1 Tesalonika 1
1
Paulo nɨ ꞌba Tesalonikaa vɨɨ ɨnɨ zijʉ cɨcɨ vɨɨ
1Waragà ꞌdɨ̀vɨɨ yɨ̀, ma ɨ Paulo ɨ, Sila#1:1 Omvele Giriki yɨ̀ Silivano drʉ vɨɨ ɨ. ɨ díká Timitayo ɨ, àma zi àmɨ cɨcɨ.
Àma sɨ̀ waragà vɨɨ Kristiani àkú ìmgbélé Tesalonikaa eꞌyo Orɨ Ata àma ꞌyowa díká Opɨ Yesu Kristo awo vɨɨ àꞌɨ̀ꞌba ra vɨɨ ɨnɨ yɨ́.
Asíndrɨ̀zà díká asíánzú Orɨ awo vɨɨ ɨ̀rɨ ovʉ àmɨ be.#1:1 Búkù alóo òkò vɨɨ ɨnɨ alɨa ꞌba sɨ́ kɨ́nɨ̀ asíndrɨ̀zà ngajʉ mɨ bʉ Orɨ Ata àma ꞌyowa vɨɨ bʉ àloo Opɨ Yesu Kristo bʉ.
Àꞌɨ̀taa Kristiani Tesalonikaa vɨɨ ꞌyowa vɨɨ
2Àma rɨ àwàꞌdɨ̀fóò fe Orɨ yɨ́ àmɨ eꞌyo yɨ̀ díká àmá Orɨ nɨ zi àmɨ eꞌyo yɨ̀ sawà drɨ́á izítáá nɨ vɨɨ alɨa. 3Àma nɨ izíríá Orɨ Ata àma ꞌyowa vɨɨ tia àmɨ eꞌyo yɨ̀, àmá rɨ eꞌyo àmɨ nɨ ꞌole àꞌɨ̀taa àmɨ ꞌyowa vɨɨ yɨ̀, àloo alè àmɨ ꞌyowa ꞌbandépi rúá vɨɨ yɨ̀, àloo Orɨ rúá vɨɨ yɨ̀ vɨɨ eꞌyoa ɨ̀ce Orɨ Ata àma ꞌyowa vɨɨ yɨ́ ra. Díká àmá pàbaa eꞌyo ti tazà nɨ fèle àmɨ yɨ́ asíꞌbàzà àmɨ nɨ ꞌbàle Opɨ àma ꞌyowa Yesu Kristo drìa vɨɨ yɨ̀ vɨɨ ɨ̀ce ɨ̀ndɨ̀.
4Àrɨ̀yɨ̀kʉ àma nìra kɨ́nɨ̀, Orɨ lè àmɨ tʉ̀ adrímà Kristiani drʉ vɨɨ ɨnɨ lá, ànɨyɨ̀ òpè àmɨ ovʉjʉ ꞌba nɨ ngʉlʉpɨ awo drʉ ꞌdɨ̀ ɨ. 5Àrɨ̀yɨ̀kʉ eꞌyo ba àma nɨ òlʉ̀le àmɨ yɨ́ ovʉʉ kíríá ti yɨ̀ kʉ te òkpo Orɨndɨ Àlátárá nɨ fèle àmɨ yɨ́ vɨɨ yɨ̀ díká àmɨ nɨ tràle eꞌyo ba àma nɨ òlʉ̀le àmɨ yɨ́ vɨɨ ɨ̀rɨ eꞌyo ada nɨ vɨɨ yɨ̀. Àmɨ nì àma ovʉ ndráánɨ́ àmɨ ɨ̀sɨlɨa àmɨ eꞌyo yɨ̀ ngóni yà vɨɨ ra. 6Àmɨ ꞌdu eꞌyo ꞌozà àma ꞌyowa àloo eꞌyo Opɨ awo vɨɨ ɨ. Káꞌdí àmɨ nɨ càndɨ nyajʉ ònzɨ ònzɨ ra kpé, àmɨ àꞌɨ̀ eꞌyo ba ndee àyɨ̀kò Orɨndɨ Àlátárá nɨ fèle àmɨ yɨ́ vɨɨ yɨ̀ ra. 7Eꞌyo ꞌdɨ̀vɨɨ yɨ̀, àmɨ ca ace ɨ̀cetaa drʉ Kristiani àngʉ̀ Makidonia àloo Akayia vɨɨ ɨnɨ yɨ́. 8Eꞌyo ba Opɨ awo ngajʉ àmɨ bʉ vɨɨ kuu kíríá Makidoni ɨnɨ alɨa Akayi be kʉ, te àꞌɨ̀taa àmɨ nɨ Orɨ nɨ àꞌɨ̀jʉ vɨɨ fè ꞌba ní eꞌyo ba ɨ̀rɨ awo vɨɨ kara drɨ́á alɨa. Ànɨyɨ̀, sìità té àꞌbaa kʉ àma eꞌyó ꞌdɨ̀vɨɨ drìa eꞌyo ꞌyojʉ àmɨ yɨ́, 9àrɨ̀yɨ̀kʉ ɨnɨ drɨ́á rɨ́ eꞌyo òlʉ wúrá àmɨ nɨ àma àꞌíjʉ́ sawà àma nɨ cajʉ àmɨ bʉ vɨɨ yɨ̀ vɨɨ drìa. Díká rɨ́ pàbaa eꞌyo òlʉ eꞌyo àmɨ nɨ orɨa ìnzìzà kʉjʉ ra àmɨ ojajʉ Orɨ ɨdrɨ drʉ vɨɨ ìnzìjʉ ɨ vɨɨ drìa. 10Pàbaa nzé àma yɨ́ eꞌyo léti àmɨ nɨ Orɨ mvápi Yesu Kristo koo lèe muu caa ngajʉ ꞌbùa vɨɨ yɨ̀, ɨ̀gàle ɨngajʉ drà alɨa vɨɨ yɨ̀, àloo àma òpale àdrà Orɨ awo vɨɨ alɨa vɨɨ drìa tèzàa drìa ra.
Currently Selected:
1 Tesalonika 1: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
1 Tesalonika 1
1
Paulo nɨ ꞌba Tesalonikaa vɨɨ ɨnɨ zijʉ cɨcɨ vɨɨ
1Waragà ꞌdɨ̀vɨɨ yɨ̀, ma ɨ Paulo ɨ, Sila#1:1 Omvele Giriki yɨ̀ Silivano drʉ vɨɨ ɨ. ɨ díká Timitayo ɨ, àma zi àmɨ cɨcɨ.
Àma sɨ̀ waragà vɨɨ Kristiani àkú ìmgbélé Tesalonikaa eꞌyo Orɨ Ata àma ꞌyowa díká Opɨ Yesu Kristo awo vɨɨ àꞌɨ̀ꞌba ra vɨɨ ɨnɨ yɨ́.
Asíndrɨ̀zà díká asíánzú Orɨ awo vɨɨ ɨ̀rɨ ovʉ àmɨ be.#1:1 Búkù alóo òkò vɨɨ ɨnɨ alɨa ꞌba sɨ́ kɨ́nɨ̀ asíndrɨ̀zà ngajʉ mɨ bʉ Orɨ Ata àma ꞌyowa vɨɨ bʉ àloo Opɨ Yesu Kristo bʉ.
Àꞌɨ̀taa Kristiani Tesalonikaa vɨɨ ꞌyowa vɨɨ
2Àma rɨ àwàꞌdɨ̀fóò fe Orɨ yɨ́ àmɨ eꞌyo yɨ̀ díká àmá Orɨ nɨ zi àmɨ eꞌyo yɨ̀ sawà drɨ́á izítáá nɨ vɨɨ alɨa. 3Àma nɨ izíríá Orɨ Ata àma ꞌyowa vɨɨ tia àmɨ eꞌyo yɨ̀, àmá rɨ eꞌyo àmɨ nɨ ꞌole àꞌɨ̀taa àmɨ ꞌyowa vɨɨ yɨ̀, àloo alè àmɨ ꞌyowa ꞌbandépi rúá vɨɨ yɨ̀, àloo Orɨ rúá vɨɨ yɨ̀ vɨɨ eꞌyoa ɨ̀ce Orɨ Ata àma ꞌyowa vɨɨ yɨ́ ra. Díká àmá pàbaa eꞌyo ti tazà nɨ fèle àmɨ yɨ́ asíꞌbàzà àmɨ nɨ ꞌbàle Opɨ àma ꞌyowa Yesu Kristo drìa vɨɨ yɨ̀ vɨɨ ɨ̀ce ɨ̀ndɨ̀.
4Àrɨ̀yɨ̀kʉ àma nìra kɨ́nɨ̀, Orɨ lè àmɨ tʉ̀ adrímà Kristiani drʉ vɨɨ ɨnɨ lá, ànɨyɨ̀ òpè àmɨ ovʉjʉ ꞌba nɨ ngʉlʉpɨ awo drʉ ꞌdɨ̀ ɨ. 5Àrɨ̀yɨ̀kʉ eꞌyo ba àma nɨ òlʉ̀le àmɨ yɨ́ ovʉʉ kíríá ti yɨ̀ kʉ te òkpo Orɨndɨ Àlátárá nɨ fèle àmɨ yɨ́ vɨɨ yɨ̀ díká àmɨ nɨ tràle eꞌyo ba àma nɨ òlʉ̀le àmɨ yɨ́ vɨɨ ɨ̀rɨ eꞌyo ada nɨ vɨɨ yɨ̀. Àmɨ nì àma ovʉ ndráánɨ́ àmɨ ɨ̀sɨlɨa àmɨ eꞌyo yɨ̀ ngóni yà vɨɨ ra. 6Àmɨ ꞌdu eꞌyo ꞌozà àma ꞌyowa àloo eꞌyo Opɨ awo vɨɨ ɨ. Káꞌdí àmɨ nɨ càndɨ nyajʉ ònzɨ ònzɨ ra kpé, àmɨ àꞌɨ̀ eꞌyo ba ndee àyɨ̀kò Orɨndɨ Àlátárá nɨ fèle àmɨ yɨ́ vɨɨ yɨ̀ ra. 7Eꞌyo ꞌdɨ̀vɨɨ yɨ̀, àmɨ ca ace ɨ̀cetaa drʉ Kristiani àngʉ̀ Makidonia àloo Akayia vɨɨ ɨnɨ yɨ́. 8Eꞌyo ba Opɨ awo ngajʉ àmɨ bʉ vɨɨ kuu kíríá Makidoni ɨnɨ alɨa Akayi be kʉ, te àꞌɨ̀taa àmɨ nɨ Orɨ nɨ àꞌɨ̀jʉ vɨɨ fè ꞌba ní eꞌyo ba ɨ̀rɨ awo vɨɨ kara drɨ́á alɨa. Ànɨyɨ̀, sìità té àꞌbaa kʉ àma eꞌyó ꞌdɨ̀vɨɨ drìa eꞌyo ꞌyojʉ àmɨ yɨ́, 9àrɨ̀yɨ̀kʉ ɨnɨ drɨ́á rɨ́ eꞌyo òlʉ wúrá àmɨ nɨ àma àꞌíjʉ́ sawà àma nɨ cajʉ àmɨ bʉ vɨɨ yɨ̀ vɨɨ drìa. Díká rɨ́ pàbaa eꞌyo òlʉ eꞌyo àmɨ nɨ orɨa ìnzìzà kʉjʉ ra àmɨ ojajʉ Orɨ ɨdrɨ drʉ vɨɨ ìnzìjʉ ɨ vɨɨ drìa. 10Pàbaa nzé àma yɨ́ eꞌyo léti àmɨ nɨ Orɨ mvápi Yesu Kristo koo lèe muu caa ngajʉ ꞌbùa vɨɨ yɨ̀, ɨ̀gàle ɨngajʉ drà alɨa vɨɨ yɨ̀, àloo àma òpale àdrà Orɨ awo vɨɨ alɨa vɨɨ drìa tèzàa drìa ra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved