨ isú àyɨ̀kò benì àrɨ̀yɨ̀kʉ àmɨ ngaa ka sòo kirikiri àꞌɨ̀taa àmɨ ꞌyowa vɨɨ yɨ̀.
Currently Selected:
2 Koronito 1: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
2 Koronito 1
1
1Ma ɨ, Paulo waragà ꞌdɨ̀vɨɨ sɨ̀le àmɨ yɨ́ vɨɨ, ma kòndè Yesu Kristo awo Orɨ nɨ pèle nɨ̀ àloo lèle nɨ̀ vɨɨ ɨ, díká àdrì àma ꞌyowa Kristiani drʉ Timitayo nɨ pàbaa ma be ɨ̀ndɨ̀.
Ma sɨ̀ waragà ꞌdɨ̀vɨɨ Kristiani àkú ìmgbélé Korinitoa vɨɨ ɨnɨ yɨ́ ꞌba Àlátárá Orɨ awo àkú ìmgbélé Akayia vɨɨ ɨnɨ ɨbe.
2Asíndrɨ̀zà àloo àzà Orɨ Ata àma ꞌyowa díká Opɨ Yesu Kristo ꞌba pale vɨɨ awo vɨɨ ɨnɨ ovʉ́ àmɨ be.
Paulo nɨ àwàꞌdɨ̀fóò fèjʉ Orɨ yɨ́ vɨɨ
3Ìnzìtaa ɨ̀rɨ ovʉ Orɨ bu díká Ata Opɨ Yesu Kristo bʉ. ꞌDɨ̀vɨɨ Ata kɨ̀sà nɨ, así òmɨ̀zà be díká ꞌba àzà kole eꞌyo drɨ́á alɨa vɨɨ ɨ. 4Orɨ àma así òmɨ̀le eꞌyo drɨ́á ɨ̀wa drʉ àma nɨ isúlé vɨɨ alɨa vɨɨ ɨ, azílé àma nɨ ɨcojʉ ꞌba alóo eꞌyo ɨ̀wa alɨa vɨɨ ɨnɨ así òmɨ̀jʉ kòꞌbò àma nɨ así òmɨ̀zà isúlé Orɨ bʉ vɨɨ lé benì. 5Kòꞌbò àcandɨ Kristo nɨ isúlé vɨɨ nɨ nɨ ojale àma rúá vɨɨ lé, pàbaa así òmɨ̀zà Orɨ awo vɨɨ àma ngaa isúu ꞌdɨ̀vɨɨ lé léti Kristo bʉ yɨ̀. 6Ànɨ àma tè ɨnzamatara isúu, ɨ̀rɨ àmɨ yɨ́ así òmɨ̀zà drʉ àloo pataa drʉ ɨdrɨ orɨndɨ nɨ vɨɨ alɨa. ꞌBa té àma así òmɨ̀ɨ ra, ꞌdànaa ɨ̀rɨ àmɨ yɨ́ pàbaa así òmɨ̀zà drʉ, ꞌdɨ̀vɨɨ nɨ ngaa àmɨ yɨ́ así èꞌyere fèe eꞌyo ti tazà be àmɨ nɨ ngajʉ eꞌyo ɨ̀wa kòꞌbò àma nɨ isúlé ꞌdònónoo ɨnɨ ti tajʉ benì. 7Asíꞌbàzà àma ꞌyowa àmɨ drìa vɨɨ sòka kirikiri àrɨ̀yɨ̀kʉ kòꞌbò àmɨ nɨ àcandɨ isúlé àma buti yɨ̀ vɨɨ lé, àmɨ ngaa pàbaa así òmɨ̀zà isúu ra.
8Adrímà Kristiani drʉ vɨɨ ɨnɨ lá, àma lè àmɨ ní eꞌyo càndɨ àmanɨ nyale àngʉ̀ ɨ̀ga Asia nɨ vɨɨ alɨa vɨɨ drìa ra. Àma ndráánɨ́ eꞌyo ɨ̀wa ìmgbélé drʉ tʉ̀ àmanɨ ɨcole tia tale kʉ vɨ́ɨvɨɨ alɨa, anɨ fè àma nze así ɨdrɨ àma ꞌyowa vɨɨ drìa ra. 9Tàandí drʉ àma ɨga àma asíá àma òdrà ace ꞌda ɨ. Eꞌyo ꞌdɨ̀vɨɨ ꞌonɨ fèjʉ nìjʉ àma yɨ́ kɨ́nɨ̀ ɨdrɨ àma ꞌyowa vɨɨ sòo ka àma ngʉlʉpɨ òkpo yɨ̀ kʉ te òkpo Orɨ ꞌba dràzà ɨ̀gàle ɨdrɨ drʉ vɨɨ awo vɨɨ yɨ̀. 10Pa àma eꞌyo ɨ̀wa òrìòrì ꞌdɨ̀vɨɨ alɨa ꞌba, díká ɨ̀rɨ ngaa àma òpaa àsúú. Asíꞌbàzà àma ꞌyowa ɨ̀rɨ drìa kɨ́nɨ̀ ɨ̀rɨ ngaa rɨɨ àma òpaa àsúú, 11vɨɨ dèe àmɨ nɨ jiria izí pàyɨ̀ àma yɨ́. Àcete ꞌba òꞌbɨ́ nɨ ngaa àwàꞌdɨ̀fóò fèe Orɨ yɨ́ ɨ̀rɨ nɨ ngale zitaa ꞌba òꞌbí ꞌyowa vɨɨ òmvɨle asíndrɨ̀zà ꞌbàzà yɨ̀ àma drìa vɨɨ yɨ̀.
Paulo nɨ òtìtaa nɨ awo vɨɨ ojajʉ vɨɨ
12Àma àfʉ́ yɨ̀ ɨgataa àma ꞌyowa vɨɨ alɨa eꞌyo soti àma nɨ ovʉjʉ nyawúá vɨɨ nɨ nɨ ɨ̀cele àma yɨ́ ndɨtɨrɨ drʉ, díká wàꞌdɨ̀ àma ꞌyowa àmɨ be vɨɨ Orɨ ɨ̀cɨ nɨ̀ eꞌyo ada yɨ̀ díká ìgènitaa yɨ̀, ovʉʉ òndʉ̀ʉ̀ ꞌbanɨ yɨ̀ kʉ, te asíndrɨ̀zà Orɨ awo vɨɨ yɨ̀. 13Àrɨ̀yɨ̀kʉ àma sɨ̀ɨ àmɨ yɨ́ eꞌyo àmɨ nɨ ɨcole làle nòsɨ̀kʉ vàle kʉ vɨ́ɨvɨɨ ɨ kʉ. Ma asíꞌbàzà be kɨ́nɨ̀ 14àmɨ và ngà eꞌyo vɨɨ wereá ɨnɨ ɨ, te àmɨ mu vàa kílílí drʉ drɨ́á rá àmɨ nɨ ɨcojʉ àfʉ́ ꞌojʉ àma yɨ̀ kòꞌbò àma nɨ mule àfʉ́ ꞌole àmɨ yɨ̀ oꞌdú Opɨ Yesu nɨ cajʉ vɨɨ yɨ̀ vɨɨ lé.
15Manɨ nìle àmɨ và eꞌyo ra àloo manɨ tràle àmɨ yɨ̀ ra vɨɨ yɨ̀, ma pè cajʉ àmɨ bʉ òkò azílé àmɨ isú asíndrɨ̀zà paaleko ìrì benì. 16Ma otʉ ma lèjʉ àmɨ andríjʉ́ manɨ muria Makidonia àloo manɨ drì kàrɨa ɨngajʉ Makidonia vɨɨ yɨ̀, azílé àmɨ nɨ drìleba isújʉ́ drìfujʉ ma be paaleko ìrì benì díká àmɨ nɨ ma àzà kojʉ àfa ma awo àcì nɨ mujʉ Yudea vɨɨ ɨnɨ yɨ̀ benì. 17Manɨ eꞌyo manɨ òtìle òkò vɨɨ ojajʉ vɨɨ ovʉʉ eꞌyo ko drʉ kʉ, àrɨ̀yɨ̀kʉ ma rɨɨ òtìtaa ma awo vɨɨ ɨnɨ òti léti nyawú nɨ vɨɨ yɨ̀ eꞌyo ojajʉ nòa nàa nòo nàa vɨɨ lé kʉ.
18Te Orɨ nɨ ovʉle àꞌɨ̀taa be vɨ́nɨ, oꞌdúkó àma ꞌyowa vɨɨ ovʉʉ ꞌyojʉ “Èè” díká “Yʉ” vɨɨ ɨ kʉ te Orɨ ɨ sawà drɨ́á yɨ̀ eꞌyo ɨ̀rɨ nɨ ꞌyole vɨɨ ɨnɨ ꞌo ra. 19Ma pè eꞌyo ꞌduzà Yesu Kristo Orɨ mvápia awo vɨɨ ɨ. Àrɨ̀yɨ̀kʉ àma nɨ eꞌyo òlʉ̀rɨa Sila ɨbe díká Timitayo ɨbe Yesu Kristo drìa, àma ꞌyo àmɨ yɨ́ kɨ́nɨ̀ Yesu ovʉʉ ꞌbarʉʉ eꞌyo ojale oja nɨ kʉ. 20Àrɨ̀yɨ̀kʉ eꞌyo Orɨ nɨ òyòa sòle vɨɨ ɨnɨ drɨ́á eꞌyo ànɨ ꞌoꞌba ra Kristo alɨa vɨɨ ɨnɨ ɨ. Ànɨ létikoro ɨ̀rɨ bʉ vɨɨ yɨ̀ àma ꞌyo “Amena” dìzà fèjʉ Orɨ yɨ́. 21Tèvɨ́nɨ ɨ̀rɨ Orɨ ɨ fèjʉ àma yɨ́ àmɨ be ka sòjʉ kirikiri Kristo alɨa. Orɨ tì gí àma drìa ꞌba, 22ꞌbà àma drìa àfa àloo ovʉjʉ ꞌba nɨ awo drʉ ꞌba díká òfɨ Orɨndɨ Àlátárá ní awo vɨɨ àma asíá eꞌyo cɨ kole mule cale vɨɨ drìa tèjʉ ngónde.
23Ma Orɨ nɨ àꞌíi ovʉjʉ ma awo sàdénì drʉ ꞌyojʉ ɨ̀rɨ ꞌyéè manɨ drìkàjʉ Korinitoa kʉ azílé àmɨ así yɨ́ càndɨ fèjʉ àsúú kʉ benì. 24Àma ꞌyo àmɨ yɨ́ eꞌyo lè àmɨ àꞌɨ́ vɨɨ ɨnɨ ɨ kʉ, àma àzí ngaa àmɨ be túàlʉ azílé àmɨ isú àyɨ̀kò benì àrɨ̀yɨ̀kʉ àmɨ ngaa ka sòo kirikiri àꞌɨ̀taa àmɨ ꞌyowa vɨɨ yɨ̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved